Utval: | Kommunestyret |
---|---|
Dato: | 19.10.2023 08:30 - 14:10 |
Møtestad: | Kommunehuset – Kommunestyresalen |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vert godkjent, med følgjande endring:
Saka "Kontrollutvalet – gjeldande prosjektstilling" blir teken inn som ny sak på saklista.
Ønske om tilleggssak på saklista ("Kontrollutvalet – gjeldande prosjektstilling")
Anja Elisabeth Gjerde Markhus (Bl) orienterte om at ho ønskte å få inn ei ekstrasak på saklista. Dette gjaldt ei sak med tittelen "Kontrollutvalet – gjeldande prosjektstilling". Ho hadde utarbeidd ei saksframstilling med framlegg til vedtak, som i møtet vart sendt ut til resten av kommunestyret saman med seks vedlegg. Det var ein pause i møtet medan medlemmene i kommunestyret fekk lesa gjennom desse dokumenta.
Etter pausen orienterte ordførar Knut Harald Frøland (Bl) om at han vurderte seg sjølv som ugild, fordi han er omtalt (omhandla) i den aktuelle saka. Han gjekk frå medan kommunestyret handsama gildskapen hans. Øyvind Røen (Sp) gjekk inn som ordførar.
Arild Røen (H) bad om å få gildskapen sin vurdert, på bakgrunn av at han også er omtalt i saka. Han gjekk frå medan kommunestyret vurderte gildskapen hans.
Både Knut Harald Frøland og Arild Røen vart samrøystes funne ugilde.
Oskar Røen (MDG) bad etter dette om å få gildskapen sin vurdert, på bakgrunn av at han er son til Arild Røen. Han gjekk frå medan kommunestyret vurderte gildskapen hans. Han vart funnen ugild med 15 mot 1 røyst. Jon Magne Bogevik (Ap) røysta for at Oskar Røen var gild.
Karl Bård Kollbotn (Frp) bad om gruppemøte.
Etter gruppemøtet vart det gjennomført røysting over om saka skulle takast inn på saklista for møtet. Det vart samrøystes vedteke å ta saka inn på saklista, og at ho skulle handsamast etter dei andre sakene på saklista.
Det var under handsaminga av sak 082 ingen andre merknader til innkallinga eller saklista.
Orienterings-/referatsaker vert tekne til orientering. Sak om ettergodtgjersle for ordførar blir teken inn på saklista for møtet.
Eventuelle merknader til protokoll frå førre møte:
Ingen merknader.
Ordføraren orienterer:
Bestilling av sak om eventuell deltaking i kampanjen "Eit meir demensvennleg samfunn". Ordførar Knut Harald Frøland (Bl) foreslo at sak om dette skal leggjast fram i kommunestyret 07.12.2023. Kommunestyret slutta seg til forslaget.
Ettergodtgjersle for ordførar. Ordførar Knut Harald Frøland (Bl) orienterte om reglane for ettergodtgjersle til ordførar i Samnanger kommune si forskrift. Det står der at ettergodtgjersle skal avkortast krone for krone mot anna inntekt. Knut Harald Frøland viste til at ordføraren ikkje opptenar feriepengar, og bad om at kommunestyret løyver 1,5 månad ettergodtgjersle til avtroppande ordførar. Han viste i samband med dette òg til at førre ordførar fekk 1,5 månader ettergodtjersle då ho gjekk av i 2015. Øyvind Strømmen (MDG) bad om at saka vart teken inn på saklista for møtet. Kommunestyret slutta seg samrøystes til forslaget til Øyvind Strømmen. Saka vart som følgje av dette sett inn på saklista, og vart handsama etter dei andre sakene på saklista.
Rådmannen orienterer:
Orientering ved rådmann Ove Sæbø:
Status for oppfølging av politiske saker. Rådmannen orienterte om oppfølging av politiske saker og vedtak, og viste i samband med dette ei oversikt over etterslep på saker. Oversikta følgjer som vedlegg til møteprotokollen.
Orientering ved kommunalsjef helse og omsorg, Edith Oma:
Barnevern. Status for arbeidet med førebyggande plan.
Pleie og omsorg. Kort orientering om deltaking i læringsnettverk for pårørande og samarbeid.
"Menn i helse". Kommunen har hatt besøk av representantar for dette prosjeket, som er i regi av fylkeskommunen. Samnanger har ikkje vore med på prosjektet tidlegare, men ønskjer no å vera med.
