Møte i Kommunestyret den 13.08.2020

Vedtak

• Møteinnkallinga og saklista vert godkjent.

• Delegerte vedtak/referatsaker vert tekne til orientering.

Behandling

Godkjenning av møteinnkalling og sakliste
Godkjent utan merknader.

Eventuelle merknader til protokoll frå førre møte
Ingen merknader.


Orienteringssaker:

Barnevernsleiar
Ordføraren orienterte om at administrasjonen alt no vil byrja prosessen med å tilsetja barnevernsleiar i Samnanger kommune. Det er viktig at den nytilsette leiaren er med i prosessen om å bygja opp barnevernstenestene i kommunen.


Utvalet sitt kvarter:

Forureining i Gruvo på Utskot
Øyvind Strømmen (MDG) lurte på om det er teke prøvar i Gruvo på Utskot, og kva status er i saka.
Ordføraren orienterte om at det er teke prøvar av grunnen i Gruvo som er sendt til Mattilsynet. Kommunen ventar no på svar på desse prøvane.

Gangsti og VA i Eikedalen
Monica Tjønna (Sp) lurte på korleis det går med bygging av gangsti og utbygging av VA i Eikedalen.
Ho ønskjer ei orientering om kor langt arbeidet har kome.
Ordføraren informerte om at Nina Fredriksen (byggjesakshandsamar, eining for samfunnsutvikling) vil orientere kommunestyre i møtet den 16.09.2020 om status i saka.

Camping i parken på Bjørkheim
Monica Tjønna (Sp) viste til innlegg på Facebook der foreldre skriv at bubilturistar på Bjørkheim har bedt lokale ungdommar om å vera stille alt kl. 21:00 fordi det er små ungar i bubil som skal sova.
Ho viste også til utvalet sitt kvarter i møtet i formannskapet 13.08.2020 der det vart teke opp spørsmål om betaling for bubilparkering.
Ordføraren meinte at det truleg vil komma ei eiga sak til handsaming i kommunestyret om bubilparkering og servicebygg på Bjørkeheim.

Møte om utvikling av Bjørkheimsområdet
Arild Røen (H) lurte på om det er mogeleg for politikarar å vera med på møtet som kommunen skal ha med Vestland fylkeskommune om utvikling av Bjørkheimsområdet.
Ordføraren orienterte om at dette er eit møte Vestland fylkeskommune har bedt om der frivillighetskoordinator og tilsette ved teknisk forvaltning vil vera tilstades. Dersom politikarar ønskjer å delta på møtet bør dette avklarast med frivillighetskoordinator grunna Covid-19 og koronasituasjonen.

Vedtak

Det vert sett ned eit arbeidsutval som får ansvar for å planleggja og gjennomføra tilsetjingsprosessen og leggja fram innstilling til kommunestyret om kven som skal tilsetjast som ny fast rådmann/kommunedirektør. Arbeidsutvalet skal òg gje innstilling om kva stillingstittel som skal brukast (rådmann eller kommunedirektør). Arbeidsutvalet skal bestå av formannskapet og ein fellesrepresentant for dei tillitsvalde. Ordføraren vert leiar og varaordføraren nestleiar for arbeidsutvalet.

Medlemmene i arbeidsutvalet vert godtgjort med same sats for møtegodtgjersle (høg sats) som for ordinære møte i formannskapet. Fellesrepresentanten for dei tillitsvalde får ikkje møtegodtgjersle for eventuelle møte i arbeidstida, berre for møte utanom arbeidstida.

Arbeidsutvalet får nødvendig sekretærhjelp frå administrasjonen.

Det kan nyttast bistand frå rekrutteringsbyrå i tilsetjingsprosessen dersom arbeidsutvalet ønskjer dette. Arbeidsutvalet får fullmakt til å inngå avtale med rekrutteringsbyrå. Det vert løyvd inntil 200 000 kroner dette, med finansiering frå disposisjonsfondet.

Det vert òg løyvd inntil 100 000 kroner til møtegodtgjersle (inkl. arbeidsgjevaravgift) til arbeidsutvalet samt inntil 60 000 kroner til annonsering, med finansiering frå disposisjonsfondet.

Behandling

Rådmannen sitt framlegg vart samrøystes vedteke.

Vedtak

Ingebjørg Vamråk får tilbod om mellombels stilling som rådmann i Samnanger kommune frå 01.09.2020 og inntil 6 månader.

Lønsbetingelsar og personlege vilkår vil vera dei same som noverande rådmann har. Desse vert tilpassa den mellombelse stillinga.

Det vert ikkje lønsforhandling for denne stillinga.

Dersom Ingebjørg Vamråk takkar nei til stillinga som mellombels rådmann i Samnanger kommune, går tilbodet vidare til Håkon Rydland.

Behandling

Ordføraren lukka møtet og det vart røysta over om saka skulle handsamast for lukka dører, jf. kommunelova §11-5 siste ledd. Det vart samrøystes vedteke at saka skulle gå for lukka dører.

Møtet vart lukka medan representantane frå formannskapet informerte kommunestyret om samtalane dei hadde hatt med to kandidatar i møtet tidlegare same dag. Møtet vart opna igjen før det vart røysta over framlegg til vedtak.

Formannskapet sitt framlegg til vedtak vart samrøystes vedtak med følgjande tillegg sett fram av ordførar Knut Harald Frøland (Bl):

Det vert ikkje lønsforhandling for denne stillinga.

Dersom Ingebjørg Vamråk takkar nei til stillinga som mellombels rådmann i Samnanger kommune, går tilbodet vidare til Håkon Rydland.