Utval: | Naturutvalet |
---|---|
Dato: | 06.04.2021 15:00 - 18:00 |
Møtestad: | Teams |
Status: | Vedtak er påført møtet |
Sakskart: | |
Møteprotokoll: |
Møteinnkallinga og saklista vert godkjent.
Orienteringssaker/referatsaker vert tekne til orientering.
Godkjenning av innkalling og sakliste:
Ingen merknader.
Eventuelle merknader til protokollen frå førre møte:
Ingen merknader.
Orienteringssaker frå rådmannen:
Planstatus
Einingsleiar Hilde-Lill Våge orienterte om status i planarbeidet eining for samfunnsutvikling arbeider med.
Utvalet sitt kvarter:
Fartsgrensa i Eikedalen
Monica Tjønna (Sp) viste til Statens vegvesen sin skiltplan for mellom anna Eikedalen. Det kjem ikkje fram av planen at fartsgrensa vert sett frå 80 til 60 km i timen på strekninga i Eikedalen.
Skilting og parkerte bilar langs vegen
Anja Elisabeth Gjerde Markhus sette spørsmål om det er noko kommunen kan gjera med at det i enkelte område er parkert mykje bilar langs vegen. Ho trekkjer fram området ved grustaket på Frøland som eit eksempel.
Einingsleiar samfunnsutvikling, Hilde-Lill Våge fortel at dette heng saman med den planlagte skiltplanen. Ho oppfordrar politikarane til å sende inn meldingar til kommunen dersom dei observerer slike samlingar av parkerte bilar. Dette vil gjera det enklare for kommune å føra tilsyn.
Forskrift om jakt på hjort, Samnanger kommune, vert fastsett av Samnanger kommunestyre 22.04.2021, med heimel i lov 29. mai 1981 nr 38 om jakt og fangst av vilt (viltloven) § 16 og forskrift 8 januar 2016 nr 123 om forvaltning av hjortevilt § 5 og § 6.
§ 1. Det er opna for jakt på hjort i Samnanger kommune i Vestland.
§ 2. Minsteareal for godkjenning av vald og fellingsløyve på hjort er sett til 700 dekar for heile kommunen.
§ 3. Denne forskrifta trer i kraft straks og opphever samstundes det som omhandlar Samnanger kommune i forskrift av 13 juni 2001 nr 648 om jakt etter hjortevilt (elg hjort og rådyr), Sveio, Jondal, Ullensvang, Eidfjord, Granvin, Samnanger, Sund, Modalen, Meland, Austrheim og Masfjorden kommunar, Hordaland.
Landbrukssjef ved Bjørnafjorden landbrukskontor, Øystein Svalheim orienterte om saka og svarte på spørsmål frå representantane i utvalet.
Monica Tjønna (Sp) og Karl Bård Kollbotn sette begge fram framlegg til vedtak i saka. Det vart røysta over dei tre forslaga og resultatet vart som følgjane.
Desse røysta for Monica Tjønna sitt framlegg:
Øyvind Steinsland (Bl)
Monica Tjønna (Sp)
Anja Elisabeth Gjerde Markhus (Bl)
Desse røysta for Karl Bård Kollbotn sitt framlegg:
Karl Bård Kollbotn (Frp)
Desse røysta for rådmannen sitt framlegg:
Gunn Østvik Petersen (Ap)
Linda Haug Kollbotn (Frp)
Thorvald Moe (H)
Ove Totland (Bl)
Oskar Røen (MDG)
Rådmannen sitt framlegg til vedtak vart vedteke med 5 røyster.
Samnanger kommune godkjenner Lokal retningsline for tildeling av tilskot til spesielle miljøtiltak i jordbruket (SMIL) for perioden 2021-2024, slik den ligg føre i saka.
Vedtaket er heimla i Forskrift tilskudd til spesielle miljøtiltak i jordbruket, §§1 og 8.
Landbrukssjefen ved Bjørnafjorden landbrukskontor, Øystein Svalheim orienterte om korleis SMIL-ordninga fungerar og at kommunane vert tildelt ein sum midlar til vidarefordeling.
Rådmannen sitt framlegg til vedtak vart samrøystes vedteke.
Grunna manglande vedlegg og dokumentasjon, vert saka oversendt kommunestyret 22.04 utan tilråing frå naturutvalet.
Planleggjar, Ragnhild Lønningdal orienterte om saka. Ho påpeika at vedlegga i saka ikkje vart sendt ut saman med innkallinga. Dette vert ordna til saka skal behandlast i kommunestyret 22.04.2021.
Monica Tjønna (Sp) sette fram framlegg om at naturutvalet sender saka vidare til behandling i kommunestyre utan tilråding frå utvalet. Dette grunna dei manglande vedlegga.
Monica Tjønna sitt framlegg til vedtak vart samrøystes vedteke.
Samnanger kommune meiner at dei positive verknadane av utbygging av Smådalselva kraftverk ikkje veg opp for dei negative verknadane for natur, landskap og friluftsliv.
Naturtypen bekkekløft har lokal verdi, og Smådalselvaer ein av tre slike lokalitetar i Samnanger. I tillegg er elveløp ein nasjonalt raudlista naturtype. Begge delar vert påverka negativt av ei utbygging. Landskapet og friluftsinteressene får middels negativ konsekvens, og det er samla sett vanskeleg å tilrå ei utbygging sjølv om den genererer energi tilsvarande årsforbruket til 450 husstandar og gjev lokal verdiskaping i form av inntekter og skattar.
