Møte i Naturutvalet den 01.09.2020

Vedtak

• Møteinnkallinga og saklista vert godkjent.

• Følgande delegerte vedtak/referatsaker vert tekne til orientering:

Behandling

Leiar samfunnsutvikling H.L.Våge orienterte om følgjande saker:

Tokagjelet – Det er 2 alternativ til vegløysing for å rassikre vegen i Tokagjelet, som er utgreidde i form av ein kommunedelplan for både Kvam herad og Samnanger kommune. Det eine alternativet kjem ut i tunnel i Eikedalen i Samnanger kommune.

Samnanger avventar no å gjera endeleg vedtak av kommunedelplanen, fram til Kvam kommune har gjort sitt val av alternativ. Dersom det ikkje vert forseinkingar kan vedtak av planen verte lagt fram for naturutvalet til møtet den 13 oktober.

Planstrategi – Teknisk forvaltning har ei rekkje forseinkingar på planarbeidet og prosjekt i samband med både Korona-situasjonen og sjukemeldingar ved kontoret.

Planstrategien har vore ut til offentleg ettersyn, og følgjande uttalar kom inn:

• Samnanger næringsforum

• FRP

• Statens vegvesen

• Vestland fylkeskommune

• Fylkesmannen

• NVE

• Fiskeridirektoratet

Handsaming av høyringsuttalar vert lagt fram for naturutvalet den 13. oktober 2020. Naturutvalet ønskjer stor medverknad i arbeidet før planstrategien vert lagt fram for kommunestyret.

Siste frist for endeleg handsaming i kommunestyret er til desember-møtet

den 3. desember 2020.

Revisjon områdeplanen for Bjørkheimsområdet – I naturutvalet sitt vedtak skal det verta teke omsyn til nasjonale føringar på vern av jordbruksareal.

Teknisk forvaltning vil be landbrukskontoret om å få ei vurdering av jordbruksarealet i planen. Utvalet slutta seg til dette og kom med ei rekkje innspel og drøfta bl.a. behov for ulike næringsareal og plasskrevjande forretningsdrift.

Utvalet ønskjer ei vidare drøfting av planen og plassering av ulike formål/tiltak. Naturutvalet får områdeplanen som eiga sak den 13. oktober 2020.

Gruvo - Kommunen har ikkje fått tilbake resultatet av forureiningsprøver tatt i Gruvo. Resultatet vil avgjere kva tiltak som skal verta sett i gang og det vidare arbeidet.

Dette må og verte innarbeidd i budsjettet for 2021.

Akvakulturplan - Planarbeidet har vore ute på anbod, og i løpet av neste veke vil kommunen vera klar til å velje tilbyder. Planarbeidet med høyringar antek vi å vere ferdig og klar til endeleg handsaming sommaren 2021.

Reguleringsplan VA Eikedalen – Dette er eigentleg 2 prosjekt som er samla. Kvam kommune har tatt på seg å bygge vidare ut VA-nettet i Eikedalen.

Samnanger kommune ønskjer samstundes å få regulert ein gang og sykkelsti langs fylkesvegen og VA-traseen. For å få fortgang i VA-utbygginga rår vi til å dele arbeidet. Kvam kan då starte VA-arbeidet utan å vente på ein ferdig reguleringsplan.

I prosjekteringa av VA-anlegget må det då verte teke omsyn til at det seinare kan komme gang- og sykkelveg langs same trase.

Reguleringsarbeidet for gang- og sykkelvegen vert gjennomført som eit eige prosjekt og eigen framdriftsplan, der fylkeskommunen som vegeigar vil vera ein sentral samarbeidspart.

VA - prosjekt Indre og Ytre-Tysse - På Ytre-Tysse var VA ein del av miljøgateprosjektet då kai og tusenårsparken vart bygt. Det er lagt trekkerøyr i gateløpet framfor kaia. Planen er at både strøm, fiber og VA skal verte gravd i same grøft. Det same gjeld estetikk i gata som belegg, kantstein og lyspunkt.

Utskifting av gamalt nett og nye påkoplingar på Indre-Tysse vert no kopla saman med Ytre-Tysse.

Grunna korona er det noko forseinkingar med prosjekteringa, og mogleg noko av gravearbeidet må verte utsett til våren.

