Møte i Naturutvalet den 21.04.2020

Vedtak

• Møteinnkallinga og saklista vert godkjent.

• Delegerte vedtak/referatsaker vert tekne til orientering.

Behandling

Leiar Samfunnsutvikling -Hilde-Lill Våge orienterte om følgjande:

Gruvo - saka vert følgt opp med ein rapport om tiltak som skal hindre forureining. Ev tiltak vert innarbeidd i økonomiplanen for neste år.

Dagsturhytta - det er ønskje om å legge vekt på at sti fram til hytta vert universell og at ein aktuell plassering er ved Kvernesvatn. Utvalet signaliserte ønskje om ein belyst sti for å få auka attraktiviten gjennom heile året.

Bosskonteiner - Teknisk drift set ut ein bosskonteiner i Nesodden for dei som er på tur ute i naturen og plukkar med seg boss. Vi reknar ikkje med at det vert innsamlingsaksjon og utdeling av sekker for boss rundt om og plast langs strendene våre. Konteineren er meint for dette, og vi håper på at ikkje den vert fullt opp med skot frå garasjar mm. Vi lagar informasjon som går ut i media og på sjølve konteineren. Så oppmodar vi alle til ein innsats for naturen og miljøet.

Gangvegen frå Hagebotnane - informasjon vert sendt ut som vedlegg med møteboka.

Utvalet sitt kvarter: Ingen innkomne spørsmål.

Framlegg til vedtak vart samrøystes vedteke.

Vedtak

Med heimel i plan- og bygningslova §§ 12-10 og 12-11 vert detaljreguleringsplan for Tømmerløypet, planID 1242201901, lagt ut til offentleg ettersyn med følgjande dokument:

Plankart, dagsett 27.03.20

Reguleringsføresegner, dagsett 27.03.20

Planskildring, dagsett 27.03.20

Risiko- og sårbarheitsanalyse

Situasjonsplan

Merknadsskjema med bilag

Planen skal liggja ute til offentleg ettersyn i perioden 30. april 2020 til 14. juni 2020.

Behandling

Karl Kolbotn sette fram følgjande tilleggsopplysning i saksutgreiinga etter teksten - Reint praktisk vil det bli tale om eit økonomisk bidrag som utbyggjar yter til etableringa av vegen, som står i forhold til fordelen dei får med vegen. Reguleringsplanprosessen skal ikkje ta stilling til storleiken på dette bidraget.

"Samnanger kommune gjer også merksam på at det i framtida kan bli bygd ein idrettshall på området som er regulert til idrettslege formål i kommundelsplanen. Dvs. Innafor det området som er markert med grøn farge i kartet. Dette kan medføre ekstra ferdsel og støy frå området som er regulert til idrettslege formål og tiltakshavar må ta hensyn til det i reguleringsplanen. Dette vil gjelda for alle tomter som på eit seinare tidspunkt blir seld i det kommunale reguleingsområdet for boliger."

Det var røysta over tillegget som vart vedteke med 5 mot røyster:

Tillegget vert skrive inn i dokumentet som vert lagt ut på høyring.

Til slutt vart det røysta framlegg til vedtak med det vedtekne tillegget, som vart samrøyses vedteke.

Vedtak

Med heimel i plan- og bygningslova § 19-2 vert det gjeve dispensasjon frå LNF-føremålet og byggjegrense langs vassdrag fastsett i kommuneplanens arealdel, til etablering av ny vegtrase, slik tiltaket er skildra gjennom vedlagt dokumentasjon. Søknaden om dispensasjon klargjer fordelane med tiltaket, og vis at fordelane ved dispensasjonen er klart større enn ulempene ved å dispensere. Ei samla vurdering konkluderer med at fordelane med dispensasjon er klart større enn ulempene.

Behandling

Framlegget til vedtak var ikkje kome med i saksframlegget. Det går likevel klart fram i konklusjonen kva som vert tilrådd.

Det vart røysta over konklusjonen, som vart samrøystes vedteke. Adminisntrasjonen utformer vedtak i tråd med denne.