Møte i Naturutvalet den 15.06.2021

Vedtak

• Møteinnkallinga og saklista vert godkjent.

• Orienterings-/referatsaker vert tekne til orientering.

Behandling

Godkjenning av innkalling og sakliste:
Ingen merknader til innkallinga eller saklista.

Eventuelle merknader til protokoll frå førre møte:
Ingen merknader.

Utvalet sitt kvarter: VA - Eikedalen: Monica Tjønna (Sp) stilte følgjande spørsmål:
Kva er status på VA/gang og sykkelsti i Eikeldalen? Ber om anslått tidsaspekt på oppstart graving til ca slutt dato ferdigstilling prosjekt.

Svar frå rådmannen:
Samnanger kommune er ferdig med forprosjektet for utbygging av vass- og avløpsleidning gjennom Eikedalen. Forprosjekt vil seie at alle avklaringer vedrørende trasevalg, plassering av punmpestasjoner med meir er avklart, og det føreligg ferdige planteikningar på dette. Neste steg i prosessen vil vere at kommunen avklarer framdrift i lag med Kvam. Både finansiering og framdrift vidare ligg til rådmannskontoret å avklare. Når avklaringer her er gjort, skal Kvam  ta ansvaret for offentleg anbud, detaljprosjektere ( lage arbeidteikningar) og ha ansvaret for byggeoppfølginga ( jf.kontaktsavtalen mellom kommunane). Rådmannen sjekker status i saka med Kvam kommune. Hyttene i Samnanger kommune er alt knytt til.
Bustadar må koble seg på, hyttereigarar vert ikkje tvungne.

Leikeplass på Haga.Anja Elisabeth Gjerde Markhu (Bl) spør om status i saka.
Einingsleiar samfunnsutvikling Hilde-Lill Våge orienterte utvalet.

Vedtak

Med heimel i plan- og bygningslova § 19-2 vert det gjeve dispensasjon frå delar av bandleggingssona H710 i kommunedelplan for Fv 49 Tunnel bak Tokagjelet, for gjennomføring av delar av reguleringsplan for Eikedalen hyttegrend. Bandleggingssona H710 gjeld krav om framtidig regulering av ny trasé for fv 49 for heile planområdet innanfor kommunedelplanen.

Dispensasjon vert gjeve til følgjande område i reguleringsplan for Eikedalen hyttegrend, som har overlapp med kommunedelplan for Fv 49:

• Felles køyreveg f_SKV2, inkludert sideareal annan veggrunn

• Felles parkeringsplass f_SPA1

• Felles renovasjonsareal f_BKT1

Ein slik dispensasjon set ikkje vesentleg til sides nokon av dei omsyna som bandleggingssona eller plan- og bygningslova skal ta i vare. Etter ei samla vurdering meiner me at fordelane er klårt større enn ulempene, og det kan gjevast dispensasjon på vilkår.

Det vert stilt følgjande vilkår for dispensasjonen:

• Fram til endeleg reguleringsplan for Tokagjelet skal det uten Vestland fylke sitt samtykke ikkje tillatast andre tiltak enn veg, parkeringsplass og renovasjonsareal innanfor bandleggingssona.

• Dersom Vestland fylke i samband med Tokagjelet-prosjektet utarbeider reguleringsplan som fører til innløysing av areal som denne dispensasjonen gjer løyve til å utbygge, skal auka kostnader og risiko i denne forbindelse ligge på Samnanger kommune. Deriblant, men ikkje bregrensa til auka utgifer ved innløysing av eigedom og opparbeiding av areal. Samnanger kommune dekkar likevel ikkje Vestland fylkeskommune sine interne kostnadar til sakshandsaming, eller eventuell konsulentbistand dei ynskjer å henta inn.»

Behandling

Monica Tjønna (Sp) bad om å få vurdert sin gildskap då ektemannen hennar er grunneigar i det berørte området. Tjønna gjekk i frå medan utvalet handsama gildskapen hennar. Ho vart samrøystes funne ugild jf. forvaltningslova §6b, og deltok difor ikkje i handsaminga av saka.