Helse- omsorgsplan. Status for arbeidet med planen.
Utlysing av fastlegeheimel. Ein fastlegeheimel er utlyst. Det går no ein vikar i denne heimelen.
Brev sendt frå innbyggjar til kommunestyret. Kort orientering. Administrasjonen har svart ut nokre av spørsmåla i brevet.
Orentering ved kommunalsjef oppvekst, Irene Ullensvang:
Svar på spørsmål stilt på budsjettseminaret 05.10.2023. Gjaldt spørsmål om bemanning i ein av barnehagane.
Mangel på kvalifiserte søkjarar og vikarar. Gjeld både barnehagane og skulane.
Skule- og barnehagemiljø, uanforskap og mobbing. Informasjon om kommunen sitt arbeid knytt til dette. Kopi av presentasjonen som vart vist i møtet følgjer som vedlegg til møteprotokollen.
Tilsyn ved Samnanger barneskule. Informasjon om det planlagde tilsynet, som gjeld Samnanger kommune sitt arbeid for å sikra eit godt og trygt skulemiljø.
Orientering ved kommunalsjef samfunnsutvikling, Hilde-Lill Våge:
Bossnett. Svar på spørsmål stilt av Jon Magne Bogevik (Ap) i formannskapet 05.10.2023 i formannskapssak 062/2023. Kommunane er med å støtta påslaget knytt til bossnett.
Planprogram for kommuneplanen sin samfunnsdel. Status for arbeidet. Saka kjem til kommunestyret 07.12.2023.
Områdeplan. Orientering om status for arbeidet og tentativ framdriftsplan.
Søknad om kommunal overtaking av vegen til Totræna vinterpark. Orientering om møte med Samnanger idrettslag, og om vidare prosess.
Montering av innkjøpte leikeapparat ved Samnanger barneskule. Leikeapparata er no monterte og kan truleg takast i bruk tidleg neste veke.
Spørsmål:
Reglement for påkopling til kommunalt VA
Jon Magne Bogevik (Ap) og Martin Haugen (Bl) spurde om når det vil koma opp sak om reglement for påkopling til kommunalt vatn og avløp (VA). Kommunalsjef Hilde-Lill Våge svara. Dette vil vera ein del av ei større sak som vil koma opp i kommunestyret i den neste ordinære møterunden.
Vedlikehaldsplan
Odd Arne Haga (Frp) viste til at det er gjort vedtak om det skal lagast ein vedlikehaldsplan for kommunen. Han etterlyste denne planen. Kommunalsjef Hilde-Lill Våge svara. Ho orienterte om at det kanskje har vore ei misforståing når det gjeld kor detaljert vedlikehaldsplan som skal leggjast fram for kommunestyret.
Optimalisering av bygningsmassen
Odd Arne Haga (Frp) viste til at det for åtte år sidan vart gjort vedtak om å optimalisera bygningsmassen. Han etterlyste ei utgreiing frå administrasjonen om dette. Kommunalsjef Hilde-Lill Våge svara. Ho orienterte om at det blir arbeidd med ein strukturplan i forhold til den kommunale bygningsmassen, og at administrasjonen vil koma tilbake til dette.
Ny omsorgsbustad i Reistadliane 41
Martin Haugen (Bl) bad om ei orientering om status for den nye omsorgsbustaden i Reistadliane 41. Møtet vart lukka medan kommunestyret vurderte om orienteringa skulle haldast for lukka dører. Møtet vart opna igjen før kommunestyret røysta over spørsmålet om lukking. Det vart samrøystes vedteke at orienteringa skulle haldast for lukka dører, med heimel i kommunelova § 11-5 andre ledd jf. fjerde ledd bokstav a. Møtet vart etter dette lukka igjen, før kommunalsjef Edith Oma orienterte om status for den nye omsorgsbustaden. Etter orienteringa vart møtet opna igjen.
Oppstartdato for ny privatpraktiserande fysioterapeut
Håvard Tvedterås (Frp) spurde om oppstartdato for ny privatpraktiserande fysioterapeut. Kommunalsjef Edith Oma orienterte status i saka, og om at oppstartdatoen enno ikkje er avklart.
