Utval: | Formannskapet |
---|---|
Dato: | 11.02.2021 15:00 - 18:50 |
Møtestad: | Teams-møte |
Status: | Vedtak er påført møtet |
Sakskart: | |
Møteprotokoll: |
Møteinnkallinga og saklista vert godkjent.
/referatsaker vert tekne til orientering.
Godkjenning av innkalling og sakliste:
Ordførar Knut Harald Frøland (Bl) orienterte om tilleggssakene som var sendt ut, og om bakgrunnen for dette. Han orienterte vidare om følgjande endringar i handsamingsrekkefølgja av saker i møtet:
Sak 003 (Retningslinjer for barnevernsutvalet i Samnanger kommune) ville verta handsama før sak 002 (Mål og retningslinjer for barneverntenesta i Samnanger kommune).
Sak 009 (Førespurnad om auka eigenkapital Hardanger AKS) ville verta handsama før sak 008 (Vedtak om delegeringsreglement for Samnanger kommune - ny handsaming).
Med desse endringane vart innkallinga og saklista godkjent.
Eventuelle merknader til protokollen frå førre møte:
Ingen merknader.
Orienteringssaker frå ordføraren:
Avtale om pasientreiser
Informasjon om status i saka. Ordføraren har dialog med Helse Bergen om saka.
Førespurnad frå Framtidsfylket om annonsering
Kommunen har fått førespurnad frå Framtidsfylket om annonsering i magasinet deira 12.03.2021. Magasinet vil denne dagen vera vedlegg til Bergens Tidende. Pris for ei heilsides annonse vil vera 16 900 kroner + mva. Ordføraren ønska at formannskapet tok stilling til om Samnanger skal kjøpa slik annonsering. Han orienterte òg om at avgjerd må takast før neste kommunestyremøte. Formannskapet slutta seg samrøystes til at Samnanger kjøper heilsides annonse 12.03.2021. Dersom det ikkje finst midlar til dette i driftsbudsjettet, vert finansiering enten disposisjonsfondet eller næringsfondet.
Førespurnad frå bandet Vivillain om økonomisk støtte til konsert i Samnanger
Ordføraren orienterte om førespurnad frå bandet Vivillain om økonomisk støtte på 30 000 kroner til konsert i Samnanger. Det var semje i formannskapet om at kommunen ikkje skal gje økonomisk støtte til dette.
Elektrifisering av norsk sokkel
Kan få verknad for Samnanger. Ordføraren skal delta på informasjonsmøte 15.02.2021.
Orienteringssaker frå rådmannen:
Orienteringane frå rådmannen vart gjevne etter handsaminga av sak 004.
Rekneskapsføring i 2020 av akkumulert økonomisk tap på refusjonskrav sjukepengar
I samband med skifte av økonomisystem er det oppdaga at det i det gamle økonomisystemet låg eit ikkje-rekneskapsført akkumulert økonomisk tap på refusjonskrav sjukepengar på om lag 2 millionar kroner. Dette må førast som kostnad i rekneskapen for 2020, og vil truleg føra til undeskot i 2020.
Sal av konsesjonskraft
Informasjon om status.
Vassleveranse til private
Orientering om førespurnader om vassutkøyring med kommunal branntankbil til husstandar med private brønnar som har frose i kuldeperioden. Kommunen kan ikkje tilby dette, men kan tilby husstandar å henta vatn frå vasspost på Frøland.
Status i sak Krekavegen
Møtet vart lukka under denne orienteringa, med heimel i kommunelova § 11-5 tredje ledd bokstav b. Rådmannen orienterte om status i saka.
Førespurnad om betaling for gjesteelevar i kommunal barnehage i annan kommune
Orienteringa vart halden av rådgjevar oppvekst Bodil H. Øpstebø. På bakgrunn av orienteringa bad formannskapet om å få opp sak om dette på sitt neste møte, som er 08.04.2021.
Sjukeheim/sjukeheimsplassar
Orientering om reglar/praksis for tildeling av plass på sjukeheimen, om kommunen sitt tilbod i dag og om eventuell ordning med forsterka omsorgsbustadtilbod.
