Utval: | Kommunestyret |
---|---|
Dato: | 21.10.2021 15:00 - 20:20 |
Møtestad: | Biblioteket på Bjørkheim |
Status: | Vedtak er påført møtet |
Sakskart: | |
Møteprotokoll: |
Møteinnkallinga og saklista vert godkjent.
Orienteringssaker/referatsaker vert tekne til orientering.
Godkjenning av innkalling og sakliste:
Godkjent utan merknader.
Eventuelle merknader til protokoll frå førre møte:
Ingen merknader.
Ordføraren orienterer:
Mobildekning i Rolvsvåg
Rådmannen orienterer:
Status ventilasjon ved Samnanger ungdomsskule
Gratis skulemat
Reperasjon av tartandekket i Hagabotnane
Svar på tidleare stilte spørsmål
Budsjett og økonomiplan 2022 - 2025
Kvalitetsdialog 7.10.2021 mellom formannskapet og administrasjonen
Administrativ organisering
Oppgåver som truleg må utsetjast, eller allereie er utsett
Rettssaker/ søksmål
Gangsti/gangveg til Hagabotnane
Presentasjonar i møtet:
Bjørnafjorden landbrukskontor
Bjørnafjorden landbrukskontor ved Øystein Svalheim (landbrukssjef) og Mari A. Gjengedal (rådgjevar landbruk) presenterte “Kven er vi og kva gjer vi I Samnanger”.
NAV-prosjektet “Vegen vidare”
Finn Ove Frøynes (konsulent NAV) presenterte prosjektet “Vegen Vidare” som NAV -kontoret i Samnanger han jobba med sidan 2019.
Utvalet sitt kvarter:
Finne fram på heimesida til Samnanger kommune
Karl B. Kollbotn (FrP) lurte på om det kan lagast ei enkel forklaring om korleis publikum kan finna dokument og informasjon på heimesida til kommunen. Denne brukarrettleiinga bør liggja på framsida på heimesida. Administrasjonen skal sjå på saka.
Arv Samnangerheimen
Karl B. Kollbotn (FrP) stilte spørsmål om kor mykje pengar det er att etter arva som Samnangerheimen motto for nokre år sidan. Han lurte på kva pengane er brukt til og kva planen er for dei resterande midlane.
Nina Erdal (økonomisjef) orienterer om at det pr. 01.01.2021 var ca 2.mill igjen av arven.
Janne Drevsjø (einingsleiar pleie og omsorg) orienterte om at pengane er/ vert brukt til følgjande:
Oppgradering av nettet på Samnangerheimen slik at alle bebuarane får tilgang på internett på romma sine.
Skjerming av pasientar som har behov for meir tilpassa pleie.
Oppgradering av sansehagen og uteområdet.
Utskifting av golv som er utslitt og farlege for bebuarane.
Breiband/ 5G
Karl B. Kollbotn stilte spørsmål om utbygging av breiband i kommunen. Rådmannen svarte på dette. Samnanger kommune søkjer tilskot kvart år for utbyggjing av breiband også i utkantstrøka i kommunen.
Kommunen har lite informasjon om utbygging av 5G nettet. Om Samnanger kan påverke Telenor i å få fortgong i utbygginga i kommunen er usikkert.
Tilskot – digital opplæring til eldre
Solveig Vassenden (Bl) stilte spørsmål om kva midlane som Samnanger kommune har fått for å gje digital opplæring til eldre er brukt til.
Janne Drevsjø (einingsleiar pleie og omsorg) svarte på dette. Einingsleiar har søkt om og fått innvilga 30.000,- i tilskotsmidlar til digital opplæring for eldre. Dette er midlar som er meint å brukast på brukarar som mottek pleie og omsorgstenester i Samnanger. Grunna Covid-19 er bruken av midlane utsett til ut november 2021.
Lysforureining
Øyvind Strømmen (MDG) stilte spørsmål om status i saka om lysforureining i interpellasjonen som vart vedteke i kommunestyre 25.februar 2021.
Hilde-Lill Våge (einingsleiar samfunnsutvikling) fortalte om ordninga som er innført der lyset vert slått av når idrettsanlegget ikkje er i bruk. Dette vert gjort manuelt.
