Møte i Formannskapet den 11.11.2021

Vedtak

Møteinnkallinga og saklista vert godkjent. Sakene skal handsamast i følgjande rekkefølgje: 055, 056, 061, 063, 064, 065, 066, 067, 068, 057, 058, 059, 060, 062.

Orienteringssaker/referatsaker vert tekne til orientering.

Behandling

Godkjenning av innkalling og sakliste
Odd Arne Haga (Frp) orienterte om at han måtte ha permisjon frå møtet frå kl. 12:30. Han bad derfor om at sak 068 (Budsjett og økonomiplan 2022-2025) vart flytta til starten av møtet. Det vart som følgje av ønsket til Odd Arne Haga bestemt at økonomi- og gebyrsakene skulla handsamast før dei andre sakene på saklista.

Det var ingen andre merknader til innkallinga eller saklista.


Eventuelle merknader til protokoll frå førre møte:
Ingen merknader.


Orienteringssaker/referatsaker:

Ordføraren orienterer:

• Vedtak om etablering av Vinmonopol i Samnanger.
  

Rådmannen orienterer:

• Handlingsplan for forebygging av sjølvmord og sjølvskading blir ikkje klar for politisk handsaming i 2021.

• Sak om livssynsnøytralt bårerom/syningsrom kjem truleg opp i kommunestyret 02.12.2021.

• Krav i barnevernlova om at kommunestyret skal vedta ein plan for å førebyggja omsorgssvikt og atferdsproblem. Kjem truleg opp sak om dette i kommunestyret 02.12.2021.

• Dom i sak i Hordaland tingrett - Krekavegen

• Sak om krav om orsaking og skadebot. Formannskapet vedtok at denne orienteringa skulle haldast for lukka dører, med heimel i kommunelova § 11-5.

• Rekruttering av kommuneoverlege. Formannskapet vedtok at denne orienteringa skulle haldast for lukka dører, med heimel i kommunelova § 11-5.

Utvalet sitt kvarter:

Kontrollrutinar for oppfølging av vedtak på sjukeheimen
Odd Arne Haga (Frp) spurde om kva kontrollrutinar kommunen har for oppfølging av vedtak på sjukeheimen. Rådmannen kunne ikkje svara på dette i møtet, men vil undersøkja dette.

Rettigheiter for pårørande
Odd Arne Haga (Frp) spurde om pårørande kan krevja vedtak frå kommunen dersom dei meiner at det er behov for pleie- og omsorgstenester. Rådmannen kunne ikkje svara på dette i møtet, men vil undersøkja dette.

Smittesitasjonen
Lena Tveit (Bl) viste til smittesituasjonen blant elevar på barneskulen og spurde om kommunen vurderer å gå over til gult nivå på skulane. Sektorleiar oppvekst, Bodil H. Øpstebø, orienterte om status og kva tiltak og vurderingar som er gjort. Ho orienterte også om at skulane ikkje vil trenga lang tid på å gå over på gult nivå, dersom dette blir aktuelt.

Omsorgsbustader i 1995-bygget på Samnangerheimen
Gunn Totland Moss spurde om planane om å omgjera ei avdeling i 1995-bygget på Samnangerheimen til omsorgsbustader. Sektorleiar helse og omsorg, Janne Drevsjø, orienterte etter dette om kva som er planlagt.

Vedtak

Samnanger kommune gir i 2022 eit driftstilskot på kr 3 051 334 til Samnanger kyrkjestyre. I tillegg kjem kommunal tenestyting vurdert til verdi kr 70 000. Når avtale med IKTNH er på plass vil
kr 20 000 av tenesteytinga bli omgjort til tilskot.

Kommunen gir òg eit investeringstilskot på kr 390 000 til Samnanger kyrkjestyre i 2022, til byte av dører i kyrkja på Ådland.

Behandling

Kyrkjeverje Britt Haukanes orienterte innleiingsvis om budsjettframlegget.

Rådmannen sitt framlegg vart samrøystes vedteke.

Vedtak

Møta i naturutvalet skal overførast direkte på internett. I tillegg skal opptak frå møta vera tilgjengelege på internett i eitt år etter møtedatoen.

