Her ser du informasjon om eit møte i Formannskapet.
 
Clear
     
 

Møte i Formannskapet den 02.06.2022

Formannskapet
02.06.2022   08:30 - 16:00
Utval:Formannskapet
Dato:02.06.2022   08:30 - 16:00
Møtestad:Kommunestyresalen
Status:Møtet er ferdig protokollert
Sakskart:Møteinnkalling - Formannskapet - 02.06.2022 (Hoveddokument)
Møteprotokoll:Møteprotokoll - Formannskapet - 02.06.2022 (Hoveddokument)

Sakliste

  • Godkjenning av innkalling og sakliste Hoveddokument 69KB
    Brevdato: 25.05.2022
    Dokumenttype: Saksframlegg
    Ansvarlig enhet: Avdeling servicesenteret
    Sakshandsamar: Marianne Soleng

    Dokumenter

     

    Vedtak

    Innkalling og sakliste vert godkjent.



    Behandling

    Rådmannen sitt framlegg vart samrøystes vedteke.

  • Faste saker Hoveddokument 78KB

    016/2022 - 22/4226 - Faste saker

    Journaldato: 25.05.2022  1 dokument
    Brevdato: 25.05.2022
    Dokumenttype: Saksframlegg
    Ansvarlig enhet: Avdeling servicesenteret
    Sakshandsamar: Marianne Soleng

    Dokumenter

     

    Vedtak

    Orienterings-/referatsaker vert tekne til orientering.



    Behandling


    Eventuelle merknader til protokoll frå førre møte:
    Ingen merknader.


    Ordføraren orienterer:

    • Eventuelt behov for køyrereglar for politiske organ.

    • Status for utviklingsprosjekt Fossen bratte.

    • Status for arbeid med mogleg legevaktsamarbeid med Bergen og Osterøy.


    Rådmannen orienterer:

    Orientering v/rådmann Ove Søbø:

    • Presentasjon av ny administrativ organisering som tredde i kraft 01.06.2022.

    • Kommunal planstrategi, ref. formannskapssak 028/2022.

    • Premissdokument, ref. formannskapssak 029/2022.

    • Lagbygging. Rådmannen vil ha fokus på dette .

    • Næring. Informasjon om besøksrunde til diverse næringsdrivande 27.04.2022, deltaking på årsmøte 04.05.2022 i Samnanger Næringsforum, m.m.

    • Gjennomgang av sentrale oppgåver for rådmannen.


    Orientering v/kommunalsjef Edith Oma:

    • Status for arbeidet med eventuell kommunal vikarpool.

    • Rekrutteringssituasjonen i helse og omsorg. Orientering om iverksette tiltak og andre moglege tiltak.

    • Nye leasingbilar i pleie og omsorg.

    • Legevakt. Orientering om kommunestyrevedtak i Bjørnafjorden om legevakt i Eikelandsosen i kjernetida. Sak om legevakt vil også koma opp til politisk handsaming i Samnanger.

    • Legesituasjonen. Det ser ut til at det vil vera behov for to vikarar i fastlegestillingar frå hausten 2022.

    • Status mottak av flyktningar frå Ukraina. Kommunen har til no teke imot tolv flyktningar, sju vaksne og fem barn. Det vil koma nokre fleire i løpet av kort tid.

    • Prosjektet "Familie for første gong". Samnanger er med i dette prosjektet.

    • Status for arbeidet med handlingsplan mot sjølvskading og sjølvmord. Kjem truleg opp til politisk handsaming i september.

    • Status for arbeidet med plan for førebyggande arbeid for barn og unge. Målsetting om å få planen opp til politisk handsaming i kommunestyret i juni 2023.

    • Sommarvikarar/bemanning i pleie og omsorg i hovudferieperioden sommaren 2022. Informasjon om status.

    • Omsorg+. Orientering om status for planleggingsarbeidet, ombyggingskostnader og ulike problemstillingar. Det er behov for å gjera ein del avklaringar/val om vegen vidare.


