Utval: | Kommunestyret |
---|---|
Dato: | 15.09.2022 15:00 - 20:50 |
Møtestad: | Kommunestyresalen - kommunehuset |
Status: | Vedtak er påført møtet |
Sakskart: | |
Møteprotokoll: |
Innkalling og sakliste vert godkjent.
Det var ingen merknader til innkallinga eller saklista.
Orienterings-/referatsaker
Ordføraren orienterer:
Seminar 01.11.2022. Dette blir eit seminar for kommunestyret, administrative leiarar og tillitsvalde i kommunen. Tema for seminaret vil vera levevilkår, med spesielt fokus på relativ fattigdom.
Rådmannen orienterer:
Orientering v/rådmann Ove Sæbø:
Budsjett-/økonomiplanprosessen. Informasjon om status for arbeidet. Det blir lagt opp til budsjettseminar med kommunestyret 20.10.2022.
Møte med Statnett. Orientering om møte med Statnett 01.09.2022 og ønske om faste møte med Statnett.
Atomberedskap knytt til situasjonen i Ukraina. Statens Strålevern har innført forsterka atomberedskap som følgje av situasjonen rundt atomkraftverk i Ukraina. Tiltak ved eventuell radioaktiv forureining vil først og fremst gjelda landbruket.
Aktuelle tema i rådmannen si leiargruppe. Gjeld mellom anna:
Informasjon, kommunikasjon og omdøme.
Retningslinjer for skriving av saksframlegg til politisk handsaming.
Utviklingstrekk i helse og omsorg.
Opplæring/kompetanseprogram for einingsleiarane.
Prosjektet "100 dagar sjølvforsynt". Dette er eit prosjekt som landbrukskontoret arbeider med, og som vil koma som sak til kommunstyret.
Heile, faste stillingar i kommunen. VIl koma sak eller eventuelt orientering om dette i kommunestyret.
Kommunebarometeret 2022:
Rådgjevar Jan Erik Boge og dei fire kommunalsjefane orienterte om Samnanger sitt resultat i Kommunebarometeret 2022. Samnanger kom på 110. plass totalt.
Orientering v/kommunalsjef oppvekst, Bodil H. Øpstebø :
Tur til Evje for 10. klasse ved ungdomsskulen. Svært vellukka.
Leirskule for 7. klasse ved barneskulen. Også svært vellukka.
Sirkus på barneskulen.
Orientering v/kommunalsjef helse og omsorg, Edith Oma:
1995-bygget på Samnangerheimen / omsorg+. Orientering om behov, mogleg framtidig bruk av bygget m.m.
Sjukeheimsplass i Samnanger. Orientering på bakgrunn av bestilling i kommunestyret 16.09.2022.
Legesituasjonen. Orientering om status for legesituasjonen i kommunen.
Sjukefråværsoppfølgingsprosjekt. Orientering om prosjekt ved Samnangerheimen.
Grunngjevne spørsmål:
Spørsmål frå Samnanger Frp om barnevernssak
Karl Bård Kollbotn (Frp) las opp dei grunngjevne spørsmåla. Ordførar Knut Harald Frøland (Bl) las opp rådmannen sitt svar. Svaret vart samstundes òg sendt skriftleg til Karl Bård Kollbotn.
Utvalet sitt kvarter:
"Svinta"-skyss
Karl Bård Kollbotn (Frp) viste til ordninga med "Svinta-skyss" som kommunestyret har vedteke, og stilte nokre spørsmål til rådmannen om korleis ordninga fungerer. Ordførar Knut Harald Frøland (Bl) svara, og informerte om at "Svinta-skyss" er ei prøveordning som skal evaluerast av kommunestyret i haust.
Bilde av ordførarar i kommunestyresalen
Karl Bård Kollbotn (Frp) viste til at det lenge har vore ønske frå kommunestyret om å få hengt opp igjen bilde av ordførarar i Samnanger i kommunestyresalen (både noverande ordførar og tidlegare ordførarar), og bad om at dette blir prioritert.
Vedlikehaldsplan:
Odd Arne Haga (Frp) etterlyste sak om vedlikehaldsplan på saklista for kommunestyremøtet. Kommunalsjef Hilde-Lill Våge orienterte om status og framdriftsplan for arbeidet med forvaltningsplan for kommunale bygg og vegar. Saka kjem truleg opp til handsaming i kommunestyret våren 2023.