Behandling

Rådmannen sitt framlegg vart samrøystes vedteke.

Vedtak

Framlegget til møteplan for 2022 blir vedteke. Vedtaket er gjort med heimel i § 11-2 i kommunelova.

Behandling

Rådmannen sitt framlegg vart samrøystes vedteke.

Vedtak

Ordninga som kommunestyret vedtok 28.10.2021 i sak 082/2020 og 10.06.2021 i sak 059/2021, blir forlenga til og med 31.12.2022. Dette inneber at alle folkevalde organ i Samnanger kommune ved behov kan halda møte som fjernmøte fram til 31.12.2022.

Møte skal berre haldast som fjernmøte dersom dette blir vurdert som nødvendig av smittevernomsyn eller andre forhold som tilseier at organet ikkje kan samlast til fysisk møte.

Vedtaket er gjort med heimel i kommunelova § 11-7 første avsnitt.

Behandling

Rådmannen sitt framlegg vart samrøystes vedteke.

Vedtak

Varmestuen 2 AS (org.nr 820 213 122) får med heimel i Alkoholloven § 4.2.5 utvida skjenkearealet for gjeldande skjenkeløyve. Tilleggslokale: Eikedalen skisenter AS sitt lokale «Alpinisten» i Kråvegen 108, 5650 Tysse.

Behandling

Rådmannen sitt framlegg vart vedteke med 7 mot 2 røyster. Øyvind Røen (Sp) og Gunn Totland Moss (KrF) røysta imot.

Vedtak

Dei lokale vedtektene for SFO og barnehage vert endra slik at det med verknad frå 2022 skal gjevast eit tilbod om barnehage og SFO i alle skuleferiane, men ikkje på helge- og høgtidsdagar og jule- og nyttårsaftan, samt på planleggingsdagane. Rådmannen får fullmakt til å rette vedtektene til SFO og barnehage i tråd med dette vedtaket.

Rådmannen organiserer drift på ein forsvarleg måte med samkjøring i ein barnehage der ein tek omsyn til bindande påmelding ut frå behov. I tillegg utvidar SFO opningstida si med to veker - veke 27 og 28 om sumaren.

Kommunen skal bruka 2022 til å gjera seg erfaringar og evaluera tilbodet ut frå etterspurnad og økonomi.

Foreldrebetaling:
Foreldra betaler for 11 månader i barnehage og utvida tid vil ikkje føra til meir foreldrebetaling, men meir fleksibel uttak av ferie. Foreldra betaler for dagane eleven er påmeld til SFO.

Dei økonomiske omkostningane vert tilført i budsjettet som følgjer:

1. SFO med kr 30 000 for to ekstra vekers tilbod om sumaren (mest mogleg sjølvkost)

2. Barnehage med kr. 150 000. Samkjøring barnehage/ SFO i veke 29, 30, 31 pluss fire dagar romjula 2022 vil krevje ein minimumsauke på kr 150 000, men tal barn avgjer tal vaksne (tilsette)

3. I tillegg kjem om lag 30 000 kroner i auka reinhaldsutgifter.".

Administrasjonen vert oppfordra til å sjå på eit mogleg samarbeid med den private barnehagen.

Vedtaket vert finansiert med redusert avsetnad til disposisjonsfondet i 2022.

Behandling

Sektorleiar oppvekst, Bodil H. Øpstebø, orienterte om at det i saksutgreiinga ved ein feil ikkje er teke med kostnader til reinhald. Denne kostnaden vil truleg bli om lag 30 000 kroner i året.

Shirin Kvernes Khadoor (Ap) sette fram følgjande framlegg:

"Dei lokale vedtektene for SFO og barnehage vert endra slik at det med verknad frå 2022 skal gjevast eit tilbod om barnehage og SFO i alle skuleferiane, men ikkje på helge- og høgtidsdagar og jule- og nyttårsaftan, samt på planleggingsdagane. Rådmannen får fullmakt til å rette vedtektene til SFO og barnehage i tråd med dette vedtaket.

