Utval: | Formannskapet |
---|---|
Dato: | 20.02.2020 15:00 - 20:30 |
Møtestad: | Biblioteket på Bjørkheim |
Status: | Møtet er ferdig protokollert |
Sakskart: | |
Møteprotokoll: |
Møteinnkallinga og saklista vert godkjent.Delegerte vedtak/referatsaker vert tekne til orientering.
Godkjenning av møteinnkalling og sakliste
Ordførar Knut Harald Frøland (Bl) orienterte om at det hadde kome inn ei ekstrasak, sak om tilskot til utbetring av veg til Gulleiksgarden. Ordføraren spurde om det var i orden for formannskapet at denne saka vart sett inn på saklista, som siste sak i møtet. Formannskapet slutta seg til dette.
Det var ingen andre merknader til møteinnkallinga eller saklista.
Merknader til protokollen frå førre møte:
Ingen merknader.
Orienteringssaker:
Einingsleiar samfunnsutvikling, Hilde-Lill Våge, orienterte om kommunen sitt arbeid med næring/næringsutvikling, mellom anna:
Kommunen sitt samarbeid med Samnanger næringsforum
Samling for nyetablerarar på biblioteket på Bjørkheim 10.03.2020
Samling for grunneigarar og utbyggjarar på biblioteket på Bjørkheim 17.03.2020
Arbeid med regional marknadsføring, mellom anna av Rolvsvåg industriområde
Arbeid i samband med mogleg bygging av datasenter i Børdalen
Klima:
Einingsleiar samfunnsutvikling, Hilde-Lill Våge, orienterte om arbeid knytt til klima. Kommunen har sendt inn tre søknader til Klimasats (støtteordning for kommunar og fylkeskommunar). Søknadane gjeld:
Tilskot til ladepunkt til kommunale bilar
Tilskot til nnfartsparkering på Bjørkheim
Tilskot til ekstern hjelp til prosjektering av overgang frå naturleg ventilasjon til meir klimavenlege løysingar
Hilde-Lill Våge orienterte òg om at det vert plastinnsamlingsaksjon i Samnanger laurdag 28.03.2020
Dette er eit samarbeid mellom kommunen, Bergen og Omland Friluftsråd (BOF) og ungdomsklubben.
Arbeid med reguleringsplanar
Einingsleiar samfunnsutviklling, Hilde-Lill Våge, orienterte kort om status for arbeidet med følgjande reguleringsplanar:
Eikedalen
Bjørkheim
Badestrand Bjørkheim
Legging av ny (parallell) vassleidning i Haukanestunnelen
Ordførar Knut Harald Frøland (Bl) orienterte om planane om å leggja ned ei ny (parallell) vassleidning (reserveleidning) i Haukanestunnelen. Kostnaden vil vera om lag 1,5 millionar kroner, og det er løyvd midlar til dette i budsjettet for 2020. Arbeidet er planlagt gjort i samband med arbeid som Statens Vegvesen straks skal starta med i Haukanestunnelen. Den eksisterande vassleidninga i Haukanestunnelen vert lagt ned i 1980, og ordføraren har fått henvendelsar frå innbyggjarar om at den truleg vil vara i mange år enno. Ordføraren spurde om formannskapet ønskjer å ta stilling til om kommunen skal la vera å leggja ny (parallell) vassleidning i Haukanestunnelen no, eller om formannskapet ønskjer at arbeidet skal gjerast slik det er lagt opp til i budsjettet. Formannskapet hadde ein debatt om saka, men det vart ikkje gjennomført røysting.
Førespurnad frå Bergen Vann
Ordførar Knut Harald Frøland (Bl) orienterte om at han har fått ein førespurnad frå det kommunale føretaket Bergen Vann. Dei spør om Samnanger vil vurdera om vass- og avlaupsnettet vårt skal inngå som ein del av den portefølja som Bergen Vann handterer. Ordføraren informerte òg om at administrasjonen i Samnanger ikkje ønskjer å bruka tid på ei slik vurdering. Ordføraren vil melda tilbake til Bergen Vann at Samnanger ikkje vil gjera ei slik vurdering som dei har spurt om.
