Møte i Kommunestyret den 16.09.2020

Vedtak

Møteinnkallinga og saklista vert godkjent.

Behandling

Godkjenning av møteinnkalling og sakliste
Ordførar Knut Harald Frøland (Bl) foreslo å endra rekkefølgja for handsaming av ein del av sakene på saklista, slik at dei sakene som gjeld teknisk vart handsama først. Dette gjaldt sak 051, 056, 062 og 063. Kommunestyret slutta seg til dette.

Odd Arne Haga (Frp) spurde kvifor formannskapssakene 020/2020 (Heis på kommunehuset) og 021/2020 (Tilstandsrapport ungdomsskulen og kommunehuset) ikkje stod på saklista for kommunestyret 16.09.2020. Ordførar Knut Harald Frøland svarte at sak om heis på kommunehuset stod på saklista. Han orienterte òg om bakgrunnen for at sak om tilstandsrapportar for ungdomsskulen og kommunehuset ikkje var eiga sak på saklista.

Jon Magne Bogevik viste til grunngjevne spørsmål frå Frp til møtet. Han meinte at fleire av desse spørsmåla heller burde vore interpellasjonar. Karl Bård Kollbotn (Frp) orienterte om kvifor ingen av spørsmåla var meldt inn som interpellasjonar.

Det var ingen andre merknader til møteinnkallinga eller saklista.

Etter handsaminga av den siste saka i møtet (sak 061), tok Linda Haug Kollbotn (Frp) opp spørsmål om kvifor sak om investeringar til kyrkjene ikkje stod på saklista. Ho viste til vedtak i kommunestyret 11.06.2020 i sak 036, der det står at "andre tiltak som kyrkja ønskjer vert vurderte i september saman med andre kommunale investeringar". Konkret gjeld dette ringjeanlegg i kyrkja på Ådland og utskifting av lysarmatur til led-lys i kyrkja på Haga. Ordførar Knut Harald Frøland bad om at saka kjem opp i neste møterunde i formannskapet og kommunestyret.


Eventuelle merknader til protokoll frå førre møte
Ingen merknader.


Interpellasjonar
Det var kome inn to interpellasjonar til møtet, begge frå MDG. Interpellasjonane vart handsama før orienteringssakene i møtet. I samband med handsaminga av interpellasjonane var det òg ei orientering ved Bjørnafjorden landbrukskontor.


Rådmannen orienterer:

Ny kommunal heimeside
Kommunen skal få ny heimeside, etter same oppsett som heimesidene til dei andre kommunane i IKT Nordhordland. Målsetting om lansering før nyttår.

Svar på spørsmål om vegnummerskilt
Svar på spørsmål stilt av Jon Magne Bogevik (Ap) i kommunestyret 11.06.2020. Bakgrunnen for at det er sett opp skilt med vegnummeret berre på den eine sida, er delvis at det vart gjort ei feilbestilling og delvis økonomiske årsaker.

Svar på spørsmål om status for utskifting av vass- og kloakkrøyr på Tysse
Svar på spørsmål stilt av Jon Magne Bogevik (Ap) i kommunestyret 18.06.2020. Prosjektet er noko forseinka som følgje av koronasituasjonen og kapasitetsmangel i eining for samfunnsutvikling.

Status forprosjekt Fossen bratte
Fylkeskommunen har gitt tilsegn om tilskot på inntil 200 000 kroner til forprosjekt Fossen bratte. Tilskotet er planlagt brukt til konsulentbistand for å få gjennomført forprosjektet. På grunn av koronasituasjonen og sjukefråvær i administrasjonen er konkurranse om dette konsulentoppdraget enno ikkje gjennomført, men det er no klart for å kunngjera konkurransegrunnlaget. Målsettinga er no at forprosjektet skal vera sluttført ved utgangen av 2020.