Frivillig skogvern – Hopslia naturreservat (vedlegg sak.nr 5049/20).

Utvalet hadde ikkje spørsmål til informasjonen.

Minsteareal hjortevald– E-post frå Bjørnafjorden landbrukskontor, der det kjem informasjon om avskyting m.m. vert vedlagt.

Dette kjem og som sak frå landbrukskontoret til møtet den 13. oktober 2020.

Oppfølginga av TS-planen: Utvalet bad teknisk forvaltning om på nytt å vurdere kortaste gangsti frå Hagabotnane til Steinsland. Kommunen har kome til løysing med fylkeskommunen og til avtale med grunneigarane om areal for kryssing av vegen på Ådland.

Bjørnafjorden landbrukskontor – Mari Gjengedal er tilsett ved kontoret. Ho er busett i Samnanger og har starta Gjengevoll mangesysleri på Tveit.

Status Klima arbeid- Samnanger har levert klimarekneskap for 2019, men grunna korona er produksjon av rapporten frå Klimapartner med rekneskapstala våre forseinka.

Vi viser til pågåande planarbeidet ovanfor. Samfunnsutvikling har difor ikkje kapasitet til å revidere Samnanger sin klimaplan no i vår og hausten 2020.

Miljøfyrtårnsertifisering av kommunale er eit prioritert tiltak, som kan komme i gang i løpet av hausten 2020.

Samnanger har fått tilskot til 8 ladepunkt til kommunale bilar, og kan realiserast i 2021 dersom tiltaket vil verte innarbeidd i budsjettet. Plastinnsamlinga som var planlagt i vår i lag med ungdomsklubben vart utsett pga. korona.

Vi håpar vi å få gjennomført tiltak no tidleg i haust.

Utvalet sitt kvarter.

Karl Kolbotn (Frp) hadde meldt inn spørsmål på følgjande saker:

1.Falleferdige hus – «Det er kommet inn en bekymringsmelding angående et eldre hus som ligger tett inn til Samnanger ungdomsskole - skoleveien. Huset er etter melder sin mening en fare for omgivelsene. Det er i «sterkt» forfall! Takstein kan blåse av og deler av huset kan treffe skolebarn på skoleveien. Hva kan kommunen gjøre i dette tilfellet?» (Se bilder nr 1)

Bilde 1

Bilde nr 2

«Det samme gjelder for et annet hus i samme området – skoleveien til ungdomsskolen. Dette huset er også i «sterkt» forfall og ligger tett inn til 1000 års plassen i Samnanger. Samme forhold i dette tilfelle – som det første. Hva kan kommunen gjøre her?» (Se bilder nr 2).

Svar frå leiar samfunnsutvikling - Gamle falleferdige hus Ytre-Tysse: Byggesakshandsamar har synfart området og husa Kolbotn viser til. Kommunen startar handsaming av saka denne veka med å sende ut eit 1. varslingsbrev til grunneigarane av husa. Deretter vert det gjort avtale om ev. løysing og frist. Dersom dette ikkje vert følgt opp kan kommunen gje pålegg.

2.VA-Ytre Tysse

«Det er kommet inn innspill til VA-planen på Ytre Tysse fra beboere i området. Hva med å legge fiber og el. kabler i samme grøft som VA? Det vil være en forskjønning av denne spesielle «gate-stubben». Hva med å skifte ut de «moderne gatelysene til en mer «nostaldisk» type, for å få et lunere miljø i gaten? Hvem tar saken videre i administrasjonen?»

Svar frå leiar samfunnsutvikling HL.Våge: Vi viser til punktet nedanfor under informasjonssaker gitt i møtet.

3.BKK – Tysse-elva

«Det er kommet tilbakemeldinger til utvalget om at BKK kjører store mengder med vann i Tysseelven i den mest ugunstige tiden av året for laksen som skal opp i elven – august og september. Resultatet er at villaksen ikke klarer å komme seg opp elven – dette er IKKE bra! Hva gjør Samnanger kommune i.f.t. BKK i denne saken?»

Svar frå planleggar R.Lønningdal: BKK opererer innanfor vasskraftkonsesjonar fastsett av NVE, og Samnanger kommune har ingen tilsynsoppgåver på området.

