Møte i Kommunestyret den 20.10.2022

Vedtak

Innkalling og sakliste vert godkjent.

Behandling

Det var ingen merknader til innkallinga eller saklista.

Vedtak

Orienterings-/referatsaker vert tekne til orientering.

Behandling

Eventuelle merknader til protokoll frå førre møte:
Ingen merknader.


Orientering om prosjektet med landstraum til oljefelta NOA og Krafla
Orientering om status for prosjektet og vidare framdriftsplan. Orienteringa var ved Dines Haslund frå Aker BP. Helge Toft, Carl Christian Overholt og Camilla Hatleskog var også til stades under orienteringa. NVE har no avgitt innstilling til konsesjonssøknaden, og saka ligg no til handsaming i Olje- og energidepartementet. Forventa byggestart er hausten 2023, og forventa driftsstart er i 2026.


Grunngjevne spørsmål:

Grunngjevne spørsmål frå KrF om framtidig omsorgstilbod for fysisk aktive demente
Gunn Totland Moss (KrF) las opp spørsmåla. Ordførar Knut Harald Frøland (Bl) las opp svar frå rådmannen.

Grunngjevne spørsmål frå Frp om bubilparkering
Odd Arne Haga (Frp) las opp spørsmåla. Kommunalsjef HIlde-Lill Våge svara.

Grunngjevne spørsmål frå Frp om oppfølging av inaktive eldre
Odd Arne Haga (Frp) las opp spørsmåla. Kommunalsjef Edith Oma svara.

Grunngjevne spørsmål frå Frp om mobildekning i Rolvsvåg
Linda Haug Kollbotn (Frp) las opp spørsmåla. Ordførar Knut Harald Frøland svara og orienterte om kva som er gjort til no i denne saka.

Grunngjevne spørsmål frå Frp om 1995-bygget på Samnangerheimen
Linda Haug Kollbotn (Frp) las opp spørsmåla. Kommunalsjef Edith Oma svara.


Utvalet sitt kvarter:

Motorcrossgruppe i Samnanger idrettslag
Lena Tveit (Bl) orienterte om at det vil bli tatt opp ei motorcrossgruppe i Samnanger idrettslag. Dei leitar no etter eit område der gruppa kan driva aktiviteten sin.

Forvaltningskontrollar
Leiar i kontrollutvalet Arild Røen (H) gav ros til administrasjonen si oppfølging av forvaltningskontrollar som er gjennomført dei siste par åra.

Solskjerming i kommunestyresalen
Øyvind Steinsland (Bl) spurde om administrasjonen har plan for solskjerming i kommunestyresalen. Kommunalsjef Hilde-Lill Våge svara. Ho orienterte om at det er sett av midlar til dette i økonomiplanen.


Samrøystes vedtak.

Vedtak

1. Økonomirapportering per august 2022 vert tatt til orientering.

2. Følgjande budsjettjusteringar vert gjennomført i driftsbudsjettet:

Rådmannen gjer ikkje framlegg om endringar i driftsbudsjettet pr. 2. tertial.

1. Følgjande budsjettendringar vert gjennomført i investeringsbudsjettet.

Investeringane er gjort greie for under investeringsbudsjett i saksutgreiinga:

Med denne budsjettjusteringa vert det flytta 0,6 mill. kr frå opprusting kommunale vegar, bruer og kaiar til tilkomst helsetun og merking sjukeheim.

Behandling

Formannskapet si innstillling vart samrøystes vedteken.

Vedtak

Finansrapportering for 2. tertial 2022 vert tatt til orientering.

Behandling

Formannskapet si innstilling vart samrøystes vedteken.

Vedtak

Til møte i kommunestyret8.12 vert det lagt fram ei vidare utgreiing av alternativa Tjoraklumpen og Tysse som ei permanent løysing. Utgreiinga spesifiserer blant anna arealbehov, kostnad, tidsperspektiv/framdriftsplan og visualisering av tomtealternativet. Prosjektgruppa som er foreslått i framlegget til rådmannen vert involvert i utgreiinga.