Økonomirapporteringa pr 2.tertial 2021 vert tatt til orientering og det vert føretatt desse budsjettjusteringane:
Låneopptaket vert redusert frå 18 mnok til 14 mnok og lånevedtaket for 2021 vert som følgjer: Det vert tatt opp eit lån på 14 mnok i 2021 til varige driftsmidlar i samsvar med Kommunelova § 14-15 første ledd. Lånet skal brukast til investering i vatn, avløp, bygg og veg. Lånet skal betalast ned over 40 år og ha eit avdragsfritt år.
Formannskapet sitt framlegg til vedtak vart samrøystes vedteke.
Kommunestyret sitt vedtak frå 03.06.2019 i sak 029/2019 om at driftsbudsjettet blir vedtatt på ansvarsnivå, blir oppheva. Driftsbudsjettet skal frå og med for budsjettåret 2022 bli vedtatt på einingsnivå. Kva som i budsjettet blir definert som einingsnivå, må gå klart fram av rådmannen sitt budsjettframlegg.
Formannskapet sitt framlegg til vedtak vart samrøystes vedteke.
1. Samnangerkommune vedtek at BIR Privat AS får delegert fullmakt tilfakturering og innkrevjing av avfallsgebyret på vegner av kommunen, jfr §12 i Forskrift om håndtering av avfallfra husholdning. Avfallsgebyret høyrer til Samnangerkommune.
2. Prisen på renovasjonstjenesta for 2022 vert sett opp med 15,0%, med unnatak av eigenandelen for levering til gjenvinningsstasjonane og einskilde tenester utanfor standard renovasjon. Desse vert haldne uendra.Samnangerkommune vedtek avfallsgebyr i henhald til følgjande vedlegg:Pristabell renovasjonsgebyrSamnangerkommune 2022.
Formannskapsmøte sitt framlegg til vedtak vart vedteke med 19 mot 2 røyster. Representantane som røysta imot var Karl B. Kollbotn (FrP) og Alfred Trengereid (Ap).
Samnanger kommune tek opp lån i Husbanken på kr 5 000 000 for å gje økonomisk hjelp til bustadformål. Lånet skal nyttast til vidareformidling av startlån.
Formannskapet sitt framlegg til vedtak vart samrøystes vedteke.
Kontrollutvalet sitt framlegg til budsjett for kontrollarbeid i Samnanger kommune 2022 vert vedteke slik det ligg føre.
Leiar i kontrollutvalet Arild Røen (H) orienterte om kontrollutvalet sine planar for 2022 og litt om kva arbeid kontrollutvalet gjer.
Kontrollutvalet sitt framlegg til vedtak vart samrøystes vedteke.
Framleggtil endring av Vedtekter for Samnanger ungdomsråd vert vedteke som vedlagt.
Følgjande punkt vert lagt til under avsnitt 3) Samansetting og val:
Halvparten av medlemmane vert valde kvart år. Medlemmar frå ungdomsskulen det eine året og medlemmar frå aldersgruppa 16-18 år det andre året.
Formannskapet sitt framlegg til vedtak vart samrøystes vedteke.
Uttale frå Samnanger kommune:
Modell 1 er best egna for å oppnå formålet med tilskotsordninga. I Samnanger kommune bur det rundt 2500 innbyggarar. Tilskotsordninga skal sikra finansiering i både små og store kommunar. Det modell 1 som fører til minst økonomiske konsekvensar for kommunane med under 5000 innbyggarar. Av dei fire modellane som vert presentert i høyringsnotatet frå Kulturdepartementet er modell 1 òg den som er mest føreseieleg.
Formannskapet sitt framlegg til vedtak vart samrøystes vedteke.
Gamlebarnehagen og resten av tomtearealet i Reistadliane 39 vert utvikla og omregistrert til omsorgsbustader med særleg tilrettelegging/skjerming.
