Møte i Kommunestyret den 16.09.2021

Vedtak

Møteinnkallinga og saklista vert godkjent. Orienteringssaker

Behandling

Godkjenning av innkalling og sakliste:
Godkjent utan merknader.


Eventuelle merknader til protokollen frå førre møte:
Ingen merknader.


Rådmannen orienterer:

• Resultat frå Kommunebarometeret 2021

• Informasjon om Agenda Kaupang sitt oppdrag i Samnanger

• Budsjett- og økonomiplanprosessen

• Endringar rådmannen vil gjera i den administrative organiseringa
  

Presentasjonar i møtet:

Noa - Krafla-prosjektet
Presentasjon ved Dines Hafslund (Aker BP), Helge Toft (Multiconsult), Trond Haug (Multiconsult), Kjetil Mork (Multicosult) og Øyvind Strøm (Equinor).

Digitalisering og innovasjon / IT-prosjekt
Presentasjon ved Lars Tveit (Digitalisering og Innovasjon Nordhordland).

Andre orienterings-/referatsaker:

Anja Elisabeth Gjerde Markhus (Bl) viste til ei av orienteringane som låg ved møteinnkallinga (orientering om hastemyndevedtak i formannskapet 29.06.2021 om leverandør og kjøp og bustad), og bad om meir informasjon om denne saka. Det vart ikkje gitt meir informasjon om saka i møtet. Ordføraren bad rådmannen om å koma tilbake med informasjon i neste møte i formannskapet eller kommunestyret, eller å senda ut skriftleg informasjon til kommunestyret.

Ordførar Knut Harald Frøland (Bl) orienterte om status i saka om totalentreprise veg til Hagabotnane, ref. kopi av bekymringsmelding frå bebuarar på Steinsland som låg ved møteinnkallinga.

Utvalet sitt kvarter:

Pensjonistlaget sin aktivitet i koronaperioden
Solveig Vassenden (Bl) informerte.

Oppfølging av rapport etter tilsyn med kommunal beredskap og helseberedskap
Arild Røen (H) viste til rapporten etter tilsynet, og spurde om status for arbeidet som statsforvaltaren har bedt kommunen om å gjera. Rådgjevar/jurist Pål Strand orienterte om status.

Kantklipping langs kommunale vegar
Linda Haug Kollbotn (Frp) bad om tilbakemelding på spørsmål om kantslått på kommunale vegar.

Ras på kommunal veg til Jarland/Haug
Linda Haug Kollbotn (Frp) viste til eit mindre ras som nyleg har gått på den kommunale vegen til Jarland/Haug, og spurde om status for oppryddingsarbeidet.

Skiltplan
Lena Tveit (Bl) etterlyste skiltplan. Nemnde spesielt Gjerdsvegen, der ein skuleelev nyleg var involvert i ei trafikkulukke.

Vedtak

Rådmannen sitt framlegg til vedtak:
Finansrapporteringa pr 2. tertial 2021 vert tatt til orientering.

Behandling

Rådmannen sitt framlegg vart samrøystes vedteke.

Vedtak

1. Kommunestyret godkjenner byggjerekneskapen for bufellesskap Skottabakken.

2. Kommunestyret godkjenner byggjerekneskapen for flaum- og rassikring Skottabakken.

3. Kommunestyret ber rådmannen gå gjennom økonomireglementet og reglement for kontrollutvalet for å endre kontrollutvalet sin tilrådingsmynde til å gje uttale i samband med politisk behandling av byggjerekneskap i Samnanger kommune.

Behandling

Kontrollutvalet si innstilling vart samrøystes vedteke.

Vedtak

1. Kommunestyret godkjenner byggjerekneskapen for høgdebasseng Nordbygda.

2. Kommunestyret godkjenner byggjerekneskapen for Teigavika – badevik på Bjørkheim.

Behandling

Handsaming:
Karl Bård Kollbotn (Frp) sette fram utsetjingsframlegg.

Knut Harald Frøland (Bl) bad om gruppemøte før det vart røysta over utsetjingsframlegget.

Etter gruppemøtet trekte Karl Bård Kollbotn utsetjingsframlegget.

Kontrollutvalet si innstilling vart samrøystes vedteke.

