Utval: | Kommunestyret |
---|---|
Dato: | 16.06.2022 08:30 - 15:15 |
Møtestad: | Kommunestyresalen |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vert godkjent.
Ordførar Knut Harald Frøland (Bl) orienterte om at han hadde avtalt med kommunen sitt revisorselskap BDO at dei skulle vera med i møtet frå ca. kl. 12:00, under handsaminga av sakene 025, 026 og 038. Desse tre sakene ville som følgje av dette ikkje verta handsama før tidlegast kl. 12:00.
Øyvind Strømmen (MDG) tok opp at det framleis er problem med at det nokre stader i møteprotokollar ser ut som han er representant for både MDG og Bl. Problemet skuldast ein feil i kommunen sitt sakshandsamingssystem (Websak / ACOS Møte). Problemet gjeld for representantar som tidlegare har vore representantar for eit anna parti/ei anna liste.
Det var ingen andre merknader til innkallinga eller saklista, som vart samrøystes godkjent.
Orienterings-/referatsaker vert tekne til orientering.
Rådmannen orienterer:
Orientering v/rådmann Ove Sæbø:
Planlegg gjennomføring av arbeidsmiljøundersøking for tilsette til hausten.
Ny administrativ organisering med fire kommunalsjefar innført frå 01.06.2022.
Informasjon om ulike prosessar i organisasjonen, mellom anna økonomirapportering til rådmannen.
Jannicke Larsen er tilsett som ny brannsjef (for Bergen og samarbeidskommunane Osterøy, Samnanger og Vaksdal).
NAV Stat ønskjer drøfting med kommunen om NAV sine lokale på kommunehuset, mellom anna om tryggleiken for dei tilsette. Dette vil verta tema på partnarskapsmøte med NAV Stat i august.
Arbeid knytt til mottak av flyktningar frå Ukraina er ei betydeleg tilleggsoppgåve for NAV Samnanger.
Svar på spørsmål stilt av Shirin Kvernes Khadoor (Ap) i formannskapet 02.06.2022, om talet på kommunale representantar i samarbeidsutvala (SU) for grunnskulane i kommunen. Det skal etter reglane i opplæringslova vera to kommunale representantar i SU, og rektor skal vera éin av desse. Kommunen sin praksis er i samsvar med dette.
Orientering v/einingsleiar livsmeistring Carolina Mercadal:
Logoped har vorte innleigd av kommunen si pedagogisk-psykologiske teneste (PPT) i ein periode, grunna sjukefråvær.
Kommunen sin faste PPT-leiar kjem tilbake frå permisjon i september.
Høg arbeidsbelastning i barnevernet over tid. Har hatt noko sjukefråvær. Det er no leigd inn ein vikar for ein periode. Dette er den same vikaren som var innleigd også delar av 2021 og i starten av 2022, og som derfor kjenner barneverntenesta i Samnanger godt.
Utfordringar med kontorlokala til barneverntenesta. Ser fram til ombygging.
Barneverntenesta får gode tilbakemeldingar.
Orientering v/kommunalsjef helse og omsorg Edith Oma:
Legevaktsamarbeidet med Bjørnafjorden. Orientering om kommunestyrevedtak i Bjørnafjorden om legevakt i Eikelandsosen i kjernetida. Administrasjonen jobbar med å avklara denne saka. Ny legevaktavtale med Bjørnafjorden må uansett på plass.
Status for legestillingar. To av legane i kommunen skal ha permisjon frå høvesvis 01.08.2022 og 01.09.2022. Vikariata har vorte lyst ut fleire stader, men det har ikkje meldt seg nokon søkjarar. Det blir no forsøkt å skaffa vikarar via Legeforeininga si legeformidlingsteneste.
Status for helsesjukepleiarstillingar. Den eine av kommunen sine helsesjukepleiarstillingar er framleis ledig. Ein søkjar vart tilsett i stillinga, men fekk eit anna jobbtilbod og trekte seg før ho starta i stillinga. Stillinga er no lyst ut på nytt.
Status for mottak av flyktningar frå Ukraina. Kommunen har per no tatt imot 14 flyktningar - 9 vaksne og 5 barn. Tilbakemeldingane frå flyktningane er gode/positive.
Orientering om arbeidet med eventuell vikarpool i pleie/omsorg og oppvekst. Presentasjon av ulike problemstillingar, refleksjonar, alternative løysingar, utfordringar, m.m.
Orientering v/kommunalsjef samfunnsutvikling Hilde-Lill Våge:
Status for oppfølging av verbalpunkt frå kommunestyret 02.12.2021 om skilting og ev. kvit stripe på Gjerdsvegen. Punktet er teke inn i trafikksikringsarbeidet til administrasjonen, som også omfattar Nesjavegen og levering i barnehagen der. Tek sikte på å leggja fram sak i formannskapet i september.
