Møte i Kommunestyret den 09.03.2023

Vedtak

Innkallinga og saklista vert godkjent.

Behandling

Rådmannen sitt framlegg vart samrøystes vedteke.

Vedtak

Resten av kommunestyremøta i 2023 skal haldast som dagmøte med møtestart klokka 08.30.

Orienterings-/referatsaker vert tekne til orientering.

Behandling

Tidsforbruk på faste saker i kommunestyremøta
Ordførar Knut Harald Frøland (Bl) orienterte om at han legg opp til at det i kommunestyremøta framover skal brukast maksimalt to timar til faste saker, inkludert spørsmål og interpellasjonar.


Eventuelle merknader til protokoll frå førre møte:
Gunn Totland Moss (KrF) hadde merknad til innhaldet i pressemeldinga som kommunestyret 23.02.2023 vedtok i sak 018/2023. Merknaden gjekk på at ho meiner det ikkje var nødvendig for kommunen å koma med dei opplysningane som vart gjevne i pressemeldinga, og at ho trur at dette kan føra til unødvendge provokasjonar.

Det var ingen andre merknader til protokollen frå førre møte.


Dagmøte i kommunestyret resten av 2023
Ordførar Knut Harald Frøland orienterte om at han ønskjer at alle kommunestyremøta i resten av 2023 skal haldast på dagtid, med møtestart kl. 08.30. Etter ein debatt om dette i møtet, vart det gjennomført røysting om spørsmålet. Det vart med 18 mot 3 røyster vedteke at resten av kommunestyremøta i 2023 skal haldast som dagmøte med møtestart klokka 08.30.

Rådmannen orienterer:

• Eldre i aktivitet. Rådmann Ove Sæbø orienterte om at så mange som 18 personar i aldersgruppa 65–80 år møtte på kommunen sitt trimtilbod på føremiddagen 08.03.2023. Dette er svært gledeleg, men det var berre kvinner som møtte. Det bør arbeidast for også å få menn med.

• Arbeidsmiljøundersøking for tilsette i kommunen. Rådmann Ove Sæbø orienterte om undersøkinga, som vart gjennomført i november 2022. Det blir no arbeidt med oppfølging etter undersøkinga.

Spørsmål:

Plan for førebyggande vedlikehald
Odd Arne Haga (Frp) viste til spørsmål som Frp har stilt om plan førebyggande vedlikehald, og sakna svar på dette. Ordførar Knut Harald Frøland (Bl) svara, og orienterte om at det vil koma opp sak i kommunestyret sitt møte i juni 2023.

Reguleringsplan for Lauskarmyra
Odd Arne Haga (Frp) spurde om status for arbeidet med reguleringsplan for Lauskarmyra. Kommunalsjef Hilde-Lill Våge orienterte på bakgrunn av dette om status for arbeidet med områdereguleringsplanen for Bjørkheimsområdet, der Lauskar inngår.

Status rivingssak på Ytre-Tysse
Linda Haug Kollbotn (Frp) viste til at kommunen har kravd riving av eit hus på Ytre-Tysse, og spurde om kva som er status for effektuering av rivinga. Kommunalsjef Hilde-Lill Våge orienterte om at administrasjonen må få koma tilbake med svar i neste møte.

Utleige av rom på Samnangerheimen
Linda Haug Kollbotn (Frp) viste til informasjonen som vart gitt i kommunestyret 23.02.2023 om utleige av rom på Samnangerheimen til ein annan kommune, og orienterte om at ho synest at desse romma ikkje burde vore leigde ut. Ordførar Knut Harald Frøland (Bl) viste i samband med dette til spørsmål om kven som har mynde til å avgjera om rom på Samnangerheimen skal leigast ut til andre kommunar. Rådmannen svara at han må få koma tilbake til dette spørsmålet i eit seinare møte.

Forvaltningsrevisjon av BIR
Arild Røen (H) viste til forvaltningsrevisjonen som selskapet BDO på vegner av Bergen kommune har gjort av BIR. Han orienterte om arbeidet med oppfølging av forvaltningsrapporten, og om at han har bedt om å få ei orientering i kontrollutvalet.

