Møte i Formannskapet den 06.10.2022

Vedtak

Innkalling og sakliste vert godkjent.

Behandling

Innkallinga og saklista vart samrøystes godkjent.

Vedtak

Orienterings-/referatsaker vert tekne til orientering.

Behandling

Eventuelle merknader til protokoll frå førre møte:
Ingen merknader.


Orientering om politireforma, politidistriktet m.m.:

Ordføraren orienterer:

• Seminar 01.11.2022 om relativ fattigdom. Seminaret blir i Nordbygda grendahus kl. 09.00–15.00.

Rådmannen orienterer:

Orientering v/rådmann Ove Sæbø:

• Status rekrutteringsprosess næringsutviklar. Søknadsfristen er utsett med tre veker.

• Budsjettseminar 20.10.2022.

• Beredskap. Kort orientering om status og planlagt arbeid.

• Spørjeundersøking for innbyggjarar 50 år og eldre

Orientering v/kommunalsjef Hilde-Lill Våge:

• Områdeplan Bjørkheim. Vellukka folkemøte 04.10.2022. Det vil koma annonse om ønske om innspel til planen.

• Kommuneplanen sin samfunnsdel. Arbeidet med planprogrammet for samfunnsdelen startar opp no, og vil truleg bli lagt fram for politisk handsaming tidleg i 2023.

• Prosjekt

Orientering v/kommunalsjef Edith Oma:

• Helsesjukepleiastilling

• Sjukepleiarsituasjonen. Fleire sjukepleiarar har den siste tida vendt seg til kommunen med ønske om å arbeida her.

• Visningsrom/bårerom. Kommunalsjef Karl VIken har hatt møte med kyrkjeverja, og fått avklaring om behov m.m. Det blir no arbeidt vidare med denne saka.

• 1995-bygget på Samnangerheimen. Orientering om moglege alternativ for framtidig bruk av bygget, utfordringar m.m.

• Jordmorstiling. Orientering om status for prosessen med tilsetjing av ny jordmor.

Orientering v/kommunalsjef Karl VIken:

• Økonomistatus. Kort presentasjon av status/prognose for sektorane og felleskostnader/fellesinntekter. Jf. sak om økonomirapportering pr. august 2022.

• Sjukefråvær. Orientering om rapporteringa av sjukefråvær. Jf. sak om økonomirapportering pr. august 2022.

• Statsbudsjettet 2023. Kort orientering om sannsynlege verknader for Samnanger av regjeringa sitt forslag til statsbudsjett.

• Konsesjonskraft. Informasjon om inntektsbilete og prognose for inntekter frå sal av konsesjonskraft.

• Budsjett 2023. Orientering om nokre problemstillingar, mellom anna kostnader som ser ut til å auka, investeringar/investeringsnivå, bruk av midlar frå sal av konsesjonskraft, budsjettprosessen vidare, m.m.

• Status budsjettpremissar. Kort gjennomgang av status for premissane som kommunestyret vedtok 16.06.2022.

Utvalet sitt kvarter:Dyrking/nydyrking av arealHogging av ved på kommunal eigedom

Vedtak

1. Økonomirapportering per august 2022 vert tatt til orientering.

2. Følgjande budsjettjusteringar vert gjennomført i driftsbudsjettet:

Rådmannen gjer ikkje framlegg om endringar i driftsbudsjettet pr. 2. tertial.

1. Følgjande budsjettendringar vert gjennomført i investeringsbudsjettet.

Investeringane er gjort greie for under investeringsbudsjett i saksutgreiinga:

Med denne budsjettjusteringa vert det flytta 0,6 mill. kr frå opprusting kommunale vegar, bruer og kaiar til tilkomst helsetun og merking sjukeheim.

Behandling

Rådmannen sitt framlegg vart samrøystes vedteke.

Vedtak

Finansrapportering for 2. tertial 2022 vert tatt til orientering.

Behandling

Rådmannen sitt framlegg vart samrøystes vedteke.

Vedtak

Saka blir vidersendt utan tilråding til kommunestyremøtet den 20.10.

Behandling

Handsaming:
Kommunalsjef Hilde-Lill Våge og koordinator Jostein Steinsland-Hauge orienterte innleiingsvis om saka.

Lena Tveit (Bl) sette fram framlegg om å senda saka vidare til kommunestyret utan tilråding.

Øyvind Strømmen (MDG) la inn eit justeringsframlegg i Møteportalen, men dette framlegget vart ikkje sett fram i møtet.

Det vart røysta over framlegget til Lena Tveit. Framlegget vart vedteke med 7 mot 2 røyster.

Vedtak

Samnanger kommune vedtek lokal forskrift om gebyr for feie- og tilsynstenester dagsett 20.10.2022 med heimel i brann- og eksplosjonsvernloven §28 andre ledd.

Behandling

Rådmannen sitt framlegg vart samrøstes vedteke.

Vedtak

Eventuell bruk av generell straumstønad til innbyggjarane bør vurderast som tiltak på planlagt seminar om relativ fattigdom hausten 2022.

Det bør vurderast å legge opp til ei støtte til innbyggjarane i form av stønad til innkjøp av varmepumpe som eit middel for både innsparingar for den enkelte hushaldning, og eit bidrag til å få ned energiforbruket.

Behandling

Handsaming:
Shirin Kvernes Khadoor (Ap) sette fram eit tilleggsframlegg til ordføraren sitt framlegg.

Gunn Totland Moss (KrF) sette fram framlegg til vedtak.

Det vart først gjennomført røysting der framlegget til ordføraren vart sett opp mot framlegget til Gunn Totland Moss. Framlegget til ordføraren fekk 8 røyster og framlegget til Gunn Totland Moss fekk 1 røyst (Gunn Totland Moss).

Det vart til slutt røysta over tilleggsframlegget til Shirin Kvernes Khadoor. Framlegget vart vedteke med 6 mot 3 røyster.

Vedtak

1. Samnanger kommune inngår avtale med Eviny om overdraging av bygg og eigedom på Frøland (GBNR 39/9).

2. Rådmannen får fullmakt til inngå avtale som inneber kjøpesum for bygga/eigedomen på 7,8 millionar kroner, jf. punkt 1 over.

3. Tidspunkt for overdraginga vil vera tre månader etter at avtale/kontrakt er inngått. Overdraginga vert innarbeid i budsjettet slik at ho kan gjennomførast i 2023.

4. Samnanger kommune ber om at Eviny legg fram geolog-rapport med vurdering av fjellsida bak hovudbygget før kjøpet vert realisert. Må det gjerast tiltak i fjellsida, kostar Eviny desse før overdraginga.

5. Samnanger kommune ber Eviny om at utbetringa av taket på hovudbygget vert gjort samtidig som taket på kraftstasjonen vert vølt. Rådmannen får fullmakt til å forhandla med Eviny om korleis kostnaden for dette skal finansierast.

Behandling

Det vart før handsaminga av saka avklart at det stod feil gards-/bruksnummer (GBNR) i saksoverskrifta og saksframlegget, GBNR 39/5. Det korrekte er nummeret er GBNR 39/9.

Handsaming:
Kommunalsjef Hilde-Lill Våge orienterte innleiingsvis om saka og svara på spørsmål frå formannskapet.

Øyvind Røen (Sp) bad om gruppemøte.

Etter gruppemøtet sette Øyvind Røen fram framlegg om to tilleggspunkt i forhold til rådmannen sitt framlegg.

I røystinga i saka vart framlegget til rådmannen sett opp mot framlegget til Øyvind Røen. Framlegget til Øyvind Røen vart samrøystes vedteke.