Bubilparkering på Bjørkheim. Oppfølging av spørsmål stilt av Lena Tveit (Bl) i formannskapet 02.06.2022. Det aktuelle området ved den kommunale kaien på Bjørkheim er regulert til park og gang- og sykkelveg, ikkje til camping. Det er no sett opp betongblokker som stengjer av delar av kaiområdet, samt sørgjer for tilstrekkeleg avstand mellom bubilar som parkerer på kaien. Kommunen har ikkje høve til å ta betalt for bubilparkering på Bjørkheim. Kommunen bør leggja til rette for bubilparkering ein annan stad. Skilt om forbod mot camping vil verta sett opp på Bjørkheim.
Utvalet sitt kvarter:
Spørsmål om referatsak/notat om retting av skrivefeil i vedtak i folkevalde organ i Samnanger
Øyvind Strømmen (MDG) viste til notatet om retting av skrivefeil som låg ved møteinnkallinga, og spurde om dette ville koma opp som sak til politisk handsaming. Ordførar Knut Harald Frøland (Bl) orienterte om at det truleg er behov for å få dette opp som sak, saman med nokre andre tema knytt til folkevalde organ.
Taletid i folkevalde organ
Odd Arne Haga (Frp) spurde om det er tenkt på å laga reglar for maksimal taletid i folkevalde organ. Ordførar Knut Harald Frøland (Bl) orienterte om at han ikkje har tenkt å ta initiativ til slike reglar, samt at han meiner at kommunestyret i møta sine kan ivareta eventuelle spørsmål om maksimal taletid.
Trafikkontrollar/politikontrollar
Anja Elisabeth Gjerde Markhus (Bl) viste til vedlegg til møteinnkallinga, med kopi av kommunen sitt høyringssvar om betre polititenester. Ho spurde om det er mogleg å også senda inn ønske om fleire politi-/trafikkontrollar i Samnanger. Ho viste i samband med dette til at det er mykje råkøyring i Samnanger. Ordførar Knut Harald Frøland (Bl) orienterte om at han vil ta dette opp med kommunen sin politikontakt. Han orienterte også om at politimeistereren eller visepolitimeisteren vil møta formannskapet i Samnanger i haust (06.10.2022), og at det då vil vera mogleg å ta opp spørsmål/saker.
Sjukeheimsplass for 100-åringar
Solveig Vassenden (Bl) viste til at kommunen får fleire innbyggjarar som er 100 år eller eldre. Ho kom med innspel om at kommunen bør innføra ordning med at innbyggjarar på 100-årsdagen sin får "billett" til sjukeheimsplass på Samnangerheimen. Kommunalsjef Edith Oma orienterte om status for sjukeheimsplassar/belegget på Samnangerheimen.
Drosjetilbodet i Samnanger
Håvard Tvedterås (Bl) viste til at det på grunn av sjukdom ikkje var drosjetilbod i Samnanger i helga som var. Han spurde kva drosjetilbod innbyggjarane kan forventa i helgane. Ordførar Knut Harald Frøland (Bl) orienterte om at han vil ta dette opp med drosjeselskapet.
Brannstasjon
Håvard Tvedterås (Bl) spurde om status for arbeidet med planlegging av ny brannstasjon eller rehabilitering av den noverande brannstasjonen. Kommunalsjef Hilde-Lill Våge orienterte om status for planleggingsarbeidet, og om at administrasjonen håpar å ha klart eit utkast til løysing i løpet av hausten.
Ny parkeringsplass på Bjørkheim
Gunn Totland Moss (KrF) spurde om kva som er status for den ikkje-ferdigstilte nye parkeringsplassen på Bjørkheim. Ordførar Knut Harald Frøland (Bl) orienterte om at det framleis ikkje er teke avgjerd om kva plassen skal brukast til, men at den ligg der som ei moglegheit, og at det kan vera ulike alternativ til bruk av plassen.
Samrøystes vedtak.
Kommunestyret vedtek Årsmelding 2021 for Samnanger kommune.
Formannskapet si innstilling vart samrøystes vedteken.
Rekneskapen for 2021 vert godkjent slik han ligg føre. Rekneskapen for 2021 har eit overskot på kr 12 996 715. I avslutninga av rekneskapen for 2021 vart fyrst avsetjing til disposisjonsfond på kr 920 000 stroke i samsvar med forskrift § 4-3. Mindreforbruket ut over dette er avsett til disposisjonsfond.
