Møte i Formannskapet den 09.11.2023

Vedtak

Innkalling og sakliste vert godkjent.

Behandling

Ordførar Karl Bård Kollbotn (Frp) foreslo at sak 073 (Budsjett og økonomiplan 2024-2027) skulle handsamast etter dei andre sakene på saklista. Med denne justeringa vart framlegget til rådmannen samrøystes vedteke.

Vedtak

Orienterings-/referatsaker vert tekne til orientering.

Behandling

Eventuelle merknader til protokoll frå førre møte:
Ingen merknader.


Orienterings-/referatsaker:

Rådmannen orienterer:

Orientering v/fungerande rådmann Karl Viken:

• Eigedomsskatt i samband med Yggdrasil-utbygginga. Kommunen vil få inn eigedomsskatt frå og med 2025.

• Organisasjonsendring flyktningetenesta. Flyktningetenesta er no flytta tilbake frå kultureininga til eining for livsmeistring.

Orientering v/einingsleiar livsmeistring, Laila Grønn-Jensen:

• Status for flyktningetenesta og mottak av flyktningar. Informasjon om status for mottak m.m. av flyktningar.

• Forebyggande plan. Informasjon om status for arbeidet med planen.

Orientering v/kommunalsjef oppvekst, Irene Ullensvang:

• Desentralisert kompetanseutvikling i skule. Informasjon om at det 09.11.2023 var kickoff for dette prosjektet i Samnanger.

• Foreldreundersøking i barnehage. Informasjon om undersøkinga som snart skal gjennomførast.

• Elevundersøkingar. Informasjon om elevundersøkingar som er planlagt gjennomført.

• Organisasjonsendring PP-tenesta (pedagogisk-psykologisk teneste). Tenesta er flytta frå sektor for helse og omsorg til sektor for oppvekst med verknad frå 01.11.2023.

Spørsmål:

Ekstra formannskapsmøte og kommunestyremøte i november 2023
Shirin Kvernes Khadoor (Ap) viste til at det i møteplanen på kommunen si heimeside har blitt lagt inn eit ekstra formannskapsmøte i november (22.11.2023). Ho spurde om bakgrunnen for dette. Rådgjevar Jan Erik Boge orienterte om at det er behov for eit ekstramøte i november for å få handsama nokre saker som var melde opp til naturutvalet (som no er nedlagt). Han orienterte vidare om at det truleg vil bli eit ekstramøte i kommunestyret i samband med folkevaldopplæringa 23.11.2023, og at sakene som var melde opp til naturutvalet kan handsamast i dette møtet. Som følgje av dette vil det ikkje vil vera behov for å ha møte i formannskapet 22.11.2023.

Samrøystes vedtak.

Vedtak

Formannskapet stadfester innsendt søknad av 12.10.2023 om tildeling av KS-medalje til Jon Magne Bogevik.

Formannskapet vedtek å senda søknad til KS om tildeling av KS-medalje til tidlegare kommunestyremedlem, ordførar og varaordførar Brigt Olav Gåsdal. Bakgrunnen for søknaden er at at han var folkevald i Samnanger kommune i til saman meir enn 30 år i perioden 1979–2020.

Formannskapet ber rådmannen om å leggja fram forslag til retningslinjer for søknader om KS-medalje og eventuelle andre heidersteikn til folkevalde i kommunen.

Behandling

Framlegget til rådmannen vart samrøystes vedteke.

Vedtak

Samnanger kommune vedtek Helseberedskapsplan – pleie og omsorg og helseeininga slik den ligg føre.

Behandling

Framlegget til rådmannen vart samrøystes vedteke.

Vedtak

Med heimel i plan- og bygningslova §§ 4-1, 11-2 og 11-13 vert planprogram for kommuneplanens samfunnsdel, dagsett 20.09.2023 vedteke. Planprogrammet gjer greie for kva samfunnsplanen skal handla om, føremålet med planarbeidet, planprosess og opplegg for medverknad.

Behandling

Under handsaminga av saka hadde Arild Røen (H), Camilla Stavnes Hisdal (MDG) og Odd Arne Haga (Frp) nokre kommentarar/innspel og spørsmål. Fungerande rådmann Karl Viken og kommunalsjef samfunnsutvikling, Hilde-Lill Våge, svara på spørsmåla og orienterte om at kommentarane/innspela ville bli tekne med i det vidare arbeidet med kommuneplanens samfunnsdel. Kommentarane/innspela gjaldt følgande:

• Arild Røen: Viste til høyringssvaret frå Samnanger Næringsforum, og spurde om dette svaret blir teke omsyn til i det vidare arbeidet.