Til møte i kommunestyret 8.12 er det også ynskjeleg med meir informasjon om krav om utrykningstid, og om desse krava er absolutte når det gjeld vurdering av tomtealternativ.

Behandling

Handsaming:
Anja Elisabeth Gjerde Markhus (Bl) bad om å få gildskapen sin vurdert, på bakgrunn av at far hennar er grunneigar i det aktuelle området. Ho gjekk frå medan kommunestyret vurderte gildskapen hennar. Ho vart samrøystes funnen ugild og deltok som følgje av dette ikkje i handsaminga av saka.

Arild Røen (H) sette fram framlegg til vedtak.

Øyvind Steinsland (Bl) bad om gruppemøte.

Etter gruppemøtet sette Ove Totland (Bl) fram framlegg til vedtak. Dette var eit fellesframlegg frå Bygdalista, Senterpartiet, Kristeleg Folkeparti og Framstegspartiet. Framlegget var lagt inn i Møteportalen av Martin Haugen (Bl).

Arild Røen trekte det første framlegget sitt og sette fram eit nytt framlegg til vedtak. Dette var eit fellesframlegg frå Høgre, Arbeiderpartiet og Miljøpartiet Dei Grøne.

Før røystinga vart det gjort ei endring i fellesframlegget frå Bygdalista, Senterpartiet, Kristeleg Folkeparti og Framstegspartiet. Dette endringsframlegget vart lagt inn i Møteportalen av Martin Haugen.

I røystinga fekk fellesframlegget frå Bygdalista, Senterpartiet, Kristeleg Folkeparti og Framstegspartiet 12 røyster og vart vedteke. Fellesframlegget frå Høgre, Arbeiderpartiet og Miljøpartiet Dei Grøne fekk 8 røyster.

Vedtak

Samnanger kommune vedtek lokal forskrift om gebyr for feie- og tilsynstenester dagsett 20.10.2022 med heimel i brann- og eksplosjonsvernloven § 28 andre ledd.

Behandling

Formannskapet si innstilling vart samrøstes vedteken.

Vedtak

1. Samnanger kommune inngår avtale med Eviny om overdraging av bygg og eigedom på Frøland (GBNR 39/9).

2. Med bakgrunn i usikre tilhøve m.o.t. fjellsikring og vøle av tak får rådmannen fullmakt til å inngå avtale som inneber kjøpesum for bygga/eigedomen på 7,0 millionar kroner, jf. pkt. 1

3. Tidspunkt for overdraginga vil vera tre månader etter at avtale/kontrakt er inngått. Overdraginga vert innarbeid i budsjettet slik at ho kan gjennomførast i 2023.

Behandling

Handsaming:
Før debatten i saka orienterte kommunalsjef Hilde-Lill Våge om kva tilbakemelding administrasjonen har fått frå Eviny om punkt 4 i innstillinga til formannskapet, samt om nokre problemstillingar knytt til utbetring av taket på Eviny-bygget.

Ordførar Knut Harald Frøland (Bl) bad om gruppemøte.

Etter gruppemøtet sette ordførar Knut Harald Frøland fram framlegg om å lukka møtet under den vidare handsaminga av saka, med heimel i kommunelova § 11-5 tredje ledd bokstav b. Møtet vart lukka medan kommunestyret drøfta dette framlegget. Møtet vart opna igjen før kommunestyret røysta over framlegget om lukking. Det vart samrøystes vedteke å lukka møtet under den vidare handsaminga av saka. Resten av handsaminga av saka gjekk som følgje av dette for lukka dører.

Øyvind Strømmen (MDG) sette fram framlegg til vedtak.

Øyvind Røen (Sp) sette fram framlegg til vedtak. Dette var eit endringsframlegg i forhold til formannskapet si innstilling.

Det vart først røysta over formannskapet si innstilling. Ingen røysta for denne innstillinga.

Det vart så gjennomført røysting der framlegga til Øyvind Strømmen og Øyvind Røen vart sette opp mot kvarandre. Framlegget til Øyvind Røen fekk 11 røyster og vart vedteke. Framlegget til Øyvind Strømmen fekk 10 røyster.