Framført underskot på sjølvkost kan dekkast inn ved eit eventuelt overskot på eit seinare tidspunkt. Dette gjeld:
Vatn | Kr 12 457 |
Eikedal, vatn | Kr 113 493 |
Avløp | Kr 1 016 991 |
Tala i tabellen er akkumulerte meirforbruk.
Handsaming:
Øyvind Strømmen (MDG) sette fram framlegg til ei endring i forhold til formannskapet si innstilling. Han orienterte om at det første framlegget han la inn i Møteportalen, inneheldt ein skrivefeil, og at han derfor hadde lagt inn eit nytt framlegg der denne skrivefeilen var retta.
Ordførar Knut Harald Frøland (Bl) bad om gruppemøte.
Etter gruppemøtet sette Øyvind Strømmen fram eit revidert framlegg og trekte det første framlegget sitt.
Røysting:
Det vart først røysta over endringsframlegget til Øyvind Strømmen. Framlegget fall med 8 mot 13 røyster.
For Øyvind Strømmen sitt framlegg | Imot Øyvind Strømmen sitt framlegg |
Øyvind Strømmen (MDG) | Knut Harald Frøland (Bl) |
Oskar Røen (MDG) | Lena Tveit (Bl) |
Monica Tjønna (Sp) | Anja Elisabeth Gjerde Markhus (Bl) |
Arild Røen (H) | Dag Nydal (Bl) |
Shirin Kvernes Khadoor (Ap) | Martin Haugen (Bl) |
Gunn Østvik Petersen (Ap) | Ove Totland (Bl) |
Alfred Trengereid (Ap) | Øyvind Steinsland (Bl) |
Jon Magne Bogevik (Ap) | Solveig Vassenden (Bl) |
Håvard Tvedterås (Frp) | |
Odd Arne Haga (Frp) | |
Karl Bård Kollbotn (Frp) | |
Øyvind Røen (Sp) | |
Gunn Totland Moss (KrF) |
Det vart så røysta over formannskapet si innstilling, som vart samrøystes vedteken.
Finansrapportering for 1. tertial 2022 vert tatt til orientering.
Formannskapet si innstilling vart samrøystes vedteken.
Økonomirapportering pr april 2022 vert tatt til orientering.
Følgjande budsjettjusteringar vert gjennomførte:
Budsjettauke straumutgifter i kommunen
Budsjettauke kursbudsjett i kommunen
Budsjettauke grunna nytilsetjing og avspasering innan legeteneste
Skatteinntektene vert budsjettert opp
Budsjettendringane er summert opp i følgjande tabell:
Moment / heile kr | Utgift opp / inntekt ned | Utgift ned / inntekt opp |
Straumutgifter | 700 000 |
|
Kurs og kompetanseheving | 200 000 |
|
Legeteneste | 400 000 |
|
Skatteinntekter |
| 1 300 000 |
Total sum | 1 300 000 | 1 300 000 |
Budsjettreguleringane er gjort greie for i saksutgreiinga.
Utover det ser ein an økonomisituasjonen for dei ulike budsjettområda og kommunen totalt sett fram til rapportering pr. 2. tertial før ein justerer budsjettet ytterlegare.
Dokumentasjonskrav i punkt 11 – Innkjøp med verdi under 100 000 kroner – i Innkjøpsreglementet til Samnanger kommune vert fjerna.
Kommunalsjef Karl Viken hadde innleiingsvis ein presentasjon av saka.
Formannskapet si innstilling vart samrøystes vedteken.
Samnanger kommune har tre kommunale søknadsordningar. Det er tilskotsordningane Kulturmidlar, Vilt- og fiskefondet og Tilskot til ungdomstiltak. For søknader som kjem til kommunen utanom desse ordningane, vert følgjande prinsipp lagt til grunn:
Søkar vert informert om kommunen sine søknadsordningar, retningsliner og fristar. Søkar vert bedt om å søka ut frå gjeldande retningsliner.
Søkar vert informert om andre nasjonale eller regionale tilskotsordningar som kan vera aktuelle for søknaden. Søkar vert bedt om å søka ut frå gjeldande retningsliner.
Søknader av særskilt monnaleg verdi for Samnanger kommune kor søknadssummen er over kr 10 000 vert tatt opp til politisk handsaming. Søknadssummen må overstiga kr 10 000 og verta vurdert av rådmann til å ha særskilt monnaleg verdi for kommunen.
Søknader av særskilt monnaleg verdi for Samnanger kommune der søknadssummen er under kr 10 000 vert handsama som delegert vedtak ved rådmann. Søknader om tilskot til drift og vedlikehald eller andre tiltak som kan søkast om innan ordinære fristar, vert ikkje vurdert.
Formannskapet si innstilling vart samrøystes vedteken.