Rådmannen får mandat til å bygge omsorgsbustad nr. 2 på ledig tomteareal i Reistadliane 39. Bustaden vert finansiert med løyvde midlar til kjøp av bustad i formannskapssak 036/2021, inntil 5 millionar kroner. Bygginga skal skje mest mogleg skånsamt med omsyn til bebuar i omsorgsbustad nr 1.
Husleige for omsorgsbustad nr 1. er 7.110 kroner pr. mnd i 2021. Husleige for hybel er 5.270 kroner pr månad i 2021.
Det vert sendt ut husleigekontrakter og husleige som gjeld frå oktober 2021.
Anja Elisabeth Gjerde Markhus (Bl) stilte spørsmål om kvifor ein ikkje kan nytte ein av leilegheitane på Skottabakken i dette høve.
Kommunestyre vedtok samrøystes å handsama saka for lukka dører jf. kommuneloven §11-5, 3.ledd, bokstav a) - "Hensynet til personvern krever at møtet lukkes".
Einingsleiar pleie og omsorg Janne I. Drevsjø svarte på spørsmål frå representantane og orienterte kommunestyret om kva arbeid administrasjonen har gjort så langt i saka.
Karl. B. Kollbotn (FrP) bad om eit gruppemøte. Etter gruppemøtet vart det røysta over formannskapet sitt framlegg til vedtak. Framlegget vart samrøystes vedteke.
På bakgrunn av tolkningsuttale frå Kommunal- og moderniseringsdepartementet av 11.09.2020, blir det gjort følgjande endringar i samansetnaden av kven som utpeikar arbeidsgjevar sine representantar i arbeidsmiljøutvalet i Samnanger kommune:
Det skal ikkje lenger vera folkevalde representantar i arbeidsmiljøutvalet
Arbeidsgjevar sine representantar i arbeidsmiljøutvalet blir utpeika av rådmannen
Arbeidsmiljøutvalet skal framleis ha seks representantar, tre frå arbeidstakar og tre frå arbeidsgjevar. Rådmannen må utpeika to arbeidsgjevarrepresentantar som deltek på neste arbeidsmiljøutvalsmøte, 22.11.2021.
Rådmannen skal rapportera til kommunestyret ved behov.
Endringane gjeld med verknad frå 21.10.2021.
Endringane gjeld med verknad 01.10.2021.
Ordførar Knut Harald Frøland (Bl), som er medlem i arbeidsmiljøutvalet i dag, orienterte om vurderingane som vart gjort i arbeidsmiljøutvalet sitt møte 27.09.2021. Det er ikkje vanleg i norske kommunar å ha politikarar som medlemmar i utvalet. KS har også i sin uttale om dette temaet tilrådd at utvalet ikkje bør ha medlemmar frå politiske parti/ grupper.
Faste møter mellom administrasjon og politikarar som Kvalitetsdialog vert planlagt framover.
Arbeidsmiljøutvalet sitt framlegg til vedtak vart samrøystes vedteke.
Samnanger kommune er inneforstått med at ny E16 må finansieras med bompengar. Likevel har pendlarar aust for Bergen allerie betalt bompengar for delar av gamlevegen i Arnanipatunnellen. Me ber difor om at reduserte bompengar vert vurdert på gamlevegen, alternativ at bomstasjonen vert plassert aust for Trengereid.
Vidare ynskjer Samnanger at overskotsmassar vert vurdert nytta også aust for Gulbotn (FV 579 og utviding/utbedring) og gang/sykkelveg Hisdal Ådland.
Denne saka vart i utgangspunktet sendt som referatsak til naturutvalet. Naturutvalet valde å sende saka vidare til kommunestyre for handsaming og å få på plass eit innspel/ ei høyringsuttale frå Samnanger kommune.
Kommunestyrerepresentantane diskuterte saka og Shirin Kvernes Khadoor (Ap) bad om eit gruppemøte.
Etter gruppemøtet sette Arild Røen (H) fram følgjande fellesframlegg til vedtak.
"Samnanger kommune er inneforstått med at ny E16 må finansieras med bompengar. Likevel har pendlarar aust for Bergen allerie betalt bompengar for delar av gamlevegen i Arnanipatunnellen. Me ber difor om at reduserte bompengar vert vurdert på gamlevegen, alternativ at bomstasjonen vert plassert aust for Trengereid.