Vedtak

1. Kommunestyret tek rapporten etter gjennomført forvaltningsrevisjon av arkiv og innsyn til etterretning.

2. På bakgrunn av gjennomført forvaltningsrevisjon av arkiv og innsyn ber kommunestyret rådmannen sørge for at det vert sett i verk tiltak for å:

a) Etablere rutine for at rådmannen årleg stadferster arkivplanen.

b) Komplettere arkivplanen, slik at alle delkapittel er fylt med innhald.

c) Etablere rutine for måling av svartid på innsynsførespurnader, slik at eventuelle kapasitetsutfordringar kjem fram.

3. Kommunestyret ber rådmannen melde status og vidare framdrift til kontrollutvalet innan 31.12.2021.

Behandling

Kontrollutvalet si innstilling vart samrøystes vedteke.

Vedtak

Framlegg til Retningsliner for tilskot til ungdomstiltak vert vedteke som vedlagt.

I 2021 vil tilskotsordninga verta lyst ut så snart som råd, og handsama i ungdomsrådet sitt siste møte før jul. Frå og med 2022 vil søknadsfristen vera 20. mars, kvart år.

Behandling

Rådmannen sitt framlegg vart samrøystes vedteke.

Vedtak

I Samnanger kommune sin trafikksikringsplan er det eit høgt prioritert tiltak å gjera fv 579 (tidlegare137) mellom Hisdal og Os om til forkøyrsveg. Statens vegvesen melde den gong tilbake at det føregjekk eit arbeid med å gjera alle fylkesvegar om tilforkøyrsvegar, men ingenting har skjedd på fv 579. Me vil på nytt be om at dette arbeidet vert sett i verk.

I høyringsdokumentet Strategi for mjuke trafikantar går det fram at «Administrasjonen i Vestlandfylkeskommune ønskjer tilbakemelding på 1-2 strekningar langs fylkesveg i kvar kommune sommanglar tilrettelegging for mjuke trafikantar og som oppfyller kriteria for prioritering i strategien.»

Samnanger kommune sine innspel til prioritering av strekningar er:
1. Gang- og sykkelveg frå Bjørkheim til Bjelkarvika. Denne strekninga er i underkant av 300 meter langs fv 49, frå Bjørkheim sentrum til bustadområdet Bjelkarvika, der det er 17 bustader og 1 fritidsbustad. Gang- og sykkelvegen har høg prioritet som tiltak i kommunen sin trafikksikringsplan frå 2017 og den er avklart i reguleringsplan for Bjørkheimsområdet. Gang og sykkelveg her vil gje bebuarane i Bjelkarvika moglegheit for å gå til sentrum utan å kryssa Fv 49 to gonger.

Vidare kan skuleelevar gå til Bjørkheim sentrum for å kryssa fv 49 i 50-sone med overgangsfelt, i staden for å kryssa fv 49 ved Bjelkarviksvegen, i 60-sone utan overgangsfelt. Området i Bjelkarvika er sett av til framtidig bustadbygging i kommuneplanens arealdel, og det vil ved utarbeiding av reguleringsplan bli lagt opp til eisentrumsnær fortetting i dette området.

2. I tillegg vil Samnanger kommune be Vestland fylkeskommune om å prioritera gang- og sykkelveglangs fv 49 i Eikedalen i samband med realisering av kommunedelplan for Fv 49 tunell forbi Tokagjelet. Dette området kjem ikkje innunder kriteria som fylkeskommunen har sett for prioritering, men sidan det skal skje ei ny vegutbygging i regi av fylkeskommunen, meiner me at tilrettelegging formjuke trafikantar må vera ein del av prosjektet. Det er allereie i dag eit stort behov for gang- ogsykkelveg på denne strekninga. Eikedalen velforening har i mange år etterspurt tiltak for betretrafikktryggleik her, og dette tiltaket har høg prioritet i kommunen sin trafikksikringsplan. Det eraukande tal fastbuande i området, også barn. (Tal frå trafikksikringsplanen 2017: 28 fastbuande, 10barn under 18 år.) I tillegg er Eikedalen eit utferdsområde for hytter og alpinanlegg. Det er verken fortau eller gangfelt, og fartsgrensa er 70 km/ t.Det er ingen trygge alternativ til kryssing av fv 49. Ein forventar trafikkauke med den nye tunellen og stenging av Tokagjelet, og det vert då enda større behov for ei trygg løysingfor gåande og syklande i Eikedalen.

