Utval: | Kommunestyret |
---|---|
Dato: | 30.04.2020 16:00 - 21:50 |
Møtestad: | Teams/ telefonmøte |
Status: | Vedtak er påført møtet |
Sakskart: | |
Møteprotokoll: |
Møteinnkallinga og saklista vert godkjent.
Minneord om Brigt Olav Gåsdal
Møtet vart innleia med at ordførar Knut Harald Frøland (Bl) las opp minnneord om Brigt Olav Gåsdal (Ap), som gjekk bort 17.04.2020. Etter minneordet var det eitt minutt stillheit. Ordføraren las òg opp minneordet heilt i slutten av møtet, på grunn av at det var problem med direktestreaminga i starten av møtet.
Godkjenning av møteinnkaling og sakliste
Godkjent utan merknader.
Eventuelle merknar til protokoll frå førre møte
Ingen merknader.
Orienteringssaker:
Orientering frå leiar og nestleiar i ungdomsrådet
Leiar Mia Holdhus og nestleiar Ida Skulstad Haugen frå ungdomsrådet orienterte om rolla til ungdomsrådet, og om kva saker ungdomsrådet for tida arbeider med og er mest opptekne av. Dei orienterte vidare om at ungdomsrådet vil koma med framlegg om å få talerett i formannskapet og kommunestyret. Dei vil òg senda ein e-post til medlemmene i kommunestyret med meir informasjon.
Orientering om koronasituasjonen i Samnanger
Rådmann Charlotte Hageberg orienterte om status i Samnanger. Pr. 30.04.2020 har ingen i Samnanger fått påvist smitte av koronaviruset. Rådmannen orienterte om at planen no er å gå gradvis tilbake til normal drift i alle einingane, men at kommunen likevel er førebudd på at det kan koma smitte til Samnanger.
Grunngjevne spørsmål:
Grunngjeve spørsmål frå Øyvind Strømmen (MDG) om det gamle deponiet i Gruvo
Øyvind Strømmen las opp spørsmåla. Etter dette las rådmann Charlotte Hageberg opp notat med svar på spørsmåla. Notatet ligg som vedlegg til møteprotokollen.
Utvalet sitt kvarter:
Ønske om metall- og glaskonteiner og søppeldunk i "Donaldfjøra"
Monica Tjønna (Sp) viste til at det er mykje glasbrot og søppel i "Donaldfjøra" (Gjerde friluftsområde), og spurde om kommunen kan få sett opp ein glass- og metallkonteiner og ein søppeldunk der. Rådmann Charlotte Hageberg svarte at bør vera ei enkel sak å få på plass ein konteiner som ting kan kastast i.
Gang-/sykkelveg og VA i Eikedalen
Monica Tjønna (Sp) spurde om status for arbeidet med gang-/sykkelveg og VA i Eikedalen. Rådmann Charlottte Hageberg svarte at ho må få koma tilbake til svar på dette spørsmålet.
Koronasituasjonen i Samnanger
Anja Elisabeth Gjerde Markhus (Bl) uttrykte bekymring rundt situasjonen. Ho oppmoda om at kommunen sender ut påminning til innbyggjarane om å halda fram med smitteførebyggande åtferd/tiltak. Rådmann Charlotte Hageberg orienterte om planlagt utsending av sms til innbyggjarane med slik påminning.
Spørsmål om bruk av midlar frå arv gitt til Samnangerheimen
Solveig Vassenden (Bl) viste til arvegåva som vart gitt til Samnangerheimen for nokre år sidan, og spurde om kva midlane frå arven som var disponible i 2019 vart brukte til. Rådmann Charlotte Hageberg svarte seinare i møtet - etter å ha rådført seg med einingsleiar - at midlane for 2019 vart brukte til utskifting av ein del gamle senger, oppgradering/utviding av datanettet (slik at det no er internettdekning på heile sjukeheimen) og bygging/tilrettelegging av skjerma avdeling.