    Orientering v/kommunalsjef Hilde-Lill Våge:

    • Status for ulike prosjekt m.m.:

      • trafikksikringstiltak Gjerdsvegen

      • utbetring av veg Hagabakkane - Hagabotnane

      • carport ved Samnangerheimen

      • branngarasje og lokale for teknisk drift

      • VA-prosjekt Ytre-Tysse

      • ny omsorgsbustad i Reistadliane

      • gangsti til Hagabotnane

      • tilsetjingar i sektor for samfunnsutvikling.

      • framdrift for diverse vedtekne driftstiltak

      • first responderbil

      • forprosjekt veg/VA Bygdavegen

      • vedlikehalds-/oppgraderingsbehov kommunale vegar og bruer.


    Utvalet sitt kvarter:

    Bubilparkering på Bjørkheim
    Lena Tveit (Bl) viste til at mange bubilar parkerer i det kommunale kaiområdet på Bjørkheim, der dei står gratis. Ho spurde om det er sett i gang arbeid med innføring av betaling for bubilparkering der. Kommunalsjef Hilde-Lill Våge orienterte om at det vedtakast eit reglement dersom kommunen skal kunne ta betalt for bubilparkering på Bjørkheim. Ho viste også til arbeidet med områdeplan for Bjørheimsområdet.

    Samarbeidsutvalsmøte ved Samnanger barneskule 10.05.2022
    Shirin Kvernes Khadoor (Ap) er kommunen sin representant i samarbeidsutvalet. Ho orienterte kort om saker som vart teke opp i møtet. Ho orienterte også om at det ifølgje lovverket truleg skal vera to kommunale representantar i samarbeidsutvala ved skulane - dette må undersøkjast/avklarast.

    Ordførar Knut Harald Frøland (Bl) tok opp at det kanskje bør vuderast å ta inn eit nytt fast punkt på møteagendaen for formannskapet/kommunestyret, om orienteringar frå politikarar som deltek som representantar for kommunen på møte i ulike organ.

    Marknadsføring av nærmiljøtiltak/trivselstilta
    Gunn Totland Moss (KrF) viste til at nærmiljøtiltak/trivselstiltak og marknadsføring av dette kan vera viktig for å auka tilflytting og hindra fråflytting. Ho oppmoda om at dette blir prioritert i Samnanger.


    Rådmannen sitt framlegg vart samrøystes vedtake.

  • Årsmelding 2021 Hoveddokument 74KB

    017/2022 - 22/3223 - Årsmelding 2021

    Journaldato: 25.05.2022  3 dokumenter
    Brevdato: 25.05.2022
    Dokumenttype: Saksframlegg
    Ansvarlig enhet: Rådgjevar
    Sakshandsamar: Jan Erik Boge

    Dokumenter

     

    Vedtak

    Kommunestyret vedtek Årsmelding 2021 for Samnanger kommune.



    Behandling

    Under debatten i saka kom det ønske frå formannskapet om å få ei orientering om sjukefråværet i kommunen på neste formannskapsmøte. Det bør også vurderast om det skal innførast fast praksis med jamleg sjukefråværsrapportering i formannskapet.

    Rådmannen sitt framlegg vart samrøystes vedteke.

  • Godkjenning av kommunerekneskapen for 2021 Hoveddokument 158KB
    Brevdato: 24.05.2022
    Dokumenttype: Saksframlegg
    Ansvarlig enhet: Økonomiavdelinga
    Sakshandsamar: Karl Viken

    Dokumenter

     

    Vedtak

    Rekneskapen for 2021 vert godkjent slik han ligg føre. Rekneskapen for 2021 har eit overskot på kr 12 996 715. I avslutninga av rekneskapen for 2021 vart fyrst avsetjing til disposisjonsfond på kr 920 000 stroke i samsvar med forskrift § 4-3. Mindreforbruket ut over dette er avsett til disposisjonsfond.

    Framført underskot på sjølvkost kan dekkast inn ved eit eventuelt overskot på eit seinare tidspunkt. Dette gjeld:

    Vatn

    Kr 12 457

    Eikedal, vatn

    Kr 113 493

    Avløp

    Kr 1 016 991


    Tala i tabellen er akkumulerte meirforbruk.



