Møte i Formannskapet den 10.02.2022

Vedtak

Innkalling og sakliste vert godkjent.

Behandling

Innkallinga og saklista vart godkjent utan merknader.

Vedtak

Orienterings-/referatsaker vert tekne til orientering.

Behandling

Rådmannen orienterer:

Høyring om forslag om endring i domstolstrukturen
Rådmannen viste til notat som låg ved møteinnkallinga og orienterte kort om høyringsframlegget. Høyringsfristen er 26.04.2022. Formannskapet bad om å få dette opp som sak til politisk handsaming før høyringsfristen.

Utviding av helsesjukepleiarstilling
Rådmannen viste til notat som låg ved møteinnkalinga og orienterte kort om saka.

Investeringstilskot Skottabakken
Rådmannen orienterte om at det i byggerekneskapen for Skottabakken bufellesskap er lagt til grunn at kommunen vil få eit investeringstilskot frå Husbanken på 14,4 mnok til bufellesskapet. Det viser seg no at det faktiske tilskotet frå Husbanken blir 4 mnok lågare enn dette, d.v.s. ca. 10,4 mnok. Endringa fører til at avsettinga til kommunen sitt ubundne investeringsfond vil bli redusert med 4 mnok.


Ordføraren orienterer:

Status for vedtekne prosjekt
Ordføraren spurde rådmannen om status for følgjande to prosjekt:

• Gangsti til Hagabotnane

• Prosjektering utbetring av vegen til Hagabotnane

Rådmannen kunne ikkje svara i møtet, men vil koma tilbake med informasjon på eit seinare tidspunkt.


Utvalet sitt kvarter:

Status for covid-19-smitte i Samnanger
Øyvind Strømmen (MDG) spurde om kva som er status for smittetrykket i Samnanger. Rådmannen orienterte kort om smittesituasjonen.

Spørsmål om rettar for pårørande og oppfølging av vedtak på sjukeheimen
Odd Arne Haga (Frp) viste til spørsmåla han stilte under "Utvalet sitt kvarter" i formannskapet 11.11.2021, og ikkje fekk svar på der. Spørsmåla gjaldt om pårørande kan krevja vedtak frå kommunen dersom dei meiner det er behov for pleie- og omsorgstenester, samt kontrollrutinar for oppfølging av vedtak på sjukeheimen.

Rådmannen orienterte kort om kommunal forskrift for tildeling av langtidsopphald i sjukeheim, opptaksmnemnd og klagereglar.

Vedtak

Forskrift for handtering av hushaldsavfall i Samnanger kommune vert vedteken slik den ligg føre. Forskrifta trer i kraft 01.04.2022.

Behandling

Rådmannen sitt framlegg vart samrøystes vedteke.

Vedtak

Saka vert sendt til kommunestyret utan tilråding.

Behandling

Gildskap
Ordførar Knut Harald Frøland (Bl) bad om å få vera ugild i saka. Bakgrunnen for dette var at den eine av søkjarane er leigetakar i ein bustad som Knut Harald Frøland eig.

Lena Tveit (Bl) bad om å få gildskapen sin vurdert. Bakgrunnen for dette var at ho er venninne med den eine av søkjarane.

Shirin Kvernes Khadoor (Ap) bad om å få gildskapen sin vurdert. Bakgrunnen for dette var at ho er tilsett i den eine av verksemdene som har søkt om støtte.

Knut Harald Frøland, Lena Tveit og Shirin Kvernes Khadoor gjekk frå medan formannskapet handsama gildskapen deira. Øyvind Røen (Sp) gjekk inn som møteleiar.

Knut Harald Frøland stadfesta på spørsmål frå formannskapet at han ikkje ønska å vera med på handsaminga av saka. Formannskapet vedtok samrøystes at han ikkje skulle vera med på handsaminga av saka, jf. reglar i kommunelova §§ 11-10 og 11-11.

Lena Tveit stadfesta på spørsmål frå formannskapet at ho ikkje ønska å vera med på handsaminga av saka. Handsaming

Vedtak

Det vert løyvd inntil kr 250 000 til digital oppgradering i barnehagane.

Midlane til dette tiltaket vert finansiert av disposisjonsfondet.

Behandling

Rådmannen sitt framlegg vart samrøystes vedteke.

Vedtak

Formannskapet løyver pengar til å kjøpa møtebord og lysskjerming til kommunestyresalen opp til kr. 60.000,-.

Kostnaden vert dekt av disposisjonsfondet.

Vedtaket er gjort etter pkt. 6.3 i «Delegeringsreglement for Samnanger kommune» jf. kommuneloven §11-8.

Behandling

Rådmannen sitt framlegg vart samrøystes vedteke.

Vedtak

Samnanger kommune inngår samarbeidsavtale med Trond Haga Taxi AS om transporttenesta «Svinta»-skyss. Transporttenesta er eit tilbod til ungdom 15 – 18 år (som fyller 15, 16, 17 og 18 i inneverande år) og eldre 67 + (som fyller 67 år eller meir i inneverande år). Samarbeidsavtala skal testast ut i 3 månader. Trond Haga Taxi får betalt kr. 5.000 pr. månad i prøveperioden.

Finansiering skjer frå disposisjonsfondet.

Behandling

Rådmannen sitt framlegg vart samrøystes vedteke.

Vedtak

Samnanger kommune stemmer ja i uravstemminga om revidert Hovudavtale for perioden 01.01.2022 – 31.12.2023.

Behandling

Rådmannen sitt framlegg vart samrøystes vedteke.