Montering av heis eller tilsvarande på kommunehuset
Odd Arne Haga (Frp) viste til vedtak i kommunestyret 05.12.2019 i sak 096/2019, om at administrasjonen i første halvår 2020 skal leggja fram sak om montering av heis eller tilsvarande på kommunehsuet. Han spurde om framdrifta i saka. Rådmann Charlotte Hageberg orienterte om at firmaet som har gjort tilstandsvurdering av ungdomsskulen og kommunehuset, òg har sett på moglegheit for montering av heis eller tilsvarande på kommunehuset. Heissjakta på kommunehuset er ikkje aktuell å bruka, andre løysingar må derfor vurderast og teknisk drift er i gang med å sjå på dette. Sak om dette vil truleg kunne leggjast fram for kommunestyret i juni.
Utgreiing av grense på to kilometer mellom heim og skule for å få innvilga gratis skuleskyss
Odd Arne Haga (Frp) viste til vedtak i kommunestyret 05.12.2019 i sak 095/2019, om moglegheitsstudie der mellom anna innføring av grense på to kilometer mellom heim og skule for å få innvilga gratis skuleskyss, skal utgreiast. Han spurde om framdrifta i denne saka. Rådmann Charlotte Hageberg orienterte om at administrasjonen hadde planlagt å begynna på dette arbeidet i mars, men at arbeidet måtte utsetjast på grunn av svært mykje ekstraarbeid i samband med koronakrisa. Ho orienterte vidare om at administrasjonen ikkje kjem til å rekka å få gjort denne utgreiinga før sommarferien.
Moglegheitsstudie for 1-10 skule m.m.
Odd Arne Haga (Frp) viste til vedtak i kommunestyret 05.12.2019 i sak 095/2019 om moglegheitsstudie, og spurde om framdrifta i denne saka. Rådmann Charlotte Hageberg orienterte om at administrasjonen hadde planlagt å begynna på dette arbeidet i mars, men at arbeidet måtte utsetjast på grunn av svært mykje ekstraarbeid i samband med koronakrisa. Ho orienterte vidare om at administrasjonen ikkje kjem til å rekka å få gjort denne moglegheitsstudien før sommarferien.
Ekstern tilstandsvurdering av ungdommsskulen og kommunehuset
Odd Arne Haga (Frp) viste til vedtak i kommunestyret 05.12.2019 i sak 096/2019, om at det skal gjennomførast ei ekstern tilstandsvurderng av ungdomsskulen og kommunehuset. Han spurde om framdrifta i denne saka. Rådmann Charlotte Hageberg om at rapporten frå den eksterne tilstandsvurderinga er ferdig. Kostnaden med rapporten var ca. 60 000 kroner. Sak om dette vil truleg kunne leggjast fram for kommunestyret i juni.
Behov for opprydding etter hogst/skogrydding langs kraftlinjer
Linda Haug Kollbotn (Frp) viste til hogst/skogrydding langs kraftlinjer i kommunen, som vert gjort av BKK. Ho peika på at dei felte trea berre vert liggjande, og at dette er eit miljøproblem både med omsyn til CO2-utslepp og estetisk. Ho nemnde linjetrasèar ved stiane til Raudvatnet og Åsen som eksempel på område med slik hogst/skogrydding. Ho spurde om kommunen kan stilla krav til BKK om at det vert rydda etter slik hogst/skogrydding. Rådmann Charlotte Hageberg orienterte om at administrasjonen har vore i kontakt med BKK, som har lova å sjå på dette. Rådmannen vil orientera kommunestyret når BKK har svart.
Harald Boge vert ny fast medlem for Arbeiderpartiet i kommunestyret ut kommunestyreperioden 2019-2023
Harald Boge vert 3.varamedlem i formannskapet og i valstyret for grupperinga Arbeiderpartiet, Høgre og Miljøpartiet Dei Grøne ut kommunestyreperioden 2019-2023.
Eva Hellevang vert 2.varamedlem i arbeidsmiljøutvalet for grupperinga Arbeiderpartiet, Høgre og Miljøpartiet Dei Grøne ut kommunestyreperioden 2019-2023.
Vedtaket er heimla i kommuneloven §7-10.
Under handsaminga av saka kom det fram at det var ein feil i framlegget til vedtak i saksframlegget. Det står der at Gunn Totland Moss vert nytt 2. varamedlem i arbeidsmiljøutvalet for grupperinga Arbeiderpartiet, Høgre og Miljøpartiet Dei Grøne ut kommunestyreperioden 2019-2023. Det korrekte framlegget skal vera at Eva Hellevang (H) vert nytt varamedlem for grupperinga Arbeiderpartiet, Høgre og Miljøpartiet Dei Grøne. Med denne endringa vart framlegget samrøystes vedteke.