Organisasjonsinformasjon
Rådmann Charlotte Hageberg orienterte om saker og utviklingstrekk knytt til kommuneadministrasjonen, samt om førebels rekneskapsresultat for 2019. Ho orienterte òg kort om status for kvar av einingane i kommunen, samt om tankar om kommunen sitt arbeid inn i 2020.
Øyvind Røen (Sp) foreslo at verdidebatten som rådmannen etterlyste innleiingsvis i orienteringa si, bør takast opp i eit møte i formannskapet.
Presentasjon ved ABO Plan og Arkitektur
Bjarte Rasmussen og Alejandro Segarra Pardilla frå ABO Plan og Arkitektur presenterte forslag til 1-10 skule, fleirbrukshall og symjehall på Gjerde.
Presentasjon av Toftøy og Blomvåg barnehage
Olaug M. Rong og Gunn-Helen Hole Elvestad presenterte og orienterte om Toftøy og Blomvåg barnehage. Toftøy er ein stor privat barnehage som har vore i drift i fleire år, med ca 130-150 barn og seks avdelingar.
Presentasjon ved Fortunen Arkitektur
Odd Sørhus frå Fortunen Arkitektur presenterte forslag til 1-10 skule, fleirbrukshall og symjehall på Gjerde.
Diskusjon/oppfølging etter presentasjonane
Etter dei tre presentasjonane var det ein debatt i formannskapet, mellom anna om vidare arbeid/prosess, jf. kommunestyret sitt vedtak i sak 095/19 om moglegheitsstudie. Ordførar Knut Harald Frøland (Bl) foreslo at administrasjonen får i bestilling til neste formannskapsmøte å leggja fram eit overslag over kor stort innsparingspotensiale det er i skulane sine driftsutgifter (utan å redusera kvaliteten på tenestene), og kor lang tid som trengs for å realisera innsparingspotensialet. Han foreslo òg å ta med i bestillinga at administrasjonen må vurdera oppfølgande tiltak i lys av dei føringane for prosessen som kommunestyret har vedteke.
Formannskapet slutta seg til Knut Harald Frøland sitt forslag om bestilling til administrasjonen til neste formannskapsmøte. Administrasjonen fekk òg i oppgåve å vurdera å leggja fram framlegg til endring av kommunestyret sitt vedtak i sak 095/19.
Mot slutten av formannskapet sin debatt bad rådmann Charlotte Hageberg om å få gje ei orientering for lukka dører. Møtet vart lukka medan formannskapet drøfta spørsmålet om lukking, men vart opna att før røystinga om lukking av møtet. Formannskapet vedtok samrøystes at orienteringa skulle haldast for lukka dører, med heimel i kommunelova § 11-5, andre ledd. Møtet vart opna att etter rådmannen si orientering.
Utvalet sitt kvarter:
Informasjonssaker i møteinnkallinga
Jon Magne Bogevik (Ap) viste til informasjonssakene vart tekne inn i møteinnkallinga til dette formannskapsmøtet, og peika på at det er positivt at informasjonssaker er med i møteinnkallinga.
Alternativ 2 - FR som i dag, men med følgjande innsparing:
Lokal særavtale for vaktgodtgjersla vert reforhandla i løpet av våren 2020.
Ordførar Knut Harald Frøland (Bl) sette fram følgjande framlegg til vedtak:
"Alternativ 2 - FR som i dag, men med følgjande innsparing:
Lokal særavtale for vaktgodtgjersla vert reforhandla i løpet av våren 2020."
I røystinga vart rådmannen sitt framlegg sett opp mot framlegget til Knut Harald Frøland . Framlegget til Knut Harald Frøland vart samrøystes vedteke.
Det vert med verknad frå mars 2020 starta opp ordning med gratis skulemat (lunsj) to dagar i veka for elevane ved Samnanger ungdomsskule. Ordninga skal evaluerast innan utgangen av inneverande skuleår (2019/2020). Det vert løyvd inntil 80 000 kroner til ordninga i 2020, finansiert av disposisjonsfondet. Frå og med 2021 må midlar til ordninga leggjast inn i ungdomsskulen sitt budsjett, med inntil 100 000 kroner.