• Camilla Stavnes Hisdal: Kommenterte kommunen sitt svar på høyringsinnspel frå Bergen og Hordaland Turlag om kunnskap om friluftsområde i kommunen. Ho kommenterte også at det hadde kome høyringsinnspel om at kommunen bør leggja høyringar utanom ferietida.

• Odd Arne Haga: Syns ikkje at kommentarane frå Statsforvaltaren og Statens vegvesen som går på trafikktryggleik og trygg ferdsel til skule og aktivitetar retta mot barn og unge kom godt nok fram i merknadsskjemaet i saka.

Framlegget til rådmannen vart samrøystes vedteke.

Vedtak

Rådmannen sitt framlegg til møteplan blir vedteke, med følgjande endring:

• Også møta i Formannskapet skal haldast på dagtid frå 08.30 - 16.00.

Vedtaket er gjort med heimel i § 11-2 i kommunelova.

Behandling

Handsaming:
Etter den innleiande debatten bad ordførar Karl Bård Kollbotn (Frp) om gruppemøte.

Etter gruppemøtet sette Shirin Kvernes Khadoor (Ap) fram eit tilleggsframlegg. Med justeringa i dette tilleggsframlegget vart framlegget til rådmannen samrøystes vedteke.

Vedtak

Det vert laga ein plan for kortsiktige tiltak for uteområdet til ungdomsskulen på Tysse. Hovudmålet er å auka trivselen for elevane. Det må difor leggast stor vekt på ønske frå elevane, og er det mogeleg, bør dei vera med når tiltaka skal gjennomførast.Rådmannen legg fram oversikt over moglege kortsiktige tiltak som kan startast opp raskt, i kommunestyremøtet 07.12.2023.

Behandling

Handsaming:
Etter den innleiande debatten bad Shirin Kvernes Khadoor (Ap) om gruppemøte.

Etter gruppemøtet heldt handsaminga fram. Ordførar Karl Bård Kollbotn (Frp) bad så om nytt gruppemøte.

Etter gruppemøtet sette Øyvind Røen (Sp) fram framlegg til vedtak.

Shirin Kvernes Khadoor sette fram framlegg om ei tilleggssetning til framlegget til Øyvind Røen.

I røystinga vart framlegget til Øyvind Røen, inkludert tilleggsframlegget til Shirin Kvernes Khadoor, sett opp mot framlegget til rådmannen. Framlegget til Øyvind Røen vart samrøystes vedteke.

Vedtak

Teknisk drift gjennomfører dronevask av kommunehuset innafor sitt vedlikehaldsbudsjett for 2024.

Teknisk drift gjennomfører minimum kantslått/-klypp 1 gong i løpet av august/september kvart år. Kantslått vert dekka innafor ramma til årsbudsjett for 2024..

Behandling

Innleiingsvis orienterte Øyvind Røen (Sp) om at det mangla eit ord (ordet "med") i den nest siste setninga i framlegget til rådmannen.

Arild Røen (H) sette fram eit endringsframlegg.

Arild Røen trekte det første framlegget sitt, og sette fram eit nytt endringsframlegg.

Framlegget til Arild Røen vart vart samrøystes vedteke.

Vedtak

Samnanger kommunestyre vedtek gebyr- og betalingssatsar for 2024 slik dei ligg føre i Gebyrliste - Samnanger kommune 2024.

Behandling

Første del av saka vart handsama mellom sak 071 og 074. Den siste delen av handsaminga samt røystinga i saka, vart gjort etter sak 074.

Odd Arne Haga (Frp) sette innleiingsvis i saka fram framlegg om at ingen gebyrsatsar skal aukast med meir enn fem prosent.

Fungerande rådmann Karl Viken orienterte om at det var eit par skrivefeil (feil prosentsatsar) i rådmannen sitt framlegg i Framsikt, og at desse vil bli retta opp. Han foreslo at det vart lagt inn ein eigen merknad med ei presisering av dette i møteprotokollen, noko formannskapet slutta seg til. Med denne presiseringa vart framlegget til rådmannen samrøystes vedteke. Det vart ikkje røysta over framlegget som Odd Arne Haga hadde sett fram i starten av handsaminga av saka.