    Behandling


    Handsaming:
    Øyvind Strømmen (MDG) sett fram framlegg til eit tilleggspunkt i forhold til rådmannen sitt framlegg.

    I røystinga i saka vart det først røysta over tilleggsframlegget til Øyvind Strømmen. Framlegget fall med 3 mot 6 røyster.

    For

    Imot

    Shirin Kvernes Khadoor (Ap)

    Knut Harald Frøland (Bl)

    Jon Magne Bogevik (Ap)

    Lena Tveit (Bl)

    Øyvind Strømmen (MDG)

    Martin Haugen (Bl)

    Gunn Totland Moss (Krf)

    Øyvind Røen (Sp)

    Karl Bård Kollbotn (Frp)

    Det vart så røysta over rådmannen sitt framlegg, som vart samrøystes vedteke.

  • Finansrapportering 1. tertial 2022 Hoveddokument 98KB

    019/2022 - 22/3768 - Finansrapportering 1. tertial 2022

    Journaldato: 12.05.2022  1 dokument
    Brevdato: 12.05.2022
    Dokumenttype: Saksframlegg
    Ansvarlig enhet: Økonomiavdelinga
    Sakshandsamar: Nina Erdal

    Dokumenter

     

    Vedtak

    Finansrapportering for 1. tertial 2022 vert tatt til orientering.



    Behandling

    Rådmannen sitt framlegg vart samrøystes vedtatt.

  • Økonomirapportering pr. april 2022 Hoveddokument 155KB
    Brevdato: 24.05.2022
    Dokumenttype: Saksframlegg
    Ansvarlig enhet: Økonomiavdelinga
    Sakshandsamar: Karl Viken

    Dokumenter

     

    Vedtak

    Økonomirapportering pr april 2022 vert tatt til orientering.

    Følgjande budsjettjusteringar vert gjennomførte:

    • Budsjettauke straumutgifter i kommunen

    • Budsjettauke kursbudsjett i kommunen

    • Budsjettauke grunna nytilsetjing og avspasering innan legeteneste

    • Skatteinntektene vert budsjettert opp


    Budsjettendringane er summert opp i følgjande tabell:

    Moment / Heile kr

    Utgift opp / inntekt ned

    Utgift ned / inntekt opp

    Straumutgifter

    700 000

     

    Kurs og kompetanseheving

    200 000

     

    Legeteneste

    400 000

     

    Skatteinntekter

     

    1 300 000

    Total sum

    1 300 000

    1 300 000


    Budsjettreguleringane er gjort greie for i saksutgreiinga.

    Utover det ser ein an økonomisituasjonen for dei ulike budsjettområda og kommunen totalt sett fram til rapportering pr. 2. tertial før ein justerer budsjettet ytterlegare.

    Dokumentasjonskrav i punkt 11 – Innkjøp med verdi under 100 000 kroner – i Innkjøpsreglementet til Samnanger kommune vert fjerna.



    Behandling

    Kommunalsjef Karl Viken hadde innleiingsvis ein presentasjon av saka.

    Rådmannen sitt framlegg vart samrøystes vedteke.

  • Prinsipp for handsaming av generelle søknader om tilskot til Samnanger kommune Hoveddokument 98KB
    Brevdato: 18.05.2022
    Dokumenttype: Saksframlegg
    Ansvarlig enhet: Eining for kultur
    Sakshandsamar: Meline Heimdal Haugland

    Dokumenter

     

    Vedtak

    Samnanger kommune har tre kommunale søknadsordningar. Det er tilskotsordningane Kulturmidlar, Vilt- og fiskefondet og Tilskot til ungdomstiltak. For søknader som kjem til kommunen utanom desse ordningane, vert følgjande prinsipp lagt til grunn:

    • Søkar vert informert om kommunen sine søknadsordningar, retningsliner og fristar. Søkar vert bedt om å søka ut frå gjeldande retningsliner.

    • Søkar vert informert om andre nasjonale eller regionale tilskotsordningar som kan vera aktuelle for søknaden. Søkar vert bedt om å søka ut frå gjeldande retningsliner.