Kommunestyret i Samnanger stiller seg bak fellesuttalen frå Bjørnafjorden, Samnanger, Kvam, Ullensvang og Kvinnherad.
Ordførar Knut Harald Frøland (Bl) orienterte om at det er ein skrivefeil i teksten i formannskapet sitt vedtak. Samnanger står der to gongar og Kvinnherad står ikkje i det heile. Korrekt tekst i vedtaket til formannskapet skal vera som følgjer: "Formannskapet i Samnanger stiller seg bak fellesuttalen frå Bjørnafjorden, Samnanger, Kvam, Ullensvang og Kvinnherad".
Formannskapet si tilråding vart vedteke med 18 mot 3 røyster:
For | Imot |
Knut Harald Frøland (Bl) | Linda Haug Kollbotn (Frp) |
Lena Tveit (Bl) | Odd Arne Haga (Frp) |
Anja Elisabeth Gjerde Markhus (Bl) | Karl Bård Kollbotn (Frp) |
Knut Loneland Høibraaten (Bl) | |
Martin Haugen (Bl) | |
Ove Totland (Bl) | |
Øyvind Steinsland (Bl) | |
Solveig Vassenden (Bl) | |
Shirin Kvernes Khadoor (Ap) | |
Gunn Østvik Petersen (Ap) | |
Jon Magne Bogevik (Ap) | |
Harald Boge (Ap) | |
Monica Tjønna (Sp) | |
Øyvind Røen (Sp) | |
Gunn Totland Moss (KrF) | |
Arild Røen (H) | |
Øyvind Strømmen (MDG) | |
Oskar Røen (MDG) |
Samnanger kommune vedtek å bli medlem i E134 Haukelivegen AS. Finansiering av aksjekjøp kr. 10.000 og årleg kostnad i 2020, kr. 19.000, skjer ved bruk av disposisjonsfondet. Årleg kostnad vert innarbeidd i budsjettet frå og med 2021.
Innleiingsvis orienterte dagleg leiar Pål Kårbø om E134 Haukelivegen AS. Han svarte òg på spørsmål frå medlemmene i kommunestyret.
Ordførar Knut Harald Frøland (Bl) sett fram følgjande framlegg til vedtak:
"Samnanger kommune vedtek å bli medlem i E134 Haukelivegen AS. Finansiering av aksjekjøp kr. 10.000 og årleg kostnad kr. 19.000 skjer ved bruk av disposisjonsfondet".
Etter ønske frå Øyvind Strømmen (MDG) gjorde Knut Harald Frøland ei justering i vedtaksframlegget sitt. Justeringa var at årleg kostnad skal innarbeidast i budsjettet frå og med neste budsjettår (2021).
Knut Harald Frøland sitt framlegg vart vedteke med 15 mot 6 røyster.
For | Imot |
Knut Harald Frøland (Bl) | Martin Haugen (Bl) |
Anja Elisabeth Gjerde Markhus (Bl) | Lena Tveit (Bl) |
Knut Loneland Høibraaten (Bl) | Shirin Kvernes Khadoor (Ap) |
Ove Totland (Bl) | Gunn Østvik Petersen (Ap) |
Øyvind Steinsland (Bl) | Jon Magne Bogevik (Ap) |
Solveig Vassenden (Bl) | Harald Boge (Ap) |
Linda Haug Kollbotn (Frp) | |
Odd Arne Haga (Frp) | |
Karl Bård Kollbotn (Frp) | |
Monica Tjønna (Sp) | |
Øyvind Røen (Sp) | |
Gunn Totland Moss (KrF) | |
Arild Røen (H) | |
Øyvind Strømmen (MDG) | |
Oskar Røen (MDG) |
Kommunestyret godkjenner årsmelding for kontrollutvalet 2019.
Ordførar Knut Harald Frøland (Bl) orienterte innleiingsvis om at det i saksframlegget står "Rådmannen sitt framlegg til vedtak", men at det skal stå "Kontrollutvalet sitt framlegg til vedtak".