Status for arbeidet med VA og gang- og sykkelveg i Eikedalen
Statusrapport vart gitt i naturutvalet 01.09.2020, og går fram av naturutvalet sin møteprotokoll. Rådmannen las opp frå møteprotokollen.

Tunnel Kvamskogen
Statusrapport vart gitt i naturutvalet 01.09.2020, og går fram av naturutvalet sin møteprotokoll. Rådmannen las opp frå møteprotokollen.

Moglegheitsstudie Bjørkheimsområdet
Moglegheitsstudien ligg inne som tiltak i budsjettet for 2020, der det er løyvd 250 000 kroner til dette arbeidet. Denne saka heng saman med arbeidet med revisjon av områdeplanen for Bjørkheimsområdet. Arbeidet med sjølve moglegheitsstudien har enno ikkje kome i gang. Statusrapport for arbeidet med områdeplanen vart gitt i naturutvalet 01.09.2020, og går fram av naturutvalet sin møteprotokoll. Rådmannen las opp frå møteprotokollen.


Grunngjevne spørsmål

Frp hadde sendt inn ei rekke grunngjevne spørsmål til dette kommunestyremøtet. Rådmann Ingebjørg Vamråk las opp både spørsmåla og administrasjonen sine svar. Administrasjonen sine svar ligg som vedlegg til møteprotokollen.

Rådmannen orienterte om at administrasjonen ikkje visste kva dei to forkortingane (FV og KV) som var brukt Frp sine spørsmål om kommunal infrastruktur står for/betyr. Karl Bård Kollbotn (Frp) orienterte om at forkortingane står for førebyggande vedlikehald og korrektivt vedlikehald.

Ordførar Knut Harald Frøland (Bl) viste til at kommunen har ein praksis med at det berre er grunngjevne spørsmål i kommunestyret, ikkje i formannskapet eller naturutvalet. Han sa at det kanskje bør vurderast å opna for grunngjevne spørsmål òg i formannskapet og naturutvalet, og at dette kan drøftast i formannskapet sitt neste møte.


Utvalet sitt kvarter

Prioriteringar for utbetring av kommunale bygg
Odd Arne Haga (Frp) viste til spørsmål om prioriteringar for utbetring av kommunale bygg som han stilte i kommunestyret 18.06.2020, som han framleis ikkje har fått svar på. Ordførar Knut Harald Frøland (Bl) viste til at han hadde svart på spørsmåla tidlegare i møtet, under godkjenning av innkalling og sakliste.

Overskot 2019 og avsettingar til disposisjonsfondet
Odd Arne Haga (Frp) las opp følgjande spørsmål:

• "I utvalgets kvarter i kommunestyremøte 13/8 – 2020 viste eg til Årsrapporten 2019, side 16 av 222, første avsnitt hvor det står følgende: «Kommunen leverte eit overskot på om lag 2,1 millionar kroner, inkludert avsetningar til disposisjonsfondet. Representanten Øyvind Strømmen leverte ein replikk på opplysningen som påsto at dette var feil. Denne replikken ble stående ubesvart. Eg ber om derfor om en bekreftelse på om det som står i årsrapporten er korrekt."

Økonomisjef Nina Erdal orienterte om at det både er korrekt at kommunen hadde eit overskot på 2,1 millionar kroner i 2019 (medrekna avsettingar til disposisjonsfondet) og at kommunen hadde eit mindreforbruk på 20 000 kroner i 2019. Ho orienterte og om at frå og med rekneskapsåret 2020 vil mindreforbruk ikkje lenger verta brukt som omgrep i kommunale årsrekneskap.

Inolvering av rådet for personar med nedsett funksjonsevne
Oskar Røen (MDG) orienterte om ønske frå rådet for personar med nedsett funksjonsevne om å verta meir involvert i byggeplanlegging og samfunnsutvikling, og få moglegheit til å gje tilbakemelding slik at ting vert tilrettelagt for personar med nedsett funksjonsevne. Han viste her til to konkrete eksempel:

• Det ikkje er mogleg for personar i rullestol å koma seg inn på handikapptoalettet i Hagabotnane utan hjelp, fordi døra er tung og ikkje held seg open sjølv.

