Utval: | Formannskapet |
---|---|
Dato: | 16.04.2020 15:00 - 18:45 |
Møtestad: | Teams/telefonmøte |
Status: | Møtet er ferdig protokollert |
Sakskart: | |
Møteprotokoll: |
Møteinnkallinga og saklista vert godkjent, med følgjande endring: To tilleggssaker vert tekne inn på saklista:
Uttale til Nasjonal transportplan (NTP) 2020-2033
Tiltak koronakrisa
Delegerte vedtak/referatsaker vert tekne til orientering.
Godkjenning av innkalling og sakliste:
Ordførar Knut Harald Frøland (Bl) sette fram framlegg om å ta følgjande to tilleggssaker inn på saklista:
Uttale til Nasjonal transportplan (NTP) 2020-2033
Tiltak koronakrisa
Det vart gjennomført separat røysting for om kvar av desse to sakene skulle takast inn på saklista. Det vart samrøystes vedteke å ta begge sakene inn på saklista. Det vart bestemt at saka om uttale til Nasjonal transportplan skulle handsamast som første sak i møtet, og saka om tiltak koronakrisa som siste sak.
Det var elles ingen merknader til innkallinga eller saklista.
Merknader til protokollen frå førre møte:
Ingen merknader.
Orienteringssaker:
Sak om innmelding i E134 Haukelivegen AS
Ordførar Knut Harald Frøland (Bl) orienterte om at det vil koma opp sak i kommunestyret 30.04.2020 om innmelding av Samnanger kommune i E134 Haukelivegen AS.
Rapport frå gransking av barnevernssaker (rapport nr. 2)
Rådmann Charlotte Hageberg orienterte om at rapporten frå granskinga no er ferdig, og at den vil verta lagt fram for kommunestyret 30.04.2020.
Lovlegkontroll skjenkeløyve Milano Pizzeria Bjørheim
Ordførar Knut Harald Frøland (Bl) orienterte om at Fylkesmannen har gjennomført lovlegkontroll av kommunestyret sitt vedtak om å gje skjenkeløyve til Milano Pizzeria Bjørkhei, og oppheva vedtaket. Sak om dette vil truleg koma opp i kommunestyret 30.04.2020.
Ekstramidlar til vedlikehaldstiltak
Ordførar Knut Harald Frøland (Bl) orienterte om fylkeskommunale midlar til gjennomføring av vedlikehaldstiltak i kommunane i samband med koronakrisa, for å oppretthalda aktivitet i næringslivet i denne perioden. Rådmann Charlotte Hageberg orienterte om at Samnanger har sendt søknad til fylkeskommunen om slike midlar. Ho orienterte òg kva vedlikehaldstiltak kommunen har søkt om midlar til.
Innføring av ACOS Møteportal for folkevalde i Samnanger
Rådgjevar Jan Erik Boge orienterte om at prosjektet med innføring av ACOS Møteportal for folkevalde i Samnanger har blitt litt forseinka, men at avtale med leverandøren no er på plass og at prosjektet vil starta opp så snart leverandøren har kapasitet til dette.
Markering av 8. mai
Øyvind Røen (Sp) viste til informasjon i vedlegg til møteinnkallinga om endra rammer for markeringa av 8. mai i 2020. Det er enno ikkje teke endeleg stilling til eventuell markering av 8. mai 2020 i Samnanger.
Utvalet sitt kvarter:
Statusrapport for einingane i samband med koronakrisa
Martin Haugen (Bl) spurde om rådmannen kunne gje ein statusrapport om situasjonen i einingane. Rådmann Charlotte Hageberg orienterte om at ho ville koma tilbake til dette seinare i møtet, under handsaminga av saka om tiltak koronakrisa.
Status tilsetting av kulturskulerektor
Martin Haugen (Bl) spurde om kva som er status for tilsetting av ny kulturskulerektor. Rådmann Charlotte Hageberg orienterte om status. Det er enno ikkje heilt avklart kven som vert tilsett.
Formannskapet i Samnanger kommune stiller seg bak fellesuttalen frå Bjørnafjorden, Samnanger, Kvam, Ullensvang og Samnanger.
Innleiingsvis orienterte ordførar Knut Harald Frøland om saka. Han last òg opp fellesuttalen som er sendt inn frå Bjørnafjorden, Samnanger, Kvam, Ullensvang og Kvinnherad:
"Fellesuttale frå samarbeidskommunane Bjørnafjorden, Samnanger, Kvam, Ullensvang og Kvinnherad.
Kommunane har til saman 60.000 innbyggarar. Samt eitt variert næringsliv med stor verdiskaping.