Fastlegesituasjonen i Samnanger
Håvard Tvedterås (Frp) viste til at det er lang ventetid på time hos fastlege i Samnanger, og spurde om dette er noko administrasjonen ser på. Kommunalsjef Edith Oma orienterte om at det er legar i alle fire fastlegeheimlane i Samnanger, men at kommunen jobbar med å eventuelt få oppretta ein fastlegeheimel til.
Ivaretaking og oppfølging av aldersgruppa 16–18 år
Øyvind Steinsland (Bl) viste til utfordringar med mobbing og utanforskap m.m.. Han spurde om korleis kommunen arbeider med ivaretaking og oppfølging av aldersgruppa mellom avslutta ungdomsskule og 18 år. Rådmann Ove Sæbø og kommunalsjef Irene Ullensvang svara. Rådmannen orienterte òg om at han vil koma tilbake til kommunestyret om dette temaet i eit seinare møte.
Uteområdet ved ungdomsskulen
Anja Elisabeth Gjerde Markhus (Bl) viste til kommunestyret sitt vedtak 14.09.2023 i sak 081/2023, og etterlyste sak om uteområdet ved ungdomsskulen. Kommunalsjef Hilde-Lill Våge orienterte om arbeidet som er gjort etter kommunestyret sitt vedtak 14.09.2023.
Interpellasjonar:
Følgjande interpellasjonar vart handsama i møtet:
RS 1: Interpellasjon frå MDG om fartsdempande tiltak i Steinslandsbakken
RS 2: Interpellasjon frå Arild Røen (H) om utbetring av Fv 579 – oppstart av arbeid med reguleringsplan
RS 3: Interpellasjon frå Solveig Vassenden (Bl) om forsterka omsorgsplassar på 95-bygget
RS 4: Interpellasjonar frå Frp om vask av fasaden på kommunehuset og kantslått langsmed kommunale vegar
Informasjon om handsaminga av interpellasjonane går fram av sakspapira for dei ulike interpellasjonane (RS 1, RS 2, RS 3 og RS 4).
Samrøystes vedtak.
Økonomirapportering pr. 2. tertial 2023 vert tatt til orientering.
Rådmannen gjer ikkje framlegg om endringar i driftsbudsjettet pr. 2. tertial 2023.
Følgjande budsjettendringar vert gjennomført i investeringsbudsjettet pr 2. tertial 2023.
Prosjektnr | Prosjektnamn | Utgift ned / Innt opp | Utg opp / Innt ned |
| Samfunnsutvikling |
|
|
3320 | Hagabakkane - utviding veg |
| 980 000 |
3323 | Hagabotnane, gangveg | 249 000 |
|
3321 | Innkjøring Helsetun |
| 171 000 |
3325 | Pott vegvedlikehald |
| 28 000 |
2653 | Frøland-bygg kjøp/ tilrettel. |
| 169 000 |
2659 | Hus, Reistadliane 41 |
| 29 000 |
3810 | Aktivitetsbasert hall |
| 184 000 |
3812 | Idrettsanlegget, brøyteutstyr |
| 350 000 |
1300 | Kommunehus ombyg./ vent. |
| 480 000 |
3304 | Pott forvaltning bygg | 115 000 |
|
3436 | VA infrastruktur |
| 750 000 |
| Opplæring |
|
|
2027 | Elev-pc |
| 19 000 |
| Totalt investering | 364 000 | 3 160 000 |
| Finansiering |
|
|
| Momskompensasjon, alle prosjekt | 671 000 |
|
| Tilskot | - |
|
| Ubrukte lånemidlar 2022 / lån 2023 | 2 125 000 |
|
| Totalt finansiering | 2 796 000 | - |
| Sum | 3 160 000 | 3 160 000 |
Endringane i investeringsbudsjettet står meir om i saksutgreiinga. Rådmann vil i framlegginga av budsjett 2024 og økonomiplan for 2024- 2027 tilpassa investeringsbudsjettet etter forbruket i 2023.
Innstillinga til formannskapet vart samrøystes vedteken.
Finansrapportering for 2. tertial 2023 vert tatt til orientering.
Framlegget til rådmannen vart samrøystes vedteke.
Samnanger kommune er nøgd med konklusjonane og tilrådingane i KVU E134 ‒ arm til Bergen, og ser fram til vidare og tett samarbeid med Statens vegvesen og Vestland fylkeskommune. Kommunen konstaterer at konsept 1 kjem godt ut når det gjeld ikkje-prissette konsekvensar, inklusive moglegheita til å unngå og redusera miljøskade, og også når det gjeld moglegheita til trinnvis utbygging. Også når det gjeld generell samfunnsnytte, kjem konsept 1 best ut.