Med heimel i plan- og bygningslova § 10-1 vedtek Samnanger kommune:
1. kommunal planstrategi 2022 – 2024 slik han ligg føre, med følgande presiseringar:
a. klima- og energiplan skal innarbeidast som ein del av kommuneplanen sin samfunnsdel
b. i samband med dette skal det også utarbeidast ein handlingsplan for å redusera lysureining, jamfør vedtak i kommunestyret 25. februar 2021
c. strategisk næringsplan er ein av planane som skal utarbeidast
2. at både kommuneplanen sin samfunnsdel og arealdel skal reviderast.
Kommunestyret ser på det som ynskjeleg at rullering av ruspolitisk handlingsplan og av kulturminneplanen vert prioritet ved utarbeiding av ny planstrategi tidleg i neste kommunestyreperiode.
Formannskapet si innstilling vart samrøystes vedteken.
Premissar
Følgjande premissar og føresetnadar vert lagt til grunn for kommande budsjettprosess for årsbudsjett 2023 og økonomiplan 2023–2026;
Økonomiske rammer for årsbudsjett 2023 / økonomiplan 2023–2026
Einingane sine rammer vert utarbeidd på 2022-nivå. Nye tiltak og budsjettauke på spesifikke område vert innarbeidd innanfor ramma.
Klimabudsjett
Som del av budsjett 2023 vert det utarbeidd eit klimabudsjett for 2023 med tiltak i alle sektorar og budsjettområde.
Økonomi og demografiutviklinga i kommunen
I utarbeiding av økonomiplanen 2023–2026 vil ein freista å disponera og omprioritera midlar på ein slik måte at kommunen tilpassar seg demografiutfordringar.
Tenestestruktur og lokasjonar
Det vert starta eit arbeid med heilskapleg plan for framtidig behov.
Næringssatsing
Det vert starta ein prosess i 2022 for å få på plass næringsutviklar-stilling med oppstart ultimo 2022/ primo 2023. Det vert og sett av midlar til næringslivssatsing i 2023.
Program for handlefridom
Det skal gjennomførast eit program for auka handlingsfridom i økonomiplan-perioden.
Som bidrag til auka økonomisk handlefridom i framtida skal vedlikehald prioriterast høgare i budsjett og økonomiplan, slik at framtidige kostnader grunna mangelfullt vedlikehald vert redusert.
Som bidrag til økonomisk handlefridom, og som del av kommunen sitt arbeid med klima og energi, skal energiøkonomisering og energieffektivisering prioriterast i planperioden.
Kompetansebehov
Det vert sett av midlar i budsjett 2023 for å vurdere noverande og framtidig kompetansebehov.
8.
- Disposisjonsfondet skal aukast til 30 mill. kr i løpet av økonomiplanperioden.
- Det skal budsjetterast med minimum 2,5 % i korrigert netto driftsresultat i perioden.
- Utover avsetjing til disposisjonsfondet skal det avsetjast eventuelle mindreforbruk til eit kommunalt innovasjon- og utviklingsfond.
- Det vert i samband med budsjett 2023 presentert framlegg til vedtekter for fondet.
- Det vert sett av ein årleg udisponert sum i budsjett for 2023 under politisk nivå.
9. Planarbeid
Budsjett og økonomiplan skal koplast mot og samsvare med gjeldande oppdaterte kommunale planar. Det gjeld både for drift og investering.Samnanger kommune må auka årleg budsjett for vedlikehald av kommunal infrastruktur for å unngå framtidige, større naudsynte vedlikehald.
10.Eigedomskatt 2023- 2026
Eigedomsskatten vert redusert til 1,4 promille i budsjettet for 2023. Viss den økonomiske situasjonen framleis gjev rom for det, er det eit mål at eigedomsskatten vert fjerna i 2024.
11.
Samnangerkommuneskaltainnipremissforbudsjettatdetskalbrukasttidogpengarpååetablera nye, varige arbeidsplassar i Samnanger kommune. Kommunestyret støttar også ei eiga dedikert stilling som skal ivareta nyetablering av arbeidsplassar i Samnanger kommune.
