Utval: | Formannskapet |
---|---|
Dato: | 20.08.2021 11:00 - 13:00 |
Møtestad: | Biblioteket på Bjørkheim |
Status: | Vedtak er påført møtet |
Sakskart: | |
Møteprotokoll: |
Møteinnkallinga og saklista vert godkjent.
Orienterings-/referatsaker vert tekne til orientering.
Godkjenning av innkalling og sakliste: |
Eventuelle merknader til protokoll frå førre møte:
Ingen merknader.
Rådmannen orienterer:
Ingen saker.
Ordføraren orienterer:
Folkevaldopplæring: Det er planlagt folkevaldopplæring 16.09.2021 i forkant av det planlagde kommunestyremøte. Ein representant frå KS vert med denne dagen. Budsjettprosessen 2021 og oppseiingar frå rådmann og økonomisjef:
Rådmannen har sagt opp stillinga si og skal slutte i kommunen i september. Økonomisjefen har sagt opp stillinga si og skal gå over i stillinga som rådgjevar ved økonomikontoret. Budsjettprosessen no i haust vil difor verta meir krevjande enn normalt. Den krevjande situasjonen er grunnen til at det vart kalla inn til eit ekstramøte i formannskapet 20.08.2021. |
Formannskapet gjekk inn for å gjera vedtak i sak om konstituering i stillinga som rådmann. Sjå sak 042/2021. |
Etter at det vart fatta vedtak i sak 042/2021, fortsette drøftingane kring den kritiske situasjonen i Samnanger kommune. |
Odd Arne Haga (Frp) sette fram forslag om å suspandere rådmannen ut oppseingstida med løn i perioden. Ordførar, Knut Harald Frøland (Bl) bad så om gruppemøte. Etter gruppemøte trekte Odd Arne Haga framlegget sitt og sette fram nytt framlegg: "Det vert stillingsstopp for utlyst stilling som konsulent for leiargruppa." |
Øyvind Strømmen (MDG) stilte spørsmål om i kva sak framlegget frå Odd Arne Haga (Frp) vart sett fram i. Ordførar bekrefta at dette ikkje var ei sak på sakskartet, og bad formannskapet om å ta stilling til om saka skulle takast inn på sakskartet. |
Øyvind Srømmen (MDG), Shirin Kvernes Khadoor (A) og Jon Magne Bogevik (A) viste til kommuneloven §11-3 siste ledd som seier "På tilsvarende måte kan organet fatte vedtak i en sak der saksdokumentene ikke er sendt ut sammen med innkallingen, hvis ikke møtelederen eller 1/3 av de møtende medlemmene motsetter seg det." Dei tre representantane, som utgjer 1/3 av medlemmane i formannskapet på ni, motsette seg dette. Saka vart difor ikkje sett på sakskartet. Øyvind Røen (Sp) bad om eit gruppemøte. |
Etter gruppemøtet sette Odd Arne Haga (Frp) fram forslag om at det vert halde eit ekstramøte i formannskapet 23.08.2021 der utvalet skal vurdere om stillinga "konsulent for rådmannsgruppa" skal stoppast eller eventuelt utsetjast. Representantane i formannskapet diskuterte dette, og rådmannen fortalte om sine vurderingar og kvifor stillinga vart utlyst no før ho sluttar. Odd Arne Haga (Frp) trekte forslaget sitt. |
Ordførar Knut Harald Frøland (Bl) opplyste om at han ville vurdere om formannskapet skal kallast inn til eit ekstramøte der saka kan handsamast. |
Utvalet sitt kvarter:
Status konsesjonskraft og straumprisar:
Odd Arne Haga (Frp) lurte på korleis dagens høge straumprisar påverkar Samnanger kommune sin økonomiske situasjon. Økonomisjef Nina Erdal opplyser om at kommunen har ein prissikringsavtale som garanterer Samnanger ein minstepris for konsesjonskrafta som vert seld. Prisauken på straum i marknaden vil kommune tene på. |
Formannskapet godkjenner «Vedtekter for kommunale barnhagar i Samnanger kommune» slik dei ligg føre.
Sektorleiar oppvekst Bodil H. Øpstebø orienterte formannskapet sine medlemmar om saka og svarte på spørsmål dei hadde knytt til vedtekter for kommunale barnehagar. |
Rådmannen sitt framlegg til vedtak vart samrøystes vedteke.
Øystein Granheim vert konstituert rådmann i Samnanger kommune etter tilbod frå Agenda Kaupang
Formannskapet handsama denne saka som ein del av faste saker.
Medlemmane i formannskapet fekk torsdag ettermiddag tilsendt eit tilbod frå Agenda Kaupang. Agenda Kaupang har komme med tilbod som går ut på at ein av deira tilsette, Øystein Granheim, kan ta rolla som konstituert rådmann i Samnanger fram til rådmannen sitt budsjettforslaget er på plass hausten 2021. |
Granheim har tidlegare vore tilsett som økonomisjef i Lier kommune (sju år), og har difor god erfaring med kommunalt budsjettarbeid. |
Tilbodet frå Agenda Kaupang kom etter at ordførar tok kontakt med firmaet for å få tips om korleis budsjettprosessen i Samnanger kunne gjennomførast på best mogleg måte i denne krevjande situasjonen der rådmannen skal slutte og økomomisjefen går over i anna stilling. |
Ordførar har vurdert det slik at det ikkje vil vera eit alternativ og påleggje ein av dei andre leiarane i kommunen å ta rolla som konstituert rådmann i tillegg til si eiga stilling. |
Ordførar, Knut Harald Frøland (Bl) sette fram følgjande framlegg til vedtak: Øystein Granheim vert konstituert rådmann i Samnanger kommune etter tilbod frå Agenda Kaupang. |
Det vart røysta over ordføraren sitt framlegg.
Framlegg til vedtak vart vedteke med 8 imot 1 røyst frå Jon Magne Bogevik (A).
Formannskapet ønskjer at det vert sjekka ut om vedtaket og prosessen rundt er i tråd med reglane for innkjøp. |
Forskrift om fritak for smittekarantene - Samnanger kommune vert vedteke slik den ligg føre.
Rådmannen får fullmakt til å gjera språklege rettingar.
Rådmannen sitt utkast til forskrift var sendt ut til formannskapet sine medlemmar i byrjinga av møtet. |
Det vart røysta over rådmannen sitt framlegg til vedtak.
Framlegget vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Jon Magne Bogevik | Arbeidarpartiet | Medlem | jon.magne.bogevik@kvamnet.no | |
Lena Tveit | Bygdalista | Medlem | tveitlena@yahoo.no | |
Martin Haugen | Bygdalista | Medlem | martin-haugen@hotmail.com | |
Odd Arne Haga | Framstegspartiet | Medlem | odd.arne.haga@outlook.com | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com |