Lokalt gjev det Samnanger fleire føremonar å verta knytt til omverda på denne måten. Samstundes meiner kommunen ein «arm» mot Bergen gjennom dei sentrale delane av Samnanger har fleire negative følgjer, som ikkje kjem fram i KVU-en.
Ein merkar seg at KVU-en, i kap. «10.3 Ikkje-prissette verknader», peikar på fleire ulike konfliktområde langs dei ulike traséane ‒ knytte til jordbruk, naturmangfald, landskapskvalitetar m.m. Ingen av desse ligg i Samnanger. Difor meiner Samnanger kommune at KVU-en er mangelfull når han slett ikkje drøftar kva konsekvensar auka trafikk og vegbygging kan ha, utanfor dei nemnde konfliktområda. Samnanger har òg bumiljø, «mjuke trafikantar», natur og kulturlandskap som det må takast omsyn til.
KVU-en gjer framlegg om stegvis utbygging av vegen. Dette er fornuftig med tanke på kostnaden og realismen i prosjektet. For Samnanger kan det likevel skapa nokre utfordringar. Det gjer arealplanlegginga vanskelegare, både for kommunen og privatpersonar, når ein truleg i lang tid må leva i uvisse om det vil verta bygt noko meir i Samnanger enn tunellen mellom Eikedalen og Steinsdalen.
Vidare har Samnanger kommune desse kommentarane og krava:
· Det er dårleg samfunnsplanlegging og arealdisponering å tenkja at den nemnde tunellen Eikedalen‒Steinsdalen berre er mellombels, og at det seinare skal byggjast ein lang og flat tunell mellom Frølandsdalen og Steinsdalen.
· Fv. 49 er ikkje rigga for trafikkauke. Alt i dag er det store vanskar for lokaltrafikk å kunna køyra inn på vegen dei dagane biltettleiken er størst. Det trengst av- og innkøyringsvegar og rundkøyringar.
· Det må byggjast tre nye bruer på fv. 49 mellom Mørkhølen og Eikedalen, slik at dei får same vegbreidd som vegen elles.
· Det må koma ein eigen trafikksikringspakke for fotgjengarar og syklistar langs fv. 49. Døme på det er nye strekningar med gang- og sykkelveg og tiltak fleire stader til hjelp for å kryssa fylkesvegen. I dag er fotgjengarfeltet på Bjørkheim det einaste tiltaket av dette slaget i Samnanger.
· Det må ikkje byggjast ny trasé i dagen som fører til nedbygging av dyrka jord.
Samnanger kommune går mot bruk av bompengar på fv. 49
Handsaming:
Øyvind Røen (Sp) sette fram framlegg til vedtak.
Øyvind Strømmen (MDG) bad om gruppemøte.
Etter gruppemøtet sette Øyvind Røen fram eit fellesframlegg til vedtak, på vegner av Øyvind Strømmen, Karl Bård Kollbotn (Frp), Arild Røen (H) og seg sjølv. Han trekte samstundes framlegget han hadde sett fram før gruppemøtet.
I røystinga vart fellesframlegget sett opp mot innstillinga til formannskapet. Fellesframlegget vart samrøystes vedteke.
1. Samnanger kommune vedtek at BIR AS får delegert fullmakt til fakturering og innkrevjing av avfallsgebyret på vegner av kommunen, jfr § 2-2 i Forskrift om handtering av hushaldsavfall, Samnanger kommune. Avfallsgebyret tilhøyrer Samnanger kommune.
2. Prisen på renovasjonstenesta for 2024 vert sett opp med 5 %, med unnatak av eigenandelen for levering til gjenvinningsstasjonane og einskilde tenester utanfor standard renovasjon. Desse vert haldne uendra.
Samnanger kommune vedtek avfallsgebyr i tråd med følgjande vedlegg:
Rammebudsjett for lovpålagt renovasjon i BIR 2024
Prismatrise Samnanger Kommune 2024
Sak 36-23 Implementering av eierskap til avfallsinfrastruktur. Brukerbetaling husholdning
Innstillinga til formannskapet vart samrøystes vedteken.
Samnanger kommune vedtek å avslutte vidare arbeid med planar for etablering av drivstoffanlegg på Tyssekaien.