I 2017 vart det etablert kunstgrasbane i Hagabotnane. Bakgrunnen for dette var blant anna moglegheita for auke i brukstimar på ei kunstgrasbane samanlikna med den gamle naturgrasbana. Dette har vore eit stort løft for fotballen og idretten i Samnanger. Dessverre viser det seg at kunstgrasbana i Hagabotnane ikkje kan nyttast store delar av året grunna vinterstenging og at bana ikkje vert brøyta. I Hagabotnane er det lite sol vinterstid, og snøen vert ofte liggande lenge utover vinteren. Som ein konsekvens av dette må fotballag frå Samnanger leiga bane andre stader for å kunna driva med fotballaktivitet, f.eks Vestlandshallen i Åsane, Holmefjord eller i Eikelandsosen. Dette betyr utgifter knytt til både baneleige og transport, noko som i ytste konsekvens kan vera eksluderande for barn og ungdom frå låginntektsfamiliar. I eit miljøperspektiv er det også uheldig at barn og ungdom må reisa ut av kommunen for å trena og spela kampar. I andre kommunar er det vanleg at kunstgrasbaner vert haldne opne vinterstid, også baner med kork som fyllmasse som i Hagabotnane. Lag frå kommunar med vinteropne baner får eit konkurransefortrinn samanlikna med lag frå Samnanger. Til budsjettmøtet i desember vert det frå administrasjonen utgreidd kva som skal til for å halda kunstgrasbana open, og ev. kostnad med å halda kunstgrasbana vinteropen vert teken inn i budsjett for 2023.
13 Sommarjobb for ungdom mellom 15 og 18 år
Rådmannen får i oppgåve å vurdera og foreslå løysing for å kunna tilby sommarjobb i 1–2 veker for alle ungdomar busett i Samnanger i alderen 15–18 år.
14 Stell av kommunen sine grøntanlegg
Rådmannen får i oppgåve å vurdera og foreslå samarbeidsløysingar mellom kommunen og frivilligheit til stell av grøntanlegga til Samnanger kommune. Dette bør og sjåast i lys av eventuell ny ordning for sommarjobb for ungdom mellom 15–18 år.
15 Ny mobilmast for området Rolvsvåg-Saga
Rådmannen får i oppgåve å vurdera og foreslå tiltak for å betra mobildekninga i Rolvsvåg industriområde, samt i tilgrensande område. Ordførar overleverer til rådmannen informasjon innhenta så langt i prosessen.
Handsaming:
Kommunalsjef Karl Viken hadde innleiingsvis ein presentasjon av saka.
Anja Elisabeth Gjerde Markhus (Bl) sett fram framlegg til vedtak om eigedomsskatt.
Øyvind Strømmen (MDG) sette fram framlegg om eit tillegg til premisspunkt 10 i innstillinga i saka.
Arild Røen (H) sette fram framlegg om eit tillegg til premisspunkt 9 i innstillinga i saka.
Karl Bård Kollbotn (Frp) sette fram framlegg om fjerning av eigedomsskatt.
Shirin Kvernes Khadoor (Ap) viste til at mange tilsette i kommunen har hatt svært stor arbeidsbelastning i perioden med koronapandemi, og spurde om det kan vera aktuelt med ei ordning med økonomisk påskjønning til tilsette for dette. Ordførar Knut Harald Frøland (Bl) orienterte om at han ønskjer å få opp ei sak om dette i formannskapet i september.
Øyvind Røen (Sp) bad om gruppemøte.
Etter gruppemøtet orienterte ordførar Knut Harald Frøland om at han i kommunestyremøtet i september ønskjer ein gjennomgang av vilkår for å få sjukeheimsplass på Samnangerheimen.
Øyvind Røen sette fram framlegg til endra premisspunkt 10 om eigedomsskatt. Dette var eit fellesframlegg frå Frp, Bl, KrF og Sp. Gunn Østvik Petersen (Ap) spurde om framlegget berre gjaldt eigedomsskatt på hus og fritidsbustadar, eller også næringseigedommar. Øyvind Røen orienterte då om at framlegget berre gjaldt hus og fritidsbustadar.
Karl Bård Kollbotn og Anja Elisabeth Gjerde Markhus trekte framlegga sine.
Monica Tjønna (Sp) sette fram framlegg om to nye premisspunkt.
Røysting:
I røystinga i saka vart det først røysta over framlegga som var sette fram i møtet.
Framlegget til Arild Røen vart samrøystes vedteke.
Framlegget til Monica Tjønna om nytt premisspunkt 17 vart ikkje vedteke. 8 røysta for og 13 røysta imot framlegget.
For Monica Tjønna sitt framlegg | Imot Monica Tjønna sitt framlegg |
Monica Tjønna (Sp) | Knut Harald Frøland (Bl) |
Shirin Kvernes Khadoor (Ap) | Lena Tveit (Bl) |
Gunn Østvik Petersen (Ap) | Anja Elisabeth Gjerde Markhus (Bl) |
Jon Magne Bogevik (Ap) | Dag Nydal (Bl) |
Alfred Trengereid (Ap) | Martin Haugen (Bl) |
Arild Røen (H) | Ove Totland (Bl) |
Øyvind Strømmen (MDG) | Øyvind Steinsland (Bl) |
Oskar Røen (MDG) | Solveig Vassenden (Bl) |
Håvard Tvedterås (Frp) | |
Odd Arne Haga (Frp) | |
Karl Bård Kollbotn (Frp) | |
Øyvind Røen (Sp) | |
Gunn Totland Moss (KrF) |
Framlegget til Monica Tjønna om nytt premisspunkt 16 vart ikkje vedteke. 3 røysta for og 18 røysta imot framlegget.