    • Søknader av særskilt monnaleg verdi for Samnanger kommune kor søknadssummen er over kr 10 000 vert tatt opp til politisk handsaming. Søknadssummen må overstiga kr 10 000 og verta vurdert av rådmann til å ha særskilt monnaleg verdi for kommunen.

    • Søknader av særskilt monnaleg verdi for Samnanger kommune der søknadssummen er under kr 10 000 vert handsama som delegert vedtak ved rådmann. Søknader om tilskot til drift og vedlikehald eller andre tiltak som kan søkast om innan ordinære fristar, vert ikkje vurdert.



    Behandling

    Knut Harald Frøland (Bl) sette fram eit endringsframlegg i forhold til rådmannen sitt framlegg. Endringsframlegget var at følgjande setning i det tredje kulepunktet går ut: "Det vert kun vurdert å gje støtte til nye tiltak som ikkje er vorte gjennomført tidlegare, og som har ein snarleg tidsfrist for gjennomføring".

    Med denne justeringa vart rådmannen sitt framlegg samrøystes vedteke.

  • Evaluering av prøveordning med talerett i kommunestyret Hoveddokument 146KB
    Brevdato: 24.05.2022
    Dokumenttype: Saksframlegg
    Ansvarlig enhet: Rådgjevar
    Sakshandsamar: Jan Erik Boge

    Dokumenter

     

    Vedtak

    Kommunestyret vedtok 25.02.2021 eitt-årig prøveordning med talerett i kommunestyret for ungdomsrådet, eldrerådet og rådet for personar med nedsett funksjonsevne. Prøveordninga vert med verknad frå 16.06.2022 omgjort til fast ordning. Vedtaket vert gjort med heimel i § 2 i forskrift om medvirkningsordninger.

    Rådmannen får ansvar for å få på plass rutinar som sikrar god informasjon til ungdomsrådet, eldrerået og rådet for personar med nedsett funksjonsevne om kva saker som skal opp i kommunestyret.

    Som følgje av vedtaket vert ordlyden i punkt 2.30 i Samnanger kommune sitt reglement for kommunestyret, formannskapet, naturutvalet og kontrollutvalet endra til:

    «2.30 Talerett og uttalerett
    Ungdomsrådet, eldrerådet og rådet for personar med nedsett funksjonsevne har talerett i kommunestyret. Taleretten gjeld i saker som gjeld høvesvis ungdom (ungdomsrådet), eldre (eldrerådet) og personar med nedsett funksjonsevne (rådet for personar med nedsett funksjonsevne). Maksimal taletid per sak er fem minutt. Innlegg skal haldast i starten av saka og før debatten opnar. Ordføraren skal på førehand, i rimeleg tid før møtet, informerast om at taleretten vil verta brukt og kva saker dette gjeld.

    I tillegg kan valde representantar for brukargrupper av kommunale tenester i særlege høve, når kommunestyret finn dette føremålstenleg, få høve til å uttala seg eller gje kommentarar til ei einskild sak. Slike grupper skal på førehand, i rimeleg tid før møtet, melda frå til ordføraren om eit slikt ønske. Det er kommunestyret gjennom fleirtalsvedtak som kan gje slikt løyve.



    Behandling

    Rådmannen sitt framlegg vart samrøystes vedteke.

  • Reglar for interpellasjonar i Samnanger kommune Hoveddokument 148KB
    Brevdato: 09.05.2022
    Dokumenttype: Saksframlegg
    Ansvarlig enhet: Rådgjevar
    Sakshandsamar: Jan Erik Boge

    Dokumenter

     

    Vedtak

    Saka går vidare til kommunestyret utan innstilling.



    Behandling


    Handsaming:
    Etter den inneleiande debatten bad Karl Bård Kollbotn (Frp) om gruppemøte.

    Etter gruppemøtet sette Øyvind Røen (Sp) fram framlegg til vedtak. Framlegget vart samrøystes vedteke.

  • Kommunal ordning med fritidskort for barn i Samnanger 6-18 år Hoveddokument 97KB
    Brevdato: 23.05.2022
    Dokumenttype: Saksframlegg
    Ansvarlig enhet: Eining for kultur
    Sakshandsamar: Meline Heimdal Haugland

    Dokumenter

     

    Vedtak

    Saka vert teken til orientering. Rådmann kjem med framlegg til lokal kommunal ordning, budsjett og finansiering i framlegg til Budsjett 2023 og økonomiplan 2023-2026.