Handsaming:
Karl Bård Kollbotn (Frp) sette fram framlegg til vedtak.
Øyvind Strømmen (MDG) viste til framlegget som Karl Bård Kollbotn hadde sett fram, og spurde om det berre var den siste setninga i framlegget kommunestyret skulle røysta over. Karl Bård Kollbotn stadfesta dette.
Tilrådinga til rådmannen fekk 16 røyster og vart vedteke. Framlegget til Karl Bård Kollbotn fekk 2 røyster.
For tilrådinga til rådmannen | For framlegget til Karl Bård Kollbotn |
Knut Harald Frøland (Bl) | Odd Arne Haga (Frp) |
Lena Tveit (Bl) | Karl Bård Kollbotn (Frp) |
Anja Elisabeth Gjerde Markhus (Bl) | |
Ove Totland (Bl) | |
Øyvind Steinsland (Bl) | |
Martin Haugen (Bl) | |
Solveig Vassenden (Bl) | |
Håvard Tvedterås (Frp) | |
Shirin Kvernes Khadoor (Ap) | |
Gunn Østvik Petersen (Ap) | |
Harald Boge (Ap) | |
Jon Magne Bogevik (Ap) | |
Gunn Totland Moss (KrF) | |
Øyvind Strømmen (MDG) | |
Oskar Røen (MDG) | |
Øyvind Røen (Sp) |
Samnanger kommune sluttar seg til revidert avtale om administrativt vertskommunesamarbeid mellom kommunane Bjørnafjorden, Tysnes og Samnanger om felles interkommunalt landbrukskontor.
Vertskommunesamarbeidet er heimla etter vertskommunemodellen i kommunelova (LOV-2018-06-22-83) §20-1 flg., irekna § 20-2 administrativt vertskommunesamarbeid og § 20-4 samarbeidsavtale.
Med heimel i kommunelova § 20-2 instruerer kommunestyret rådmannen om å delegera lovheimla oppgåver knytt til tenesteyting av landbrukskontor til kommunedirektøren i Bjørnafjorden kommune, innanfor ramma av samarbeidsavtalen.
Tilrådinga til rådmannen vart samrøystes vedteken.
Samnanger kommunestyre har tillit til rådmann ser til at dersom det vert oppretta stillingar i organisasjonen – faste, vikariat eller prosjektstillingar – så vert dette gjort i tråd med rådmannen sitt delegerte mynde, hovudtariffavtalen, samt etter vurdering/kvalitetssikring av HR-leiar
Samnanger kommunestyre aksepterer ikkje at kontrollutvalet, eller andre politiske utval, nyttast til sverting basert på ryktespreiing.
Samnanger kommunestyre ber om orsaking til den tilsette, til rådmann og til ordførar for det som skjedde i kontrollutvalsmøte 28.08.23, og i handlingane som skjedde i etterkant av dette møte.
Ordførar Knut Harald Frøland viste innleiingsvis til gildskapsvurderingane som vart gjort før kommunestyret tidlegare i møtet (i sak 083) gjorde vedtak om å ta denne saka inn på saklista. Han spurde om det var nødvendig å gjera nye gildskapsvurderingar no. Han orienterte vidare om at han vurderte seg som ugild, og gjekk frå. Øyvind Røen (Sp) gjekk inn som ordførar. Oskar Røen (MDG) gjekk òg frå medan kommunestyret vurderte gildskapen hans.
Det vart først røysta over gildskapen til Oskar Røen. Han vart funnen ugild med 11 mot 5 røyster.
Gild | Ugild |
Shirin Kvernes Khadoor (Ap) | Lena Tveit (Bl) |
Gunn Østvik Petersen (Ap) | Anja Elisabeth Gjerde Markhus (Bl) |
Harald Boge (Ap) | Ove Totland (Bl) |
Jon Magne Bogevik (Ap) | Øyvind Steinsland (Bl) |
Øyvind Strømmen (MDG) | Martin Haugen (Bl) |
Solveig Vassenden (Bl) | |
Håvard Tvedterås (Frp) | |
Odd Arne Haga (Frp) | |
Karl Bård Kollbotn (Frp) | |
Gunn Totland Moss (KrF) | |
Øyvind Røen (Sp) |
Det vart så røysta over gildskapen til Knut Harald Frøland. Han vart samrøystes funnen ugild.
