Møte i Naturutvalet den 08.02.2022

Vedtak

Innkalling og sakliste vert godkjent.

Behandling

Rådmannen sitt framlegg til vedtak vart samrøystes vedteke.

Vedtak

Orienterings-/referatsaker vert tekne til orientering.

Behandling

Utvalet sitt kvarter

Næringsareal på Lauvskarmyra
Oskar Røen (MDG) orienterte utvalet om at H-Mek Årland ønskjer å kjøpe tomt på Lauskarmyra. H-Mek har fått på plass ein intensjonsavtale med ein av grunneigarane i området. Tomta skal brukast til næring. H-Mek seier deg villig til å ta heile kostnaden med å opparbeide området til næring. Røen stilte også spørsmål om kor lang tid ein slik prosess vil ta.

Planleggjar Ragnhild Lønningdal fortalte at dette område er ein del av områdeplanen på Bjørkheim som ikkje er vedteken enda. Plassering av mellom anna fleirbrukshallen er difor ikkje bestemt enda. Dersom det vert vedteke å plassere fleirbrukshall på Lauskarsmyra må dette sjølvsagt sjåast saman med eit eventuelt næringsområde.

Rådmannen sitt framlegg til vedtak vart samrøystes vedteke.

Vedtak

Administrasjonen og ABO Stord AS arbeider vidare med Kommunedelplan for akvakultur med følgjande føringar for innhaldet i planen:

Det er potensiale for at ny teknologi kan gjera det mogleg å innfri miljøkrav, til dømes lukka anlegg med høg grad av reinsing. Det kan også tenkjast at det er mogleg med andre artar enn laks og sjøaure, til dømes tare, og at slik akvakultur vil innfri dei miljøkrava me stiller. Det vil då vera ei føremon for Samnanger at ein har tilgjengeleg og planavklart areal i kommunedelplanen, slik at ein kan få til ny næringsutvikling i kommunen, utan at det går på bekostning av miljøet. Me rår til at det i kommunedelplanen vert arbeidd vidare med alternativ 3 som nemnt i saksutgreiinga.

Alternativ 3: Gi lokalitetane Sagen II og Nygård høve til utviding/endring. Ta ut areala A02 og A04. Ta inn to nye areal i tillegg, lenger ute i fjorden, og med vilkår knytt til miljø eller art i føresegnene.

Konsekvens: Vidareføring av dagens situasjon, men ein gir dei to eksisterande anlegga fleksibilitet til å kunna justera på drifta. Ein legg også til rette for to nye anlegg der kommunen vil styra drifta med miljøkrav eller føresegner om kva art som kan oppdrettast.

Behandling

ABO Plan & Arkitektur avd. Stord v/ Sarah Eggereide (arealplanleggjar og marinbiolog) hadde ein presentasjon om arbeid dei gjer for Samnanger i samarbeid med kommunedelplanen for akvakultur. Presentasjonen som Eggereide hadde ligg vedlagt møteprotokollen.

Representantane i naturutvalet diskuterte saka, og Eggereide svarte på spørsmål.

Monica Tjønna (Sp) bad om eit gruppemøte. Etter gruppemøte sette Tjønna fram framlegg til vedtak på vegne av Øyvind Steinsland (Bl), Gunn Østvik Petersen (Ap), Anja Elisabeth Gjerde Markhus (Bl), Oskar Røen (MDG) og seg sjølv.

Framlegget til vedtak frå dei fem representantane vart sett opp imot rådmannen sitt.

Resultatet av røystinga vart for følgjer:

Rådmannen sitt framlegg til vedtak vart vedteke med 5 mot 4 røyster.

Vedtak

Med heimel i plan- og bygningslova §§ 19-2 og 11-6 vert det gjeve dispensasjon frå følgjande punkt i føresegnene til føremålet fritidsbustad:

1. Punkt 13.4 Byggjegrense 50 meter frå vassdrag og punkt 13.5 Kantvegetasjon på følgjande vilkår:

• Kantvegetasjon som vert fjerna skal reetablerast.