Eldrerådskonferanse i Bergen
Solveig Vassenden (Bl) orienterte om at ho nyleg har delteke på to-dagars eldrerådskonferanse i Bergen. Godt og innhaldsrikt program.
Samnanger helsetun
Solveig Vassenden (Bl) viste til at det er utfordringar med plass/areal på helsetunet, og spurde om det er planar om utviding/utbygging. Kommunalsjef Hilde-Lill Våge svara. Ho orienterte òg om at det blir jobba med felles innkøyring for helsetunet og parkeringsplassen tvers over vegen for Samnangerheimen.
Kapasitetsproblem bårerom
Linda Haug Kollbotn (Frp), som er kommunen sin representant i kyrkjestyret, orienterte om at det er kapasitetsproblem på bårerommet i kyrkja på Ådland. Ho oppmoda i samband med dette om at det blir etablert bårerom på Samnangerheimen. Rådmann Ove Sæbø svara.
Drosjesituasjonen i Samnanger
Arild Røen (H) tok opp at det er vanskeleg å få tak i drosje i Samnanger i helgar og på kveldstid.
Ambulansekapasitet
Arild Røen (H) orienterte om at ambulansen i Eikelandsosen ikkje kunne rykkja ut til ei ulykke i Samnanger 14.09.2022, og at det tok fire timar før den skada personen vart frakta til sjukehus. Rådmann Ove Sæbø orienterte om at han vil ta saka opp med spesialisthelstenesta dersom han får nærmare informasjon om ho.
Legevakt
Arild Røen (H) spurde om legevaktsituasjonen i Samnanger, mellom anna om status for prosessen med eventuell etablering av legevaktsamarbeid med Bergen og Osterøy. Ordførar Knut Harald Frøland (Bl) svara.
Bassengdagar SFO
Shirin Kvernes Khadoor (Ap) orienterte om at SFO no har fleire bassengdagar enn tidlegare, og at dette er svært positivt. Det er no bassengdag annankvar fredag.
Gangveg, vatn/avløp og fotgjengarfelt i Eikedalen
Monica Tjønna (Sp) spurde om status for arbeid/planlegging av gangveg, vatn/avløp og fotgjengarfelt i Eikedalen. Ordførar Knut Harald Frøland (Bl) svara, og orienterte kort om status for ulike initiativ/prosjekt i Eikedalen.
Samrøystes vedtak.
Planen vert vedteken slik han føreligg med følgande endring:
Setninga "Kommunen vil i samarbeid med FRI arrangere kompetanseheving for tilsette" vert erstatta med følgande: "Kommunen vil arrangere kompetanseheving for dei tilsette".
Handsaming:
Innleiingsvis orienterte kommunepsykolog Venla Arponen Snilstveit om punkt 11 i planframlegget, på bakgrunn av bestilling frå formannskapet 01.09.2022.
Gunn Totland Moss (KrF) sette fram endringsframlegg til tiltak 11 i handlingsplanen.
Arild Røen (H) sette fram framlegg til vedtak.
Monica Tjønna (Sp) sette fram endringsframlegg til tiltak 11 i handlingsplanen.
Ordførar Knut Harald Frøland (Bl) bad om gruppemøte.
Etter gruppemøtet sette Monica Tjønna og Arild Røen fram eit felles framlegg til vedtak. Dei trekte samstundes framlegga dei hadde sett fram tidlegare under handsaminga av saka.
I røystinga i saka vart endringsframlegget til Gunn Totland Moss sett opp mot fellesframlegget til Monica Tjønna og Arild Røen. Fellesframlegget til Monica Tjønna og Arild Røen fekk 19 røyster og vart vedteke. Framlegget til Gunn Totland Moss fekk 1 røyst (Gunn Totland Moss).
Ordføraren si godtgjersle blir auka med verknad frå 01.05.2022, med den same prosentsatsen som stortingsrepresentantane si godtgjersle vart auka med 01.05.2022. Dei satsane for godtgjersle for folkevalde i Samnanger som blir rekna ut som ein prosentsats av ordføraren si godtgjersle, blir også auka tilsvarande med verknad frå 01.05.2022.
Som følgje av dette vedtaket, blir det ikkje auke i satsane for godtgjersle for folkevalde i Samnanger 01.01.2023.
Ekstrakostnadene til auke i godtgjersle for folkevalde i perioden 01.05. – 31.12.2022, om lag 100000 kroner inkludert arbeidsgjevaravgift, blir finansierte med midlar frå disposisjonsfondet.