Utover dette vil Samnanger kommunestyre peika på at omkjøringsveg til E16, frå Bergen til Voss, vil vera gjennom Samnanger, også i samband med bygging av ny veg. Dette gjeld både fylkesveg 579 (Os-Hisdal) og fylkesveg 49 (Trengereid - Norheimsund). Det er svært viktig at det er ein trygg og trafikksikker omkjøringsveg, særleg med tanke på mjuke trafikantar. Det er fleire strekningar der detikkje er gang- og sykkelveg, og det er også fleire stader der det ikkje er avkjøringsfelt, i sterkt trafikkerte kryss. Det er viktig at dette vert fulgt opp, før anleggsarbeidet startar opp på E16 og Vossabanen.

Dette inkluderer mellom anna gang/sykkelveg frå Hisdalen / Raunekleiva til Ådland, noko som vil knyta bustadområda i Hisdalen, Raunekleivaog langs Liavegen til sentrum. Det er ikkje mogleg å gå til fots på denne strekninga i dag,og sykling er heller ikkje å tilrå. Tiltaket er avklart i kommuneplanens arealdel, men det erikkje utarbeidd reguleringsplan.

Kommunestyret viser her også til at det i svært mange år vore etterspurt avkøyringsfelt på fv 49 mot Lønnebakkenbustadområde, og me vil spela dette inn som eit punkt som kjem med på prioriteringslistene til fylkeskommunen. Tiltaket ligg også inne i kommunen sin trafikksikringsplan frå 2017. Fartsgrensa på staden er 80 km/tog av- og påkøyring til busslomme for Samnanger barneskule ligg rett aust for avkøyring tilLønnebakken. På tidspunkt med tett trafikk dannar det seg fort kø bak bilar som kjem frå vest og skalinn til Lønnebakken. Det oppstår også farlege situasjonar ved oppbremsing før avkøyring utan at det erkø på staden. Ovanfor Lønnebakken er det også utviklingspotensiale for bustadområde med sværtgod nærleik til skule, men avkøyringa frå fylkesvegen må utbetrast før dette kan realiserast.Samnanger kommunestyre ser også på redusert fartsgrense på strekninga som ynskjeleg.

I områdeplan for Bjørkheim ynskjer Samnanger kommune å få utgreidd moglegheit for å etablera torundkøyringar på fv 49; ei ved avkøyringa til Bjørkheim sentrum, og ei ved avkøyringa til Bjelkarvika bustadområde. Utgreiingar omkring dette vil bligjenstand for høyring og offentleg ettersyn i pågåande planprosess for revisjon av områdeplan for Bjørkheimsområdet, men me vil no meldadesse planane inn til fylkeskommunen også i samband med regional transportplan.

Behandling

Handsaming:
Odd Arne Haga (Frp) sette framlegg om prioritering av gang- og sykkelveg frå Haga til Tysse.

Knut Harald Frøland (Bl) bad om gruppemøte.

Etter gruppemøtet sette Øyvind Strømmen (MDG) fram eit fellesframlegg.

Odd Arne Haga trekte framlegget sitt.

I røystinga vart fellesframlegget sett opp mot naturutvalet si innstilling. Fellesframlegget vart samrøystes vedteke.

Vedtak

Kommunestyret sitt vedtak i sak 066/2021 om konstituering av rådmann vert oppretthalde.

Behandling

Handsaming:
Øyvind Strømmen (MDG) sette fram framlegg til vedtak.

Knut Harald Frøland (Bl) sette fram framlegg om at kommunestyret sitt vedtak i sak 066/2021 vart oppretthalde. Han las òg opp eit notat, som han bad om å få lagt ved saka.

Monica Tjønna (Sp) bad om gruppemøte.

I røystinga etter gruppemøtet fekk Knut Harald Frøland sitt framlegg 14 røyster og Øyvind Strømmen sitt framlegg 7 røyster.

Vedtak

Vedtaka i formannskapssak 041/2021 og kommunestyresak 065/2021 vert ståande. Kommunestyret viser til skrivet "Notat til kommunestyresak 080/2021".