• Det er vanskeleg for personar i rullestol å koma seg opp frå banen til bygget der kiosken er, fordi det er ein kant der. Denne kanten vil kunne fjernast med for eksempel litt asfalt.

Leiar teknisk drift, Nils Jonny Skar, svarte at administrasjonen sjølvagt ønskjer å ta med dei ulike brukargruppene når bygg og anlegg skal planleggjast og tilretteleggjast, og at dette må ein få til òg når det gjeld personar med nedsett funksjonsevne.

Leikeplass på Bjørkhaugen
Oskar Røen (MDG) viste til at det er planar om å starta ei velforeining på Øvre Steinsland, med ønske om å få restaurert leikeplassen på Bjørkhaugen. Han spurde om det er gjort tilstandsvurdering av leikeplassen, som ligg på kommunal grunn. Han spurde og om det er eller vil verta sett av pengar til slikt arbeid i budsjettet. Leiar for teknisk drift, Nils Jonny Skar, stadfesta at leikeplassen er ein kommunal eigedom. Han sa òg om at administrasjonen saman med velforeininga vil sjå på kva som må gjerast dersom leikeplassen skal setjast i stand, og på kva dette i så fall vil kosta.

Vegskilt til Landhandleriet og Laga
Arild Røen (H) viste til at det framleis står oppe vegskilt til Landhandleriet på Tysse og Laga på Bjørkheim, sjølv om det no er ei god stund sidan begge desse butikkane vart lagt ned. Ordførar Knut Harald Frøland svarte. Han orienterte om at det vert arbeidt med å prøva å få starta opp med ny butikk på Tysse, og at dette skiltet derfor ikkje bør takast ned enno. Han var samd i at skiltet til Laga bør takast ned.

Avtale om helsereiser
Solveig Vassenden (Bl) spurde om status for avtale om helsreiser, som Samnanger er med på og som gjekk ut måndag denne veka. Ordførar Knut Harald Frøland (Bl) orienterte om status for denne saka. Helse Bergen har opplyst at dei i første omgang vil halda fram med eksisterande ordning i fire veker, og håpar at dei innan dette har klart å verta samde med taxi-næringa om ny avtale for mellom anna pasientar frå Samnanger.

Leikeapparat på Samnanger barneskule
Øyvind Steinsland (Bl) viste til interpellasjon og kommunestyrvedtak om leikeapparat på barneskulen tidlegare i 2020, og at denne saka har vorte utsett. Han spurde om administrasjonen vil priortera denne saka. Leiar teknisk drift, Nils Jonny Skar, orienterte om status i saka. Det er bestilt både fallunderlag og ein del leikeapparat til barneskulen. Leikeapparata vil truleg vil verta montert rundt veke 42.

NHO-rangering
Jon Magne Bogevik viste til at Samnanger vart vurdert som nest dårlegast i ei rangering av norske kommunar som nyleg er gjort/presentert av NHO. Han spurde om dette er noko kommunen vil prøva å gjera noko med. Ordførar Knut Harald Frøland svarte.

Branntryggleik/brannvernutstyr i kommunehuset
Monica Tjønna stilte nokre spørsmål om branntryggleik/brannvernutstyr i kommunehuset. Leiar teknisk drift, Nils Jonny Skar, svarte og orienterte om kva krav som gjeld for kommunehuset.

Spørsmål om uttak for slukkevatn i Haukanestunnelen
Monica Tjønna (Sp) viste til arbeidet med ny vassleidning som for tida pågår i Haukanestunnelen. Ho spurde om det vil verta mogleg for brannvesenet å kopla seg på vassleidninga i utgangane av tunnelen. Leiar teknisk drift, Nils Jonny Skar, svarte og orienterte om at det er fylkeskommunen som har ansvaret for prosjekteringa av arbeidet i Haukanestunnelen.

