Møte i Valstyret den 10.09.2019

Vedtak

Møteinnkallinga og saklista vert godkjent.

Behandling

Godkjenning av innkalling og sakliste
Det var oppgitt ulikt klokkkeslett for møtet i møteinnkallinga og e-posten der møteinnkallinga var vedlagt. Dette hadde ført til litt forvirring om når møtet skulle starta. Det var elles ingen merknader til innkallinga eller saklista, som vart samrøystes godkjent.

Eventuelle merknader til protokollen frå førre møte
Det var på møtetidspunktet ikkje skrive protokoll frå valstyret sitt møte 09.09.2019.

Delegerte vedtak/referatsaker
Ingen saker.

Utvalet sitt kvarter
Ingen saker.

Vedtak

Valstyret sin valprotokoll for kommunestyrevalet 2019 vert godkjent (vedteke 10.09.2019).

Valstyret sin valprotokoll for fylkestingsvalet 2019 vert godkjent (vedteke 12.09.2019).

Behandling

Røystesetlar/stemmegjevingar
Administrasjonen hadde under registreringa av rettingar som var gjort på røystesetlane for kommunestyrevalet funne tre røystesetlar som det var behov for at valstyret "tolka" i møtet 10.09.2019. Valstyret bestemte at rettingane som var gjort på to av desse røystesetlane ikkje kunne godkjennast, og at desse rettingane derfor ikkje skulle registrerast i valadministrasjonssystemet. Dette gjaldt følgjande røystesetlar:

• Røystesetel nr. 144 Bygdalista

• Røystesetel nr. 111 Arbeidarpartiet

Valstyret bestemte òg at to stemmegjevingar i særskilt omslag ikkje kunne godkjennast, fordi dei som hadde røysta ikkje var oppført i manntalet i Samnanger. Vidare bestemte valstyret at ein røystesetel til kommunestyrevalet måtte avvisast, fordi partiet det var kryssa av for på røystesetelen ikkje stiller liste i Samnanger.

Valstyret sin valprotokoll for kommunestyrevalet
Etter at endringane i avsnittet ovanfor var lagt inn i valadministrasjonssystemet, vart det køyrt valoppgjer og generert valprotokoll for kommunestyrevalet. Valstyret gjekk så gjennom valprotokollen, som vart samrøystes godkjent og signert av alle medlemmene. Valprotokollen følgjer som vedlegg til møteprotokollen.

Valstyret sin valprotokoll for fylkestingsvalet
Det vart ikkje generert eller gått gjennom valprotokoll for fylkestingsvalet på møtet 10.09.2019. Sjå tilleggsinformasjon om dette nedanfor.


(Tilleggsinformasjon om valstyret sin valprotokoll for fylkestingsvalet
Ved ein feil vart ikkje valstyret sin valprotokoll for fylkestingsvalet 2019 generert/teken ut og gått gjennom på valstyret sitt møte 10.09.2019. Valprotokollen for fylkestingsvalet vart først teken ut torsdag 12.10.2019. Det vart då bestemt at valprotokollen skulle gåast gjennom og signerast av leiaren i valstyret pluss fire andre medlemmer. Gjennomgangen og signeringa vart gjort 12.10.2019, og valprotokollen vart dermed godkjent. Valprotokollen følgjer som vedlegg til møteprotokollen.)