For Monica Tjønna sitt framlegg | Imot Monica Tjønna sitt framlegg |
Monica Tjønna (Sp) | Knut Harald Frøland (Bl) |
Karl Bård Kollbotn (Frp) | Lena Tveit (Bl) |
Håvard Tvedterås (Frp) | Anja Elisabeth Gjerde Markhus (Bl) |
Dag Nydal (Bl) | |
Martin Haugen (Bl) | |
Ove Totland (Bl) | |
Øyvind Steinsland (Bl) | |
Solveig Vassenden (Bl) | |
Odd Arne Haga (Frp) | |
Shirin Kvernes Khadoor (Ap) | |
Gunn Østvik Petersen (Ap) | |
Alfred Trengereid (Ap) | |
Jon Magne Bogevik (Ap) | |
Monica Tjønna (Sp) | |
Øyvind Røen (Sp) | |
Gunn Totland Moss (KrF) | |
Arild Røen (H) | |
Øyvind Strømmen (MDG) | |
Oskar Røen (MDG) |
Framlegget til Øyvind Strømmen vart ikkje vedteke. 7 røysta for og 14 røysta imot framlegget.
For Øyvind Strømmen sitt framlegg | Imot Øyvind Strømmen sitt framlegg |
Øyvind Strømmen (MDG) | Knut Harald Frøland (Bl) |
Oskar Røen (MDG) | Lena Tveit (Bl) |
Shirin Kvernes Khadoor (Ap) | Anja Elisabeth Gjerde Markhus (Bl) |
Gunn Østvik Petersen (Ap) | Dag Nydal (Bl) |
Alfred Trengereid (Ap) | Martin Haugen (Bl) |
Jon Magne Bogevik (Ap) | Ove Totland (Bl) |
Arild Røen (H) | Øyvind Steinsland (Bl) |
Solveig Vassenden (Bl) | |
Håvard Tvedterås (Frp) | |
Odd Arne Haga (Frp) | |
Karl Bård Kollbotn (Frp) | |
Monica Tjønna (Sp) | |
Øyvind Røen (Sp) | |
Gunn Totland Moss (KrF) |
Fellesframlegget frå Frp, Bl, KrF og Sp til endra premisspunkt 10 vart sett opp mot punkt 10 i formannskapet si innstilling. Fellesframlegget fekk 15 røyster og vart vedteke. Formannskapet si innstilling fekk 6 røyster.
For fellesframlegget frå Frp, Bl, Krf og Sp | For formannskapet si innstilling |
Knut Harald Frøland (Bl) | Shirin Kvernes Khadoor (Ap) |
Lena Tveit (Bl) | Gunn Østvik Petersen (Ap) |
Anja Elisabeth Gjerde Markhus (Bl) | Alfred Trengereid (Ap) |
Dag Nydal (Bl) | Jon Magne Bogevik (Ap) |
Martin Haugen (Bl) | Øyvind Strømmen (MDG) |
Ove Totland (Bl) | Oskar Røen (MDG) |
Øyvind Steinsland (Bl) | |
Solveig Vassenden (Bl) | |
Håvard Tvedterås (Frp) | |
Odd Arne Haga (Frp) | |
Karl Bård Kollbotn (Frp) | |
Monica Tjønna (Sp) | |
Øyvind Røen (Sp) | |
Gunn Totland Moss (KrF) | |
Arild Røen (H) |
Til slutt vart det røysta over heile innstillinga til formannskapet, inkludert vedtekne endringar i tilleggspunkt. Samrøystes vedteke.
Kommunestyret vedtok 25.02.2021 eitt-årig prøveordning med talerett i kommunestyret for ungdomsrådet, eldrerådet og rådet for personar med nedsett funksjonsevne. Prøveordninga vert med verknad frå 16.06.2022 omgjort til fast ordning. Vedtaket vert gjort med heimel i § 2 i forskrift om medvirkningsordninger.
Rådmannen får ansvar for å få på plass rutinar som sikrar god informasjon til ungdomsrådet, eldrerådet og rådet for personar med nedsett funksjonsevne om kva saker som skal opp i kommunestyret.