    Behandling

    Rådmannen sitt framlegg vart samrøystes vedteke.

  • Frivilligprisen 2022 Hoveddokument 78KB

    025/2022 - 22/4100 - Frivilligprisen 2022

    Journaldato: 20.05.2022  12 dokumenter
    Brevdato: 20.05.2022
    Dokumenttype: Saksframlegg
    Ansvarlig enhet: Eining for kultur
    Sakshandsamar: Karina Liøen Frøland

    Dokumenter

     

    Vedtak

    Eva Hellevang får frivilligprisen for 2022.



    Behandling


    Handsaming:
    Gunn Totland Moss (KrF) bad om å få gildskapen sin vurdert. Bakgrunnen for dette var at ho er nær venninne med ein av dei føreslegne kandidatane. Ho informerte om at ho ønska å vera ugild i saka, og gjekk frå medan formannskapet vurderte gildskapen hennar. Ho vart samrøystes funnen ugild, med heimel i Forvaltningslova § 6 andre ledd. Som følgje av dette deltok ho ikkje i handsaminga av saka.

    Øyvind Røen (Sp) sette fram framlegg til vedtak. Framlegget vart samrøystes vedteke.

  • Plan for pedagogisk utvikling i sektor oppvekst 2022-2025 Hoveddokument 63KB
    Brevdato: 18.05.2022
    Dokumenttype: Saksframlegg
    Ansvarlig enhet: Kommunalsjef oppvekst
    Sakshandsamar: Bodil Helliesen Øpstebø

    Dokumenter

     

    Vedtak

    Samnanger kommune godkjenner temaplan for pedagogisk utvikling i sektor oppvekst 2022-2025 slik den ligg føre.



    Behandling

    Kommunalsjef Bodil H. Øpstebø orienterte innleiingsvis om saka. Ho orienterte også om at det er ein liten feil i inndelinga i planframlegget, og at dette vil bli retta opp.

    Rådmannen sitt framlegg vart samrøystes vedteke.

  • Bårerom  Samnangerheimen Hoveddokument 82KB

    027/2022 - 22/3493 - Bårerom Samnangerheimen

    Journaldato: 05.05.2022  1 dokument
    Brevdato: 05.05.2022
    Dokumenttype: Saksframlegg
    Ansvarlig enhet: Rådmannskontoret
    Sakshandsamar: Edith Oma

    Dokumenter

     

    Vedtak

    Samnanger kommune vil sikra ei god og verdig handsaming av den som er død. Dette skjer gjennom at den døde vert stelt og lagd i kiste på rommet sitt, som ev. kan vera tilpassa til livssynet til den døde. Dette vil gje mest mogeleg skjerming og ro for den døde og dei pårørande.

    Ved visning og/eller båreandakt kan ein nytta rommet til den døde eller Storstova.

    Når ein avliden vert liggjande lenge, eller det er høg temperatur, skal mobil kjølar nyttast.



    Behandling

    Handsaming:
    Øyvind Røen (Sp) sette fram framlegg til vedtak. Framlegget vart samrøystes vedteke.

  • Vedtak av kommunal planstrategi 2022 - 2024 Hoveddokument 67KB
    Brevdato: 15.05.2022
    Dokumenttype: Saksframlegg
    Ansvarlig enhet: Rådmannskontoret
    Sakshandsamar: Ove Sæbø

    Dokumenter

     

    Vedtak

    Med heimel i plan- og bygningslova § 10-1 vedtek Samnanger kommune:
    1. kommunal planstrategi 2022 – 2024 slik han ligg føre, med følgande presiseringar:
    a. klima- og energiplan skal innarbeidast som ein del av kommuneplanen sin samfunnsdel
    b. i samband med dette skal det også utarbeidast ein handlingsplan for å redusera lysureining, jamfør vedtak i kommunestyret 25. februar 2021
    c. strategisk næringsplan er ein av planane som skal utarbeidast
    2. at både kommuneplanen sin samfunnsdel og arealdel skal reviderast.