Det vart etter dette røysta over framlegget til vedtak som Anja Elisabeth Gjerde Markhus hadde sendt ut tidlegare i møtet (under handsaminga av sak 082). Framlegget vart vedteke med 15 mot 1 røyst. Jon Magne Bogevik (Ap) røysta imot.
Ordføraren får ettergodtgjersle i halvannan månad.
Øyvind Strømmen (MDG) stilte innleingsvis nokre spørsmål til administrasjonen. Rådmannen orienterte om at administrasjonen måtte ha litt for å kunne svara på nokon av spørsmåla.
Øyvind Røen (Sp) sette fram framlegg om å utsetja saka. Det vart etter dette røysta over utsetjingsframlegget. 9 røysta for og 9 røysta imot. På grunn av at ordføraren var ein av dei 9 som røysta imot utsetjingsframlegget, vart framlegget ikkje vedteke.
For utsetjing | Imot utsetjing |
Øyvind Røen (Sp) | Knut Harald Frøland (Bl) |
Gunn Totland Moss (KrF) | Lena Tveit (Bl) |
Ove Totland (Bl) | Anja Elisabeth Gjerde Markhus (Bl) |
Martin Haugen (Bl) | Øyvind Steinsland (Bl) |
Shirin Kvernes Khadoor (Ap) | Solveig Vassenden (Bl) |
Gunn Østvik Petersen (Ap) | Håvard Tvedterås (Frp) |
Harald Boge (Ap) | Odd Arne Haga (Frp) |
Øyvind Strømmen (MDG) | Karl Bård Kollbotn (Frp) |
Oskar Røen (MDG) | Jon Magne Bogevik (Ap) |
Ordførar Knut Harald Frøland informerte etter dette om at det skulle røystast over følgjande framlegg til vedtak:
"Ordføraren får ettergodtgjersle i halvannan månad."
Framlegget vart samrøystes vedteke.
Politikar | Parti | Medlemstype | Mobil | E-Post |
---|---|---|---|---|
Knut Harald Frøland | Bygdalista | Leiar | frolandkh@gmail.com | |
Øyvind Røen | Senterpartiet | Nestleiar | oyv.roen@gmail.com | |
Shirin Kvernes Khadoor | Arbeidarpartiet | Medlem | shirin_khadoor@hotmail.com | |
Gunn Østvik Petersen | Arbeidarpartiet | Medlem | gunn.o.petersen@kvamnet.no | |
Jon Magne Bogevik | Arbeidarpartiet | Medlem | jon.magne.bogevik@kvamnet.no | |
Harald Boge | Arbeidarpartiet | Medlem | harald.boge@samnanger.kommune.no | |
Martin Haugen | Bygdalista | Medlem | martin-haugen@hotmail.com | |
Øyvind Steinsland | Bygdalista | Medlem | oyvind.steinsland@orkla.no | |
Solveig Vassenden | Bygdalista | Medlem | sol.vassenden@kvamnet.no | |
Lena Tveit | Bygdalista | Medlem | tveitlena@yahoo.no | |
Anja Elisabeth Gjerde Markhus | Bygdalista | Medlem | anja.gjerde@hotmail.com | |
Ove Totland | Bygdalista | Medlem | ove_totland@hotmail.com | |
Karl Bård Kollbotn | Framstegspartiet | Medlem | karl.kollbotn@samnanger.kommune.no | |
Odd Arne Haga | Framstegspartiet | Medlem | odd.arne.haga@outlook.com | |
Arild Røen | Høgre | Medlem | ariroeen@online.no | |
Gunn Totland Moss | Kristeleg Folkeparti | Medlem | gunn.totland.moss@gmail.com | |
Øyvind Strømmen | Miljøpartiet Dei Grøne | Medlem | oyvindstrommen@gmail.com | |
Oskar Røen | Miljøpartiet Dei Grøne | Medlem | oskarroen@gmail.com | |
Håvard Tvedterås | Framstegspartiet | 1. varamedlem | butikksjef@live.no | |
Knut Loneland Høibraaten (Ikke møtt) | Bygdalista | Medlem | knut@hoibraaten.net | |
Linda Haug Kollbotn (Ikke møtt) | Framstegspartiet | Medlem | lhk@safa.no | |
Monica Tjønna (Ikke møtt) | Uavhengig representant | Medlem | monica.tjonna@kvamnet.no |