Orientering om førespurnad frå annan kommune om kjøp av sjukeheimsplassar på Samnangerheimen. Formannskapet bad rådmannen om å ta stilling til denne førespurnaden.
Utvalet sitt kvarter:
Budsjettstatus
Jon Magne Bogevik (Ap) spurde om budsjettstatus. Rådmann Ingebjørg Vamråk orienterte seinare i møtet om at rekneskapsresultatet for 2020 enno ikkje er klart, men at det truleg vert eit underskot.
Sal av konsesjonskraft
Spørsmål frå Odd Arne Haga (Frp) om status. Rådmannen svarte på dette under "orienteringssaker frå rådmannnen" seinare i møtet.
Status for arbeidet med tilstandsrapport for kommunale bygg som er over 10 år gamle
Odd Arne Haga (Frp) spurde om status for arbeidet, ref. kommunestyret sitt budsjettvedtak 03.12.2020. Rådmannen kunne ikkje svara på dette i møtet.
Spørsmål om konsekvensar av vedtak i naturutvalet 09.02.2021 om utsetjing av sak om gang- og sykkeltilbod mellom Steinsland og Hagabotnane
Spørsmål frå Øyvind Strømmen om kva konsekvensar vedtaket vil få for den vidare prosessen. Rådmannen orienterte om at dette enno ikkje er heilt avklart. Ordførar Knut Harald Frøland (Bl) orienterte om at han vil vurdera om saka skal løftast inn til handsaming i kommunestyret.
Mål og retningslinjer for barnevernstenesta i Samnanger kommune blir vedtatt med følgjande justeringar:
I avsnittet "Føremål" vert det gjort følgjande endring:
"Barnevernet skal hjelpa til med å sikra gode og trygge oppvekstvilkår,......" vert endra til "Barnevernet skal saman med andre kommunale tenester hjelpa til med å sikra gode og trygge oppvekstvilkår,......".
Tillegg: 5. Finansiering
Finansiering av tiltak i «Mål og retningslinjer for barnevernstenesta» skal inngå i driftsbudsjett for barnevernet.
Handsaming:
Ordførar Knut Harald Frøland (Bl) sette fram framlegg til vedtak.
Gunn Totland Moss (KrF) sette fram framlegg om følgjande endring i ordlyden i avsnittet "Føremål" i mål og retningslinjer for barneverntenesta i Samnanger kommune:
"Barnevernet skal hjelpa til med å sikra gode og trygge oppvekstvilkår,......" vert endra til "Barnevernet skal saman med andre kommunale tenester hjelpa til med å sikra gode og trygge oppvekstvilkår,......".
Det vart røysta over ordføraren sitt framlegg, justert med endringsframlegget til Gunn Totland Moss. Samrøystes vedteke.
Retningslinjer for barnevernsutvalet i Samnanger kommune blir vedtatt, som ei prøveordning med varighet på 2 år, med følgjande vedtatte justeringar:
Samansetjing
Utgår: Alternativ 2.
Val
Utgår: Utvalet vert valt av kommunestyre første halvår 2021, og seinare kvart 4. år.
Tillegg: Utvalet vert valt av kommunestyre. Med varighet på 2 år blir følgjande fagpersonar valt:
Pykologspesialist Heidi Wittrup Djup
Daglig leder for Bedre Barnevern, Tor Monsen (tidl. barnevernleder i Røyken kommune)
Advokat Gro Hillestad Thune
Advokat Geir Kjell Andersland
Godtgjersle
Utgår: Lekmedlemmene får same møtegodtgjersle som kommunestyret og følger elles dei kommunale reglane for m.a. erstatning for tap av inntekt i «Forskrift om godtgjersle, dekking av utgifter, m.m. for folkevalde, Samnanger kommune».
Tillegg: Finansiering
For 2021 skal finansiering av barnevernsutvalet inngå i driftsbudsjett for barnevernet. For 2022 og dei eventuelt kommande åra skal finansiering av barnevernsutvalet inngå som sjølvstendig post i budsjett- og økonomiplan.
