Møte i Naturutvalet den 25.05.2021

Vedtak

• Møteinnkallinga og saklista vert godkjent.

• Orienteringssaker/referatsaker vert tekne til orientering.

Behandling

Godkjenning av innkalling og sakliste:
Det var ingen merknader til møteinnkallinga eller saklista.

Eventuelle merknader til protokollen frå førre møte:
Ingen merknader.

Orienteringssaker:
Hilde-Lill Våge (einingsleiar samfunnsutvikling) gjekk igjennom hovudpunkta for Samnanger i årsrapporten frå Bergen og Omland friluftsråd (BOF). Det er mykje positivt for Samnanger i denne rapporten, til dømes den nye badevika i Teigavika på Bjørkheim.

Utvalet sitt kvarter:
VA Ytre-Tysse
Linda Haug Kollbotn (Frp) stilte spørsmålet:
Når er det oppstart for vann og avløp på Ytre-Tysse og blir fiber prioritert samtidig? Hilde-Lill Våge (einingsleiar samfunnsutvikling) orienterte om status i prosjektet. Dette arbeidet er godt i gang, og det skal inngåast avtalar med grunneigarar. Anbod på pumpestasjon er ute og det skal sendast ut informasjon til innbyggjarane i dei berørte områda. Kommunen har inngått rammeavtale med Odland maskin. Ole Martin Bruvik (ingeniør) overtek prosjektet etter at Nils Jonny Skar (leiar teknisk drift) no skal slutta i Samnanger kommune.

Muligheitsstudie Bjørkheim - Områdeplan
Øyvind Steinsland (Bl) viser til vedtak NAT 13.10.2020 sak 020/2020, og spurte om status i saka.
Hilde-Lill Våge (einingsleiar samfunnsutvikling) og Ragnhild Lønningdal (planleggjar) orienterte. Sakshandsamar held på med å hente inn fråsegn/merknader og uttalar. 14.juni skal kommunen delta i Regionalt planforum i Vestland. Sakshandsamar vil etter dette møte enklare kunna ta hensyn til fylket sine utsegn når utkast til ein endeleg plan skal utarbeidast og saka skal opp til handsaming til hausten.

Skiltplan
Anja Elisabeth Gjerde Markhus (Bl) lurte på status i arbeidet med skiltplanen for Samnanger.
Hilde-Lill Våge (einingsleiar samfunnsutvikling) orieterte om dette. Arbeidet er svært omfattande og eininga vil i første omgang konsentrera seg om å få på plass skilting og god merking i områda rundt Samnanger barneskule og Vassloppa barnehage.

Heis på kommunehuset
Karl B. Kollbotn (Frp) viste til vedtaket i kommunestyret og lurte på status i arbeidet med å få på plass heis i kommunehuset.
Hilde-Lill Våge (einingsleiar samfunnsutvikling) orienterte om dette. Anbod har vore ute og det har komme inn svar. Det gjennstår å velge leverandør og bestille heis. Heissjakta er klargjort for montering av ein såkalla rampeheis. John Einar Mjelstad vil overta prosjektet når han startar i jobben som leiar teknisk drift 11.juni etter Nils Jonny Skar. Nina Fredriksen (byggjesakshandsamar) vil også bistå.

Vedtak

Saka vert lagt fram utan tilråding.

Det skal til kommunestyremøte leggjast fram ein beskrivelse av miljøtilstand i Frølandsvatnet og kva eventuelle konsekvensar dette har for fauna og mogelege tiltak for å betre situasjonen.

Behandling

Ragnhild Lønningdal (planleggjar) orienterte om saka, og svarte på spørsmål frå representantane.

Karl B. Kollbotn (Frp) la fram eit framlegg til vedtak som seier at saka skal leggjast fram for kommunestyret utan tilråding frå naturutvalet.

Ordførar Knut Harald Frøland (Bl), som har jf. §9 i kommuneloven møte- og talerett, la fram følgjande tilleggspunkt:
"Det skal til kommunestyremøte leggjast fram ein beskrivelse av miljøtilstand i Frølandsvatnet og kva eventuelle konsekvensar dette har for fauna og mogelege tiltak for å betre situasjonen."Rådmannen sitt framlegg til vedtak vart sett opp imot framlegget til Kollbotn med ordførar sitt tilleggspunkt ved røysting.

Kollbotn sitt vedtak med ordførar sitt tilleggspunkt vart samrøystes vedteke.

Vedtak

Saka vert utsett, og skal handsamast i naturutvalet 15.06.2021.

Behandling

Ragnhild Lønningdal (planleggjar) presenterte saka og svarte på spørsmål frå representantane.

Uttale frå Vestland fylkeskommune, motteke 25.05.2021, vart sendt ut til alle representantane rett før møtestart.

Det vart lagt fram eit fellesframlegg til vedtak der handsaming av saka vert utsett til ekstramøte i naturutvalet som er sett opp 15.06.2021. Dette gjer til at administrasjonen får tid og høve til å setje seg skikkeleg inn i uttalen frå fylkeskommune og utgreia saka betre.

Fellesframlegget vart samrøystes vedteke.

Vedtak

Jf. vedtak 014/2019 i naturutvalet 28.05.19 får Samnanger jeger- og fiskerlag kr 20 000 i årleg driftstilskot. Tilskot for 2021 vert utbetalt snarleg.

Jf. vedtak 081/2019 i kommunestyret 05.12.19 får Kvamskogen næringsalg/Kvamskogen vel kr 15 000 i årleg driftstilskot til løypepreparering. Tilskot for 2021 vert utbetalt snarleg.

Jf. vedtektene for fondet, sak 002/2019 i formannskapet, vert det i oktober betalt ut for leige av grunn til laksetrapp (indeksregulert) – i 2021 er denne leiga på kr 7495.

Tohaugen Ve og Vel får kr 35 000 i tilskott til oppføring av gapahauk på Tohaugen som skal vera tilgjengeleg for ålmenta.

Tysse Jeger og fiskerlag får kr 5000i tilskott til aktivitetar i 2021.

Tysse Jeger og fiskerlag får kr 5000 i tilskott til kultiveringsarbeid og vedlikehald.

Tysse Trivselsgrend får kr 12 000 i tilskott til realisering av fuglekikkert og undervannskamera i Tysseelva og Tyssekaien.

Behandling

Magnus Erdal (Sp) sette spørsmål med sin gildskap. Han har vore med på dugnad med Tohaugen Ve og Vel, ein av søkjarane til fondsmidlane. Erdal gjekk ifrå medan gildskapen hans vart diskutert. Han eig ingenting i området Tohauden Ve og Vel disponerer og har heller ingen personlege økonomiske interesser. Representanten Erdal vart samrøystes funnen gild og deltok i handsaminga av saka.

Representantane diskuterte saka og rådmannen sitt framlegg til vedtak vart samrøystes vedteke.