Leiar i kontrollutvalet, Arild Røen (H), orienterte kort om innhaldet i årsmeldinga. Han orienterte òg om eit par feil i årsmeldinga, som vil bli retta opp.
Kontrollutvalet si tilråding vart samrøystes vedteke.
Kommunestyret i Samnanger kommune vel BDO AS som revisor frå 01.07.2020 til 30.06.2024.
Leiar i kontrollutvalet, Arild Røen (H), orienterte om konkurransen som er gjennomført om levering av revisjonstenester til mellom anna Samnanger kommune. Det kom inn tre tilbod i konkurransen (frå Deloitte, KPMG og BDO).
Kontrollutvalet si tilråding vart samrøystes vedteke.
Samnanger kommunestyre gjorde 21.02.2019 følgjande vedtak i sak 10/2019: "Kommunestyret ber om at det vert iverksett ei ekstern gransking av dei tre barnevernssakene i Samnanger kommune som rådmannen har motteke bekymringsmelding om. Det skal i granskinga sjåast på om kommunen si handtering/framgangsmåte i sakene har vore i samsvar med gjeldande reglar, normer og verdiar. Ein skal sjå på prosessane fram mot vedtak/beslutningar og vurdera metodane som er brukte [ ]"
Alle sakene er no ferdig granska, og del 1 og del 2 av rapporten er samla i eit felles dokument. Granskarane har summert opp hovudkonklusjonane i rapporten på denne måten: «Granskingen har avdekket at barneverntjenesten i Samnanger i de granskede sakene på en rekke punkter har opptrådt i strid med både FNs barnekonvensjon, barnevernloven og god forvaltningsskikk.»
Samnanger kommune vil som kommunalt barnevernsstyre svært tydeleg ta sin del av ansvaret for at dette har skjedd. Samnanger kommune vil difor be familiane som er råka, om ei orsaking for den uretten og dei grunnlause skuldingane dei har vore utsette for. Dette vert formidla skriftleg i eit brev til kvart av borna som er omtalte i rapporten.
I kommunestyremøtet 22.08.2019 vedtok Samnanger kommune å gje ei oppreisning på 150.000 kroner til barn S, som er omtala i sak 1 i rapporten, – og sameleis 150.000 kroner til kvart av borna A og S som sak 2 handlar om. Kommunen vedtok i tillegg ei oppreisning på 100.000 kroner til kvar av fedrane i sak 1 og 2.
Kommunen gjev no – på grunnlag av del 2 i rapporten – 150.000 kroner i oppreisning til barn B i sak 1. Sameleis får òg kvart av dei fire borna i sak 3 ei oppreising på 150.000 kroner. Det vert gjeve ei oppreisning på 100.000 kroner til mor i sak 3. Barn N i sak 2 får 300.000 kroner i oppreisning. Finansiering skjer ved bruk av disposisjonsfondet.
Kommunestyret krev at Samnanger sitt barnevern tek omsyn til borna sine ynske om fleire samvær, også i foreldreheimen, og utan tilsyn.
Dei granska barnevernssakene har utanom dei menneskelege påkjenningane ført til store kostnader for Samnanger kommune, til saman 30–40 millionar kroner. Kommunestyret ber om at det til møtet i formannskapet 28. mai 2020 vert lagt fram ei vurdering av om det er grunnlag for Samnanger kommune å krevja erstatningar gjennom eit søksmål mot personar eller instansar som har vore involverte i dei nemnde barnevernssakene. Det vert løyvd inntil 50 000 kroner frå disposisjonsfondet til dette arbeidet.
Granskingsrapporten skal vera offentleg og leggjast ut på Samnanger kommune sine heimesider.
Rådmann Charlotte Hageberg orienterte innleiingsvis om utlegging av granskingsrapporten på internett. Rapporten vart lagt ut på kommunen si heimeside 22.04.2020, som vedlegg i møteinnkallinga til kommunestyremøtet 30.04.2020. Etter råd frå Fylkesmannen i Hordaland valde rådmannen 23.04.2020 å fjerna granskingsrapporten frå kommunen si heimeside.
Geir Kjell Andersland frå Barneadvokatene DA deltok òg under handsaminga av saka. Han orienterte både om rapporten, om spørsmål knytt til offentleggjering/utlegging av granskingsrapporten på internett, samt at han svarte på spørsmål frå medlemmene i kommunestyret.
