Utvalg: | Formannskap/plan- og økonomiutvalet |
---|---|
Dato: | 09.03.2015 12:00 - 15:15 |
Møtested: | Heradshuset, Dale |
Status: | Møtet er ferdig protokollert |
Vaksdal kommune må tåle gjennomgangstrafikken for alle fire fjellovergangar aust-vest; E16 Filefjell, rv52 Hemsedalsfjellet, rv 50 Aurland-Hol og rv7 Hardangervidda. Dette utgjer 2/3 av trafikkmengda aust-vest, som nyttar E16 Bergen-Voss. Svært mange av dei skreda som stenger E16 mellom Voss og Bergen skjer i vår kommune. I mange tilfelle er det fylkesvegnettet i Vaksdal som må nyttast til omkøyring (Fv 314 over Hamlagrø og Fv 369 Eksingedalen-Modalen) Vegnettet er ikkje på nokon måte rusta til dette.
E16 er ei hovudferdsleåre gjennom Vaksdal kommune. Med om lag 40 km innanfor kommunegrensene utgjer dette 25 % av lengdemetrane for E16 i Hordaland. Ulykkesbarometeret for Hordaland 2013 (Statens vegvesen) for E16 syner at utviklinga for drepne og hardt skadde på E16 siste 5 år er svært negativ, og har auka frå mellom 30 og 40 over ein femårsperiode på 2000-talet til 60 dei siste fem åra. Vaksdal kommune sin overordna ROS-analyse syner også at alvorlege trafikkulukker er den mest belastande hendinga i kommunen.
Vaksdal kommune vil difor framheve trongen for ny langsiktig løysing for E16 Voss-Arna, i kombinasjon med ny vossebana, både for å heve tryggleiken i høve både trafikkulukker og skred, og betre regularitet og framkomst. Denne strekninga vert nytta av 2/3 av transport i aust-vest alternativa, og er ein flaskehals som vert trongare og trongare for kvart år, både grunna trafikkauke og klimaendringar som gjev hyppige skred og nedfall av stein. Som del av TERN-vegnettet må også denne strekninga ha sterkare satsing for å oppfylle tunneldirektivet, der fristen til å oppfylle dette er april 2019.
Tillegg til 1. setning i siste avsnitt: ..... E16 Voss-Arna, i kombinasjon med ny vossebana, både for å .....
Samrøystes vedteke med tillegget.
Det vert løyvd kr 102.800 i investeringsmidlar til Kyrkjeleg Fellesråd til dekking av restkostnader ved ny mur ved gravplassen på Vaksdal. Budsjettjusteringa vert tatt med i samband med 1. tertial 2015.
Samrøystes.
Formannskapet i Vaksdal kommune løyver inntil kr 20 000,- og maksimalt 20 % av dokumenterte utgifter i tilskot til grunneigar Per Småbrekke, gnr. 71, bnr. 1, til opparbeiding av parkeringsplass for 10 bilar ved Småbrekke i Bergsdalen. Parkeringsplassen skal nyttast som utgangspunkt for friluftsliv i området langs Militærvegen og innover mot turhytta Gullhorgabu.
Midlane skal takast frå Vaksdal kommune sitt fond for vilt, fiske og friluftsliv, med formannskapet som fondsstyre. Vedtaket er heimla i §§ 2 og 5 i fondsvedtektene.
Tilskotet vert betalt ut etterskotsvis, når sluttrapport med naudsynt dokumentasjon ligg føre (faktura, bilete, m.m).
Arbeidsfristen for tiltaket er sett til januar 2018. Etter dette vert tilskotet trekt tilbake, med mindre det blir søkt om utsett arbeidsfrist i inntil eitt år.
VILKÅR:
Grunneigar må eventuelt innhente naudsynte løyve frå Statens vegvesen og andre offentlege instansar før tiltaket vert starta opp.
Arbeidet må ikkje skade eller forringe den gamle fylkesvegen som ligg like inntil tiltaket.
Samrøystes.
Formannskapet i Vaksdal kommune løyver inntil kr 15 125,- i tilskot til Kåre Olav Aldal, grunneigar på gnr. 52, bnr. 1, Verpelstad, til opprusting av den gamle ferdsle- og driftevegen frå Naustbakken til innmarka på garden, samt ferdslevegen til markaløa i Botn. Gjeremåla er tilrettleggings- og friluftslivstiltak for å lette ålmenta si ferdsle på vegane/stiane.
Tilskotssatsen for innkjøp av materiell/utstyr er sett til 100 % av dokumenterte kostnadar, medan godgjersla for eige arbeid er sett til 50 % av godkjent sats på kr 200,-/time.