Vedtak

Tommy Thompson vert vald som medlem i utvalet, og erstattar Tor Monsen, som har tredd ut.

Samnanger kommune vedtek følgande endringar i Retningslinjer for barnevernsutvalet i Samnanger kommune:

1. Under avsnitt sakshandsaming vert følgande lagt til etter 2. ledd:

I tillegg vert det halde eitt møte kvart halvår der rådmann, kommunalsjef, barnevernleiar og barnevernutvalet tek del. Rådmannen kallar inn. Føremålet er overordna dialog.

Det skal også haldast tre faste møte kvart halvår der barnevernleiar (og øvrige barneverntilsette etter avtale) møter saman med barnevernsutvalet. Hovudføremålet med desse møta er systematisk utvikling av barnevernet i Samnanger. Barnevernleiar kallar inn.

2. Avsnittet sakshandsaming 3. ledd vert endra til:

Barnevernutvalet syter for sekretær til møta dei arrangerer eller tek del i, og fakturerer barneverntenesta for medgått tid.

3. Avsnittet evaluering vert endra til:

Barnevernutvalet skal evaluerast i løpet av vårhalvåret 2024.

Heimel for vedtaket:

• Retningslinjer for barnevernsutvalet i Samnanger kommune

Behandling

Handsaming:
Øyvind Strømmen (MDG) sette fram framlegg med ei redaksjonell justering i forhold til rådmannen sitt framlegg.

Framlegget til Øyvind Strømmen vart samrøystes vedteke.

Vedtak

1. Kommunestyret ber om at administrasjonen kjem attende med ei sak om revidering av reglementa for folkevalde organ. Det vil vera naturleg å gjera dette tidleg i neste kommunestyreperiode.

2. Kommunestyret vedtek følgjande reglar for spørsmål og interpellasjonar, rådmannen får mynde til å gjera redaksjonelle endringar i reglementet, inklusive endring / flytting av underoverskrifter:

Spørsmål og interpellasjonar til ordførar/rådmann
Kommunestyret kan på ulike måtar stilla spørsmål og koma med innspel om saker som ikkje står på saklista til eit kommunestyremøte (jf. kommunelova § 11-2, 4. ledd).
• Det kan brukast totalt 60 minutt til spørsmål og interpellasjonar i kvart møte. Kommunestyret kan med særskilt vedtak utvida denne tida.
• Spørsmål og interpellasjonar skal handsamast først i møta.
• Spørsmål og interpellasjonar som ikkje vert handsama i den tilmålte tida i eit møte, må fremjast på nytt i neste møte.
• Det er to hovudgrupper av spørsmål/interpellasjonar: 1) Enklare, konkrete spørsmål som kan svarast på utan at det vert gjort mykje utgreiingsarbeid. 2) Spørsmål og innspel (interpellasjonar ) som krev meir omfattande utgreiingar og/eller svar.
• Spørsmål og innspel i gruppe 2, jf. førre punkt, skal fremjast skriftleg seinast åtte dagar før kommunestyremøta. Det skal svarast skriftleg på spørsmål/innspel i denne gruppa.
• Spørsmål og innspel i gruppe 2 skal skal sendast ut saman med møteinnkallingane og sakspapira. Dei skal òg gjerast tilgjengelege på kommunen si nettside saman med andre sakspapir. Det same gjeld svara når dei er klare.
• Spørsmålsstillaren/interpellanten må sjølv vurdera og opplysa om i kva gruppe han meiner spørsmålet/interpellasjonen høyrer heime. Ordføraren vurderer, i samråd med rådmannen, om spørmålet/innspelet er plassert i rett gruppe.