Merknad:
Satsane for påkoplingsavgift kommunalt vatn og avløp – skal vera ein prisauke på 5 %. Satsen for auke i påkoplingsavgift vatn og avløp Eikedalen skal vera 0 %.

Vedtak

Framlegg til budsjett – og økonomiplan for 2024-2027 i Framsikt vert lagt ut på høyring. Høyringsfrist vert sett til 24. november.

1. Rådmannens talbudsjett for 2024 vert vedteke med følgande endringar:

- Avsetting til disposisjonsfond 2024: kr. 5,8 mill. (ned frå kr. 6,5 mill.)
- Overføring til investering vert redusert med 1 mill.
- Det vert ikkje sett av kr. 1 mill. i investeringsbudsjettet ifm. tiltak i Vassloppa barnehage.
- Det vert ikkje sett av kr. 0,3 mill. i driftsbudsjett (rådmann) ifm. tiltak i Vassloppa barnhage.

Tot. 2 mill. vert fordelt slik for 2024:
+ 1,25 mill. drift Oppvekst
+ 0,75 Pilotprosjekt auka grunnbemanning, barnehage


Verbalpunkt:

2. Budsjettert låneopptak i 2024 med bakgrunn i investeringsbudsjettet er på 32,25 mill. kr. Av dette skal det takast opp eit lån på 4,7 mill. kr innan sjølvkost som skal gå til VA infrastruktur (4 mill. kr) og Reservevassforsyning (0,7 mill. kr). I tillegg er det sett av 5 mill. kr som skal gå til formidla startlån. Dette i samsvar med kommunelova § 14-15 fyrste ledd.

3. Økonomiplan for 2024- 2027 og årsbudsjett for 2024 vert lik oppstillingane i bevilgningsoversikt drift §5-4, bevilgningsoversikt investering §5-5, økonomisk oversikt drift §5-6 og oversikt gjeld og andre vesentlege langsiktige forpliktingar §5-7.

4. Årsbudsjettet for 2024 vert vedteke på sum netto driftsrammer for sektorane, rådmann og felleskostnadar- og inntekter.

5. Rådmannen vert gjeven fylgjande fullmakter innanfor budsjettet sine rammer (jf. samsvar Økonomireglement og kommunen sitt finansreglement):

· Justere budsjetta som følgje av sentrale og lokale lønsoppgjer
· Budsjettreguleringar innanfor sektorane sine rammer
· Gjennomføre låneopptak; nye lån og refinansieringar
· Utføre budsjettreguleringar av teknisk karakter innanfor drift og investering

6. Kontrollutvalet vert gjeve ei råme på 1 081 000 kr.

7. Prosjektplan – temaplan for struktur og eigedomsmasse 2024- 2033 vert lagt fram for kommunestyret som eiga sak våren 2024 for politisk handsaming.

8. Utgreiing av barnehage– og skulestruktur skal halde fram og dette vert lagt til OHO-utvalet. Det er viktig at ei slik utgreiing inkluderer tilsette og brukarar og legg opp til reell medverknad før avgjerder om strukturendringar skal endeleg vedtakast.

I samband med planstrategi for inneverande valperiode bør det vurderast ein eigen skule/barnehagebruksplan.

9. Skissert Program for handlefridom held fram som tidlegare vedteke; i 2024, og vidare i utover i kommande planperiode for 2025- 2027, med atterhald om utslag frå endringar i budsjettframlegget til rådmann.

10. Framlegg til vedtekter for kommunalt kulturfond som vart oppretta i 2023 vert vedteke. Fullmakt og delegering vert ført inn i kommunen sitt nye og reviderte delegeringsreglement.

11. Driftstilskot til Samnanger kyrkjestyre vert gjeve innanfor ei råme på 3,5 mill. kr. Denne råma er utover avtala kommunal tenesteyting.

På investeringssida får Samnanger kyrkjestyre løyving til 2 nye prosjekt i 2024; 420 000 kr til investeringstiltak ved Haga kyrkje og 250 000 kr til investeringstiltak ved Aadland kyrkje.

12. Betalingssatsar ligg i rådmannen sitt framlegg i Framsikt. Satsane for gebyr og avgifter for 2024 vert lagt fram og vedteke i eiga sak.

13. I Samnanger kommune vert det oppretta familielos- funksjon og fritidstilskot til born og unge som del av arbeid med relativ fattigdom i kommunen.

