Møte i Naturutvalet den 28.03.2023

Vedtak

Innkalling og sakliste vert godkjent.

Behandling

Det var ingen merknader til innkallinga eller saklista.

Vedtak

Orienterings-/referatsaker vert tekne til orientering.

Behandling

Eventuelle merknader til protokollen frå førre møte:
Ingen merknader.


Rådmannen orienterer:

Orientering v/rådmann Ove Søbø:

• Informasjon om endring i delegeringsreglementet - jordlova og konsesjonslova. Rådmannen viste til sak som står på saklista for formannskapet 30.03.2023. Rådmannen vil truleg be om at denne saka vert trekt, og at den vert sett opp på nytt seinare.

Orientering v/kommunalsjef Hilde-Lill Våge:

• Status rivingssaker. Hilde-Lill Våge orienterte om status i sak om rivingspålegg for eit hus på Ytre-Tysse. Ho orienterte også kort om nokre andre saker, samt om arbeid med plan for tilsyn.

• Oversikt over delegerte saker (vedtak). Hilde-Lill Våge viste til oversikta som låg ved møteinnkallinga og orienterte kort om dette.

• Årsrapport 2022 for BIR. Hilde-Lill Våge orienterte kort om noko av innhadet i årsrapporten, som vil bli lagt ved møteprotokollen.

Utvalsleiar orienterer:

• Landbruksoppgåver i kommunane i 2023. Utvalsleiar Karl Bård Kollbotn (Frp) informerte om denne orienteringssaka, som låg ved møteinnkallinga.

Spørsmål:

Varigheit for vegstenginga i Hagabakkane
Magnus Erdal (Sp) viste til vegarbeidet som for tida føregår i øvre del av Hagabakkane, og spurde om det er avklart når vegen vil opna igjen. Kommunalsjef Hilde-Lill Våge orienterte om at vegen ikkje bli opna til påske, og at det ikkje er sannsynleg med opning før i mai. Meir informasjonom sannsynleg opningsdato vil eventuelt kunne gjevast i formannskapet 30.03.2023.

Spørsmål om eigar av båt
Linda Haug Kollbotn (Frp) spurde om kommunen veit kven som eig ein båt som nyleg vart taua til land og mellombels lagt ved ein kommunal kai. Utvalsleiar Karl Bård Kollbotn (Frp) svara. Han orienterte om at det er avklart kven som eig båten, og at båten no ikkje lenger ligg ved den kommunale kaien.

Skilting, handheving
Utvalsleiar Karl Bård Kollbotn (Frp) viste til skilting på kommunale eigedommar m.m., og spurde om kommunen sjølv vil kunne handheva og gje sanksjonar ved brot dersom me har personar med nødvendig kurs. Hilde-Lill Våge orienterte kort om dette. Karl Bård Kollbotn bad om at naturutvalet får meir informasjon om dette på neste møte, inkludert informasjon om kostnad.

Asfaltering i Steinslandsvegen
Øyvind Steinsland (Bl) viste til at det er planlagt asfaltering i Steinslandsvegen, og spurde om kor mykje av vegen som vil bli asfaltert. Kommunalsjef Hilde-Lill Våge informerte om at dette ikkje er endeleg bestemt enno.

Spørsmål om formidling av informasjon om tilskotsordningar i landbruket
Kjell Roar Nordvik (H) viste til vedlegg til møteinnkallinga, om tilskotsordningar for landbrukt. Han spurde om korleis desse ordningane blir marknadsført. Utvalsleiar Karl Bård Kollbotn (Frp) svara. Landbrukskontoret sender ut informasjon om tilskotsordningar til registrerte bønder i kommunen. Rådmann Ove Sæbø orienterte om at det også ligg informasjon på kommunen sine nettsider.

Spørsmål om eventuell ny handsaming av sak om bygging av søylekai og flytebrygge på gbnr. 22/18
Utvalsleiar Karl Bård Kollbotn (Frp) viste til sak om dispensasjon frå kommuneplanen til bygging av søylekai og flytebrygge på gbnr. 22/18. Saka vart vart handsama i naturutvalet 01.09.2020 og 17.11.2020. Det endelege vedtaket i saka 17.11.2020 vart at søkjaren ikkje fekk innvilga dispensasjon frå kommuneplanen, mellom anna på bakgrunn av klage frå Fylkesmannen. Karl Bård Kollbotn ønska å høyra med naturutvalet om saka no bør takast opp på nytt i utvalet, og han orienterte om bakgrunnen for dette. Naturutvalet drøfta dette spørsmålet, men det vart ikkje gjennomført røysting eller konkludert på annan måte.

Vedtak

Søknad om anleggskonsesjon og detaljplan for miljø og landskap for Sandelva kraftverk greier ut om viktige omsyn i området, og vår vurdering er at dei føl opp vilkåra i konsesjonen på ein tilfredsstillande måte. Tilhøvet til den kommunale drikkevassforsyninga er avklart på førehand. Det er ikkje kome til ny kunnskap om viktige naturverdiar i området sidan konsesjonen vart gjeven, og Samnanger kommunehar ingen innvendingar til at detaljplanen vert godkjent og anleggskonsesjon vert gjeven.

Behandling

Rådmannen sitt framlegg vart samrøystes vedteke.