Øyvind Strømmen (MDG) orienterte om ein "glipp" i anonymiseringa på side 59 i rapporten, der namnet til ein involvert person står. Det var semje i kommunestyret om at dette namnet skal sladdast før rapporten eventuelt vert offentleggjort/publisert på kommunen si heimeside.
Gunn Totland Moss (KrF), Knut Harald Frøland (Bl), Karl Bård Kollbotn (Frp) og Øyvind Røen (Sp) sette fram følgjande framlegg til vedtak:
"Samnanger kommunestyre gjorde 21.02.2019 følgjande vedtak i sak 10/2019: "Kommunestyret ber om at det vert iverksett ei ekstern gransking av dei tre barnevernssakene i Samnanger kommune som rådmannen har motteke bekymringsmelding om. Det skal i granskinga sjåast på om kommunen si handtering/framgangsmåte i sakene har vore i samsvar med gjeldande reglar, normer og verdiar. Ein skal sjå på prosessane fram mot vedtak/beslutningar og vurdera metodane som er brukte [ ]"
Alle sakene er no ferdig granska, og del 1 og del 2 av rapporten er samla i eit felles dokument. Granskarane har summert opp hovudkonklusjonane i rapporten på denne måten: «Granskingen har avdekket at barneverntjenesten i Samnanger i de granskede sakene på en rekke punkter har opptrådt i strid med både FNs barnekonvensjon, barnevernloven og god forvaltningsskikk.»
Samnanger kommune vil som kommunalt barnevernsstyre svært tydeleg ta sin del av ansvaret for at dette har skjedd. Samnanger kommune vil difor be familiane som er råka, om ei orsaking for den uretten og dei grunnlause skuldingane dei har vore utsette for. Dette vert formidla skriftleg i eit brev til kvart av borna som er omtalte i rapporten.
I kommunestyremøtet 22.08.2019 vedtok Samnanger kommune å gje ei oppreisning på 150.000 kroner til barn S, som er omtala i sak 1 i rapporten, – og sameleis 150.000 kroner til kvart av borna A og S som sak 2 handlar om. Kommunen vedtok i tillegg ei oppreisning på 100.000 kroner til kvar av fedrane i sak 1 og 2.
Kommunen gjev no – på grunnlag av del 2 i rapporten – 150.000 kroner i oppreisning til barn B i sak 1. Sameleis får òg kvart av dei fire borna i sak 3 ei oppreising på 150.000 kroner. Det vert gjeve ei oppreisning på 100.000 kroner til mor i sak 3. Barn N i sak 2 får 300.000 kroner i oppreisning. Finansiering skjer ved bruk av disposisjonsfondet.
Kommunestyret krev at Samnanger sitt barnevern tek omsyn til borna sine ynske om fleire samvær, også i foreldreheimen, og utan tilsyn.
Dei granska barnevernssakene har utanom dei menneskelege påkjenningane ført til store kostnader for Samnanger kommune, til saman 30–40 millionar kroner. Kommunestyret ber om at det til møtet i formannskapet 28. mai 2020 vert lagt fram ei vurdering av om det er grunnlag for Samnanger kommune å krevja erstatningar gjennom eit søksmål mot personar eller instansar som har vore involverte i dei nemnde barnevernssakene. Det vert løyvd inntil 50 000 kroner frå disposisjonsfondet til dette arbeidet.
Granskingsrapporten skal vera offentleg og leggjast ut på Samnanger kommune sine heimesider."
Øyvind Strømmen (MDG) sette fram følgjande alternative framlegg til det siste avsnittet i framlegget til Gunn Totland Moss, Knut Harald Frøland, Karl Bård Kollbotn og Øyvind Røen:
"Rapporten vert gjennomgått med tanke på om det er opplysningar i rapporten som bør unntakast offentlegheit, eller som ikkje bør publiserast på nett, av omsyn til personvern og med omsyn kva dei berørte personane - dvs. borna og foreldre - sjølv ynskjer."
Det vart først røysta over rådmannen sitt framlegg til vedtak. Dette framlegget fekk ei røyst (Øyvind Steinsland, Bl).
Det vart så røysta over dei første seks avsnitta i framlegget til Gunn Totland Moss, Knut Harald Frøland, Karl Bård Kollbotn og Øyvind Røen. Samrøystes vedteke.