14. Framlegg til prosjektskisse for prøveordning med Fritidstilskot for barn og unge i Samnanger kommune i 2024 vert vedteke.

15. Rådmann syner til utgreiing kring møtestad og gaming- rom i gamle biblioteket på kommunehuset. Det vert vedteke å ikkje gå vidare med denne løysinga.

16. Det vert skrive ut eigedomsskatt på faste eigedomar i kommunen i 2023. Den generelle skattesatsen som skal gjelda for dei skattepliktige eigedomane vert sett til 7 ‰. Satsane er differensiert ved at den satsen som skal gjelda for bustader og fritidseigedomar vert sett til 1,0 ‰. Satsen for bustadar og fritidseigedomar går med det ned frå 1,4 ‰. Eigedomskatt for næringsverksemd vert ståande på 7 ‰.

Eigedomskatt for næringsverksemd vert ståande på 7 ‰. For bustaddelen av eigedomen (gjeld og fritidseigedom) vert det gitt eit botnfrådrag på kr 30 000 av takstverdi. Botnfrådraget vert gitt for alle sjølvstendige bustaddelar. Botnfrådrag vert ikkje gitt når eigedomen vert nytta til næringsverksemd. Det vert skrive ut eigedomsskatt på det særskilte skattegrunnlaget som vert redusert i 2024. Skattesatsen på det særskilte skattegrunnlaget skal være 7 promille. 3 I medhald av eigedomsskattelova vert det gjeve fritak til stiftingar eller institusjonar som har som formål å gagna kommunen, fylket eller staten. Unnateke er kommersielle stiftingar/ institusjonar. Fritaket vil gjelda forsamlingshus, bedehus, turisthytter og liknande. Fritak kan og vurderast på grunnlag av søknad. I medhald av eigedomsskattelova vert det gjeve fritak for bygningar som har historisk verdi med 100 prosent. Fritak kan og vurderast på grunnlag av søknad. Det er eit krav at bygget har bevart sin opphavlege arkitektoniske stil og at det ikkje vert brukt til forretningsverksemd. I medhald av eigedomsskattelova vert det gjeve fritak for nybygde bustadeigedomar (gjeld ikkje fritidseigedomar) i 2 år, eller til kommunestyret endrar eller opphevar fritaket. Formannskapet får fullmakt til å avgjera einskildsaker om skattefritak.

17. Investeringsbudsjettet vert justert, slik at det ikkje vert løyva pengar til bygging av fleirbrukshall dei fyrste fire åra.

18. Kommunestyret ber om at OHO-utvalet arbeider med evalueringskriterium utarbeida sak om eit 1,5-årig pilotprosjekt der ein ser på tiltak som m.a. styrka grunnbemanning i dei kommunale barnehagane gjeldande frå midten av 2024 og heile 2025. Saka vert lagt fram i junimøtet 2024.

19. Kommunestyret ber om at det vert utarbeida ei kostnadsutgreiing på utviding av fryserom (kjøkken) på Samnangerheimen. Denne er per i dag altfor liten mtp. både krav frå Mattilsynet om korrekt fryselagring og høveleg kapasitet til oppbevaring av matvarer.

20. Kommunestyret ber om eit kostnadsoverslag for resterande veg av Hagabakkane.

Behandling

Gildskap:
Ragnfrid Aadland Olsnes (Bl) bad om å få gildskapen sin vurdert. Bakgrunnen for dette er at ho er eigar av den private barnehagen i kommunen, og at det i framlegget til rådmannen er foreslått endringar som vil få betydning for det kommunale tilskotet til denne barnehagen. Ragnfrid Aadland Olsnes gjekk frå medan formannskapet vurderte gildskapen hennar. Ho vart samrøystes funnen ugild, med heimel i forvaltningslova § 6 andre ledd første punktum, jf. kommunelova § 11-10 første ledd.

Handsaming:
Innleiingsvis orienterte fungerande rådmann Karl Viken om framlegget til rådmannen. Kopi av presentasjonen han viste i møtet, følgjer som vedlegg til møteprotokollen.

Shirin Kvernes Khadoor (Ap) sette fram framlegg til vedtak, på vegner at Ap, MDG og INP.

Arild Røen (H) bad om gruppemøte.