Rådmannen organiserer drift på ein forsvarleg måte med samkjøring i ein barnehage der ein tek omsyn til bindande påmelding ut frå behov. I tillegg utvidar SFO opningstida si med to veker - veke 27 og 28 om sumaren.

Kommunen skal bruka 2022 til å gjera seg erfaringar og evaluera tilbodet ut frå etterspurnad og økonomi.

Foreldrebetaling:
Foreldra betaler for 11 månader i barnehage og utvida tid vil ikkje føra til meir foreldrebetaling, men meir fleksibel uttak av ferie. Foreldra betaler for dagane eleven er påmeld til SFO.

Dei økonomiske omkostningane vert tilført i budsjettet som følgjer:

1. SFO med kr 30 000 for to ekstra vekers tilbod om sumaren (mest mogleg sjølvkost)

2. Barnehage med kr. 150 000. Samkjøring barnehage/ SFO i veke 29, 30, 31 pluss fire dagar romjula 2022 vil krevje ein minimumsauke på kr 150 000, men tal barn avgjer tal vaksne (tilsette)

3. I tillegg kjem om lag 30 000 kroner i auka reinhaldsutgifter.".

Vedtaket vert finansiert med redusert avsetnad til disposisjonsfondet i 2022."

Knut Harald Frøland (Bl) sette fram framlegg om følgjande tilleggspunkt:

"Administrasjonen vert oppfordra til å sjå på eit mogleg samarbeid med den private barnehagen."

Shirin Kvernes Khadoor orienterte før røystinga om at det var i orden for ho at tilleggspunktet frå Knut Harald Frøland vart lagt inn som ein del av vedtaksframlegget hennar. Med denne endringa vart framlegget samrøystes vedteke.

Vedtak

Ordninga med mindretalsanke i punkt 3.6 i Samnanger kommune sitt delegeringsreglement vert oppheva.

Behandling

Rådmannen sitt framlegg vart samrøystes vedteke.

Vedtak

Det vert løyvd 92 500 kroner til barnevernsutvalet i 2022. Utgangspunktet for løyvinga er følgjande antatte utgifter:

• Møteutgifter, 55 000 kroner

• For- og etterarbeid til møte, 27 500 kroner

• Reiseutgifter, 10 000 kroner

Løyvinga vert budsjettert på konto 12700 (konsulenttenester) i barnevernstenesta.

Behandling

Rådmannen sitt framlegg vart samrøystes vedteke.

Vedtak

Husleige for kommunale omsorgsbustader og andre lokale vert auka med 3 prosent.

Behandling

Shirin Kvernes Khadoor (Ap) bad om å få gildskapen sin vurdert. Ho gjekk frå medan formannskapet handsama spørsmålet om gildskapen hennar. Ho vart samrøystes funnen gild og tok etter dette plass att i møtet.

Rådmannen sitt framlegg vart samrøystes vedteke.

Vedtak

Samnanger kommune har som mål at det skal vera sjølvkost på dei fleste områda der sjølvkost set den øvre grensa for kva kommunen kan ta betalt. Det vert lagt inn fylgjande prisauke i 2022:

Dersom det blir underskot på eit eller fleire av desse sjølvkostområda, skal underskotet dekkast inn ved eit evt. overskot på eit seinare tidspunkt.

Behandling

Odd Arne Haga (Frp) viste til at kommunestyret for nokre år sidan gjorde eit vedtak om retningslinjer for påkopling til kommunalt vatn og avløp. Han spurde om kva som er status for denne saka. Rådmannen kunne ikkje svara i møtet, men vil undersøkja dette.

Rådmannen sitt framlegg vart samrøystes vedteke.

Vedtak

Gebyrregulativ for 2022 for byggesaker, delingssaker, plansaker, saker etter matrikkellova, saker etter forureiningslova og tiltak i sjø vert vedteke slik det ligg føre.

Behandling

Rådmannen sitt framlegg vart samrøystes vedteke.

Vedtak

Kommunale avgifter og gebyr for 2022 vert fastsette i samsvar med vedlagte framlegg til betalingsregulativ. Generell auke er 3 prosent når ikkje noko anna går fram av regulativet. Regulativet gjeld frå 01.01.2022.