    Kommunestyret ser på det som ynskjeleg at rullering av ruspolitisk handlingsplan og av kulturminneplanen vert prioritet ved utarbeiding av ny planstrategi tidleg i neste kommunestyreperiode.



    Behandling


    Handsaming:
    Rådmann Ove Sæbø orienterte om at strategisk næringsplan har falle ut av planoversikta i framlegget, og om at denne planen skal vera med i oversika.

    Øyvind Strømmen (MDG) sette fram framlegg og tilleggsframlegg til vedtak.

    Øyvind Røen (Sp) sette fram framlegg til vedtak.

    Øyvind Strømmen bad om gruppemøte.

    Etter gruppemøtet sette Øyvind Strømmen fram eit fellesframlegg frå Sp og MDG. Øyvind Strømmen og Øyvind Røen trekte samstundes framlegga dei hadde sett fram tidlegare under handsaminga av saka.

    Fellesframlegget frå Sp og MDG vart samrøystes vedteke.

  • Premissar for Budsjett 2023 og Økonomiplan 2023- 2026 Hoveddokument 143KB
    Brevdato: 24.05.2022
    Dokumenttype: Saksframlegg
    Ansvarlig enhet: Økonomiavdelinga
    Sakshandsamar: Karl Viken

    Dokumenter

     

    Vedtak

    Premissar

    Følgjande premissar og føresetnadar vert lagt til grunn for kommande budsjettprosess for årsbudsjett 2023 og økonomiplan 2023- 2026;

    1. Økonomiske rammer for årsbudsjett 2023 / økonomiplan 2023- 2026

    Einingane sine rammer vert utarbeidd på 2022- nivå. Nye tiltak og budsjettauke på spesifikke område vert innarbeidd innanfor ramma.

    1. Klimabudsjett

    Som del av budsjett 2023 vert det utarbeidd eit klimabudsjett for 2023 med tiltak i alle sektorar og budsjettområde.

    1. Økonomi og demografiutviklinga i kommunen

    I utarbeiding av økonomiplanen 2023- 2026 vil ein freiste å disponere og omprioritera midlar på ein slik måte at kommunen tilpassar seg demografiutfordringar.

    1. Tenestestruktur og lokasjonar

    Det vert starta eit arbeid med heilskapleg plan for framtidig behov.

    1. Næringssatsing

    Det vert starta ein prosess i 2022 for å få på plass næringsutviklar-stilling med oppstart ultimo 2022/ primo 2023. Det vert og sett av midlar til næringslivssatsing i 2023.

    1. Program for handlefridom

    Det skal gjennomførast eit program for auka handlingsfridom i økonomiplan- perioden.

    Som bidrag til auka økonomisk handlefridom i framtida skal vedlikehald prioriterast høgare i budsjett og økonomiplan, slik at framtidige kostnader grunna mangelfullt vedlikehald vert redusert.

    Som bidrag til økonomisk handlefridom, og som del av kommunen sitt arbeid med klima og energi, skal energiøkonomisering og energieffektivisering prioriterast i planperioden.

    1. Kompetansebehov

    Det vert sett av midlar i budsjett 2023 for å vurdere noverande og framtidig kompetansebehov.

    8 Finansielle handlingsreglar

    - Disposisjonsfondet skal aukast til 30 mill. kr i løpet av økonomiplanperioden.

    - Det skal budsjetterast med minimum 2,5 % i korrigert netto driftsresultat i perioden.

    - Utover avsetjing til disposisjonsfondet skal det avsetjast eventuelle mindreforbruk til eit kommunalt innovasjon – og utviklingsfond.

    - Det vert i samband med budsjett 2023 presentert framlegg til vedtekter for fondet.

    - Det vert sett av ein årleg udisponert sum i budsjett for 2023 under politisk nivå.

    9 Planarbeid

    Budsjett og økonomiplan skal koplast mot og samsvare med gjeldande oppdaterte kommunale planar. Det gjeld både for drift og investering.