Det vart så røysta over det sjuande (nest siste) avsnittet i framlegget til Gunn Totland Moss, Knut Harald Frøland, Karl Bård Kollbotn og Øyvind Røen. Dette avsnittet vart vedteke med 12 mot 9 røyster:
For | Imot |
Knut Harald Frøland (Bl) | Martin Haugen (Bl) |
Lena Tveit (Bl) | Øyvind Steinsland (Bl) |
Anja Elisabeth Gjerde Markhus (Bl) | Øyvind Strømmen (MDG) |
Knut Loneland Høibraaten (Bl) | Oskar Røen (MDG) |
Ove Totland (Bl) | Shirin Kvernes Khadoor (Ap) |
Solveig Vassenden (Bl) | Gunn Østvik Petersen (Ap) |
Linda Haug Kollbotn (Frp) | Jon Magne Bogevik (Ap) |
Odd Arne Haga (Frp) | Harald Boge (Ap) |
Karl Bård Kollbotn (Frp) | Arild Røen (H) |
Monica Tjønna (Sp) | |
Øyvind Røen (Sp) | |
Gunn Totland Moss (KrF) |
Det vart til slutt gjennomført røysting der det siste avsnittet i framlegget til Gunn Totland Moss, Knut Harald Frøland, Karl Bård Kollbotn og Øyvind Røen vart sett opp mot framlegget til Øyvind Strømmen (MDG). Framlegget til Gunn Totland Moss, Knut Harald Frøland, Karl Bård Kollbotn og Øyvind Røen fekk 11 røyster og framlegget til Øyvind Strømmen 10 røyster:
For framlegget til Gunn Totland Moss, Knut Harald Frøland, Karl Bård Kollbotn og Øyvind Røen | For framlegget til Øyvind Strømmen |
Knut Harald Frøland (Bl) | Øyvind Strømmen (MDG) |
Lena Tveit (Bl) | Martin Haugen (Bl) |
Anja Elisabeth Gjerde Markhus (Bl) | Øyvind Steinsland (Bl) |
Knut Loneland Høibraaten (Bl) | Ove Totland (Bl) |
Solveig Vassenden (Bl) | Oskar Røen (MDG) |
Linda Haug Kollbotn (Frp) | Shirin Kvernes Khadoor (Ap) |
Odd Arne Haga (Frp) | Gunn Østvik Petersen (Ap) |
Karl Bård Kollbotn (Frp) | Jon Magne Bogevik (Ap) |
Monica Tjønna (Sp) | Harald Boge (Ap) |
Øyvind Røen (Sp) | Arild Røen (H) |
Gunn Totland Moss (KrF) |
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Gunn Østvik Petersen | Arbeidarpartiet | Medlem | gunn.o.petersen@kvamnet.no | |
Jon Magne Bogevik | Arbeidarpartiet | Medlem | jon.magne.bogevik@kvamnet.no | |
Harald Boge | Arbeidarpartiet | Medlem | harald.boge@samnanger.kommune.no | |
Martin Haugen | Bygdalista | Medlem | martin-haugen@hotmail.com | |
Øyvind Steinsland | Bygdalista | Medlem | oyvind.steinsland@orkla.no | |
Solveig Vassenden | Bygdalista | Medlem | sol.vassenden@kvamnet.no | |
Lena Tveit | Bygdalista | Medlem | tveitlena@yahoo.no | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Knut Loneland Høibraaten | Bygdalista | Medlem | knut@hoibraaten.net | |
Ove Totland | Bygdalista | Medlem | ove_totland@hotmail.com | |
Karl Bård Kollbotn | Framstegspartiet | Medlem | karl.kollbotn@samnanger.kommune.no | |
Linda Haug Kollbotn | Framstegspartiet | Medlem | lhk@safa.no | |
Odd Arne Haga | Framstegspartiet | Medlem | odd.arne.haga@outlook.com | |
Arild Røen | Høgre | Medlem | ariroeen@online.no | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com | |
Oskar Røen | Miljøpartiet Dei Grøne | Medlem | oskarroen@gmail.com | |
Monica Tjønna | Senterpartiet | Medlem | monica.tjonna@kvamnet.no |