Møte i Formannskapet den 13.08.2020

Vedtak

• Møteinnkallinga og saklista vert godkjent.

• Delegerte vedtak/referatsaker vert tekne til orientering.

Behandling

Godkjenning av møteinnkalling og sakliste
Godkjent utan merknader.

Eventuelle merknader til protokoll frå førre møte
Ingen merknader.


Orienteringssaker:

Tilsetjing av barnevernsleiar
Ordførar orienterer om at administrasjonen kjem til å starta prosessen med å tilsetja barnevernsleiar.
Det er viktig å få på plass ein leiar som kan vera med å byggja opp ei barnevernteneste i kommunen.

Korona-midlar
Ordføraren orienterte om at Samnanger har motteke ca 1 mill. i koronamidlar som skal komma næringsdrivande i kommunen til gode. Samnanger næringsforum skal forvalta og fordela midlane på vegne av kommunen.

Hordalandsdiagonalen
Ordføraren orienterte om at han 18.august skal i eit møte med Haukelivegen AS. I dette møtet vil ordføraren prøva å leggja fram kva konsekvensar dei ulike alternativa, som no ligg i prosjektet, vil få for Samnanger kommune på lang og kort sikt.
Formannskapet diskuterte dei ulike alternativa og var einige om at det viktigaste på noverande tidspunkt er uansett å få prosjektet realisert. Kva alternativ som eventuelt er det beste for Samnanger må ein koma tilbake til.

Utvalet sitt kvarter:

Covid-19- Testing i Samnanger kommune
Jon Magne Bogevik (Ap) stilte spørsmål om Samnanger kommune har kapasitet til å teste alle som treng testast for Covid-19 smitte.
Ordføraren orienterte om at Samnanger kommune har god kapasitet til å teste alle som treng det, og at det ikkje har vore utfordringar knytt til dette. Pasientane får testresultata innan 1-3 dagar.

Camping i parken på Bjørkheim
Martin Haugen (Bl) stilte spørsmål om det er gratis å stå på kaien på Bjørkheim med bubil. Ordføraren orienterte om at det på noverande tidspunkt er det gratis, men at det bør sjåast på om kommunen bør ta betalt for dette i framtida. Det kan også vera ein ide og kombinere betaling for parkering av bubil og bruk av eit eventuelt servicebygg tilknytt badevika i Teigavika. Det fins ulike betalingsløysingar på marknaden som kommunen kan nytta i dette høve.

Best stasjonen på Bjørkheim tek pr. idag imot og tømmer sanitæranlegg frå bubilar.
Gunn Totland Moss (Krf) stilte spørsmål om kva krav som gjeld for tømming av toalett ved campingplassar.

Vedtak

Ingebjørg Vamråk får tilbod om mellombels stilling som rådmann i Samnanger kommune frå 01.09.2020 og inntil 6 månader.

Lønsbetingelsar og personlege vilkår vil vera dei same som noverande rådmann har. Desse vert tilpassa den mellombelse stillinga.

Behandling

Det var totalt tre søkjarar til stillinga som mellombels rådmann. Formannskapet hadde samtale med to av desse. Håkon Rydland og Ingebjørg Vamråk. Anne Torild Bru vart ikkje kalla inn til samtale.

Arild Røen (H) deltok under samtalane etter avtale med ordføraren. Oddrunn Lemme Sandvin (hovudtillitavald Fagforbundet) deltok også i første samtalen fram til kl. 10:10. Ingen av dei to var med å røysta i saka.

Etter at formannskapet hadde hatt samtalar med begge kandidatane, vart det røysta over kven som skulle få tilbod om stillinga.

Det var fleirtal i formannskapet om å gje Ingeborg Vamråk tilbod om stilling som mellombels rådmann.

Formannskapet var samstemte i at løn og personlege vilkår skal vera dei same som noverande rådmann har, men at dette skal tilpassast den mellombelse stillinga.