• Det er ikkje lov å plante inn annen vegetasjon enn det som er den naturlige vegetasjon mot Eikedalsvatnet. Dette gjeld også for skråningsutslag som følgjer av tiltakets plassering.

• Tiltaket skal ikkje skape nye barriærer for friluftslivet langs Eikedalsvatnet.

1. Punkt 16.6 Møne- og gesimshøgde i høve opphavleg terreng i samsvar med vedlagte teikningar.Planeringskote ligg på kote 390.Naboer sine utsikter mot vatnet, fjern- og nærverknad- vert lite berørt.

1. Føremålet LNF-føremålet for ei smal stripe i framkant av tomta.

1. Krav til påkopling til offentleg VA-nett så snart dette vert utbygd langs fv 49

Med heimel i plan- og bygningslova §§ 19-2 og 11-6 vert det ikkje gjeve dispensasjon frå følgjande punkt i føresegnene:

Punkt 12.1 Byggjehøgder, fyllingar og skjeringar skal tilpassast landskapet.

Me vurderer at ei fylling som meir tilpassa landskapet- ikkje vil gjere tomta mindre brukarvenleg- og rår til å endra prosjektet slik at fyllingsskråninga vert tilpassa landskapet, og behovet for dispensasjon fell bort.

Dette er eit enkeltvedtak og kan etter forvaltningslova §§ 28 og 29 påklagast innan 3 veker. Klagen skal grunngjevast og sendast til kommunen for vidare handsaming.

Behandling

Naturutvalet diskuterte saka.
Rådmannen sitt framlegg til vedtak vart samrøystes vedteke.

Vedtak

Me meiner at reetablering av innmarksareala og starte opp med utegangar-sau er eit viktig samfunnshensyn. Behovet for ein meir funksjonell- og sikker adkomst, vil styrke dette samfunnshensynet og bør prioriterast høgt i vektlegginga av dei samfunnshensyna som er relevante for denne saka. Det er også vektlagt at andre samfunnshensyn i saka ikkje vert vesentleg tilsidesatt i den konkrete vurderinga.

Men heimel i plan-og bygningslova §19-2 vert det gjeve dispensasjon frå kommuneplanen sin arealdel - pkt. 13.1, jf. pbl §1-8 - til føremålet kai på GBNR 4/6 på vilkår:

Arbeidet skal settast i gang seinast 3 år etter at løyve er gjeve, elles fell løyve bort. Det same gjeld dersom arbeidet er innstilt i meir enn 2 år, jf. pbl. §21-9.

Tiltaket skal utførast i samsvar med gjeldande krav i plan og bygningslova med tilhøyrande forskrifter.

Behandling

Naturutvalet diskuterte saka.
Rådmannen sitt framlegg til vedtak vart samrøystes vedteke.

Vedtak

Med heimel i plan- og bygningslova § 12-8 og kommuneplanens arealdel pkt. 37.1 vert detgjeve løyve til å starta privat reguleringsplan for bustad på eigedomen GBNR 25/176, samt naudsynt areal for samleveg frå kommunal veg Hagabakkane. Samnanger kommune tek ansvar for å sikra tilfredsstillande og trygge trafikkløysingar for alle trafikantgrupper til Hagabotnane.

Behandling

Naturutvalet diskuterte saka.
Rådmannen sitt framlegg til vedtak vart samrøystes vedteke.