§ 2-2 i Forskrift 12. mars 2020 nr. 3218 om økonomisk godtgjersle, dekking av utgifter m.m. for folkevalde i Samnanger kommune blir med verknad frå 01.10.2022 endra til:
«§ 2-2.Frikjøp og godtgjersle for ordførar
Ordføraren vert frikjøpt i 100 % stilling.
Ordføraren får ei fast årleg godtgjersle på 85 % av stortingsrepresentantane si godtgjersle, runda av oppover til nærmaste heile 100 kroner. Ordførargodtgjersla skal regulerast same dato som stortingsrepresentantane si godtgjersle.
Ordføraren mottek ikkje møtegodtgjersle.»
Vedtaket er gjort med heimel i Lov om kommuner og fylkeskommuner, §§ 8-3 og 8-4.
Formannskapet si innstilling vart samrøystes vedteken.
Samnanger kommune vedtek tilstandsrapporten for grunnskule og barnehage i Samnanger 2022 slik han ligg føre.
Formannskapet si innstilling vart samrøystes vedteken.
Å redusere risiko for mjuke trafikantar på fv. 49 gjennom Samnanger må sidestillast med å redusere risiko for ras for køyretøy på E16.
Samnanger kommune ber om at steinmassar frå nye E16 vert nytta til trafikksikringstiltak på fv. 49, i samsvar med alternativa for optimal bruk av overskotsmassar til trafikksikringstiltak i rapport utforma av Statens vegvesen 19.01.2019.
Samnanger kommune ber om at staten sørgjer for at dei nemnde trafikksikringstiltaka blir finansierte som del av E16-prosjektet.
Samnanger kommune ber om at E16-prosjektet ved oppstart av parsellen Arna-Trengereid nyttar steinmassar til parallell drift av trafikksikringstiltak på fv. 49.
Samnanger kommune vil ta initiativ overfor Vestland fylke med tanke på regulering av areal for trafikksikringstiltak i samsvar med rapport frå Statens vegvesen. Eventuell fordeling av finansiering av reguleringsplan-arbeid vil komme tilbake som eiga sak til kommunestyret.
Formannskapet si innstilling vart samrøstes vedteken.
Samnanger kommune vedtekå gjennomføra tiltak med budsjettkostnader som vist nedanfor.
Verbalvedtak:
Carport ved Samnangerheimen kroner 800.000
Tiltak for Hjartesone og trygg skuleveg rundt Samnanger barneskule og Dråpeslottet barnehage for totalt 3,545 millionar kroner. Tiltaket inkluderer kjeldesortering til 800.000 kroner, der dette vert delfinansiert med tilskot til bl.a. miljøstasjon på kroner 418.000 kroner frå Enova sett av på bunde fond i 2013.
Utbetring av veg til Hagabotnane, inntil 4,2 millionar kroner
Ekstraløyving:
Bygdavegen – 2 millionar til asfaltering og utbetring. Mandat til å starte med prosjektering av vegen med fortau og VA-leidningarifrå fylkesvegen til krysset til Heiane / brua ovanfor.
Nyutløtrævegen – nødvendig opprusting inntil 800.000 kroner
Raunekleivvegen – reparasjon av utfallenmur og veg inntil 700.000 kroner.
Med unnatak av tilskot frå Enova vert verbalvedtak og ekstraløyving finansiert med ubrukte midlar i 2022. Investeringar inkludert desse tiltaka vert budsjettjustert i 2. tertialrapport til kommunestyret.
Rådmannen vert til handsaminga i kommunestyret 15.09.2022 beden om å finna kostnad for trafikksikringstiltak i Steinslandsvegen.
Handsaming:
Monica Tjønna (Sp) bad om gruppemøte.
Etter gruppemøtet viste kommunalsjef Hilde-Lill Våge til at formannskapet 01.09.2022 bad om at rådmannen til handsaminga i kommunestyret 15.09.2022 vart beden om å finna kostnad for trafikkringstiltak i Steinslandsvegen. Ho opplyste at kostnad for asfaltering og andre trafikksikringstiltak i Steinslandsvegen vil vera om lag 4 millionar kroner.
Etter gruppemøtet sette Monica Tjønna fram eit tilleggsframlegg til formannskapet si innstilling.
Det vart først røysta over tilleggsframlegget til Monica Tjønna. Framlegget fall med 17 mot 3 røyster.