Høyring om forslag til reviderte statlege planretningslinjer for differensiert forvaltning av strandsona
Monica Tjønna (Sp) viste til at regjeringa har sendt forslag til reviderte statlege planretningslinjer for differensiert forvaltning av strandsona ut på høyring, med høyringsfrist 01.10.2020. Ho spurde om Samnanger bør gje uttale i denne høyringa. Ordførar Knut Harald Frøland (Bl) orienterte om at kommunen ikkje har prioritert å arbeida med denne saka, av kapasitetsmessige årsaker.

Spørsmål om tømming av kloakk
Karl Bård Kollbotn (Frp) stilte spørsmål om kvar firmaet som utfører slamtømming i private slamavskiljarar i Samnanger, tømmer kloakken. Leiar teknisk drift, Nils Jonny Skar, orienterte om at han ikkje veit konkret kva avtalar det innleigde firmaet har inngått om tømming, men at det mellom anna er mogleg for dei å tømma kloakken i kommunale slamavskiljarar på Gjerde og i Rolvsvåg. Karl Bård Kollbotn bad om at administrasjonen sjekkar kvar firmaet tømmer kloakken, og at kommunestyret får tilbakemelding om dette. Nils Jonny Skar stadfesta at administrasjonen vil sjekka dette.

Vedtak

Rådmann Ingebjørg Vamråk får vigselsmynde i Samnanger kommune med verknad frå 16.09.2020. Heimel for vedtaket er ekteskapslova § 12 bokstav b.

Behandling

Rådmannen sitt framlegg vart samrøystes vedteke.

Vedtak

Kommunestyret vel følgjande nye medlemmer i aldersgruppa 16-18 år til ungdomsrådet 2020 – 2022:

• Mia Holdhus

• Ida Haugen Skulstad

• Knut Erik Frøland

Dei fire medlemmane i ungdomsrådet som vart valde i 2019 fortset fram til 2021:

• Nora Haugen Skulstad (ungdomsskulen)

• Maren Sævild (16-18 år)

• Oda Reistad (ungdomsskulen)

• Olav Lien (16-18 år)

Elevrådet ved ungdomsskulen vel sjølv kven som skal vera ungdomsskulen sin tredje medlem i ungdomsrådet. Dette valet er enno ikkje gjennomført.

Ungdomsrådet konstituerer seg sjølv, med val av leiar og nestleiar samt kven av dei valde som skal vera høvesvis medlemmar og varamedlemmar.

Behandling

Rådmannen sitt framlegg vart samrøystes vedteke.

Vedtak

Saka vert utsett.

Behandling

Arild Røen (H) orienterte om at det framleis ikkje har lukkast å finna ein person som har sagt ja til å stilla som kandidat til den sakkunnige nemnda for eigedomsskatt.

Det vart samrøystes vedteke å utsetja saka.

Vedtak

Saka vert utsett. Kommunen opnar for fleire innspel om plassering av dagsturhytta, Fristen for dette vert sett til 1. november. Revidert saksutgreiing - der alternative plasseringar er vurderte - vert lagt fram for kommunestyret til møtet 3. desember.

Behandling

Innleiingsvis orienterte rådmann Ingebjørg Vamråk og økonomisjef om spørsmåla som formannskapet 03.09.2020 bad om avklaring på til kommunestyret si handsaming 16.09.2020.

Ordførar Knut Harald Frøland (Bl) sette fram følgjande framlegg til vedtak:
"Dagsturhytte blir plassert ved Kvernesvatnet.

Totalkostnad 1.108.000
Kommunal eigendel 167.000
Forskottering spelemidlar 369.000

Kommunal eigendel og forskottering spelemidlar vert finansiert med ubundne investeringsfond.