Vedtak

Samnanger kommune sitt primærstandpunkt er at det ikkje bør byggjast kabel frå Børdalen for å forsyna oljefelta NOA og Krafla i Nordsjøen med landstraum. Me er i ein situasjon der sentrale delar av Vestland fylke, og omliggjane kommunar rundt Bergen, manglar naudsynt kraft til å etablering av ny og moderne industri. Kraftmangel i Bergensregionen vil kunna forseinke det grønne skiftet og føre til tap av mange nye arbeidsplassar. Lokalt i Samnanger er me bekymra for det planlagde datasenteret i Børdalen. I tillegg kan det oppstå ein situasjon at dersom det kjem interesserte bedrifter som ønskjer å etablere seg i Rolvsvåg - så kan knappheit på fornybar energi være ein medvirkande årsak til at dei ikkje etablerer seg i industriområdet vårt. Når ein ser heile Vestland fylke under eit, kan det bety at regionen vil miste 1000-vis av arbeidsplassar til andre regionar i Norge. Dette er uheldig. Etter vår vurdering vil det være riktig å prioritere utbygging av overføringskapasitet internt i Vestland fylke og auka kraftproduksjonen, før ein vel å senda straumen ut i Nordsjøen. Elektrifisering av sokkelen vil isolert sett òg føre til enda høgare straumpris for bedrifter og innbyggjarar. Dette meiner me er feile prioriteringer. Dersom konsesjonen likevel blir godkjent hos NVE, ønskjer vi å uttale følgjane:

Søknaden med konsekvensutgreiing og vedleggsrapportar framstår som veldig grundig utført, og det er gjort stor grad av nykartlegging og observasjonar i felt, i tillegg til innhenting av eksisterande data. Me har inntrykk av at konsulentane har opphalde seg mykje i Samnanger i perioden utgreiingane har pågått, og har opparbeidd seg god kjennskap til dei lokale forholda.

Det er positivt at det er gjort tilpassingar og funne nye løysingar undervegs i søknadsutarbeidinga/konsekvensutgreiinga. Mellom anna er transformatorstasjonen flytta frå Gaupholmsmarka til Børdalen, landfallet er flytta frå Barmen til Ospevika, og det er brukt meir jordkabel enn først planlagt frå Gaupholmsmarka til Ospevika. Endringane har kome etter dialog med t.d. grunneigarar, kommunen, oppdrettarar, og i samband med kartlegging av verdiane i området. Kommunen ynskjer vidare tett dialog om parallellføringa langs den kommunale vegen Ytre-Tysse, i samband med detaljprosjektering og utarbeiding av miljø-, transport- og anleggsplan (MTA). Me er positive til idéen om at Ospevika kan verta oppgradert. Her ynskjer kommunen at søkjar finn gode løysingar i lag med grunneigarane og kommunen. Det er mellom anna ynskjeleg frå kommunen si side å få hogd skogen som skuggar for sola, slik at dette igjen kan verta eit attraktivt bade- og rekreasjonsområde.

Det er både positive og negative sider ved at luftlinjer og jordkabel vert lagt parallellt med eksisterande inngrep. Det er negativt at dei eksisterande inngrepa vert auka/utvida, men det er positivt at ein då ikkje legg beslag på ny, urørt natur. Omsøkt alternativ er det alternativet me også meiner er best, sjølv om me ikkje nødvendigvis støttar idèen om å henta straum frå land for å elektrifisera sokkelen. Det er svært store inngrep Samnanger må tola, for at klimaforpliktingane til Noreg skal haldast. Særleg det terrestriske naturmangfaldet vert råka hardt, i samband med ryddebelta under kraftlinene. I tillegg brukar ein kraft som det er behov for på land i regionen vår, kraft som det er behov for til dømes for at ny, grøn industri skal kunna etablera seg.

Behandling

Naturutvalet diskuterte saka. Eining for sammfunnsutvikling v/ Planleggjar Ragnhild Lønningdal svarte på spørsmål frå representantane i naturutvalet.

Karl Bård Kollbotn (FrP) sette fram eit tillegspunkt til rådmannen sitt framlegg. Rådmannen sitt framlegg til vedtak vart sett opp imot Kollbotn sitt forslag; rådmannen sitt forslag inkludert tillegg.

Resultatet av røystinga vart som følgjer:

Kollbotn sitt framlegg til vedtak vart vedteke med 7 imot 2 røyster.