For | Imot |
Monica Tjønna (Sp) | Knut Harald Frøland (Bl) |
Øyvind Røen (Sp) | Lena Tveit (Bl) |
Arild Røen (H) | Anja Elisabeth Gjerde Markhus (Bl) |
Knut Loneland Høibraaten (Bl) | |
Martin Haugen (Bl) | |
Ove Totland (Bl) | |
Øyvind Steinsland (Bl) | |
Solveig Vassenden (Bl) | |
Linda Haug Kollbotn (Frp) | |
Odd Arne Haga (Frp) | |
Karl Bård Kollbotn (Frp) | |
Shirin Kvernes Khadoor (Ap) | |
Harald Boge (Ap) | |
Jon Magne Bogevik (Ap) | |
Gunn Totland Moss (KrF) | |
Magni Petersen (MDG) | |
Oskar Røen (MDG) |
Det vart så røysta over formannskapet si innstilling, som vart samrøystes vedteken.
Det blir gjort følgjande justeringar i forhold til kommunestyret sitt vedtak 07.04.2022 om lån på kr. 1 000 000 til støtte for automatisert driftsløysing og innreiing/oppgradering av lokale for ny butikk på Tyssekaien:
Lånesummen blir auka til kr. 1 600 000.
Samnanger skal ha 1. prioritet i sitt lån.
Fristen for oppstart av butikken blir endra til 01.04.2023.
Lånet blir gitt til Tysse Landhandel AS.
Inntil 100 prosent av lånet kan om nødvendig utbetalast før butikken opnar. Før utbetaling må det vera inngått låneavtale mellom kommunen og Tysse Landhandel AS, ref. punkt 9 i dette vedtaket.
Det er frå kommunen si side ønskeleg at butikken har automatisert driftsløysing, men dette er ikkje eit vilkår for lånet dersom ei slik løysing ikkje er økonomisk realiserbar.
Dei første to åra (24 månadene) etter opninga av butikken skal lånet vera avdragsfritt.
Lånet skal ha same rentesats som den til ei kvar tid gjeldande månadleg flytande renta i Husbanken.
Nedbetalingstida på lånet skal vera maksimalt 20 år, og det skal inngåast ein låneavtale med periodisert nedbetalingsplan som er basert på dette.
Det blir gjort følgjande justering i forhold til vedtaket i kommunestyret 07.04.2022 om framlegging av plan for realisering av eventuelt drivstoffanlegg ved Tyssekaien:
Plan for realisering av eventuelt drivstoffanlegg ved Tyssekaien skal leggjast fram i kommunestyret seinast i juni 2023.
Det skal i saka vurderast minst to alternativ for etablering og drift av drivstoffanlegg ved Tyssekaien.
Det blir gjort følgjande justeringar i forhold til vedtaket i kommunestyret 25.02.2021 om tilskot på kr. 400 000 til oppretting av bygdebutikken:
Tilskotsmottakar blir endra frå Samnanger frivilligsentral til Tysse Landhandel AS.
Inntil 60 prosent av tilskotet kan ved behov utbetalast før butikken opnar.
Handsaming:
Ordførar Knut Harald Frøland (Bl) bad om å få vera ugild i saka, fordi han er svoger til ein av aksjonærane i Tysse Landhandel AS. Han gjekk frå medan kommunestyret handsama gildskapen hans. Han vart samrøystes funnen ugild og deltok ikkje i handsaminga av saka. Øyvind Røen (Sp) overtok som møteleiar, og var møteleiar i resten av kommunestyremøtet.
Øyvind Røen orienterte om at det etter formannskapet si handsaming av saka 01.09.2022 hadde kome eit brev til kommunen frå Tysse Landhandel AS, der dei søkjer om å auka lånesummen frå 1 til 1,6 millionar kroner.
Odd Arne Haga (Frp) sette fram framlegg om å auka lånesummen til Tysse Landhandel AS til 1,6 millionar kroner.
Karl Bård Kollbotn (Frp) sette fram eit tilleggsframlegg til formannskapet si innstilling.
Det vart først gjennomført felles røysting over endrings-/tilleggsframlegga til Odd Arne Haga og Karl Bård Kollbotn. Framlegga vart vedtekne med 11 mot 8 røyster.