Samnanger kommune meiner at det er viktig å også ta vare på dei naturtypane som er vurdert som lokalt viktige, og det skal sterke samfunnsfordelar til for at me kan tilrå at utbygging bør skje, på bakgrunn av den kunnskapen ein i dag sit med om gradvis nedbygging av norsk natur.
Samnanger kommune meiner ar det akvatiske naturmiljøet er noko mangelfullt skildra/utgreidd, og at ein ut i frå eit føre-var-prinsipp bør vera forsiktig med å tilrå ei utbygging som har middels til stor negativ konsekvens for dette temaet.
Naturmangfaldrapporten nemner fleire relevanteavbøtande tiltak som ikkje er kommenterte eller tekne med i søknaden. I anleggsfasen er det berre tiltaka mot akutt forureining som er tekne med i søknaden, men ikkje tiltaka relatert til sprengingsarbeid. Samnanger kommune kan heller ikkje sjå at det midtre riggområdet har fått ei langstrakt utforming. Søknaden omtaler ikkje om anleggsvegen sør i området er flytta eller ikkje, for å unngå inngrep i grovdimensjonert furubestand. Reirkassar for fossekall er ikkje nemnt, og me forstår søknaden slik at det ikkje er gjort nokon tilpassingar for aurevandring mellom Smådalsvatnet og elva nedom inntaket.
Dersom det vert gjeve løyve til utbygging av kraftverket rår Samnanger kommune til at alle avbøtande tiltak nemnde i naturmangfaldrapporten vert gjennomførte.
Samnanger kommune planlegg å brukaSmådalselva som reservevasskjelde, i tilfelle der Myra vassverk er sett ut av spel. Teknisk drift uttaler at reservevassforsyning for Myra vassverk er berekna ut frå midlere vassforbruk på 5-6 l/sek med høgdebasseng som buffer. Minstevassføring dekkar kommunen sitt behov, men vil føra til lågare vassføring ved uttak av reservevatn. Det må takast stilling til om kommunen kan ta ut reservevassmengde 5-6 l/sek som vil gå på bekostning av minstevassføringa. Dette vil berre inntreffa dersom Myra vassbehandlingsanlegg fell ut av drift samtidig som elva har minstevassføring.
For utfyllande grunngjeving syner me til saksutgreiinga.
Saka vart handsama som den første saka i dette møtet.
Karl Bård Kollbotn (Frp) og Linda Haug Kollbotn (Frp) stilte spørsmål om gildskapen sin då dattera deira er grunneigar i det berørte området i denne saka. Begge steig til sides og Gunn Østvik Petersen (Ap) overtok rolla som utvalsleiar.
Det vart røysta over gildskapen til dei to, og begge vart funnen ugild etter forvaltningsloven §6 bokstav b. Representantane Kollbotn og Kollbotn deltok difor ikkje i handsaminga av denne saka og Håvard Tvedterås (Frp) og Evelyn Frøland (Bl) gjekk inn som vara for dei to.
Saka vart diskutert, og Håvard Tvedterås (Frp) sette fram forslag til vedtak.
Rådmannen sit framlegg til vedtak og forslaget frå Håvard Tvedterås (Frp) vart sett opp imot kvarandre i røystinga.
Desse stemte for rådmannen sitt framlegg:
Gunn Østvik Petersen (Ap)
Oskar Røen (MDG)
Øyvind Steinsland (Bl)
Anja Elisabeth Gjerde Markhus (Bl)
Monica Tjønna (Sp)
Desse stemte for Håvard Tvedteås sitt framlegg:
Thorvald Moe (
Håvard Hvedterås (Frp)
Evelyn Frøland (Bl)
Ove Totland (Bl)
Rådmannen sitt framlegg til vedtak vart vedteke med 5 mot 4 røyster.
Samnanger kommune vedtek at det vert gjeve dispensasjon frå kommuneplanens arealdel, jf pbl § § 1-8, 11-7,pk 14.4 og pk 29; byggegrense mot vatn, elvar og vassdrag og LNF-formålet, til ny tilkomstveg oguttak av stein frå massedeponi, samt andre tiltak som skildra i søknaden. Føremålet med tiltaket er åstette krava etter forskrift om damtryggleik. Fordelane med å gje dispensasjon er klårt større ennulempene for ålmenta i denne saka.
Planleggjar, Ragnhild Lønningdal, bemerka at det var ei feil formulering i rådmannen sitt framlegg til vedtak.
Gunn Østvik Petersen (A) sette difor fram eit framlegg til vedtak med desse endringane.
Gunn Østvik Petersen sitt framlegg til vedtak vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Linda Haug Kollbotn | Framstegspartiet | Nestleiar | lhk@safa.no | |
Gunn Østvik Petersen | Arbeidarpartiet | Medlem | gunn.o.petersen@kvamnet.no | |
Øyvind Steinsland | Bygdalista | Medlem | oyvind.steinsland@orkla.no | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Ove Totland | Bygdalista | Medlem | ove_totland@hotmail.com | |
Thorvald Moe | Høgre | Medlem | thorvald95@hotmail.com | |
Oskar Røen | Miljøpartiet Dei Grøne | Medlem | oskarroen@gmail.com | |
Monica Tjønna | Senterpartiet | Medlem | monica.tjonna@kvamnet.no | |
Karl Bård Kollbotn | Framstegspartiet | Leder | karl.kollbotn@samnanger.kommune.no |