Konsesjonsvilkåra er å finna på følgjande lenkjer:

Samnangervassdraget: https://www.nve.no/konsesjonssaker/konsesjonssak/?id=1206&type=V-1

Endeleg fastsetting av minstevassføring i Samnangervassdraget: https://www.nve.no/konsesjonssaker/konsesjonssak?id=7764&type=V-1

Frøland kraftverk: https://www.nve.no/konsesjonssaker/konsesjonssak?id=7499&type=V-1

Tysse kraftverk (overført frå Safa til BKK i 2013): https://www.nve.no/konsesjonssaker/konsesjonssak?id=5317&type=V-1

NVE sine sider om tilsyn: https://www.nve.no/tilsyn/?ref=mainmenu

4.Hjortestamme

«Det er gitt tilbakemeldinger til NU tidligere om at alle hjorte-stammene i Samnanger er «ute av kontroll». Det meldes stadig om at hjorten nå er blitt et «husdyr» i kommunen vår. Det er kommunisert inn til kommunen, et sterkt ønske om at det blir tatt ut et langt større antall dyr i kommunen vår. Hva har administrasjonen gjort i.f.t. tilbakemeldingene som er kommet inn til kommunen? NU-leder vil at det gis signaler til «valdene» om at en større beskatning starter allerede denne sesongen. Hvor står saken pr. nå?»

Svar frå leiar samfunnsutvikling: Samnanger hadde i 2019 ei avskyting på 66%, så denne bør verte høgare. Det vert sendt ut e-post til medlemmane med nærare informasjon frå Bjørnafjorden landbrukskontor.

5.Samfunnsplanen

«Hvilke innspill er det kommet inn til kommuneplanen – samfunnsdelen, etter 1. gangs høring?

NU-leder vil at f.o.m. neste NU-møte skal kommuneplanen – samfunnsdelen, startes opp igjen. Ekstra arbeidsmøter må settes opp. Hva har administrasjonen gjort i.f.t. det videre arbeid med planen?»

Svar frå planleggar R.Lønningdal: Vi antar at det er planstrategien det er spørsmål om og viser til informasjon nedanfor om status for kommunen sin planstrategi. Samfunnsdelen har ikkje kommunen starta opp endå, og kjem først etter planstrategien er vedteken.

6. Aldalen – forureining – «Dette bildet (nr 1) ligger på Facebooksiden: Samnanger i bilder. Er dette tiltaket i Aldalselva i.h.h.t. alle retningslinjer for arbeid i regulerte elver og vassdrag? Så vidt vi kjenner til, så er Aldalselva en av elvene i Samnanger kommune som det påstås at laksen kan gyte i – stemmer dette i forhold til fiskeforbudet som gjelder i indre del av Samnangerfjorden? Derfor spørsmålet - er dette helt reglementert? I så fall hvem har gitt tillatelsen? Hvis ikke - hvem har ikke innhentet tillatelse, byggherre eller entreprenøren?»

Bilde nr 1

Svar frå planleggar R.Lønningdal: Dette spørsmålet var ikkje kome inn på førehand. Ut frå opplsyningane ovanfor er dette midlertidleg anleggsverksemd, jfr forureiningslova:

«§ 7. (plikt til å unngå forurensning)

Ingen må ha, gjøre eller sette i verk noe som kan medføre fare for forurensning uten at det er lovlig etter §§ 8 eller 9, eller tillatt etter vedtak i medhold av § 11.

§ 8.(begrensninger i plikten til å unngå forurensninger)

Vanlig forurensning fra

er tillatt etter denne lov i den utstrekning det ikke er gitt særlige forskrifter etter § 9. For utslipp av sanitært avløpsvann må det likevel søkes om tillatelse med mindre noe annet er bestemt i forskrift.»

Monica Tjønna (Sp) stilte spørsmål om vi kunne pålegge fritidsbustader påkopling til kommunen sine VA-anlegg ?

Svar frå planleggar R.Lønningdal: I følgje plan- og bygningslova §§ 27-1 andre ledd (vatn) og 27-2 andre ledd (avløp) kan kommunen krevja påkopling til kommunalt vass-/avløpsnett i følgjande tilfelle: «Når offentlig (vann-/avløps-)ledning går over eiendommen eller i veg som støter til den, eller over nærliggende areal, skal bygning som ligger på eiendommen, knyttes til (vann-/avløps-)ledningen. Vil dette etter kommunenes skjønn være forbundet med uforholdsmessig stor kostnad eller særlige hensyn tilsier det, kan kommunen godkjenne en annen ordning.»