Tillegg: Evaluering
Barnevernsutvalet skal evaluerast etter 2 år.
Handsaming:
Ordførar Knut Harald Frøland sette fram framlegg til vedtak.
Det vart gjennomført punktvis røysting over kvart endringsforslag i ordføraren i framlegg:
Samansetjing:
Sju røysta for ordføraren sitt forslag om at alternativ 2 utgår og to røysta for at alternativ 1 utgår.
Alternativ 2 utgår | Alternativ 1 utgår |
Knut Harald Frøland (Bl) | Øyvind Røen (Sp) |
Lena Tveit (Bl) | Odd Arne Haga (Frp) |
Martin Haugen (Bl) | |
Shirin Kvernes Khadoor (Ap) | |
Jon Magne Bogevik (Ap) | |
Øyvind Strømmen (MDG) | |
Gunn Totland Moss (Krf) |
Val:
Ordføraren sitt forslag vart samrøystes vedteke.
Godtgjersle:
Ordføraren sitt forslag vart samrøystes vedteke.
Finansiering:
Ordføraren sitt forslag vart samrøystes vedteke.
Evaluering:
Ordføraren sitt forslag vart samrøystes vedteke.
Det vart til slutt røysta over heile framlegget til ordføraren, inkludert dei vedtekne endringspunkta. Samrøystes vedteke.
Samnanger kommune held fram med noverande løysing for strøyming og opptak av møte i kommunestyret, formannskapet og eventuelt naturutvalet. Administrasjonen må arbeida for å auka stabiliteten i løysingar, for å redusera risikoen for at møte ikkje vert strøymde.
Handsaming:
Øyvind Strømmen (MDG) sette fram framlegg til vedtak. Framlegget vart samrøystes vedteke.
Apex får tilskot på NOK 85.000 frå ekstraordinært næringsfond fordelt over 2 år
Ecotech Innovation AS vert bedt om å søkje på nytt til Samnanger kommune om tilskot til sirkulær industri i Børdalen når det ligg føre meir konkrete planar for at hovudprosjektet med Datasenter i Børdalen vert realisert.
H- Mekk as v/ Sindre Hjellanes og Ivar Berland as får avlag på søknad om tilskot frå ekstraordinært næringsfond om å sette opp næringsbygg for utleige. Tiltaket er i ikkje i tråd med forskift for ekstraordinært tilskot.
Bjørkheim Kro og Motell AS får NOK 100.000 frå ekstraordinært næringsfond i tilskot til kontaktfri servering.
Samnanger frivilligsentral får NOK 400.000 i tilskot til oppretting av bygdebutikken på Tysse. Tilskotet vert finansiert med NOK 223.768 frå ekstraordinært næringsfond og NOK 176.232 frå kommunen sitt ordinære næringsfond.
Søkjarar som får tildelt tilskot skal vera registrert med eige organisasjonsnummer før tilskot vert ubetalt. Tilskotet står ved lag i inntil to år etter tilsegn er gjeve og/eller er i tråd med rapportering.
Rådmannen sitt framlegg vart samrøystes vedteke.
Oppstart av planarbeidet vert teke til etteretning.
Rådmannen sitt framlegg vart samrøystes vedteke.
Samnanger kommune ruster opp leikeplassen i Bjørkhaugen i tråd med prisoverslaget. Det vert inngått avtale med velforeininga om framtidig drift og vedlikehald, samt investering i leikeapparat og drift av desse.
Budsjettet til teknisk drift vert styrka med for inntil 95.000 eksl. mva. Tiltaket vert finansiert frå disposisjonsfondet.
Rådmannen sitt framlegg vart samrøystes vedteke.
Rådmannen sitt framlegg til nytt delegeringsreglement som vart lagt fram for formannskapet 12.11.2020 vert vedteke med følgjande endring:
Samnanger kommune sitt delegeringsreglement punkt 6.5 og 18.4 vert endra slik at både formannskapet og rådmannen har mynde etter smittervernlova. Rådmannen får fullmakt til å innarbeida denne endringa i reglementet.