Rådmannen sitt framlegg vart samrøystes vedteke.
Samnanger kommune starter snarast opp anbodsprosessen med kommunedelplan for Akvakultur i Samnanger. Planarbeidet vert finansiert med inntil 250.000 frå næringsfondet konto 1400.3251. Planarbeidet bør vera ferdig innan 2020.
Jon Magne Bogevik (Ap) sette fram følgjande framlegg til endring i forhold til rådmannen sitt framlegg:
"Planarbeidet vert finansisert med inntil 250.000 frå disposisjonsfondet".
Jon Magne Bogevik bad om å få inn ein protokolltilførsel om at formannskapet må få utlevert statuttane for næringsfondet.
I røystinga vart rådmannen sitt framlegg sett opp mot Jon Magne Bogevik sitt endringsframlegg. Rådmannen sitt framlegg fekk seks røyster. Jon Magne Bogevik sitt framlegg fekk tre røyster.
For rådmannen sitt framlegg | For Jon Magne Bogevik sitt framlegg |
Lena Tveit (Bl) | Jon Magne Bogevik (Ap) |
Martin Haugen (Bl) | Gunn Totland Moss (Krf) |
Shirin Kvernes Khadoor (Ap) | Knut Harald Frøland (Bl) |
Øyvind Røen (Sp) | |
Odd Arne Haga (Frp) | |
Øyvind Strømmen (MDG) |
Rådmannen får ansvar for å utarbeida framlegg til revidert delegeringsreglement for Samnanger kommune, jf. reglar i § 5-14 i kommunelova. Formannskapet vert styringsgruppe for arbeidet. Framlegget skal leggjast fram til politisk handsaming i formannskapet og kommunestyret innan 31.12.2020.
Rådmannen sitt framlegg vart samrøystes vedteke.
Rådmannen får ansvar for å utarbeida framlegg til forskrift om folkevalde sin rett til å få dekka utgifter og økonomisk tap, arbeidsgodtgjersle, ettergodtgjersle og permisjonar, jf. reglar i kapittel 8 i kommunelova. Framlegget skal leggjast fram til første gongs politisk handsaming i formannskapet sitt mai-møte og kommunestyret sitt juni-møte i 2020.
Rådmannen sitt framlegg vart samrøystes vedteke.
Det vert med verknad frå 01.08.2020 oppretta ei ny fast 100 % stilling som rådgjevar eller eventuelt førstekonsulent i rådmannen sin stab, for tida med arbeidsstad ved økonomikontoret. Det vert gjeve tilleggsløyving på inntil 400 000 kroner frå disposisjonsfondet til finansiering av lønnsutgiftene til stillinga i 2020. Frå og med 2021 må lønnsmidlar til stillinga leggjast inn i det ordinære budsjettet.
Rådmannen har fullmakt til å ta endeleg avgjerd om stillingstittel og bestemma kva arbeidsoppgåver som skal liggja til stillinga
Rådmannen sitt framlegg vart samrøystes vedteke.
Søknad om tilskot frå næringsfondet til veg til Gulleiksgården på 33.375 kroner vert avslått. Bente Getz ønskjer å flytte sin produksjon ut av kommunen. Vi ser difor ikkje at det er grunnlag for eit tilskot frå Samnanger kommune som kan styrkje verksemda sin produksjon og framtidig drift på Gulleiksgården.
Når det gjeld tilskot til veg generelt vert det vist til kommunestyret sitt vedtak 74/19.
Rådmannen sitt framlegg vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Jon Magne Bogevik | Arbeidarpartiet | Medlem | jon.magne.bogevik@kvamnet.no | |
Lena Tveit | Bygdalista | Medlem | tveitlena@yahoo.no | |
Martin Haugen | Bygdalista | Medlem | martin-haugen@hotmail.com | |
Odd Arne Haga | Framstegspartiet | Medlem | odd.arne.haga@outlook.com | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com |