Møte i Naturutvalet den 31.05.2022

Vedtak

• Innkalling og sakliste vert godkjent.

Behandling

Rådmannen sitt framlegg til vedtak vart samrøystes vedteke.

Vedtak

• Orienterings-/referatsaker vert tekne til orientering.

Behandling

Rådmannen orienterer:

• Konstituert leiar ved Bjørnafjorden landbrukskontor.

• Ny administrativ organisering i Samnanger kommune frå 01.06.2022.

Utvalet sitt kvarter:

Pålegg om riving/ rehabilitering av hus på Ytre Tysse
Linda Haug Kollbotn (Frp) stilte spørsmål om status i saka om riving, eventuelt rehabilitering, av hus på Ytre Tysse ved ungdomsskulen.

Grøfterens langs kommunale vegar
Øyvind Steinsland (Bl) stilte spørsmål om korleis teknisk drift har planlagte grøfterens på kommunale veger. Han nemnar hekken ved parkeringsplassen i Nesodden som eit eksempel.
Rådmannen vil komma tilbake med svar på dette.

Vedtak

Statsforvaltaren i Vestland har bedt kommunestyra i Kvam, Samnanger og Vaksdal om å melda frå om det er lokal aksept i kommunane til oppstart av verneprosess for Øystesefjella.

Delar av det aktuelle området for vern ligg i Samnanger. Det er denne delen av området Samnanger kommune kan gje aksept for.

Samnanger kommune gir aksept til å senda ut oppstartmelding for verneprosess.

Behandling

Rådmannen sitt framlegg til vedtak vart samrøystes vedteke.

Vedtak

Me rår til at det i trafikksikringsplanen vert arbeidd vidare med følgjande fokusområde, der dei fem første bygger på tidlegare fokusområde, medan dei to siste fokuserer på den framtidige utviklinga av kommunen:

- Skuleveg

- Gang- og sykkelveg

- Vedlikehald og rassikringstiltak

- Kollektiv- og andre tiltak

- Langsiktige tiltak utan prioriteringar

- Fleirbrukshall

- Lokalsentrum

I arbeidet med medverking, har me peika ut Samnanger ungdomsskule, Samnanger barneskule, Vassloppa og Dråpeslottet barnehagar, og ungdomsrådet som viktige bidragsytar til å kartleggje trafikkfarlege situasjonar. I arbeidet med TS-planen vil me ta direkte kontakt med desse. Vidare medverking vil skje igjennom lokalavis, heimesida og facebooksida til kommunen.

Me rår til at tiltaka i planen ikkje blir vurdert etter prioritering no, men at det heller vert gjort ei vurdering på tiltak som kan takast ut eller inn i TS-planen.

Følgande vert teke med som innspel med tanke på trygg skuleveg til barneskulen:
- videre vurdering av kvitstripe eller fortau ved Gjerdsvegen
-Vurdera om frivillige kan gå patrulje
- Betre skilting i området

Behandling

Utvalet diskuterte saka og Monica Tjønna (Sp) sette fram eit tilleggspunkt.

Det vart røysta for og imot rådmannen sitt framlegg til vedtak. Dette vart samrøystes vedteke.
Deretter vart det røysta over rådmannen sitt framlegg inkludert Tjønna sitt tilleggspunkt. Dette vart også samrøystes vedteke.

I denne saka vart det samrøystes vedteke to ulike vedtak. Rådmannen fekk difor, etter møtet var avslutta, avklart med utvalsleiar korleis administrasjonen skal tolke dette.

Konklusjon: Rådmannen sitt framlegg inkludert Tjønna sitt tilleggspunkt er gjeldande vedtak i saka.

Vedtak

Samnanger Jeger- og Fiskerlag vert tildelt:

• kr 3750 til vøling som gjenstår på «Smia»

• kr 3750 til nytt tak på fiskebua ved steinkaien på Tysse

• kr 7 500 til kultiveringsarbeid i Holmavatnet

Jf. vedtak 014/2019 i naturutvalet 28.05.19 får Samnanger Jeger-og Fiskerlag kr 20 000 i årleg driftstilskot uavhengig av vedtak i denne saka. Tilskot for 2022vert utbetalt snarleg.

Behandling

Utvalet diskuterte om fondet vert markedsført på rett måte og om ulike foreiningar og organisasjonar er klar over kva ein kan søkje pengar om. Dei diskuterte også om namnet er for snevert og om det kanskje bør endrast.

Utvalet spurte om kor mykje pengar det er på fondet pr. no. Rådmannen kjem tilbake til dette.

Rådmannen sitt framlegg til vedtak vart samrøystes vedteke.

Vedtak

Med heimel i plan- og bygningslova § 11-14 vert Kommunedelplan for akvakultur i sjø 2022 – 2031 sendt på høyring og lagt ut til offentleg ettersyn med følgjande plandokument:

Planomtale, dagsett 10.05.2022

Føresegner, dagsett 10.05.2022

Plankart, dagsett 10.05.2022

Konsekvensutgreiing og ROS-analyse akvakultur, dagsett 10.05.2022

Underlagsdokumenta vert også lagt ut i lag med planen:

Resipientgransking Samnangerfjorden 2021

Notat – miljøkrav 30.11.2021

Notat – Arealanalyse akvakultur 07.10.2021

Behandling

Utvalet diskuterte saka og rådmannen sitt framlegg til vedtak vart samrøystes vedteke.