    10 Eigedomskatt 2023- 2026

    Dersom kommunen sin driftsøkonomi med dagens inntektsnivå held seg,m kan eigedomsskatten for hus og fritidsbustadar fjernast i økonomiplan for 2023- 2026. Rådmannen kjem i sitt budsjettframlegg attende til kva budsjettår dette er mogleg.

    11
    Samnanger kommune skal ta inn i premiss for budsjett at det skal brukes tid og penger på å etablere nye varige arbeidsplasser i Samnanger kommune. Formannskapet støtter også en egen dedikert stilling som skal ivareta nyetablering av arbeidsplasser i Samnanger kommune.

    12
    I 2017 vart det etablert kunstgrasbane i Hagabotnane. Bakgrunnen for dette var blant anna moglegheita for auke i brukstimar på ei kunstgrasbane samanlikna med den gamle naturgrasbana. Dette har vore eit stort løft for fotballen og idretten i Samnanger. Dessverre viser det seg at kunstgrasbana i Hagabotnane ikkje kan nyttast store delar av året grunna vinterstenging og at bana ikkje vert brøyta. I Hagabotnane er det lite sol vinterstid, og snøen vert ofte liggande lenge utover vinteren. Som ein konsekvens av dette må fotballag fra Samnanger leige bane andre stader for å kunna driva med fotballaktivitet, f.eks. Vestlandshallen i Åsane, Holmefjord eller i Eikelandsosen. Dette betyr utgifter knytt til både baneleige og transport, noko som i ytste konsekvens kan vera eksluderande for barn og ungdom frå låginntektsfamiliar. I eit miljøperspektiv er det også uheldig at barn og ungdom må reisa ut av kommunen for å trena og spela kampar. I andre kommunar er det vanleg at kunstgrasbaner vert haldne opne vinterstid, også baner med kork som fyllmasse som i Hagabotnane. Lag frå kommunar med vinteropne baner får eit konkurransefortrinn samanlikna med lag frå Samnanger. Til budsjettmøtet i desember vert det frå administrasjonen utgreidd kva som skal til for å halda kunstgrasbana open, og ev. kostnad med å halda kunstgrasbana vinteropen vert teken inn i budsjett for 2023. 

    13 Sommarjobb for ungdom mellom 15 og 18 år
    Rådmannen får i oppgåve å vurdere og foreslå løysing for å kunne tilby sommarjobb i 1-2 veker for alle ungdomar busett i Samnanger i alderen 15-18 år.

    14 Stell av kommunen sine grøntanlegg
    Rådmannen får i oppgåve å vurdere og foreslå samarbeidsløysingar mellom kommunen og frivilligheit til stell av grøntanlegga til Samnanger kommune. Dette bør og sjåast i lys av eventuell ny ordning for sommarjobb for ungdom mellom 15-18 år.

    15 Ny mobilmast for området Rolvsvåg-Saga
    Rådmannen får i oppgåve å vurdere og foreslå tiltak for å betre mobildekninga i Rolvsvåg industriområde, samt i tilgrensande område. Ordførar overleverer til rådmannen informasjon innhenta så langt i prosessen.



    Behandling

    Kommunalsjef Karl Viken hadde innleiingsvis ein presentasjon av saka og rådmannen sitt framlegg.

    Handsaming:
    Knut Harald Frøland (Bl) sette fram framlegg om følgjande tre tilleggspunkt til rådmannen sitt framlegg i saka:

    "Sommarjobb for ungdom mellom 15 og 18 årRådmannen får i oppgåve å vurdere og foreslå løysing for å kunne tilby sommarjobb i 1-2 veker for alle ungdomar busett i Samnanger i alderen 15-18 år. Stell av kommunen sine grøntanleggRådmannen får i oppgåve å vurdere og foreslå samarbeidsløysingar mellom kommunen og frivilligheit til stell av grøntanlegga til Samnanger kommune. Dette bør og sjåast i lys av eventuell ny ordning for sommarjobb for ungdom mellom 15-18 år. Ny mobilmast for området Rolvsvåg-SagaRådmannen får i oppgåve å vurdere og foreslå tiltak for å betre mobildekninga i Rolvsvåg industriområde, samt i tilgrensande område. Ordførar overleverer til rådmannen informasjon innhenta så langt i prosessen."