Reglementet trer i kraft med verknad frå 01.03.2021. Vedtaket er gjort med heimel i kommunelova § 5-14.
Rådmann Ingebjørg Vamråk orienterte innleiingsvis om at ein tabell har falle ut av saksutgreiinga som ligg i tilleggsinnkallinga til møtet, men at tabellen er med i den versjonen av saksframlegget som ligg under SAKER i Møteportalen. Tabellen inneheld oversikt over kva endringar administrasjonen foreslår i forhold til kommunen sitt noverande delegeringsreglement.
Rådmannen sitt framlegg vart samrøystes vedteke.
Samnanger kommune skyt inn ny eigenkapital i Hardanger AKS, tilsvarande kommunen sin eigarandel på 10,3 %, med NOK 700.000. Beløpet vert finansiert over disposisjonsfondet.
Rådmannen sitt framlegg vart samrøystes vedteke.
Rådmannen får fullmakt til å utarbeide ei vaktordning for kommunal kriseleiing, etter same modellen som ein har for teknisk drift. Ordninga vert finansiert av koronamidlar for 2021.
Rådmannen sitt framlegg vart samrøystes vedteke.
Samnanger kommune sluttar seg til samarbeidet DigiVestland, og delegerer til rådmann å inngå avtale om regionalt digitaliseringssamarbeid. Stipulert kostnad for 2021 på NOK 50 000 vil bli finansiert over disposisjonsfondet. Seinare års kostnader vil bli innarbeidde i budsjetta.
Rådmannen sitt framlegg vart samrøystes vedteke.
Formannskapet vedtek på bakgrunn av lokal smittesituasjon i Bergensområdet «Forskrift om smitteverntiltak, Samnanger kommune». Vedtaket vert gjort med heimel i lov 5. august 1994 nr. 55 om vern mot smittsame sjukdommar § 4-1.
Kommunal kriseleiing ved rådmannen får fullmakt til å vurdere og eventuelt justere tiltaka i ei mindre innskjerpande retning etter ei veke.
Forskrifta gjeld frå og med 12. februar 2021 kl. 00.00.00 til og med 28. februar 2021 kl. 23.59.59.
Øyvind Strømmen fekk permisjon frå møtet før handsaminga av sak 012/2021.
Utvida saksgrunnlag med vedtaksframlegg frå rådmannen og revidert utkast til forskrift vart sendt ut til formannskapet før handsaminga av saka tok til. Det var så pause i møtet for at formannskapet skulle få lest gjennom desse dokumenta.
Rådmannen sitt vedtaksframlegg var som følgjer:
Formannskapet vedtek på bakgrunn av lokal smittesituasjon i Bergensområdet «Forskrift om smitteverntiltak, Samnanger kommune». Vedtaket vert gjort med heimel i lov 5. august 1994 nr. 55 om vern mot smittsame sjukdommar § 4-1.
Kommunal kriseleiing ved rådmannen får fullmakt til å vurdere og eventuelt justere tiltaka i ei mindre innskjerpande retning etter ei veke.
Forskrifta gjeld frå og med 12. februar 2021 kl. 00.00.00 til og med 28. februar 2021 kl. 23.59.59.
Det reviderte utkastet til forskrift følgjer som vedlegg til møteprotokollen.
Før røystinga orienterte rådmann Ingebjørg Vamråk nærmare om saka, mellom anna om koordineringsarbeidet mellom kommunane i Bergensregionen.
Rådmannen sitt framlegg vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Jon Magne Bogevik | Arbeidarpartiet | Medlem | jon.magne.bogevik@kvamnet.no | |
Lena Tveit | Bygdalista | Medlem | tveitlena@yahoo.no | |
Martin Haugen | Bygdalista | Medlem | martin-haugen@hotmail.com | |
Odd Arne Haga | Framstegspartiet | Medlem | odd.arne.haga@outlook.com | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com |