Behandling

Rådmannen sitt framlegg vert samrøystes vedteke.

Vedtak

Framlegget til budsjett og økonomiplan 2022-2025 blir vedteke slik det ligg føre med vedlegg Bevilgningsoversikt drift, Bevilgningsoversikt investering, Hovudoversikt drift (Økonomisk oversikt drift), Netto driftsutgifter og Detaljar investering (Investeringsbudsjett detaljert), med desse endringane:

Endringar som følgje av Støre-regjeringa sine endringar i framlegg til statsbudsjett for 2022:
- Endringar i framlegg til statsbudsjett vert lagt inn i budsjettet:

• Auka skatt og rammetilskot i kr 1 402 000 i 2022

• Redusert inntekt frå foreldrebetaling i barnehage kr 113 000

- Tiltak skattevekst som landsgjennomsnittet i økonomiplanperioden vert tatt ut, kr 200 000- Midlar til DigiVestland vert lagt inn i budsjettet med kr 149 700 pr år

- Utvida opningstid Formannskapssak 061/2021 vert lagt inn i budsjettet- Sal av sjukeheimsplassar vert redusert med kr 900 000 i 2022 og 1 mnok i 2023- Resterande vert sett av til disposisjonsfond

Finansielle nøkkeltal:

• Årleg avsetning til disposisjonsfondet skal i gjennomsnitt vera minst 2 mnok i økonomiplanperioden.

• Disposisjonsfondet skal vera på minst om lag 15 mnok ved utgangen av økonomiplanperioden.

• Netto driftsresultat skal vera minst 0,23 prosent, men det skal arbeidast for å oppnå høgare driftsresultat enn dette i åra etter 2022.

Lån og eigedomsskatt:

Det vert tatt opp eit lån på 20 mnok i 2022 til varige driftsmidlar i samsvar med kommunelova
§ 14-15 første ledd. Lånet skal brukast til investering i vatn, avløp, bygg og veg. Lånet skal betalast ned over 40 år og ha eitt avdragsfritt år.

Det vert i tillegg tatt opp eit lån på 5,8 mnok i 2022 til varige driftsmidlar i samsvar med kommunelova § 14-15 første ledd. Lånet skal brukast til fleirbrukshall/idrettshall. Lånet skal betalast ned over 40 år og ha tre avdragsfrie år.

Eigedomskatt

I medhald av eigedomsskattelova (Esktl) §§ 2 og 3 skal fylgjande utskrivingsalternativ nyttast for skatteåret 2022: Det vert skrive ut eigedomsskatt på faste eigedomar i heile kommunen jf. § 3 bokstav a. Den generelle skattesatsen som skal gjelda for dei skattepliktige eigedomane vert sett til 7 promille. I medhald av esktl § 12 bokstav a vert satsane differensiert ved at den satsen som skal gjelda for bustader og fritidseigedomar vert sett til 2,8 promille.

For bustaddelen av eigedomen (gjeld og fritidseigedom) vert det gitt eit botnfrådrag på kr 30 000 av takstverdi. Botnfrådraget vert gitt for alle sjølvstendige bustaddelar. Botnfrådrag vert ikkje gitt når eigedomen vert nytta til næringsverksemd.

Det vert skrive ut eigedomsskatt på det særskilte skattegrunnlaget som vert redusert med 4/7 delar i 2022 (overgangsregel til §§ 3 og 4 første ledd første pkt.). Skattesatsen på det særskilte skattegrunnlaget skal være 7 promille.

I medhald av esktl. § 7 bokstav a vert det gitt fritak til stiftingar eller institusjonar som har som formål å gagna kommunen, fylket eller staten. Unnateke er kommersielle stiftingar/institusjonar. Fritaket vil gjelda forsamlingshus, bedehus, turisthytter og liknande. Fritak kan og vurderast på grunnlag av søknad.

I medhald av esktl. § 7 bokstav b vert det gitt fritak for bygningar som har historisk verdi med 100 prosent. Fritak kan og vurderast på grunnlag av søknad. Det er eit krav at bygget har bevart sin opphavlege arkitektoniske stil og at det ikkje vert brukt til forretningsverksemd.