1. Enkle, konkrete spørsmål
• Enkle spørsmål om konkrete saker kan stillast munnleg til ordføraren i møtet eller sendast skriftleg til ordføraren seinast kl. 10 dagen før møtet. Ordføraren kan lata rådmannen, eller ein som representerer rådmannen, svara.
• Dei spørsmåla som har vorte fremja skriftleg, skal svarast på først.
• Dersom det ikkje er mogeleg å gje svar på spørsmålet i møtet, skal ordføraren syta for at spørsmålsstillaren får svar på neste kommunestyremøte, eller at det vert sendt svar i e-post til heile kommunestyret.
• Ved handsaminga av spørsmål kan den som spør, og den som svarar, ha eitt innlegg kvar. Dei kan dessutan ha ordet éin gong kvar til konkrete merknader. Ingen andre skal ha ordet.
• Spørjaren og den som svarar, får taletid på inntil fem minutt kvar for å reisa spørsmålet og svara på det.

2. Interpellasjonar / omfattande spørsmål
Interpellasjonar er spørsmål og innspel som er meir prinsipielle og/eller særleg omfattande, og som krev utfyllande svar, eventuelt debatt og avrøysting.
• Dersom ein interpellasjon vert meld seinare enn åtte dagar før eit møte, kan ordføraren nøya seg med eit kort, førebels svar og ta saka opp til full handsaming i neste møte.
• Under den fullstendige handsaminga av ein interpellasjon kan interpellanten og ordføraren / den som svarar på interpellasjonen, ta ordet to gonger. Dei andre representantane kan ha ordet éin gong.
• Handsaminga av ein interpellasjon skal ikkje vara meir enn 30 minutt viss ikkje kommunestyret vedtek noko anna.
• Det er ikkje høve til replikkordskifte ved handsaminga av interpellasjonar.
• Taletida i samband med interpellasjonar er fem minutt per innlegg
Interpellasjonar med framlegg
• Dersom det er knytt konkrete framlegg til ein interpellasjon, eller det kjem nye framlegg i interpellasjonsdebatten, er hovudregelen at kommunestyret med vanleg fleirtal vedtek å senda framlegga over til rådmannen («oversendingsframlegg»). Her kan kommunestyret be om at rådmannen legg fram ei sak som byggjer på interpellasjonen, i eit seinare møte.
• Kommunestyret kan òg realitetshandsama framlegg og gjera vedtak i møtet dersom ikkje møteleiaren eller 1/3 av kommunestyrerepresentantane motset seg dette (jf. kommunelova § 11-3, 5. ledd).
• Dersom kommunestyret vel å realitetshandsama ei sak vert denne sett på sakslista sist i møtet, med ordinære reglar for innlegg og replikkveksling.

Behandling

Handsaming:
Øyvind Strømmen (MDG) sette fram framlegg til vedtak.

Anja Elisabeth Gjerde Markhus (Bl) bad om gruppemøte.

Odd Arne Haga (Frp) fekk permisjon frå møtet frå kl. 16:50.

Etter gruppemøtet trekte Øyvind Strømmen det første framlegget sitt, og sette fram eit omforeint framlegg frå seg sjølv, Øyvind Røen (Sp) og Anja Elisabeth Gjerde Markhus (Bl).

Det omforeinte framlegget vart samrøystes vedteke.

Shirin Kvernes Khadoor (Ap) og Gunn Østvik Petersen (Ap) fekk permisjon frå møtet etter røystinga i sak 066 (kl. 17:05).

Vedtak

Jamfør den nye forskrifta for tilskot til frivilligsentralar § 7 vedtek Samnanger kommune å stilla med eitt årsverk i frivilligsentralen og lokal finansiering tilsvarande minst 40 % av frivilligsentralen sine totale driftsinntekter.

Tiltaket vert lagt inn i kultureininga sitt driftsbudsjett i Budsjett 2023 og økonomiplan 2023-2026. Eigendelen til kommunen vert estimert å vera om lag kr. 357 000.

Behandling

Ordførar Knut Harald Frøland (Bl) bad om å få gildskapen sin vurdert, på bakgrunn av at han er gift med leiaren i frivilligsentralen. Han gjekk frå medan kommunestyret vurderte gildskapen hans. Øyvind Røen gjekk inn som ordførar under denne vurderinga. Knut Harald Frøland vart samrøystes funnen ugild og deltok som følgje av dette ikkje i handsaminga av saka. Øyvind Røen heldt fram som ordførar i resten av handsaminga av saka.

Rådmannen sitt framlegg vart samrøystes vedteke.