Møte i Kommunestyret den 11.11.2021

Vedtak

Innkalling og sakliste vert godkjent.

Behandling

Samrøystes vedtak.

Vedtak

Orienterings-/referatsaker vert tekne til orientering.

Behandling

Eventuelle merknader til protokollen frå førre møte:
Ingen merknader.


Ordføraren orienterer:
Ordførar Knut Harald Frøland (Bl) viste til innlegg frå hovudtillitsvalde og hovudverneombodet i Samningen 11.11.2021 og varsla at han vil ha ei høyring om denne saka.


Utvalet sitt kvarter:

Tilskot - digital opplæring for eldre
Solveig Vassenden (Bl) viste til tilskotsmidlane som kommunen har fått, og stilte spørsmål ved korleis midlane vert brukt. Konstituert rådmann Jan Erik Boge viste til at det vart gitt orientering om bruken av desse midlane i kommunestyret 21.10.2021.

Koronasmittesituasjonen i Samnanger
Anja Elisabeth Gjerde Markhus (Bl) stilte spørsmål om smittesituasjonen i kommunen, og etterlyste fleire tiltak. Ho viste til at det no er mange smitta i kommunen. Konstituert rådmann Jan Erik Boge las opp svar frå kommuneoverlegen.

Vinmonopol i Samnanger
Odd Arne Haga (Frp) spurde om det stemmer at det no er bestemt at det kjem Vinmonopol i Samnanger. Ordførar Knut Harald Frøland (Bl) stadfesta dette.

Vedtak

Ove Sæbø vert tilsett som rådmann i Samnanger kommune med verknad frå 01.03.2022, på dei vilkåra som går fram av inngått intensjonsavtale. Det er seks månaders prøvetid i stillinga.
t%-kandidat til rådmanns

Behandling

Handsaming:
Knut Harald Frøland (Bl) erklærte seg ugild i saka og gjekk frå. Dag Nydal (Bl) gjekk inn som varamedlem for Knut Harald Frøland.

Øyvind Røen (Sp) gjekk inn som ordførar. Etter framlegg frå Øyvind Røen gjekk Martin Haugen (Bl) inn som setje-varaordførar.

Kommunestyret vedtok at handsaminga av saka skulle gå for lukka dører, med heimel i kommunelova § 11-5 andre avnsitt.

Etter at møtet var lukka, informerte Øyvind Røen om tilsetjingsprosessen og arbeidet arbeidsutvalet har gjort.

Anja Elisabeth Gjerde Markus (Bl) sette fram framlegg til vedtak.

Øyvind Strømmen (MDG) bad om at det vart gjennomført prøverøysting før den endelege røystinga i saka.

Monica Tjønna (Sp) bad om gruppemøte.

Etter gruppemøtet sette Monica Tjønna fram eit fellesframlegg (endringsframlegg) frå seg sjølv, Ap, H, MDG og Frp.

På spørsmål frå Øyvind Røen forklarte Monica Tjønna kva som er meint med "100 %-kandidat".

Etter innspel frå konstituert rådmann Jan Erik Boge vart det bestemt at det skulle leggjast til følgjande presisering på slutten av den siste setninga i innstillinga til arbeidsutvalet: ", med atterhald om resultat av referansesamtalar".

Prøverøysting:
I prøverøystinga vart det første avsnittet i innstillinga til arbeidsutvalet sett opp mot framlegget til Anja Elisabeth Gjerde Markhus. Innstillinga til arbeidsutvalet fekk 15 røyster og framlegget til Anja Elisabeth Gjerde Markhus fekk 6 røyster.

Røysting:
Det vart først røysta over endringsframlegget (fellesframlegget) frå Ap, H, MDG, Frp og Monica Tjønna. Framlegget vart vedteke med 12 mot 9 røyster.

Det vart så røysta over arbeidsutvalet si innstilling. 3 røysta for og 18 røysta imot.

Til slutt vart det gjennomført røysting der arbeidsutvalet si innstilling, justert med endringsframlegget frå Ap, H, MDG, Frp og Monica Tjønna, vart sett opp mot framlegget til Anja Elisabeth Gjerde Markhus. Det førstnemnde alternativet fekk 12 røyster og framlegget til Anja Elisabeth Gjerde Markhus fekk 9 røyster.