Det skal innhentast bindande tilbod/ fastpris på eventuelt tilrettelagt toalett og turløype med trekkerør for lys/ solcellestolpar. Kommunestyre får denne del av saka til ny handsaming."

Arild Røen (H) sette fram følgjande framlegg til vedtak:
"Kostnader ved å plassera dagsturhytta ved Kvernesvatnet er svært høge med anna som følgje av tilrettelegging av tilkomst.  Vegen frå Søvik og ut til tenkt plassering vil væra svært krevjande for rullestolbrukarar.  Me føresler difor at administrasjonen går i dialog med grunneigar Neset der det i dag står eit grindverksbygg som er flittig nytta.  Veg med fast dekke må lagast fram til bygget (ca 80 m).

Plassering av dagsturhytta bør i staden plasseras ved Totræna i samsvar med forslaget fra Samnanger Turlag."

Øyvind Røen (Sp) sette fram følgjande framlegg til vedtak:

"Saka vert utsett. Kommunen opnar for fleire innspel om plassering av dagsturhytta, Fristen for dette vert sett til 1. november. Revidert saksutgreiing - der alternative plasseringar er vurderte - vert lagt fram for kommunestyret til møtet 3. desember."

Rådmann Ingebjørg Vamråk orienterte om at dagsturhytta inkludert fundament allereie er bestilt, og vil verta levert om ca. ein månad. Dersom plasseringa av dagsturhytta ikkje er bestemt når hytta vert levert, må den oppbevarast ein stad mellombels fram til endeleg plassering er bestemt og hytta kan flyttast dit.

Øyvind Røen bad om gruppemøte.

Etter gruppemøtet røysta kommunestyret over framlegget til Øyvind Røen. Framlegget vart vedteke med 20 mot 1 røyst. Arild Røen røysta imot.

Vedtak

Med heimel i plan- og bygningslova § 12-12 første ledd vert detaljreguleringsplan for bustad Tømmerløypet, PlanID 1242201901, vedteken av kommunestyret i Samnanger. Reguleringsplanen består av følgjande plandokument:

Plankart, dagsett 22.08.20, med følgjande utførte endringar etter offentleg ettersyn:

• Planområdet er utvida til å inkludera 35 meter ekstra av eksisterande kommunal veg mot nordaust, for å innlemma siktsona i planområdet.

• Teiknforklaringa er retta opp med følgjande element: Byggjegrense, regulert senterline og tilkomstpil. Geodetisk høydegrunnlag er endra frå «NN1954» til «NN2000».

Reguleringsføresegner, dagsett 27.03.20

Planskildring, dagsett 27.03.20

Behandling

Naturutvalet si tilråding vart samrøystes vedteke.

Vedtak

Finansrapportering for 2.tertial 2020 vert tatt til orientering.

Behandling

Rådmannen sitt framlegg vart samrøystes vedteke.

Vedtak

Økonomirapporteringa vert tatt til orientering og det vert foretatt fylgjande budsjettjusteringar:

Behandling

Rådmannen sitt framlegg til vedtak vart samrøystes vedteke.

Vedtak

Bygging av heis i kommunehuset vert arbeidt inn i budsjettet for 2021 med sikte på at tiltaket skal starta opp i første kvartal. Heisen skal nå alle etasjane i kommunehuset. I tillegg må rampen ved inngangsdøra setjast i stand i forhold offentlege krav (2% stigning.

Behandling

Arild Røen (H) sette fram følgjande framlegg til vedtak:
"Det skal installeres heis i kommunehuset snarast.   I tillegg må rampen ved inngangsdøra setjast i stand i forhold offentlege krav (2% stigning)."

Øyvind Røen (Sp) sette fram følgjande framlegg til vedtak:
"Bygging av heis i kommunehuset vert arbeidt inn i budsjettet for 2021 med sikte på at tiltaket skal starta opp i første kvartal. Heisen skal nå alle etasjane i kommunehuset."