    Øvind Strømmen (MDG) sette fram framlegg om tre tilleggspunkt til rådmannen sitt framlegg i saka.

    Karl Bård Kollbotn (Frp) sette fram framlegg om eitt tilleggspunkt til rådmannen sitt framlegg i saka.

    Martin Haugen (Bl) sette fram framlegg om følgjande tilleggspunkt til rådmannen sitt framlegg i saka:

    "I 2017 vart det etablert kunstgrasbane i Hagabotnane. Bakgrunnen for dette var blant anna moglegheita for auke i brukstimar på ei kunstgrasbane samanlikna med den gamle naturgrasbana. Dette har vore eit stort løft for fotballen og idretten i Samnanger. Dessverre viser det seg at kunstgrasbana i Hagabotnane ikkje kan nyttast store delar av året grunna vinterstenging og at bana ikkje vert brøyta. I Hagabotnane er det lite sol vinterstid, og snøen vert ofte liggande lenge utover vinteren. Som ein konsekvens av dette må fotballag fra Samnanger leige bane andre stader for å kunna driva med fotballaktivitet, f.eks. Vestlandshallen i Åsane, Holmefjord eller i Eikelandsosen. Dette betyr utgifter knytt til både baneleige og transport, noko som i ytste konsekvens kan vera eksluderande for barn og ungdom frå låginntektsfamiliar. I eit miljøperspektiv er det også uheldig at barn og ungdom må reisa ut av kommunen for å trena og spela kampar. I andre kommunar er det vanleg at kunstgrasbaner vert haldne opne vinterstid, også baner med kork som fyllmasse som i Hagabotnane. Lag frå kommunar med vinteropne baner får eit konkurransefortrinn samanlikna med lag frå Samnanger. Til budsjettmøtet i desember vert det frå administrasjonen utgreidd kva som skal til for å halda kunstgrasbana open, og ev. kostnad med å halda kunstgrasbana vinteropen vert teken inn i budsjett for 2023."

    Før røystinga i saka sette Karl Bård Kollbotn fram eit revidert framlegg og trekte det første framlegget sitt.

    Røysting:
    Det vart først røysta over tilleggsframlegga som var sette fram i møtet. Alle tilleggsframlegga vart samrøystes vedtekne.

    Det vart til slutt røysta over rådmannen sitt framlegg, inkludert vedtekne tilleggspunkt. Samrøystes vedteke.

  • Referat fra evalueringsmøte 4. april 2022 om brannvernsamarbeidet Hoveddokument 452KB

    1 - 22/3369 - Referat fra evalueringsmøte 4. april 2022 om brannvernsamarbeidet

    Journaldato: 27.04.2022  Avsendar(ar): Bergen brannvesen   
    2 dokumenter
    Brevdato: 26.04.2022
    Dokumenttype: Innkomande dokument
    Ansvarlig enhet: Rådmannskontoret
    Sakshandsamar: Ove Sæbø

    Dokumenter

     

Frammøte

Frammøte
PolitikarPartiMedlemstypeMobilE-Post
Knut Harald FrølandBygdalistaLeiarfrolandkh@gmail.com
Øyvind RøenSenterpartietNestleiaroyv.roen@gmail.com
Shirin Kvernes KhadoorArbeidarpartietMedlemshirin_khadoor@hotmail.com
Jon Magne BogevikArbeidarpartietMedlemjon.magne.bogevik@kvamnet.no
Lena TveitBygdalistaMedlemtveitlena@yahoo.no
Martin HaugenBygdalistaMedlemmartin-haugen@hotmail.com
Gunn Totland MossKristeleg FolkepartiMedlemgunn.totland.moss@gmail.com
Øyvind StrømmenMiljøpartiet Dei GrøneMedlemoyvindstrommen@gmail.com
Karl Bård KollbotnFramstegspartiet2. varamedlem Frpkarl.kollbotn@samnanger.kommune.no
Odd Arne Haga (Ikke møtt) FramstegspartietMedlemodd.arne.haga@outlook.com
ACOS Innsyn levert av ACOS AS