Som følgje av vedtaket vert ordlyden i punkt 2.30 i Samnanger kommune sitt reglement for kommunestyret, formannskapet, naturutvalet og kontrollutvalet endra til:
«2.30 Talerett og uttalerett
Ungdomsrådet, eldrerådet og rådet for personar med nedsett funksjonsevne har talerett i kommunestyret. Taleretten gjeld i saker som gjeld høvesvis ungdom (ungdomsrådet), eldre (eldrerådet) og personar med nedsett funksjonsevne (rådet for personar med nedsett funksjonsevne). Maksimal taletid per sak er fem minutt. Innlegg skal haldast i starten av saka og før debatten opnar. Ordføraren skal på førehand, i rimeleg tid før møtet, informerast om at taleretten vil verta brukt og kva saker dette gjeld.
I tillegg kan valde representantar for brukargrupper av kommunale tenester i særlege høve, når kommunestyret finn dette føremålstenleg, få høve til å uttala seg eller gje kommentarar til ei einskild sak. Slike grupper skal på førehand, i rimeleg tid før møtet, melda frå til ordføraren om eit slikt ønske. Det er kommunestyret gjennom fleirtalsvedtak som kan gje slikt løyve.
Formannskapet si innstilling vart samrøystes vedteken.
Saka vert utsett.
Handsaming:
Anja Elisabeth Gjerde Markhus (Bl) sette fram framlegg til vedtak.
Øyvind Strømmen (MDG) sette fram framlegg til vedtak.
Karl Bård Kollbotn (Frp) bad om gruppemøte.
Etter gruppemøtet sette ordførar Knut Harald Frøland (Bl) fram framlegg om å utsetja saka til kommunestyremøtet 15.09.2022. Utsetjingsframlegget vart samrøystes vedteke.
Saka vert teken til orientering. Rådmannen kjem med framlegg til lokal kommunal ordning, budsjett og finansiering i framlegg til Budsjett 2023 og økonomiplan 2023-2026.
Formannskapet si innstilling vart samrøystes vedteken.
Samnanger kommune godkjenner temaplan for pedagogisk utvikling i sektor oppvekst 2022–2025 slik han ligg føre.
Formannskapet si innstilling vart samrøystes vedteken.
Samnanger kommune vil sikra ei god og verdig handsaming av den som er død. Dette skjer gjennom at den døde vert stelt og lagd i kiste på rommet sitt, som ev. kan vera tilpassa til livssynet til den døde. Dette vil gje mest mogeleg skjerming og ro for den døde og dei pårørande.
Ved visning og/eller båreandakt kan ein nytta rommet til den døde eller Storstova.
Når ein avliden vert liggjande lenge, eller det er høg temperatur, skal mobil kjølar nyttast.
Handsaming:
Karl Bård Kollbotn (Frp) sette fram framlegg til vedtak.
I røystinga fekk formannskapet si innstilling 18 røyster og vart vedteke. Framlegget til Karl Bård Kollbotn fekk 3 røyster.
For formannskapet si innstilling | For Karl Bård Kollbotn sitt framlegg |
Knut Harald Frøland (Bl) | Håvard Tvedterås (Frp) |
Lena Tveit (Bl) | Odd Arne Haga (Frp) |
Anja Elisabeth Gjerde Markhus (Bl) | Karl Bård Kollbotn (Frp) |
Dag Nydal (Bl) | |
Martin Haugen (Bl) | |
Ove Totland (Bl) | |
Øyvind Steinsland (Bl) | |
Solveig Vassenden (Bl) | |
Shirin Kvernes Khadoor (Ap) | |
Gunn Østvik Petersen (Ap) | |
Alfred Trengereid (Ap) | |
Jon Magne Bogevik (Ap) | |
Monica Tjønna (Sp) | |
Øyvind Røen (Sp) | |
Gunn Totland Moss (KrF) | |
Arild Røen (H) | |
Øyvind Strømmen (MDG) | |
Oskar Røen (MDG) |
Samnanger kommune godkjenner avtale med Samnanger sokn om overføring av kyrkjeeigedomar (vedlagt i saka).
Kommunen og soknet samarbeider om gjennomføring av avtalen, med nødvendig sletting av noverande rettar og etablering av nye.
Handsaming:
Øyvind Røen (Sp) sette fram framlegg til vedtak.
I røystinga fekk framlegget til Øyvind Røen 19 røyster og vart vedteke. Framlegget til rådmannen fekk 2 røyster.