Etter ønske frå Arild Røen tok Øyind Røen òg inn den siste setninga i Arild Røen sitt framlegg i framlegget sitt. Det endelege framlegget til Øyvind Røen vart då som følgjer:
"Bygging av heis i kommunehuset vert arbeidt inn i budsjettet for 2021 med sikte på at tiltaket skal starta opp i første kvartal. Heisen skal nå alle etasjane i kommunehuset. I tillegg må rampen ved inngangsdøra setjast i stand i forhold offentlege krav (2% stigning."

Framlegget til Øyvind Røen vart samrøystes vedteke.

Vedtak

• Det skal i 2021-budsjettet vera ei avsetjing på 1 million kroner til disposisjonsfondet.

• Korrigerte netto driftsutgifter i % av netto driftsresultat: mål 1,75 % i 2021.

• Disposisjonsfondet skal liggja på om lag 15 millionar kroner ved utgangen avøkonomiplanperioden.

• Med utgangspunkt i Covid 19 som me er berørte av i 2020 og 2021, legg me opp til eitmellombels auka kostnadsnivå i 2021 i dei mest berørte einingane/avdelingane (Helse,Pleie og omsorg, Reinhald).

• Det må utgreiast ein heilheitleg plan på oppvekstsektoren, der 1-10 skule, sammanslåing avbarnehagane og fleirbrukshall/idrettshall skal sjåast på under eitt.

• Nødvendige reduksjonar i bemanninga i kommunen i økonomiplanperioden skal så langt som mogleg løysast med naturleg avgang.

Behandling

Oskar Røen (MDG) sette fram følgjande framlegg til tilleggspunkt:

• "Det skal vera eit mål å auka avsetjinga til bærekraftsfondet, slik at dette kan nyttast til å finansiera tiltak etter klimaplanen og andre klimatiltak og naturverntiltak.

• Rådmannen vert bedd om å innarbeida Miljøfyrtårn-sertifisering av kommunale verksemder i budsjett / økonomiplan (jf. interpellasjonen og det som måtte koma av svar der).

• Rådmannen vert bedd om å innarbeida ei lokal fritidskortsordning, der alle born og unge i Samnanger mellom 6 og 18 får eit beløp til organiserte fritidsaktivitetar. Dette er eit sosialt utjamnande tiltak som også vil fremma organiserte fritidstilbod og motverka utanforskap, og kommunestyret ser på det som eit viktig førebyggjande tiltak blant barn og unge."

Magni Petersen (MDG) orienterte om at MDG foreslår at det vert løyvd om lag 200 000 kroner til tiltaket med lokal fritidskortordning for born og unge.

Karl Bård Kollbotn (Frp) bad om gruppemøte.

Røysting:
Etter gruppemøtet vart det røysta punktvis over formannskapet si tilråding og Oskar Røen sine framlegg til tilleggspunkt. Kulepunkt 1, 2, 3, 4 og 6 i formannskapet si tilråding vart samrøystes vedtekne.

Røysting over kulepunkt 5 i formannskapet si tilråding
Vedteke med 18 mot 3 røyster.

Røysting over kulepunkt 1 i Oskar Røen sitt framlegg
8 røysta for og 13 røysta imot dette framlegget.

Røysting over kulepunkt 2 i Oskar Røen sitt framlegg
7 røysta for og 14 røysta imot dette framlegget.

Røysting over kulepunkt 3 i Oskar Røen sitt framlegg
7 røysta for og 14 imot dette framlegget.

Vedtak

Framlegg til forskrift om økonomisk godtgjersle, dekking av utgifter m.m. for folkevalde i Samnanger vert lagt ut til offentleg høyring på kommunen si heimeside. Høyringa skal òg kunngjerast i Samningen. Høyringsfrist vert 31.10.2020. Endeleg vedtak skal gjerast av kommunestyret 03.12.2020.