Uttale:
Rassikring, god standard på vegane og trafikksikring må ha høg prioritet. Vestland er eitt av dei fylka som har størst behov for opprusting og vedlikehald av vegane. Eksisterande vedlikehaldsetterslep må hentast inn i planperioden. For person- og næringstransport er vi avhengige av at vegane våre held god standard og at dei er trygge.
Samarbeidskommunane vil at ein skal prioritere investeringar som sikrar gul stripe på strekningar som har smal vegbane. Samt utbetring av strekningar som har låg standard, samt høg risiko for ras og ulukker.
E 134 Haukelitunnelane
E 134 er det viktigaste aust-vest sambandet. I aust/vest utgreiinga vart det slått fast at vegsambandet har høgast samfunnsnytte nasjonalt sett. Vidare inkluderer utbygging av sambandet sikring av mange raspunkt i Vestland. Med arm til Bergen så er influensområdet opp mot 3 mill innbyggarar. KVU på arm til Bergen må utgreiast. Det er tverrpolitisk semje nasjonalt og lokalt om tidleg oppstart i inneverande NTP - seinast 2022-2023. Tunnelane på strekninga Seljestad- Liamyrane-Vågsli er ferdig regulert, og må startast opp tidleg i komande NTP. Med dette så vil vintersikkerheten verta mykje betre for både næringstransporten og dei priva treisande, i tillegg til store mengder spart drivstoff, pga over 1000 reduserte høgdemeter, og tilsvarande reduserte utslepp.
E-39
E-39 er svært viktig for samarbeidskommunane som vil ha stort utbytte av nærleik til denne. Kommunane ønskjer ikkje bru over Bjørnafjorden (Hordfast), men ei utgreiing av ferjefri E-39 med indre trase kor ein sikrar gode koplingar til store områder i fylket. Samt legg til rette for fortsatt sterk verdiskaping i vår region og i Vestland fylke.
Knut Harald Frøland sette fram framlegg om at formannskapet stiller seg bak denne fellesuttalen.
Framlegget til Knut Harald Frøland vart vedteke med åtte mot ei røyst. Odd Arne Haga (Frp) røysta imot framlegget, dei andre medlemmene røysta for.
Samnanger kommune følgjer det styresmaktene har bestemt om tidspunkt for gjenopning av barnehagar (i løpet av veke 17/2020) og gjenopning av småtrinnnet på barneskulen (20.04.2020).
Innleiingsvis orienterte ordførar Knut Harald Frøland (Bl) og rådmann Charlotte Hageberg om kriseleiinga og administrasjonen/kommuneorganisasjonen sitt arbeid under koronakrisa. Dei svara òg på spørsmål frå formannskapet.
Etter dette var det debatt om barnehagane og småtrinnet (1. - 4. trinn) på barneskulen i Samnanger skal opna slik styresmaktene ønskjer (barnehagane i løpet av veke 17/2020 og småtrinnet 27.04.2020). Nokre av medlemmene i formannskapet argumenterte for at Samnanger bør opna slik styresmaktene ønskjer, medan andre argumenterte for at me bør venta ei til to veker i forhold til det styresmaktene ønskjer.
Ordførar Knut Harald Frøland sette etter debatten fram ønske om røysting for å avklara kven av medlemmene som ønskte å følgja styresmaktene fullt ut med omsyn til tidspunkt for opning av barnehagane og småtrinnet på barneskulen. Det vart først bestemt at det skulle gjennomførast ei prøverøysting. Der røysta fem medlemmer for å følgja styresmaktene fullt ut og fire røysta imot.
For å følgja styresmaktene fullt ut | Imot å følgje styresmaktene fullt ut |
Lena Tveit (Bl) | Knut Harald Frøland (Bl) |
Martin Haugen (Bl) | Øyvind Røen (Sp) |
Shirin Kvernes Khadoor (Ap) | Gunn Totland Moss (KrF) |
Jon Magne Bogevik (Ap) | Odd Arne Haga (Frp) |
Øyvind Strømmen (MDG) |
Etter prøverøystinga vart det bestemt at prøverøystinga òg skulle gjelda som endeleg røysting i saka.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Jon Magne Bogevik | Arbeidarpartiet | Medlem | jon.magne.bogevik@kvamnet.no | |
Lena Tveit | Bygdalista | Medlem | tveitlena@yahoo.no | |
Martin Haugen | Bygdalista | Medlem | martin-haugen@hotmail.com | |
Odd Arne Haga | Framstegspartiet | Medlem | odd.arne.haga@outlook.com | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com |