For Øyvind Røen sitt framlegg | For rådmannen sitt framleg |
Knut Harald Frøland (Bl) | Gunn Østvik Petersen (Ap) |
Lena Tveit (Bl) | Arild Røen (H) |
Anja Elisabeth Gjerde Markhus (Bl) | |
Dag Nydal (Bl) | |
Martin Haugen (Bl) | |
Ove Totland (Bl) | |
Øyvind Steinsland (Bl) | |
Solveig Vassenden (Bl) | |
Håvard Tvedterås (Frp) | |
Odd Arne Haga (Frp) | |
Karl Bård Kollbotn (Frp) | |
Shirin Kvernes Khadoor (Ap) | |
Alfred Trengereid (Ap) | |
Jon Magne Bogevik (Ap) | |
Monica Tjønna (Sp) | |
Øyvind Røen (Sp) | |
Gunn Totland Moss (KrF) | |
Øyvind Strømmen (MDG) | |
Oskar Røen (MDG) |
1. Kommunestyret tek rapport etter gjennomført forvaltningsrevisjon innan vedlikehald av
kommunale bygg og vegar til etterretning.
2. Kommunestyret ber rådmannen setta i gang prosessar for å få:
Forankra prinsippa for kommunen si eigedomsforvaltning og prioritering av vedlikehald av kommunale bygg i kommunestyret.
Forankra plan for vegvedlikehald i kommunestyret.
3. Kommunestyret ber rådmannen rapportera status og eventuell plan for vidare arbeid med
oppfølging av pkt. 2 i vedtaket til kontrollutvalet innan 12.09.2022.
Øyvind Sunde frå BDO hadde innleiingsvis ein presentasjon av saka, via Teams.
Kontrollutvalet si innstilling vart samrøystes vedteke.
Samnanger kommune sluttar seg til framlegg til revidert Overordna samarbeidsavtale og Tenesteavtale 1 – overordna føringar for samarbeidsstruktur og samarbeidsformer i helsefellesskapet
Rådmannen sitt framlegg vart samrøystes vedteke.
Statsforvaltaren i Vestland har bedt kommunestyra i Kvam, Samnanger og Vaksdal om å melda frå om det er lokal aksept i kommunane til oppstart av verneprosess for Øystesefjella.
Delar av det aktuelle området for vern ligg i Samnanger. Det er denne delen av området Samnanger kommune kan gje aksept for.
Samnanger kommune gir aksept til å senda ut oppstartmelding for verneprosess.
Naturutvalet si innstilling vart samrøystes vedteken.
Samnanger kommune stemmer ja til det tilrådde forslaget til ny hovudtariffavtale.
Rådmannen sitt framlegg vart samrøystes vedteke.
Bergen og Hordaland Turlag får inntil kr. 20 000 i underskotsgaranti for friluftsskulen 08.-12.08.22 i Samnanger. Tilskot vert utbetalt etter framvist negativ sluttrekneskap.
Samnanger kommune er positiv til at friluftsskulen kan verta eit fast tilbod om sommaren for barn og unge i Samnanger. Bergen og Hordaland turlag vert bedt om å senda ein ny søknad dersom det er snakk om ei fast årleg støtte til tiltaket f.o.m. 2023.
Rådmannen sitt framlegg vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Gunn Østvik Petersen | Arbeidarpartiet | Medlem | gunn.o.petersen@kvamnet.no | |
Jon Magne Bogevik | Arbeidarpartiet | Medlem | jon.magne.bogevik@kvamnet.no | |
Martin Haugen | Bygdalista | Medlem | martin-haugen@hotmail.com | |
Øyvind Steinsland | Bygdalista | Medlem | oyvind.steinsland@orkla.no | |
Solveig Vassenden | Bygdalista | Medlem | sol.vassenden@kvamnet.no | |
Lena Tveit | Bygdalista | Medlem | tveitlena@yahoo.no | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Ove Totland | Bygdalista | Medlem | ove_totland@hotmail.com | |
Karl Bård Kollbotn | Framstegspartiet | Medlem | karl.kollbotn@samnanger.kommune.no | |
Odd Arne Haga | Framstegspartiet | Medlem | odd.arne.haga@outlook.com | |
Arild Røen | Høgre | Medlem | ariroeen@online.no | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com | |
Oskar Røen | Miljøpartiet Dei Grøne | Medlem | oskarroen@gmail.com | |
Monica Tjønna | Senterpartiet | Medlem | monica.tjonna@kvamnet.no | |
Håvard Tvedterås | Framstegspartiet | 1. varamedlem | butikksjef@live.no | |
Alfred Trengereid | Arbeidarpartiet | 3. varamedlem | alfred.trengereid@ncc.no | |
Dag Nydal | Bygdalista | 4. varamedlem | dag_nydal@yahoo.no | |
Harald Boge (Ikke møtt) | Arbeidarpartiet | Medlem | harald.boge@samnanger.kommune.no | |
Knut Loneland Høibraaten (Ikke møtt) | Bygdalista | Medlem | knut@hoibraaten.net | |
Linda Haug Kollbotn (Ikke møtt) | Framstegspartiet | Medlem | lhk@safa.no |