Behandling

Formannskapet si tilråding vart samrøystes vedteke.

Vedtak

Det vert fastsett følgjande statuttar for kommunal gåvekonto oppretta av kommunestyret18.06.2020 i sak 043/20:

Pengegåver som kjem inn til den kommunale gåvekontoen kan brukast til å dekka følgjande utgifter:

1. Utgifter til juridisk bistand til vurdering av grunnlag for erstatningssøksmål mot personareller instansar som har vore involverte i barnevernssakene som er granska avBarneadvokatene DA i 2019/202.0

2. Utgifter til etablering av eiga barnevernsteneste i Samnanger kommune.

Rådmannen får fullmakt til å disponera midlane på gåvekontoen slik det går fram ovanfor.
Rådmannen skal rapportera til kommunestyret om bruken av midlar frå gåvekontoen.

Behandling

Monica Tjønna (Sp) sette fram framlegg om å ta vekk punkt 2 i formannskapet si tilråding. Bakgrunnen for framlegget var at etter kommunestyret sitt vedtak i sak 060/2020 tidlegare i møtet, var dette punktet ikkje lenger aktuelt. Med denne endringa vart formannskapet si tilråding samrøystes vedteke.

Vedtak

Samnanger kommune tek tilrådingane frå Advokatfirmaet Elden til følgje og saksøkjer ikkje tidlegarebarnevernsleiar i Samnanger med krav om regress. Kommunen reiser heller ikkje søksmål mot staten.

Samnanger kommune merkar seg likevel dette avsnittet frå vurderinga til Advokatfirmaet Elden:

• Måten denne saken er fremmet på både med granskning og vurdering av søksmål mot den eller de ansvarlige, er imidlertid prisverdig og antas i seg selv å ha en preventiv effekt for å hindre fremtidig skade av samme karakter. Dette ved at både ledelse og ansatte nå også er klare over sitt mulige erstatningsrettslige ansvar ved grove feil under utførelsen av arbeidet, og at ikke det kan påregnes uten videre dekket av arbeidsgiver.

Samnanger kommune er nøgd med at Advokatfirmaet Elden sluttar til hovudkonklusjonane i sak 2 igranskingsrapporten til Andersland og Totland. Kommunen er samd i det Elden skriv, om at røynslenefrå denne barnevernssaka må vera eit grunnlag for arbeidet til Samnanger barnevern i framtida.

Samnanger kommune vil òg understreka det Elden skriv om ansvaret som ligg på den øvstekommuneleiinga til å bruka styringsretten sin til å sikra kvalitet i barnevernet. Dette vil kommunenleggja som ein viktig premiss når eit nytt barnevern vert bygt opp i Samnanger.

Granskingane av barnevernet i Samnanger syner at det trengst gjennomgripande reformer ibarnevernet på nasjonalt plan for å sikra kvalitet og rettstryggleik. Samnanger kommune vil oppmodaalle parti på Stortinget til å røysta for den breie granskinga av barnevernet som Senterpartiet hargjort framlegg om. På denne måten kan ein leggja eit godt grunnlag for dei endringane som må skje ibarnevernet.

Samnanger kommune vil understreka at eit viktig tiltak vil vera ei autorisasjonsordning forbarnevernstilsette.

Behandling

Advokat John Christian Elden orienterte innleiingsvis om vurderingane og råda Advokatfirmaet Elden har gitt i dei to rapportane dei har utarbeidt for kommunen.

Formannskapet si tilråding vart samrøystes vedteke.