Bruk av gjenbruksstasjonen i Raunekleiva
Linda Haug Kollbotn viste til det gode tilbodet om levering av avfall ved gjenbruksstasjonen i Raunekleiva, og at det bør vera heilt unødvendig at avfall blir kasta andre stader rundt om i kommunen. Ho spurde om det eventuelt er noko kommunen kan gjera for å informera endå betre om tilbodet og dei låge prisane ved gjenbruksstasjonen i Raunekleiva.



Rådmannen sitt framlegg til vedtak vart samrøystes vedteke.

Vedtak

Elevane på Samnanger ungdomsskule får tilbod om gratis skulelunsj to gonger i veka frå skulestart 2023. Dette vert finansiert ved å flytta ubrukte budsjettmidlar, t.d. frå summen som er frigjort etter nedlegginga av barnevernsutvalet. Rådmannen får fullmakt til å gjera naudsynte budsjettendringar.

Ordninga med skulelunsj gjeld i første omgang ut 2023. Kommunestyret vurderer i samband med budsjettarbeidet for 2024 om det er rom for å føra ordninga vidare.

Rådmannen kjem òg tilbake til kommunestyret med ei vurdering av kva som skal til, praktisk og økonomisk, for å gje elevane gratis frukt om morgonen dei dagane det ikkje er lunsj.

Behandling

Handsaming:
Innleiingsvis orienterte kommunalsjef Bodil H. Øpstebø om ei spørjeundersøking om skulemat som no er gjennomført blant elevane på ungdomsskulen.

Odd Arne Haga (Frp) sette fram framlegg til vedtak.

Øyvind Røen (Sp) sette fram framlegg til vedtak.

Etter at kommunestyret hadde drøfta framlegga til vedtak, trekte Øyvind Røen det første framlegget sitt og sette fram eit nytt framlegg.

Odd Arne Haga trekte framlegget sitt.

Framlegget til Øyvind Røen vart samrøystes vedteke.

Vedtak

Samnanger kommune vedtek å endre VA-gebyr for sjølvkostområde Eikedalen som vist i tabell. Endringane vil gjelde frå 01.04.2023.

Behandling

Formannskapet si innstilling vart samrøstes vedteken.

Vedtak

Rådmannen si evaluering av prøveperioden med transportordninga «Svinta»-skyss i 2022 blir teken til orientering.

Kommunestyret ønskjer at arbeidet for å betra transporttilbodet for ungdom og eldre i kommunen held fram. Det må i samband med dette òg sjåast på løysingar for transport av brukarar av dagsenteret på Samnangerheimen og eventuelle andre grupper med stort behov for betre transporttilbod. Erfaringane og evalueringa av prøveperioden med «Svinta»-skyss i 2022 må vektleggjast i arbeidet.

Det skal i møterunden i april 2023 leggjast fram sak for formannskapet og kommunestyret, med forslag til transportordning for ungdom og eldre. I tillegg bør det i saka òg vurderast følgjande:

1. Om ordninga kan kombinerast med transportordning for brukarar av dagsenteret på Samnangerheimen, og korleis dette i så fall kan gjerast.

2. Om ordninga kan kombinerast med transportordning for andre grupper av innbyggjarar med stort behov for betre transporttilbod, og korleis dette i så fall kan gjerast.

I desse vurderingane bør det blant anna sjåast på om ein kan sjå for seg ei bestillingsordning med faste tider, eit tilbod berre enkelte dagar eller eit tilbod til ein bestemt ankomsstad, med inspirasjonfrå tilsvarande pilotar andre stader i landet.

Behandling

Formannskapet si innstilling vart samrøystes vedteken.

Vedtak

Samnanger kommune vedtek å sjå på moglege løysingar for å auka den økonomiske støtta til lag og organisasjonar. Dette kan gjerast anten i rekneskapsaka for 2022, som skal til behandling i juni 2023, eller i budsjettprosessen for 2024.

Behandling

Formannkapet si innstilling vart samrøystes vedteken.

Vedtak

Samnanger kommune vedtek at kommunen skal prioritera trening i kommunal regi som er spesielt retta mot eldre. For å sikra dette vil rådmannen innarbeida frisklivsentralen som ein permanent del av kommunen si drift, der nye treningstilbod retta mot eldre vert oppretta.

Kommunestyret ber om at det i juni-møtet i 2023 vert gitt ei orientering om status og korleis rådmannen ser for seg at det ein ønskjer å oppnå, faktisk skal skje.