Punkt 3.6 i delegeringsreglementet må presiserast eller eventuelt strykast. Rådmannen legg fram sak om dette til formannskapsmøtet 11. november. Kommunestyret ber rådmannen i saksførebuinga vurdera om tilgangen til lovlegkontroll tek godt nok vare på dei omsyna som regelen om mindretalsanke er meint å ivareta. Men kommunestyret ønskjer likevel at rådmannen lagar eit utkast til eit revidert punkt 3.6 der det vert gjort klart at ein mindretalsanke ikkje har oppsetjande verknad, jf. reglane som gjeld lovlegkontroll.

Behandling

Handsaming:
Øyvind Strømmen (MDG) sette fram framlegg til vedtak.

Øyvind Røen (Sp) las opp eit notat om saka ("Notat til kommunestyresak 080/2021") og sette fram framlegg til vedtak.

Øyvind Røen bad om gruppemøte.

I røystinga etter gruppemøtet fekk Øyvind Røen sitt framlegg 14 røyster og Øyvind Strømmen sitt framlegg 7 røyster.

Vedtak

Politiske deltakarar i kommunenettverket vert ordførar Knut Harald Frøland, varaordførar Øyvind Røen, Odd Arne Haga, Gunn Østvik Petersen, Shirin Kvernes Khadoor og Oskar Røen.

Behandling

Handsaming:
Karl Bård Kollbotn (Frp) sette fram framlegg.

Arild Røen (H) sette fram framlegg.

Øyvind Strømmen (MDG) bad om gruppemøte.

Etter gruppemøtet sette Knut Harald Frøland (Bl) fram følgjande fellesframlegg: "Politiske deltakarar i kommunenettverket vert ordførar Knut Harald Frøland, varaordførar Øyvind Røen, Odd Arne Haga, Gunn Østvik Petersen, Shirin Kvernes Khadoor og Oskar Røen."

Fellesframlegget vart samrøystes vedteke.

Vedtak

Det har vore produsert elektrisk kraft i Samnanger sidan 1912. Dette har ført med seg at mange i Samnanger har hatt ein god arbeidsplass i Bergen Lysverker og BKK.

I dag arbeider fem personar med bustad i Samnanger i bygg- og anleggsavdelinga til BKK, som BKK no ønskjer å avvikla. For Samnanger, som er vertskommune for fem av kraftverka til BKK, har arbeidsplassane knytte til kraftproduksjon og vedlikehald av kraftverka og reguleringsanlegga vore kjærkomne.

BKK hentar store inntekter i Samnanger, og Samnanger kommune ser det som naturleg med lokale arbeidsplassar som motyting. Difor beklagar kommunen sterkt den planlagde nedlegginga av bygg- og anleggsavdelinga.

Samnanger kommune vil i denne samanhengen understreka den spesielle rolla BKK har. BKK er ikkje berre ei offentleg eigd verksemd, men òg ein samfunnsinstitusjon som forvaltar store verdiar på vegner av fellesskapet, og som leverer heilt grunnleggjande tenester.

Samnanger kommune ønskjer òg å peika på beredskapsfunksjonen som BKK har gjennom anleggsavdelinga. Kommunen er redd for at denne funksjonen kan verta svekka ved å føra beredskapen over til andre selskap utan same kompetanse på lokale tilhøve.

Kraftprisane har gått mykje opp, med rekordhøg avkasting for BKK i 2021. Utsiktene framover er òg gode for selskapet. Det skulle difor vera unødvendig å leggja ned bygg- og anleggsavdelinga ut frå meir snevre bedriftsøkonomiske omsyn.

Men viss BKK likevel skulle halda fast ved den planlagde nedlegginga, vil Samnanger kommune oppmoda sterkt om at BKK gjennomfører dette gjennom ei styrt avvikling, slik dei tilsette ønskjer. Dette inneber at BKK i denne prosessen held fram som arbeidsgjevar for dei tilsette som arbeider i den aktuelle avdelinga.

Behandling

Knut Harald Frøland (Bl) orienterte innleiingsvis om at BKK allereie har gjort vedtak i saka, men at han meinte at kommunen likevel burde senda uttale i saka.

Ordføraren sitt framlegg vart samrøystes vedteke.

Vedtak

1. Samnanger kommune vedtek at IKT Nordhordland kommunalt oppgåvefellesskap vert utvida med Aurland kommune.

2. Samnanger kommune vedtek samarbeidsavtalen for IKT Nordhordland kommunal oppgåvefelleskap slik den ligg føre.

Behandling

Rådmannen sitt framlegg vart samrøystes vedteke.