Møte i Naturutvalet den 31.08.2021

Vedtak

I Samnanger kommune sin trafikksikringsplan er det eit høgt prioritert tiltak å gjera fv 579 (tidlegare 137) mellom Hisdal og Os om til forkøyrsveg. Statens vegvesen melde den gong tilbake at det føregjekk eit arbeid med å gjera alle fylkesvegar om til forkøyrsvegar, men ingenting har skjedd på fv 579. Me vil på nytt be om at dette arbeidet vert sett i verk.

I høyringsdokumentet Strategi for mjuke trafikantar går det fram at «Administrasjonen i Vestland fylkeskommune ønskjer tilbakemelding på 1-2 strekningar langs fylkesveg i kvar kommune som manglar tilrettelegging for mjuke trafikantar og som oppfyller kriteria for prioritering i strategien.»

Samnanger kommune sine innspel til prioritering av strekningar er:

1. Gang- og sykkelveg frå Bjørkheim til Bjelkarvika

   • Denne strekninga er i underkant av 300 meter langs fv 49, frå Bjørkheim sentrum til bustadområdet Bjelkarvika, der det er 17 bustader og 1 fritidsbustad. Gang- og sykkelvegenhar høg prioritet som tiltak i kommunen sin trafikksikringsplan frå 2017 og den er avklart i reguleringsplan for Bjørkheimsområdet. Gang og sykkelveg her vil gje bebuarane i Bjelkarvika moglegheit for å gå til sentrum utan å kryssa Fv 49 to gonger. Vidare kan skuleelevar gå til Bjørkheim sentrum for å kryssa fv 49 i 50-sone med overgangsfelt, i staden for å kryssa fv 49 ved Bjelkarviksvegen, i 60-sone utan overgangsfelt. Området i Bjelkarvika er sett av til framtidig bustadbygging i kommuneplanens arealdel, og det vil ved utarbeiding av reguleringsplan bli lagt opp til ei sentrumsnær fortetting i dette området.

2. Gang- og sykkelveg frå Hisdalen/Raunekleiva til Ådland

   • Strekninga på om lag 1,5 km langs fv 49 vil knyta bustadområda i Hisdalen, Raunekleiva og langs Liavegen til sentrum. Det er ikkje mogleg å gå til fots på denne strekninga i dag, og sykling er heller ikkje å tilrå.Tiltaket er avklart i kommuneplanens arealdel, men det er ikkje utarbeidd reguleringsplan.

I tillegg vil Samnanger kommune be Vestland fylkeskommune om å prioritera gang- og sykkelveg langs fv 49 i Eikedalen i samband med realisering av kommunedelplan for Fv 49 Tunell forbi Tokagjelet. Dette området kjem ikkje innunder kriteria som fylkeskommunen har sett for prioritering, men sidan det skal skje ei ny vegutbygging i regi av fylkeskommunen, meiner me at tilrettelegging for mjuke trafikantar må vera ein del av prosjektet. Det er allereie i dag eit stort behov for gang- og sykkelveg på denne strekninga. Eikedalen velforening har i mange år etterspurt tiltak for betre trafikktryggleik her, og dette tiltaket har høg prioritet i kommunen sin trafikksikringsplan. Det er aukande tal fastbuande i området, også barn. (Tal frå trafikksikringsplanen 2017: 28 fastbuande, 10 barn under 18 år.) I tillegg er Eikedalen eit utferdsområde for hytter og alpinanlegg. Det er verken fortau eller gangfelt, og fartsgrensa er 70 km/ t. Fylkeskommunen har nyleg vedteke at fartsgrensa ikkje vert sett ned på denne strekninga i Eikedalen, sjølv om den vert sett ned for andre strekningar av fv 49, på Kvamskogen. Det er ingen trygge alternativ til kryssing av fv 49. Ein forventar trafikkauke med den nye tunellen og stenging av Tokagjelet, og det vert då enda større behov for ei trygg løysing for gåande og syklande i Eikedalen.

Det har i svært mange år vore etterspurt avkøyringsfelt på fv 49 mot Lønnebakken bustadområde, og me vil spela dette inn som eit punkt som kjem med på prioriteringslistene til fylkeskommunen. Tiltaket ligg også inne i kommunen sin trafikksikringsplan frå 2017. Fartsgrensa på staden er 80 km/t og av- og påkøyring til busslomme for Samnanger barneskule ligg rett aust for avkøyring til Lønnebakken. På tidspunkt med tett trafikk dannar det seg fort kø bak bilar som kjem frå vest og skal inn til Lønnebakken.Det oppstår også farlege situasjonar ved oppbremsing før avkøyring utan at det er kø på staden. Ovanfor Lønnebakken er det også utviklingspotensiale for bustadområde med svært god nærleik til skule, men avkøyringa frå fylkesvegen må utbetrast før dette kan realiserast.

I områdeplan for Bjørkheim ynskjer Samnanger kommune å få utgreidd moglegheit for å etablera to rundkøyringar på fv 49; ei ved avkøyringa til Bjørkheim sentrum, og ei ved avkøyringa til Bjelkarvika bustadområde. Utgreiingar omkring dette vil bli gjenstand for høyring og offentleg ettersyn i pågåande planprosess for revisjon av områdeplan for Bjørkheimsområdet, men me vil no melda desse planane inn til fylkeskommunen også i samband med regional transportplan.

Trafikksikringsforslag: Sette ned fartsgrensen til 60 km/t ved på/avkjørsel til Lønnebakken. Skole og liv/helse er årsaken.

Viser til uttale E16:
Omkjøringsveg til E16, fra Bergen til Voss vil vere gjennom Samnanger. Dette gjeld både fylkesveg 579 (Os-Hisdal) og fylkesveg 49 (Trengereid - Granvin). Det er svært viktig det er ein trygg og trafikksikker omkjøringsveg, særleg med tanke på mjuke trafikantar. Det er fleire strekninger det ikkje er gang- og sykkelveg, og det er også fleire stader det ikkje er avkjøringsfelt, i sterkt trafikkerte kryss. Det er viktig at dette vert fulgt opp, før anleggsarbeidet startar opp E16 og Vossabanenen. Me syner også til uttale til regional transportplan og trafikksikringsplan for Samnanger om konkrete tiltak.

Bedre muligheter for innfartsparkering i kryss mellom Fv 579 og Fv 49. Ber om legge tilrette for bedre løsning med overgang mellom kollektiv og privat transport.Det må legges tilrette for en mer effektiv tilpasning av kollektiv transport. Det er mangel på godt tilrettelagte busslommer langs med FV- spesielt i trafikkknutepunkt.

Behandling

Det vart sett fram ei rekkje tilleggsforslag til vedtak. Desse var alle felles framlegg. Rådmannen sitt framlegg pluss alle tilleggsframlegga vart samrøystes vedteke.