Behandling

Formannskapet si innstilling vart samrøystes vedteken.

Vedtak

Samnanger kommunestyre set av midlar til straumstøtte til næringslivet i kommunen. Øvre ramme for tiltaket er 0,8 mill. kr.

Behandling

Formannskapet si innstilling vart samrøystes vedteken.

Vedtak

1. Eigedomen gnr./bnr. 18/230 vert lagt ut for sal på den opne marknaden.

2. Utkast til salsavtale og opsjonsavtale skal leggast fram for kommunestyret til godkjenning før eigendomen vert lagt ut for sal.

3. Rådmannen harderetter fullmakt til å inngå avtale om sal eller opsjonsavtale om sal.

4. Vidare har rådmannen fullmakt til å gjennomføre sal av eigedomen. Det inneber at utkast til salsavtale og/eller opsjonsavtale som kommunestyret har godkjent (jf. pkt. 2 over) kan gjennom forhandlingar med aktuelle interessentar bli endra. Vesentlege endringar skal godkjennast av kommunestyret.

Behandling

Gildskap:
Karl Bård Kollbotn (Frp), Odd Arne Haga (Frp) og Linda Haug Kollbotn (Frp) bad om å få gildskapen sin vurdert. Bakgrunnen for dette var at Karl Bård Kollbotn og Odd Arne Haga er interessentar som ønskjer å kjøpa eigedomen, og at Linda Haug Kollbotn er gift med Karl Bård Kollbotn.

Ove Totland (Bl) bad òg om å få gildskapen sin vurdert. Bakgrunnen for dette var at han har ein bror som er eigar av ein naboeigedom til Erikajorda.

Alle fire som bad om å få gildskapen sin vurdert, gjekk frå medan kommunestyret vurderte gildskapen deira.

Karl Bård Kollbotn, Odd Arne Haga og Linda Haug Kollbotn vart samrøystes funne ugilde, med heimel i forvaltningslova § 6, jf. kommunelova § 11-10.

Ove Totland vart funnen ugild med 15 mot 2 røyster, med same heimel som i avsnittet ovanfor. Arild Røen (H) og Jon Magne Bogevik (Ap) røysta for at Ove Totland var gild.


Handsaming:

Rådmannen sitt framlegg vart samrøystes vedteke.

Vedtak

Det skal i tillegg til vurdering av fleirbrukshall på Lauskar, også sjåast på tomtealternativa Grunnavågen på Bjørkheim, «Reistadpøyla» ved Grendahuset og Haukanesmarka på nordsida av fv. 136.

Det skal vurderast kombinasjonsløysingar der ein også kan nytte Grendahuset til aktivitetar.

Det skal sjåast på moglegheit med å bygge nøktern idrettshall i Hagabotnane i kombinasjon med fleirbrukshall/aktivitetshall i Bjørkheimsområdet.

Det skal vurderast eventuell gevinst med å inkludere ny brannstasjon som del av løysing for fleirbrukshall ved tomtealternativa Lauskar og «Reistadpøyla». Dette kjem i tillegg til vurdering av brannstasjon andre stader som pågår i eige prosjekt.

Alternativa skal vurderast etter måloppnåing/samfunnseffekt, risiko med realisering, forventa investeringskostnader (dvs. der tilskot og mva. er trekt frå), framdriftsplan og driftskostnader.

Vurdering av dei ulike alternativa, inkl. anbefalt, løysing skal presenterast i kommunestyremøtet 20.04.2023.

Behandling

Handsaming:
Karl Bård Kollbotn (Frp) sette fram framlegg til vedtak.

Shirin Kvernes Khadoor (Ap) bad om gruppemøte.

Etter gruppemøtet sette Monica Tjønna (Uavh) fram framlegg til vedtak.

Øyvind Røen (Sp) sette fram framlegg til vedtak.


Røysting:
Det vart først røysta over framlegget til Monica Tjønna. Framlegget fall med 19 mot 2 røyster.

Det vart så røysta over framlegget til Karl Bård Kollbotn. Framlegget fall med 18 mot 3 røyster.

Det vart så røysta over framlegget til Øyvind Røen. Framlegget fall med 19 mot 2 røyster.

Det vart til slutt røysta over framlegget til ordførar Knut Harald Frøland. Framlegget vart vedteke med 15 mot 6 røyster.