Utval: | Kommunestyret |
---|---|
Dato: | 07.04.2022 15:00 - 19:35 |
Møtestad: | Kommunestyresalen - kommunehuset |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vert godkjent.
Øyvind Strømmen (MDG) viste til at det var kome inn fire interpellasjonar til møtet. Han tok i samband med dette opp nokre spørsmål om reglane om interpellasjonar i kommunen sitt reglement, og praktiseringa av desse. Spørsmåla gjaldt mellom anna tidsbruk på handsaming av interpellasjonar, og når i møtet interpellasjonar skal handsamast (først eller til slutt i møtet). Ordførar Knut Harald Frøland (Bl) bad om gruppemøte.
Etter gruppemøtet orienterte ordføraren om at spørsmåla til Øyvind Strømmen ville bli tatt opp under handsaminga av interpellasjonane.
Samrøystes vedtak.
Orienterings-/referatsaker vert tekne til orientering.
Presentasjon av prosjektet "100 dagar sjølvforsynt":
Heidi Synnøve Gaustad og Mari Austvoll Gjengedal frå Bjørnafjorden landbrukskontor presenterte prosjektet "100 dagar sjølvforsynt".
Oppdrag Øystesefjella nasjonalpark - orientering frå statsforvaltaren:
Kjell Kvingedal frå miljøavdelinga hos Statsforvaltaren i Vestland orienterte om arbeidet med planlegging av Øystesefjella nasjonalpark, samt andre nasjonalparkprosjekt som miljøavdelinga arbeider med. Han orienterte om at Statsforvaltaren ønskjer tilbakemelding frå Samnanger kommunestyre om aksept for oppstart av verneprosess for Øystesefjella.
Rådmannen orienterer:
Orientering v/rådmann Ove Sæbø:
Beredskapslager av jodtablettar. Svar på spørsmål stilt i kommunestyret 24.02.2022. Kommunen har beredskapslager av jodtablettar til barn og unge 0-18 år, gravide og ammande.
Midlar frå arv til Samnangerheimen brukt til glassbod. Svar på spørsmål stilt i kommunestyret 24.02.2022. Glassboden er meint for pasientar ved Samnangerheimen, ikkje tilsette.
Fartsgrense Hagabakkane. Svar på spørsmål stilt i formannskapet 24.03.2022. Vegen kan no skiltast som 30-sone. Ikkje avklart når skilting vil bli gjort.
Kommunal VA-utbygging (vatn/avløp). Svar på spørsmål stilt i formannskapet 24.03.2022 om utbygging av kommunalt VA på Nordnes. Det er ikkje planar om utbygging på Nordnes.
Oppgradering av vegen til Hagabotnane. Svar på spørsmål stilt i formannskapet 24.03.2022 om møteplassar i midtre og nedre del av Hagabakkane. Det kjem truleg opp sak i kommunestyret sitt juni-møte om oppgradering av vegen til Hagabotnane. Tentativ oppstart av arbeidet er tidlegast i september 2022.
Status i rettssaker/søksmål som kommunen er part i. Krekavegen, Nyutløtrævegen og søksmål barnevern.
Søknadsfrist for tilskotsmidlar til breibandutbygging. Kommunen sin søknadsfrist i år er 10. mai. Det er usikkert om det er område i kommunen det vil vera aktuelt å søkja om midlar til årets søknadsrunde.
Status for sak om justering av vedtak om overføring av eigedom til Samnanger sokn. Saka kjem opp i kommunestyret sitt juni-møte.
Straumstøtte til frivillige lag og organisasjonar. Det er totalt innvilga støtte på 89 000 kroner til lag og organisasjonar i Samnanger.
Informasjon om prosjektet Digihjelpen. Orientering om prosjektet, mellom anna at Anders Torgilstveit no er tilsett i 40 prosent prosjektstilling.
Framdrift planlegging fleirbrukshall. Informasjon om status, mellom anna at styringsgruppa har hatt sitt første møte.
Orientering v/kommunalsjef helse og omsorg, Edith Oma:
Pandemisituasjonen. Mindre smitte i kommunen no enn tidlegare, men pandemien er ikkje over og det kan framleis bli utfordringar for helse- og omsorgstenestene dersom smittesituasjonen endrar seg og mange blir smitta samstundes.
Helsesjukepleiarsituasjonen. Ny helsesjukepleiar starta i kommunen denne veka, og rekrutteringsprosessen for den andre helsesjukepleiarstillinga er i gong.
Orientering v/økonomisjef Karl Viken:
Økonomistatus pr. mars 2022. Økonomisjefen orienterte om status, prognosar m.m.
Mottak av flyktningar frå Ukraina. Informasjon om økonomiske løyvingar/ordningar for kommunane.
Framsikt. Informasjon om planlagt utviding av bruken av verksemdstyringssystemet Framsikt.