Vidare ynskjer Samnanger at overskotsmassar vert vurdert nytta også aust for Gulbotn (FV 579 og utviding/utbedring) og gang/sykkelveg Hisdal Ådland".
Dette fellesframlegget vart samrøystes vedteke.
Samnanger kommune seier nei til søknaden frå BKK om å endra manøvreringsreglementet for Samnangervassdraget slik at HRV i Øvsta og Nedsta Dukavatnet vert lågare.
Samnanger kommune oppfordrar i staden BKK til å oppgradera dammane på ein slik måte at eksisterande estetikk og utsjånad vert tekne vare på. Damanlegga ved Dukavatna er eit verdifullt industrikulturminne som må sikrast for framtida. Dei ligg dessutan i eit mykje nytta turområde, og det er difor særleg viktig at vedlikehald og forsterking av dammane, eller andre tiltak, ikkje har negative konsekvensar for kulturhistoria og naturen her.
Dersom BKK likevel får løyve til å redusera vasstanden i Dukavatna, ber Samnanger kommune NVE om å krevja ei aktiv revegetering med stadeigne artar i delar av strandsona. Elles må dei same krava til å ta vare på natur og kulturminne gjelda i dette tilfellet òg.
Øyvind Strømmen (MDG) sette fram følgjande framlegg til vedtak:
"Samnanger kommune meiner søknaden om senking av høgste regulerte vasstand (HRV) for Øvsta og Nedsta Dukavatnet er tilstrekkeleg utgreidd for aktuelle tema, men me saknar ei vurdering av om det er mogleg med aktiv revegetering med stadeigne artar i delar av strandsona. Samnanger kommune meiner slike avbøtande tiltak vil vera ein klår fordel.Samnanger kommune har ingen vesentlege meknadar til konsekvensvurderingane som er gjort, og støttar konklusjonen om at HRV bør senkast framfor å setja i gong ei full oppgradering av dammane".
Dette framlegget var ei justering av rådmannen sitt framlegg som vart lagt fram for naturutvalet då saka vart handsama i møtet 05.10.2021.
Gunn Østvik Petersen (Ap) sette fram følgjande framlegg til vedtak i saka:
"Dammane ligg i eit mykje nytta turområde, og det er viktig at nye tiltak ikkje får negativ konsekvens for natur og dammane sin kulturhistoriske verdi. Tiltak må utførast på ein slik måte, som ikkje vil verka skjemmande".
Framlegget frå Petersen vart definert som eit tilleggspunkt.
Ordførar Knut Harald Frøland (Bl) bad om eit gruppemøte.
Etter gruppemøte sette Karl B. Kollbotn (FrP) fram følgjande framlegg til vedtak:
"Dersom BKK allikevel får tillatelse om redusert vannstand, ber Samnanger kommune NVE om å krevja ei aktiv revegetering med stadeigne artar, for delar av strandsona".
Dette var eit tilleggspunkt til naturutvalet sitt vedtaksforslag.
Øyvind Strømmen (MDG) trekte framlegget som han sette fram tidlegare i møtet og sette fram eit nytt framlegg.
"Dersom søknaden frå BKK likevel vert innvliga, meiner Samnanger kommune at det må gjennomførast ei vurdering av aktiv revegetering med stadeigne artar for delar av strandsona. Me ber NVE krevja ei vurdering av dette frå BKK, og meiner at det vil ei føremon med eit slikt avbøtande tiltak".
Det vart røysta i tre rundar i denne saka.
Først vart det røysta over om framlegget til vedtak frå Kollbotn skulle vera med som eit tilleggspunkt til naturutvalet sitt vedtaksforslag. Dette vart samrøystes vedteke.
Deretter vart naturutvalet sitt framlegg, inkludert tillegget frå Kollbotn, sett oppimot Strømmen sitt framlegg til vedtak.