Etter gruppemøtet sette Shirin Kvernes Khadoor fram eit fellesframlegg frå alle partia i formannskapet som deltok under handsaminga av saka (Ap, MDG, INP, Frp, H, Sp og KrF). Ho trekte samstundes det første framlegget ho hadde sett fram i saka.

Shirin Kvernes Khadoor sette før røystinga i saka fram framlegg til ei endring i fellesframlegget.

I røystinga i saka vart framlegget til rådmannen sett opp mot det justerte fellesframlegget. Det justerte fellesframlegget vart samrøystes vedteke.

Vedtak

Samnanger kommune vedtek følgande:

1. Eiga sak om vilkår for påkobling til kommunal vatn og avløp vert lagt fram for formannskap/ kommunestyre så snart det er praktisk mogeleg.

2. Rådmannen søkjer å inngå avtale med Brendahaugen velforeining om å overta deira VA-anlegg. I tillegg starte påkopling for nye abonnentar i området rundt anlegget. Anlegget vert ein del av VA-utviklinga for området på Rødne, Heiane og Erikajorde. Det tilkjem ingen kjøps-/investeringskostnader ved evt. overtaking.

3. Rådmannen inngår avtale med Eviny om å overta Biovac-anlegget deira på Totland. Det vert oppretta eige fond for framtidig vedlikehald. Det tilkjem ingen kjøps-/investeringskostnader ved evt. overtaking.

4. Rådmannen inngår avtale om sal av vatn til Holmefjord. Avtalen skal ha med prinsippet for utrekning av pris og levering av vatn, dvs fastsette gebyret med ein fastdel og ein kubikkpris. Avtalen skal gje overskot isolert sett. Investeringbehovet vert finansiert med salsinntekter.

5. Rådmannen utarbeider eiga sak til kommunestyret våren 2024 for val av reservevassløysing, slik at det vert innarbeid i økonomiplanperioden for 2025-2028.

6. Rådmannen oppdaterer og gjer naudsynte endringar i gebyrregulativ for vatn og avløp. Dette vert fram som eiga sak til kommunestyret i samband med budsjettet for 2025.

7. Rådmannen utarbeider framlegg til forskrift/regelverk for leige av vassmålar. Dette vert lagt fram som eiga sak til kommunestyret i samband med budsjettet for 2025.

Behandling

Gildskap:
Øyvind Røen (Sp) bad om å få vurdert gildskapen sin. Han orienterte om at han i 2016 vart funnen ugild i ei sak om påkoplingsgebyr m.m. Han er grunneigar i eit område som vedtaket i saka kan få betydning for.

Shirin Kvernes Khadoor (Ap) bad om at gildskapen til Odd Arne Haga (Frp) vart vurdert. Bakgrunnen for dette er at Odd Arne Haga har meldt seg som interessent til bustadutbygging på Erikajorda, eit av områda som vedtaket i saka kan få betydning for.

Øyvind Røen (Sp) bad om at gildskapen til Arild Røen (H) vart vurdert. Bakgrunnen for dette er at Arild Røen er grunneigar i eit av områda som vedtaket i saka kan få betydning for.

Øyvind Røen, Odd Arne Haga og Arild Røen gjekk frå medan gildskapen deira vart vurdert. Det vart gjennomført separat røysting om gildskapen til kvar av desse tre. Alle tre vart samrøystes funne gilde. Etter dette tok alle tre plass att i møtet.

Handsaming:
Etter den innleiande debatten bad ordførar Karl Bård Kollbotn (Frp) om gruppemøte. Jarle Tverli (INP) fekk permisjon frå møtet før gruppemøtet. Monica Tjønna (INP) gjekk inn som varamedlem for Jarle Tverli.

Etter gruppemøtet sette Arild Røen (H) fram framlegg til to endringar i forhold til rådmannen sitt framlegg (ta vekk punkt 1 i framlegget til rådmannen og erstatta dette med eit nytt punkt 1).

I røystinga vart endringsframlegget til Arild Røen sett opp mot framlegget til rådmannen. Framlegget til Arild Røen vart samrøystes vedteke.

Vedtak

Formannskapet ber rådmannen om å undersøkja med Kommunesektorens organisasjon (KS) om korleis ein eventuell kompensasjon til tidlegare ordførar for manglande feriepengeopptening for 2024 kan utbetalast. Sak om dette skal leggjast fram på neste møte i kommunestyret.

Behandling

Framlegget til rådmannen vart samrøystes vedteke.