For | Imot |
Lena Tveit (Bl) | Monica Tjønna (Sp) |
Anja Elisabeth Gjerde Markhus (Bl) | Arild Røen (H) |
Knut Loneland Høibraaten (Bl) | Magni Petersen (MDG) |
Øyvind Steinsland (Bl) | Oskar Røen (MDG) |
Solveig Vassenden (Bl) | Martin Haugen (Bl) |
Linda Haug Kollbotn (Frp) | Ove Totland (Bl) |
Odd Arne Haga (Frp) | Shirin Kvernes Khadoor (Ap) |
Karl Bård Kollbotn (Frp) | Jon Magne Bogevik (Ap) |
Harald Boge (Ap) | |
Øyvind Røen (Sp) | |
Gunn Totland Moss (KrF) |
Det vart til slutt røysta over formannskapet si innstilling, justert med dei vedtekne endrings-/tilleggsframlegga til Odd Arne Haga og Karl Bård Kollbon. Vedteke med 11 mot 8 røyster.
For | Imot |
Lena Tveit (Bl) | Monica Tjønna (Sp) |
Anja Elisabeth Gjerde Markhus (Bl) | Arild Røen (H) |
Knut Loneland Høibraaten (Bl) | Magni Petersen (MDG) |
Øyvind Steinsland (Bl) | Oskar Røen (MDG) |
Solveig Vassenden (Bl) | Martin Haugen (Bl) |
Linda Haug Kollbotn (Frp) | Ove Totland (Bl) |
Odd Arne Haga (Frp) | Shirin Kvernes Khadoor (Ap) |
Karl Bård Kollbotn (Frp) | Jon Magne Bogevik (Ap) |
Harald Boge (Ap) | |
Øyvind Røen (Sp) | |
Gunn Totland Moss (KrF) |
Kommunestyret vedtek budsjett for kontrollarbeidet i Samnanger kommune 2023 slik det ligg føre.
Kontrollutvalet si innstilling vart samrøystes vedteken.
Det blir løyvd 300 000 kroner i påskjønning til tilsette i kommunen i samband med koronapandemien. Finansiering er disposisjonsfondet.
Ramme for bruk av midlane skal vera felles velferdsarrangement og/eller motivasjonssamling/fellesopplæring for tilsette.
Midlane skal fordelast mellom sektorane i kommunen etter talet på faste årsverk. Kommunalsjef avgjer i samråd med einings- og avdelingsleiarane, verneombod og plasstillitsvald nærare innhald i arrangement/samlingar. Det er innanfor sektorane rom for å gjera ytterlegare inndelingar på einings- eller avdelingsnivå.
Handsaming:
Øyvind Steinsland (Bl) sette fram framlegg til vedtak.
I røystinga fekk formannskapet si innstilling 19 røyster og vart vedteke. Framlegget til Øyvind Steinsland fekk 1 røyst (Øyvind Steinsland).
Kommunestyre- og fylkestingsvalet 2023 vert i Samnanger kommune gjennomført på ein dag, måndag 11.09.2023.
Rådmannen sitt framlegg vart samrøystes vedteke.
Saka blir utsett.
Knut Harald Frøland (Bl) sette fram framlegg om å utsetja saka. Framlegget vart samrøystes vedteke.
Ytringsfriheita står sterkt og skal stå sterkt, men det kan like fullt vere nyttig at politikarane held seg med køyrereglar for god kommunikasjon for å styrkja at ordskiftet kan skje på ein respektfull måte. Dette kan og vere med å styrkja vedtaka ved at alle representantar tør å ta ordet, og at det kan legga til rette for at dialog og godt samarbeid kan skje på tvers av partigrenser.
Punkta under er eit grunnlag for god kommunikasjon i kommunestyret og politiske utval i Samnanger kommune:
1. Ver godt førebudd til møta.
2. Ver høfleg og bruk fint språk.
3. Ver merksam på eige kroppsspråk og tenk gjennom kva signal du sender.
4. Hels alltid når du kjem og når du går, sjølv om debattane kan vere friske.
5. Ver tydeleg og tenk gjennom om bodskapen din kan bli oppfatta feil. Ver raus og positiv og prøv å tolka folk i beste meining.
6. Nytt gjerne humor, men syt for at denne vert inkluderande.
7. Gje ros og konstruktive tilbakemeldingar.
8. Fokusèr på sak, ikkje person.
9. Gje ei oppleving av likeverd.
10. Hugs å trena på å innrømma at du tok feil.
Monica Tjønna (Sp) sette fram følgjande framlegg til følgjande tillegg til punkt 5 i ordføraren sitt framlegg:
"Ver raus og positiv og prøv å tolka folk i beste meining".