Resultatet av denne røystinga vart som følgjer:
For Strømmen sitt framlegg til vedtak | For naturutvalet sitt framlegg til vedtak inkludert tillegg frå Kollbotn. |
Gunn Østvik Petersen (Ap) | Knut Harald Frøland (Bl) |
Shirin Kvarnes Khadoor (Ap) | Solveig Vassenden (Bl) |
Harald Boge (Ap) | Øyvind Steinsland (Bl) |
Øyvind Strømmen (MDG) | Lena Tveit (Bl) |
Oskar Røen (MDG) | Anja Elisabeth Gjerde Markhus (Bl) |
Ove Totland (Bl) | Dag Nydal (Bl) |
Martin Haugen (Bl) | Alfred Trengereid (Ap) |
Arild Røen (H) | Gunn Totland Moss (Krf) |
Øyvind Røen (Sp) | Karl B. Kollbotn (FrP) |
Linda H. Kollbotn (FrP) | |
Odd Arne Haga (Frp) | |
Magnus Erdal (Sp) | |
Totalt: 9 røyster | Totalt: 13 røyster |
Deretter vart det røysta for eller imot framlegg til vedtak frå Petersen.
Dette vart samrøystes vedteke.
Kommunestyret vedtok vedtaksframlegget frå naturutvalet inkludert tillegga frå Kollbotn og Petersen.
Administrasjonen fekk i oppdrag å ta språkvask og naudsynte endringar. Dette er gjort i samarbeid med varaordførar.
Ansvaret for kommunen sitt vidare arbeid i fleirbrukshall-/idrettshallprosjektet blir overført frå ordføraren til rådmannen.
Kommunestyrerepresentantane diskuterte saka.
Rådmannen sitt framlegg til vedtak vart samrøystes vedteke.
Kommunestyretgir rådmannen fullmakt til å vurdera behov og moglegheit for å halda ope ekstra dagar SFO og barnehage i perioden 20.12.2021 – 30.12.2021, og til å ta avgjerd om det skal gjevast tilbod i denne perioden. Eit eventuelt tilbodkan gjevast som fellestilbod for barnehage og SFO.
Eventuelle ekstrautgifter må forsøkast dekkast innanfor gjeldande budsjett. Dersom dette ikkje er mogleg, kan kostnader på opptil 20 000 kroner dekkast av disposisjonsfondet.
Rådmannen sitt framlegg til vedtak vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Gunn Østvik Petersen | Arbeidarpartiet | Medlem | gunn.o.petersen@kvamnet.no | |
Harald Boge | Arbeidarpartiet | Medlem | harald.boge@samnanger.kommune.no | |
Martin Haugen | Bygdalista | Medlem | martin-haugen@hotmail.com | |
Øyvind Steinsland | Bygdalista | Medlem | oyvind.steinsland@orkla.no | |
Solveig Vassenden | Bygdalista | Medlem | sol.vassenden@kvamnet.no | |
Lena Tveit | Bygdalista | Medlem | tveitlena@yahoo.no | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Ove Totland | Bygdalista | Medlem | ove_totland@hotmail.com | |
Karl Bård Kollbotn | Framstegspartiet | Medlem | karl.kollbotn@samnanger.kommune.no | |
Linda Haug Kollbotn | Framstegspartiet | Medlem | lhk@safa.no | |
Odd Arne Haga | Framstegspartiet | Medlem | odd.arne.haga@outlook.com | |
Arild Røen | Høgre | Medlem | ariroeen@online.no | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com | |
Oskar Røen | Miljøpartiet Dei Grøne | Medlem | oskarroen@gmail.com | |
Magnus Erdal | Senterpartiet | 1. varamedlem | maggi_erdal@hotmail.com | |
Alfred Trengereid | Arbeidarpartiet | 3. varamedlem | alfred.trengereid@ncc.no | |
Dag Nydal | Bygdalista | 4. varamedlem | dag_nydal@yahoo.no | |
Jon Magne Bogevik (Ikke møtt) | Arbeidarpartiet | Medlem | jon.magne.bogevik@kvamnet.no | |
Knut Loneland Høibraaten (Ikke møtt) | Bygdalista | Medlem | knut@hoibraaten.net | |
Monica Tjønna (Ikke møtt) | Senterpartiet | Medlem | monica.tjonna@kvamnet.no |