Vedtak

På bakgrunn av kommunestyret sitt vedtak 18.06.2020 i sak 042/20 skal det etablerast nyttbarnevern/familievern i Samnanger med verknad frå 01.06.2021. Til det førebuande arbeidet vertdet sett ned eit arbeidsutval med følgjande medlemmer:

• Ordførar Knut Harald Frøland - leiar, Bygdalista

• Varaordførar Øyvind Røen - Sp

• Shirin Kvernes Khadoor - Ap

• Øyvind Strømmen - MDG

• Rådmann Ingebjørg Vamråk

• NN Representant organisasjonen Samnanger kommune- rådmannen avgjer

• NN Representant organisasjonen Samnanger kommune- rådmannen avgjer

• NN Tillitsvald organisasjon Samnanger kommune

• Anders Opsahl - politikontakt Samnanger kommune

• Sekretær- rådmannen avgjer

Det vert løyvd inntil 160.000 kroner til arbeidsutvalet sitt arbeid, med finansiering frådisposisjonsfondet.

Framlegg til modell for nytt barnevern/ familievern skal politisk handsamast av formannskap ogkommunestyre. Framlegg skal leggjast fram i formannskapsmøtet 12.11.2020.

Arbeid med rekruttering av tilsette til nytt barnevern/ familievern skal sjåast i lys av framdrift iarbeidsutvalet sitt arbeid.

Arbeidsutvalet v/ leiar rapporterer til formannskapet.

Nytt barnevern/ familievern skal inngå i rådmannen sitt framlegg til budsjett for 2021. Dette må ogomfatta eventuelle kostnader til kontorlokale.

Behandling

Formannskapet si tilråding vart samrøystes vedteke.

Vedtak

Punkt 1 i rådmannen sitt framlegg vert utsett og kjem opp igjen som sak i kommunestyeret 03.12.2020. Punkt 2 i rådmannen sitt framlegg vert vedteke.

Behandling

På bakgrunn av spørsmål i innleiinga av kommunestyret si handsaming, bad rådmann Ingebjørg Vamråk om at møtet vart lukka under den vidare handsaminga av saka. Møtet vart lukka medan kommunestyret drøfta dette spørsmålet. Møtet vart opna igjen før kommunestyret røysta over spørsmålet om lukking av møtet. Det vart samrøystes vedteke å lukka møtet under den vidare handsaminga av saka, med heimel i kommunelova § 11-5, andre ledd.

Under debatten i kommunestyret sette Øyvind Røen (Sp) fram følgjande framlegg til vedtak:
"Punkt 1 i rådmannen sitt framlegg vert utsett og kjem opp igjen som sak i kommunestyret 03.12.2020. Punkt 2 i rådmannen sitt framlegg vert vedteke".

Møtet vart opna igjen før røystinga. Øyvind Røen sitt framlegg vart samrøystes vedteke.

Vedtaket inneber at punkt 1 i rådmannen sitt framlegg (om Reistadliane 39) må utgreiast ytterlegare før saka vert lagt fram igjen for kommunestyret. Vedtaket inneber òg at administrasjonen kan setja i gang arbeidet med ventilasjon på ungdomsskulen.

Vedtak

Kommunestyret ber administrasjonen om å arbeide vidare med alternativet kjøp av ombygd mjølketankbil, og å komme attende med ei eiga saksutgreiing kva gjeld ulike alternativ, inkludert finansiering, så snart råd er.

Behandling

Monica Tjønna sette fram det same framlegget til vedtak som dåverande rådmann foreslo i saksframlegget til formannskapsmøtet 03.09.2020:
"Samnanger kommune bestiller ny branntankbil i løpet av 2020 i samarbeid med Bergen brannvesen, jf KS-vedtak sak 96/19.

Midlar til kjøpet vert lagt inn i investeringsbudsjettet for 2021. Utgangspunktet for budsjetteringa er at fylkeskommunen vil dekka om lag 1 million kroner av den samla kostnaden på om lag 3,5 millionar kroner. Dersom fylkeskommunen ikkje dekkar ein slik del av kostnaden, må kommunestyret gje nødvendig tilleggsløyving i 2021."


Rådmannen sitt framlegg fekk 16 røyster og vart vedteke. Monica Tjønna sitt framlegg fekk 5 røyster.