I medhald av eigedomsskattelova § 7 bokstav c vert det gitt fritak for nybygde bustadeigedomar (gjeld ikkje fritidseigedomar) i 2 år, eller til kommunestyret endrar eller opphevar fritaket. Formannskapet får fullmakt til å avgjera einskildsaker om skattefritak.

Kommunestyret har vedtatt å bruka formuesgrunnlag frå skatteetaten for utskriving av eigedomsskatt på bustadhus, jf. esktl. § 8C-1. Bustadhus og hytter utan formuesgrunnlag vert takserte. Det same gjeld næringsverksemd, tomtar mm. Ved taksering og utskriving av eigedomsskatt nyttar kommunen dei til ei kvar tid gjeldande skattevedtekter.

Eigedomsskatten skal betalast i 4. terminar.

Behandling

Handsaming:

Før handsaminga var det orienteringar ved Øystein Granheim frå Agenda Kaupang, konstituert rådmann Jan Erik Boge og økonomisjef Nina Erdal. Økonomisjefen orienterte mellom anna om endringar som Støre-regjeringa har foreslått i statsbudsjettet for 2022 etter at sakspapira til formannskapsmøtet 11.11.2021 vart sendt ut.

Etter desse orienteringane fekk Odd Arne Haga (Frp) permisjon frå møtet frå kl. 12.30, før formannskapet starta på handsaminga av saka. Linda Haug Kollbotn (Frp) gjekk inn som varamedlem for Odd Arne Haga.

Linda Haug Kollbotn sette fram framlegget om bygging av fleirbrukshall i Hagbotnane som Odd Arne Haga hadde lagt inn i Møteportalen før han fekk permisjon frå møtet.

Knut Harald Frøland (Bl) bad om gruppemøte.

Etter gruppemøtet presenterte økonomisjef Nina Erdal følgjande forslag til disponering av dei ekstramidlane til Samnanger kommune som ligg i Støre-regjeringa sine endringar i framlegg til statsbudsjett for 2022:

"Endringar i framlegg til statsbudsjett vert lagt inn i budsjettet:

• Auka skatt og rammetilskot i kr 1 402 000 i 2022

• Redusert inntekt frå foreldrebetaling i barnehage kr 113 000

- Tiltak skattevekst som landsgjennomsnittet i økonomiplanperioden vert tatt ut, kr 200 000
- Midlar til DigiVestland vert lagt inn i budsjettet med kr 149 700 pr år

- Utvida opningstid Formannskapssak 061/2021 vert lagt inn i budsjettet
- Sal av sjukeheimsplassar vert redusert med kr 900 000 i 2022 og 1 mnok i 2023
- Resterande vert sett av til disposisjonsfond"

Det var semje i formannskapet om å røysta over forslaget som økonomisjefen presenterte. Det var òg semje om å røysta over utkastet til finansielle nøkkeltal for 2022 som ligg i rådmannen si saksutgreiing:

• Årleg avsetning til disposisjonsfondet skal i gjennomsnitt vera minst 2 mnok i økonomiplanperioden.

• Disposisjonsfondet skal vera på minst om lag 15 mnok ved utgangen av økonomiplanperioden.

• Netto driftsresultat skal vera minst 0,23 prosent, men det skal arbeidast for å oppnå høgare driftsresultat enn dette i åra etter 2022.

Røysting:

1. Røysting over framlegg til disponering av ekstramidlane til Samnanger kommune som ligg i Støre-regjeringa sine endringar i framlegg til statsbudsjett for 2022. Samrøystes vedteke.

2. Røysting over framlegg til økonomiske nøkkeltal. Samrøystes vedteke.

3. Røysting over framlegg frå Frp om bygging av fleirbrukshall i Hagabotnane. 1 røysta for og 8 røysta imot framlegget. Linda Haug Kollbotn (Frp) røysta for framlegget.

4. Det vart til slutt røysta over heile framlegget til budsjett og økonomiplan 2022-2025, med dei vedtekne endringane ovanfor. Samrøystes vedteke.