Etter førre handsaming har administrasjonen komme med nye oppølysningar i saka. Utvalet var einige om at det vert sett på som liten sjanse for at det vert store kostnader for Samnanger kommune.

Rådmannen sitt framlegg til vedtak inkl. vilkår vart samrøystes vedteke.

Vedtak

Med heimel i plan- og bygningslova § 19-2 vert det ikkje gjeve dispensasjon frå kommuneplanens arealdel til etablering av flytebrygge på gbnr. 34/21. Grunngjeving for vedtaket er at omsyna bak arealføremåla og byggjegrensa i kommuneplanen vert vesentleg sett til side, og fordelane med å gje dispensasjon er klårt mindre enn ulempene for ålmenta. Ein dispensasjon i denne saka vil vere i strid med m.a.tiltaksforbodet langs sjø og vassdrag jf.pbl.§1-8, og ein dispensasjon i denne saka vil kunne medføre ei ytterlegare uønska privatisering av strandsona rundt Eikedalsvatnet. Det ligg òg fleire andre eigedomar langs vatnet i dette området.

Behandling

Utvalet diskuterte saka.

Representantane i utvalet stilte spørsmål om retningsliner for utlegging av flytebrygger eventuelt kan takast med i arealdelen av kommuneplanen.

Rådmannen sitt framlegg til vedtak vart vedteke med 5 mot 4 røyster.
Desse stemte imot: Thorvald Moe (H) , Karl B. Kollbotn (Frp) , Linda H. Kollbotn (Frp) og Oskar Røen (MDG).

Vedtak

Uttale til høring av meldingom kraft frå land ang. NOA/Krafla

Samnanger kommunen har stilt mykje natur til rådvelde allereie, og vil ikkje lengre godta naturinngrep i vår kommune i prosjekter som ikkje gagnar våre innbyggjare. Synlege og varige inngrep er ikkje akseptabelt. Natur og friluftsliv vert alltid tapare for slike type prosjektar, og pengar og økonomi veg diverre tyngre enn omsynet til naturen vår som er uerstatteleg. Me meinar at naturen vår MÅ vega absolutt tyngst.

Elektrifiseringa frå land til norsk sokkel er me negative til.

Me viser til vedtak i Samnanger kommunestyre den 22.04.2021 til KVU frå Statnett Bergen og Omland.

Samnanger kommune krev å få vera aktiv høyringsinnstans og me krev å få delta i alle prossesar som berørar vår kommune.

Trasevalget frå Børdalen til fjordkabel gjennom Samnanger kommune er uønska.

Behandling

Skriv frå Karl B. Kollbotn (Frp) vart ettersendt til naturutvalet sine medlemmar 14.06.2021. Det vart semje om at denne saka skulle behandlast i utvalet, og at naturutvalet skulle sende inn høyringsuttale til NVE i konsesjonssaka "Landstrømanlegg til NOA/ KRAFLA" (saknummer 202106086) innan fristen 21.06.2021. Saka vart difor teken inn på saklista og handsama i møtet.

Monica Tjønna (Sp) sette fram følgjane fellesframlegg i saka:

"Samnanger kommunen har stilt mykje natur til rådvelde allereie, og vil ikkje lengre godta naturinngrep i vår kommune i prosjekter som ikkje gagnar våre innbyggjare. Synlege og varige inngrep er ikkje akseptabelt. Natur og friluftsliv vert alltid tapare for slike type prosjektar, og pengar og økonomi veg diverre tyngre enn omsynet til naturen vår som er uerstatteleg. Me meinar at naturen vår MÅ vega absolutt tyngst.

Elektrifiseringa frå land til norsk sokkel er me negative til.

Me viser til vedtak i Samnanger kommunestyre den 22.04.2021 til KVU frå Statnett Bergen og Omland.

Samnanger kommune krev å få vera aktiv høyringsinnstans og me krev å få delta i alle prossesar som berørar vår kommune.

Trasevalget frå Børdalen til fjordkabel gjennom Samnanger kommune er uønska."

Fellesframlegget frå representanten Tjønna vart samrøystes vedteke.