Utvalet sitt kvarter:
Tilstandsrapport og vedlikehaldsplanar for kommunale bygg
Odd Arne Haga (Frp) viste til tidlegare vedtak i kommunestyret og spurde om status for arbeidet med tilstandsrapport og vedlikehaldsplanar for kommunale bygg. Rådmann Ove Sæbø orienterte om status for arbeidet og om korleis kommunen arbeider med byggvedlikehald m.m.
Trafikksikringstiltak Gjerdsvegen
Anja Elisabeth Gjerde Markhus (Bl) spurde om status for arbeidet med trafikksikringstiltak (sikring av skuleveg) i Gjerdsvegen. Rådmannen kunne ikkje svara i møtet. Han vil koma tilbake med svar i eit seinare møte.
Ønske om førehandsinformasjon om presentasjonar som skal haldast i kommunestyret
Gunn Østvik Petersen (Ap) viste til orienteringane/presentasjonane som Bjørnafjorden landbrukskontor og Statsforvaltaren tidlegare i møtet. Ho sette fram ønske om at det blir gitt betre informasjon på førehand om slike presentasjonar, slik at kommunestyremedlemmene har moglegheit til å førebu spørsmål. Ordførar Knut Harald Frøland (Bl) sa han ville ta dette med seg vidare.
Interpellasjonar i saker av "omfattande art"
Gunn Østvik Petersen (Ap) viste til at det var mange interpellasjonar til dette kommunestyremøtet. Ho bad om at det blir sett på bruken av interpellasjonar i saker av "omfattande art", og meinte det er uheldig at slike saker går direkte til handsaming i kommunestyret utan at dei er utgreidd av administrasjonen. Ordførar Knut Harald Frøland viste til diskusjonen tidlegare i møtet, der det mellom anna vart diskutert om kommunen sitt reglement bør sjåast på. Han peika også på at interpellasjonar representerer ein "demokratisk rett" for medlemmene i kommunestyret.
1. Kommunestyret godkjenner å busetje 30 flyktningar i tråd med oppmodingstal frå IMDI. Dette talet inkluderer ikkje evt. familiegjenforeining.
2. Kommunestyret gjev rådmannen fullmakt til å disponere tilskota kommunen mottek til føremålet. Det inneber mellom anna å bemanne opp administrasjonen og dei tenestene som er naudsynte for å kunne gje flyktningane eit velfungerande bu- og opphaldstilbod. I tillegg kan det tyde å inngå leigeavtalar om bustadar, innkjøp av naudsynt utstyr som flyktningane treng i det daglege, samt innkjøp/leasing/leige av bil som flyktningtenesta (NAV) kan disponere.
3. Finansiering av tiltaka skal skje innanfor ramma av integreringstilskotet som føl med flyktningane som vert busette i Samnanger kommune.
4. Rådmannen skal jamnleg rapportere status på bruk av fullmakt til kommunestyret.
Martin Haugen spurde om det burde gjennomførast ei vurdering av gildskapen hans. Bakgrunnen for dette er at han har meldt inn til kommunen at han har ein ledig bustad som vil kunne leigast ut til flyktningar, og at han ut frå dette kanskje kan ha ei økonomisk interesse i saka. Etter råd frå rådmannen vart det avklart at det ikkje var behov for å gjennomføra ei gildskapsvurdering for Martin Haugen som følgje av dette.
Rådmannen sitt framlegg vart samrøystes vedteke.
Konsekvensane for Samnanger kommune av domstolsreforma i 2021 var små. Samnanger kommunestyre kan ikkje sjå at den lokale forankringa eller tingretten si forståing for lokale tilhøve har endra seg for vår del. Ei tilbakeføring til slik det var før 2021 vil på same måte ha mindre konsekvensar for kommunen, korkje negativt eller positivt.
På generelt grunnlag saknar kommunestyret i Samnanger ein meir nyansert debatt om reformen. På den eine sida er det verdt å merka seg at den vart gjennomført på bakgrunn av ein svært kritisk rapport frå Riksrevisjonen der det vart påpeika at den dåverande domstolstrukturen gav manglande effektivitet, problem knytt til gildskap og vanskar med å rekruttera til ledige stillingar ved dei mindre tingrettane og jordskifterettane. Det vart også peikt på at dette gjekk ut over rettstryggleiken.
På fleire område ser domstolsreformen også ut til å ha fungert etter intensjonen, med styrka fagmiljø og reduserte kostnader til byråkrati innan rettsvesenet.
På den andre sida var domstolsreforma prega av kompromiss, etter at det i utgangspunktet var på tale å leggja ned dei mindre tingrettane. Ein valde å halda på rettstader, men kommunestyret i Samnanger har forståing for t.d. Hardangerrådet si uro for gradvis nedbygging i distrikta. Ei full reversing av reformen er ikkje av den grunn det riktige, men det kan vera riktig å gjera endringar i nokre område.
Fordi Samnanger i lita grad vil verta påverka, finn kommunestyret det unaturleg å gå inn for eller mot konkrete endringar i vår region. Kommunestyret vil likevel peika på at det å lovfesta rettsstader kan vera med på å sikra eksistensen til dei nye rettsstadene, og redusera usikkerheit, uro og nedleggingsfrykt, slik at det heller kan fokuserast på samarbeid og utvikling.