For fritidsbustader kan slikt pålegg berre gjevast dersom det er spesifikt teke inn i kommunen sitt planverk, jf. pbl § 30-6: «Lovens bestemmelser i § 27-1 andre til fjerde ledd og § 27-2 andre til fjerde ledd gjelder for fritidsbebyggelse bare når dette er bestemt i plan. Departementet kan gi forskrift om at andre bestemmelser gitt i eller i medhold av denne loven ikke skal gjelde for fritidsbebyggelse.»

I nokre tilfelle er det også teke inn vilkår, i form av krav om påkopling, i enkeltvedtak som er gjevne for til dømes dispensasjonar eller utsleppsløyve.

Vedtak

Med heimel i plan- og bygningslova § 12-12 første ledd vert detaljreguleringsplan for bustad Tømmerløypet, PlanID 1242201901, vedteken av kommunestyret i Samnanger. Reguleringsplanen består av følgjande plandokument:

Plankart, dagsett 22.08.20, med følgjande utførte endringar etter offentleg ettersyn:

• Planområdet er utvida til å inkludera 35 meter ekstra av eksisterande kommunal veg mot nordaust, for å innlemma siktsona i planområdet.

• Teiknforklaringa er retta opp med følgjande element: Byggjegrense, regulert senterline og tilkomstpil. Geodetisk høydegrunnlag er endra frå «NN1954» til «NN2000».

Reguleringsføresegner, dagsett 27.03.20

Planskildring, dagsett 27.03.20

Behandling

Framlegg til vedtak vart samrøystes vedteke.

Vedtak

Det vert gjeve dispensasjon frå kommuneplanen sin araldel til etablering av søylekai og flytebrygge på gbnr 22/18.

Grunngjeving:

• Tiltaket er minimalt og innanfor merka område til småbåthamn.

• Tiltaket vil ikkje svekka ålmenta sine interesser då tilkomst er umogleg utan båt. Kjem ein med båt er det rett på ein bratt knaus/berg utan flytebrygge.

• Det er ikkje eit område som er i bruk for beitedyr.

Behandling

Utvalet drøfta saka. Karl Kolbotn (Frp) og Monica Tjønna (Sp) sette fram følgjande fellesframlegg:

" Det vert gjeve dispensasjon frå kommuneplanen sin arealdel til etablering av søylekai og flytebrygge på gbnr 22/18.

Grunngjeving:

• Tiltaket er minimalt og innanfor merka område til småbåthamn.

• Tiltaket vil ikkje svekka ålmenta sine interesser då tilkomst er umogleg utan båt. Kjem ein med båt er det rett på ein bratt knaus/berg utan flytebrygge.

• Det er ikkje eit område som er i bruk for beitedyr. "

Det vart røysta alternativt over framlegga. Fellesframlegget fekk 9 røyster og vart samrøystes vedteke.

Vedtak

Kommunestyret godkjenner overordna retningsliner for tilskot til skogbrukstiltak:

• Tilskot til bygging og ombygging av skogsvegar

• Tilskot til drift med taubane, hest o.a.

Behandling

Framlegget vart samrøyses vedteke.

Vedtak

Jf. vedtak 014/2019 i naturutvalet 28.05.19 får Samnanger jeger- og fiskerlag kr 20 000 i årleg driftstilskot. Tilskot for 2020 er utbetalt.

Samnanger jeger- og fiskerlag får kr 22 500 i tilskot til aktivitetar i 2020. Laget vert oppmoda til å prioritera aktivitetar som gagnar ålmenta og særskild rettar seg mot barn, ungdom og eldre med alle typar funksjonsnivå. Tilskotet vert utbetalt snarleg.

Samnanger jeger- og fiskerlag får kr 20 000 i tilskot til meirkostnader med naust og kr 5 000 til rognplanting. Tilskotet vert utbetalt snarleg.

Behandling

Utvalet drøfta retningslinene, og oppmoda om at fleire lag og organisasjonar bør søkje om midlar frå vilt og fiske fondet.

Det vart røysta over framlegget som vart samrøytes vedteke.