Med dette tillegget vart ordføraren sitt framlegg samrøystes vedteke.
Styringsgruppa for fleirbrukshall vert utvida med økonomisjef og ordførar.
Alternativ plassering for fleirbrukshall, dersom Lauskar-alternativet ikkje lèt seg realisera, vert Haukanesmarka på nordsida av fv. 136. Dersom styringsgruppa si vurdering vert at prosjektet bør vidareførast på alternativ plassering, skal dette leggjast fram for kommunestyret for endeleg vedtak.
Handsaming:
Innleiingsvis orienterte prosjektleiar Ole J. Sølberg frå ABO om status for arbeidet med planlegging av fleirbrukshall på Lauskar.
Øyvind Røen (Sp) sette fram framlegg til vedtak.
Karl Bård Kollbotn (Frp) sette fram framlegg til vedtak.
Framlegget til Øyvind Røen fekk 16 røyster og vart vedteke. Framlegget til Karl Bård Kollbotn fekk 4 røyster.
For Øyvind Røen sitt framlegg | For Karl Bård Kollbotn sitt framlegg |
Knut Harald Frøland (Bl) | Linda Haug Kollbotn (Frp) |
Lena Tveit (Bl) | Odd Arne Haga (Frp) |
Anja Elisabeth Gjerde Markhus (Bl) | Karl Bård Kollbotn (Frp) |
Martin Haugen (Bl) | Knut Loneland Høibraaten (Bl) |
Ove Totland (Bl) | |
Øyvind Steinsland (Bl) | |
Solveig Vassenden (Bl) | |
Shirin Kvernes Khadoor (Ap) | |
Harald Boge (Ap) | |
Jon Magne Bogevik (Ap) | |
Monica Tjønna (Sp) | |
Øyvind Røen (Sp) | |
Gunn Totland Moss (KrF) | |
Arild Røen (H) | |
Magni Petersen (MDG) | |
Oskar Røen (MDG) |
Samnanger kommune rår Vestland fylkeskommune til å satse på Bjørkheim som framtidig regionsenter.
Samnanger kommune vil ta initiativ til eit tett og konstruktivt samarbeid med Vestland fylkeskommune i prosessen med utvikling av ny områdeplan for Bjørkheimsområdet.
Ordføraren sitt framlegg vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Jon Magne Bogevik | Arbeidarpartiet | Medlem | jon.magne.bogevik@kvamnet.no | |
Harald Boge | Arbeidarpartiet | Medlem | harald.boge@samnanger.kommune.no | |
Martin Haugen | Bygdalista | Medlem | martin-haugen@hotmail.com | |
Øyvind Steinsland | Bygdalista | Medlem | oyvind.steinsland@orkla.no | |
Solveig Vassenden | Bygdalista | Medlem | sol.vassenden@kvamnet.no | |
Lena Tveit | Bygdalista | Medlem | tveitlena@yahoo.no | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Knut Loneland Høibraaten | Bygdalista | Medlem | knut@hoibraaten.net | |
Ove Totland | Bygdalista | Medlem | ove_totland@hotmail.com | |
Karl Bård Kollbotn | Framstegspartiet | Medlem | karl.kollbotn@samnanger.kommune.no | |
Linda Haug Kollbotn | Framstegspartiet | Medlem | lhk@safa.no | |
Odd Arne Haga | Framstegspartiet | Medlem | odd.arne.haga@outlook.com | |
Arild Røen | Høgre | Medlem | ariroeen@online.no | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Oskar Røen | Miljøpartiet Dei Grøne | Medlem | oskarroen@gmail.com | |
Monica Tjønna | Senterpartiet | Medlem | monica.tjonna@kvamnet.no | |
Lorraine Frampton Bratlie | Arbeidarpartiet | 1. varamedlem | lorfbra@gmail.com | |
Magni Petersen | Miljøpartiet Dei Grøne | 1. varamedlem | magni.petersen@samnanger.kommune.no | |
Gunn Østvik Petersen (Ikke møtt) | Arbeidarpartiet | Medlem | gunn.o.petersen@kvamnet.no | |
Øyvind Strømmen (Ikke møtt) | Miljøpartiet Dei Grøne | Medlem | oyvindstrommen@gmail.com |