Utval: | Naturutvalet |
---|---|
Dato: | 12.05.2020 15:00 - 15:30 |
Møtestad: | Teams/ telefonmøte |
Status: | Møtet er ferdig protokollert |
Sakskart: | |
Møteprotokoll: |
Møteinnkallinga og saklista vert godkjent.
Delegerte vedtak/referatsaker vert tekne til orientering.
Utvalet sitt kvarter:
Gunn Østvik Petersen (AP)gjorde oppmerksom på bilvrak som står på parkeringsplassen i Hisdalen, v/ avkøyringa til Rolvsvåg. Vraket har stått der i fleire månader og det var spørsmål om kommunen kunne fjerna det. Planleggjar orienterte om at dette området er privat grunn, men at bruken i praksis er for ålmenta som ei innfartsparkering. Etter avklaring med kommunen sin ansvarlege for fjerning av bilvrak er det klargjort at kommunen sin praksis har vore å ikkje trø inn på privat grunn i desse sakene.
Gunn Østvik Petersen (AP)stilte spørsmål om det er nokon framgang med bygging av datasenter i Børdalen. Planleggjar svarte at Regn Datacenters jobbar utan involvering av kommunen akkurat no, det er mange ting å avklara før innsending av byggjesøknad. Landbrukskontoret og grunneigar føl opp plastforureininga i den dyrka marka med jordprøvar. Grad av eventuell avdekka forureining avgjer om jorda kan gjenbrukast som matjord annan stad, om den må omdisponerast til anna føremål innanfor same eigedom, eller om den må handterast som spesialavfall.
Monica Tjønna (Sp)stilte spørsmål om protokollmerknad i førre møte – kvifor vart den stemt over? Monica Tjønna sin vara i førre møte hadde oppfatta at det var framsett ein protokollmerknad til saka om offentleg ettersyn for detaljreguleringsplan for Tømmerløypet. Skal ikkje ein protokollmerknad berre vera «signert» av den/dei som framset merknaden? Utvalsleiar svarte korleis han hadde meint framlegget sitt, og at dette var meint som tilleggsopplysningar til det offentlege ettersynet. Linda Haug Kollbotn las opp frå saksprotokollen, der det står «tillegg».Planleggjar opplyste om at ordet «protokollmerknad» ikkje kjem fram i protokollen for denne saka.
Oskar Røen (MDG) tok opp temaet lokalisering av dagturhytta ved Kvernesvatnet, som var ei orientering i førre møte. Spørsmålet var kvifor det var vurdert så få alternative lokaliseringar, og kvifor ikkje Tranaholmvågen var vurdert som aktuell. Planleggjar svarte at det var ein fordel åfinna plassering for hytta på kommunal eigedom, noko som er tilfelle ved Kvernesvatnet. Vidare skulle planleggjar kontakta Meline Heimdal Haugland (einingsleiar innbyggjarservice) for å få eit meir utfyllande svar:
«Det stemmer at det er vurdert få lokaliteter. Det er rett og slett fordi Prestavegen stod fram som ei god plassering. Med plassering langs Prestavegen svarar me på alle måla med Dagsturhytta, og dei omsyna me må ta til plassering av Dagsturhytta.
At hytta kan lokaliserast på kommunal eigedom er sjølvsagt ein fordel for enklast mogleg prosess. Årsaka til at Tranaholmen ikkje er vurdert er fordi det er for bratt terreng for rullestol, sykkel, barnevogn. Både lokal entrepenør og byggjesakshandsamar meiner den eksisterande vegen fram til Kvernesvatnet kan gjerast tilgjengeleg for elektrisk rullestol. Me må uansett undersøkja dette enda nærare i den vidare detaljplanlegginga.»
Rådmannen sitt framlegg til vedtak av faste saker vart samrøystes vedteke.
Renate Nordvik får konsesjon for å kjøpa GBNR 20/1 i Samnanger kommune.
Utvalet diskuterte saka. Rådmannen sitt framlegg til vedtak vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Linda Haug Kollbotn | Framstegspartiet | Nestleiar | lhk@safa.no | |
Gunn Østvik Petersen | Arbeidarpartiet | Medlem | gunn.o.petersen@kvamnet.no | |
Øyvind Steinsland | Bygdalista | Medlem | oyvind.steinsland@orkla.no | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Ove Totland | Bygdalista | Medlem | ove_totland@hotmail.com | |
Thorvald Moe | Høgre | Medlem | thorvald95@hotmail.com | |
Oskar Røen | Miljøpartiet Dei Grøne | Medlem | oskarroen@gmail.com | |
Monica Tjønna | Senterpartiet | Medlem | monica.tjonna@kvamnet.no | |
Karl Bård Kollbotn | Framstegspartiet | Leder | karl.kollbotn@samnanger.kommune.no |