Møte i Naturutvalet den 23.06.2020

Vedtak

Behandling

Gunn Østvik Petersen (Ap) stilte spørsmål ved kvifor det blei kalla inn til ekstramøte på så kort varsel. Karl Bård Kollbotn svarte at det var kome opp to saker som det hasta med å få ei avgjerd på, av omsyn til søkjarane/dei involverte.

Monica Tjønna (Sp) bad om at sak 010/2020 vart handsama til sist i møtet, sidan ho ville få vurdert gildskapen sin i den saka. Utvalet samtykka.

Utvalet sitt kvarter:

Øyvind Steinsland (Bl) stilte spørsmål om Bjørkheimsområdet og kva som skjer med planarbeidet der? Kvifor høyrer ein ingenting? Ragnhild Lønningdal svara at oppstartsvedtak er gjort, men på grunn av redusert bemanning over lengre tid er ikkje planarbeidet kome i gang. Delar av planarbeidet må utførast av konsulent. Knut Harald Frøland spelte inn at naturutvalet må få ta aktivt del i gjennom heile planprosessen. Øyvind Steinsland meinte at næringsforumet måtte få ta aktivt del i planprosessen. Han ønskte også at det til neste naturutvalsmøte måtte leggjast fram ein tidsplan for gjennomføring. Karl Bård Kollbotn spelte inn at alle grunneigarane må få ta del i planprosessen.

Oskar Røen (MDG) vidareformidla tilbakemelding frå publikum om at vegen ned til Gjerdsvika er for bratt for rullestol, barnevogn og folk med kajakk. Karl Bård Kollbotn svarte at dette er Bergen og omland friluftsråd som driftar, og at kommunen må vidareformidla dette til dei. Ragnhild Lønningdal stadfesta at dette kan me ta opp med BOF.

Karl Bård Kollbotn (Frp) tok opp spørsmål om ei sak om storleiken på hjortestammene i Samnanger, og innspel frå to av hjortevalda som er komne til landbrukskontoret. Ragnhild Lønningdal svarte at administrasjonen har fått orientering frå Bjørnafjorden landbrukskontor om at dei skal utarbeida eit saksframlegg for å justera minstearealet for tildeling av løyve frå 1000 daa til 700 daa i løpet av hausten. Karl Bård Kollbotn bad om at landbrukskontoret kjem med eit svar på dei to innspela frå hjortevalda i god tid før jakta startar.

Rådmannen sitt framlegg til vedtak av faste saker vart samrøystes vedteke.

Vedtak

Med heimel i plan- og bygningslova §§ 12-10 og 12-11 vert detaljreguleringsplan for Eikedalen hyttegrend sendt på høyring til grunneigarar og naboar, og lagt ut til offentleg ettersyn på kommunen si nettside.

Behandling

Monica Tjønna bad om å få vurdert gildskapen sin, på grunn av at mannen hennar er grunneigar innanfor planområdet (forvaltningslova § 6 c), og ho gjekk i frå. Utvalet avgjorde samrøystes at ho var ugild. Det var ikkje kalla inn vara for Monica Tjø

Rådmannen sitt framlegg til vedtak vart samrøystes vedteke.

Vedtak

Gjennom utbyggingsavtalen skal det ikkje krevjast bidrag til gangvegen frå tiltakshavar.

Behandling

Karl Bård Kolbotn sette fram følgjande framlegg til vedtak:

«Tiltakshavar skal gjennom utbyggingsavtale forplikta seg til å betala kr. 20 000 som bidrag til gangvegen.»

Monica Tjønna sette fram følgjande framlegg til vedtak:

«Administrasjonen kjem med framlegg om ein sum som tiltakshavar gjennom utbyggingsavtale skal forplikta seg til å betala som bidrag til gangvegen.»

Linda Haug Kollbotn sette fram følgjande framlegg til vedtak:

«Gjennom utbyggingsavtalen skal det ikkje krevjast bidrag til gangvegen frå tiltakshavar.»

Naturutvalet stemte over framlegga. Framlegga fekk følgjande stemmer:

Karl Bård Kollbotn sitt framlegg: Karl Bård Kollbotn og Thorvald Moe.

Monica Tjønna sitt framlegg: Monica Tjønna, Gunn Østvik Petersen og Ove Totland.

Linda Haug Kollbotn sitt framlegg: Linda Haug Kollbotn, Øyvind Steinsland, Anja Elisabeth Gjerde Markhus og Oskar Røen. Dette framlegget fekk flest stemmer og vart naturutvalet sitt vedtak.

Vedtak

Samnanger kommune gjev konsesjon til Per Norvald Boge og Hilde Tranøy Boge for å kjøpa Gnr. 33, bnr 27.

Vedtaket har heimel i konsesjonslova §§ 1 og 9.

Behandling

Rådmannen sitt framlegg til vedtak vart samrøystes vedteke.