Handsaming:
Arild Røen (H) sette fram framlegg til vedtak.
Øyvind Strømmen (MDG) sette fram framlegg til vedtak.
Øyvind Røen (Sp) sette fram framlegg til vedtak.
Arild Røen (H) trekte framlegget sitt.
I røystinga fekk Øyvind Strømmen sitt framlegg 12 røyster og vart vedteke. Øyvind Røen sitt framlegg fekk 9 røyster.
For Øyvind Strømmen sitt framlegg | For Øyvind Røen sitt framlegg |
Knut Loneland Høibraaten (Bl) | Øyvind Røen (Sp) |
Martin Haugen (Bl) | Monica Tjønna (Sp) |
Ove Totland (Bl) | Knut Harald Frøland (Bl) |
Øyvind Steinsland (Bl) | Lena Tveit (Bl) |
Shirin Kvernes Khadoor (Ap) | Anja Elisabeth Gjerde Markhus (Bl) |
Gunn Østvik Petersen (Ap) | Solveig Vassenden (Bl) |
Alfred Trengereid (Ap) | Linda Haug Kollbotn (Frp) |
Harald Boge (Ap) | Odd Arne Haga (Frp) |
Gunn Totland Moss (KrF) | Karl Bård Kollbotn (Frp) |
Arild Røen (H) | |
Øyvind Strømmen (MDG) | |
Oskar Røen (MDG) |
Samnanger kommune inngår revidert samarbeidsavtale med Trond Haga Taxi AS om transporttenesta «Svinta»-skyss. Revidert samarbeidsavtale skal testast ut i 6 månader. Trond Haga Taxi får betalt kr. 25.000 eks. mva. pr. månad i prøveperioden. Finansiering skjer frå disposisjonsfondet.
Ordninga vert evaluert etter prøveperioden på 6 md., der følgjande vart gjort greie for og dokumentert:
1) Kva aldersgrupper nyttar tilbodet?
2) Kva strekningar i kommunen vart køyrde?
3) Oversikt over talet påkøyreturar utførte i prøvetida.
Handsaming:
Monica Tjønna (Sp) sett fram eit tilleggsframlegg. Ordførar Knut Harald Frøland (Bl) foreslo at dette tilleggsframlegget vart lagt inn som eit tillegg til formannskapet si innstilling, og at det vart røysta samla over formannskapet si innstilling inkludert tilleggsframlegget til Monica Tjønna. Kommunestyret slutta seg til dette.
Med dette tillegget vart formannskapet si innstilling samrøystes vedteken.
Punkt 1 i vedtak KS 013/2022 vert endra til:
Kommunestyret ber kontrollutvalet bestilla og gjennomføra overordna eigarskapskontroll innan utgangen av 2022.
Kontrollutvalet si innstilling vart samrøystes vedteken.
Samnanger kommune tek imot invitasjon og opprettar medlemskap i Trygg Trafikk. Årleg medlemskontingent er for tida kr. 2500,-.
Finansiering vert gjort innanfor ramma ansvar 2000 – skule og barnehage, felles.
Rådmannen sitt framlegg vart samrøystes vedteke.
Ove Sæbø får vigselsmynde på vegner av Samnanger kommune med verknad frå 07.04.2022. Heimel for vedtaket er ekteskapslova § 12 bokstav b.
Rådmannen sitt framlegg vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Gunn Østvik Petersen | Arbeidarpartiet | Medlem | gunn.o.petersen@kvamnet.no | |
Harald Boge | Arbeidarpartiet | Medlem | harald.boge@samnanger.kommune.no | |
Martin Haugen | Bygdalista | Medlem | martin-haugen@hotmail.com | |
Øyvind Steinsland | Bygdalista | Medlem | oyvind.steinsland@orkla.no | |
Solveig Vassenden | Bygdalista | Medlem | sol.vassenden@kvamnet.no | |
Lena Tveit | Bygdalista | Medlem | tveitlena@yahoo.no | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Knut Loneland Høibraaten | Bygdalista | Medlem | knut@hoibraaten.net | |
Ove Totland | Bygdalista | Medlem | ove_totland@hotmail.com | |
Karl Bård Kollbotn | Framstegspartiet | Medlem | karl.kollbotn@samnanger.kommune.no | |
Linda Haug Kollbotn | Framstegspartiet | Medlem | lhk@safa.no | |
Odd Arne Haga | Framstegspartiet | Medlem | odd.arne.haga@outlook.com | |
Arild Røen | Høgre | Medlem | ariroeen@online.no | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com | |
Oskar Røen | Miljøpartiet Dei Grøne | Medlem | oskarroen@gmail.com | |
Monica Tjønna | Senterpartiet | Medlem | monica.tjonna@kvamnet.no | |
Alfred Trengereid | Arbeidarpartiet | 3. varamedlem | alfred.trengereid@ncc.no | |
Jon Magne Bogevik (Ikke møtt) | Arbeidarpartiet | Medlem | jon.magne.bogevik@kvamnet.no |