Tilskotet vert løyvd frå «Vaksdal kommune sitt fond for vilt, fiske og friluftsliv», der formannskapet utgjer fondsstyret. Tildelinga er heimla i §§ 2 og 5 i fondsvedtektene.
Tilskotet vert utbetalt etterskotsvis, når sluttrapport med naudsynt dokumentasjon ligg føre (faktura, timelister, bilete og liknande).
Arbeidsfristen for tiltaka vert sett til januar 2018. Etter dette vert tilskotet trekt tilbake, dersom det ikkje blir søkt om utsett arbeidsfrist i inntil eitt år. Vaksdal kommune kan synfare tiltaka.
VILKÅR: Grunneigar på gbnr. 52/2 må gje løyve til tiltaka, sidan ferdslevegane går på felles grunn.
Samrøystes.
I medhald av §§ 1 og 8 i «Forskrift om tilskudd til spesielle miljøtiltak i jordbruket» (SMIL), skal Vaksdal kommune lage ny tiltaksstrategi for prioritering av SMIL-midlar mellom søknadar om prosjekt og tiltak. Tiltaksstrategien erstattar «Førebels SMIL-strategi for perioden 2012-2014», jfr sak 09/69-44».
Rådmannen sitt vedlagte framlegg til ny SMIL-strategi for Vaksdal kommune, 2015-2018, vert sendt på høyring til fylkesmannen og lokale næringsorganisasjonar i tråd med § 8 i SMIL-føreskrifta og tilhøyrande rundskriv (7/2005).
Etter høyringsrunden skal rådmannen leggje fram ei samanstilling og vurdering av innkomne fråsegner, med endeleg framlegg til SMIL-strategi. Dette som grunnlag for politisk vedtak i kommunestyret. Alle fråsegnene skal leggjast ved saka.
Samrøystes.
Vaksdal kommunestyre vedtek Risiko- og sårbarheitsanalyse for Vaksdal kommune slik den ligg føre.
Rådmannen følgjer opp tiltaka i Risiko- og sårbarheitsanalysen for Vaksdal kommune.
Det vert gjennomført ein årleg gjennomgang av Risiko- og sårbarheitsanalysen for Vaksdal kommune. Resultatet av den årlege gjennomgangen vert rapportert i årsmeldinga.
Kostnader til beredskapstiltak i samsvar med analysen vert vurdert i budsjett og økonomiplan.
Adresseliste over høyringsinstansane vil bli lagt ved til kommunestyret.
Samrøystes.
Vaksdal formannskap viser til dykkar gjennomgang av bygginga av nytt Stanghellekryss 9. mars 2015.
Formannskapet er uroa for tryggleiken i krysset og krev at fartsgrensa vert sett til 60 km/t i god tid før avkøyringa til Stanghelle. For at fartsgrensa skal haldast, ber me om at E16 vert overvaka med ATK i begge retningar. (Slik overvaking vil og vera tenleg i Fossmark).
Me reknar med at krysset får tenleg og tydeleg oppmerking og skilting. Stanghelleflaten innbyr til forbikøyring. Statens vegvesen må skilta slik at ein hindrar at forbikøyringa kan føregå i krysset.
Vidare er det vår meining at stopplina ved påkøyring frå Stanghelle må markerast slik at sikten vert best mogleg.
Basert på orientering i starten av møtet vart saka teken opp i møtet.
Ordføraren la fram følgjande utkast til brev til Statens vegvesen:
"Vaksdal formannskap viser til dykkar gjennomgang av bygginga av nytt Stanghellekryss 9. mars 2015.
Formannskapet er uroa for tryggleiken i krysset og krev at fartsgrensa vert sett til 60 km/t i god tid før avkøyringa til Stanghelle. For at fartsgrensa skal haldast, ber me om at E16 vert overvaka med ATK i begge retningar. (Slik overvaking vil og vera tenleg i Fossmark).
Me reknar med at krysset får tenleg og tydeleg oppmerking og skilting. Stanghelleflaten innbyr til forbikøyring. Statens vegvesen må skilta slik at ein hindrar at forbikøyringa kan føregå i krysset.
Vidare er det vår meining at stopplina ved påkøyring frå Stanghelle må markerast slik at sikten vert best mogleg."
Formannskapet vedtok samrøystes å senda brevet.
Politiker | Parti | Medlemstype | E-Post |
---|---|---|---|
Eirik Haga | Arbeiderpartiet | Ordførar | eirik.haga@vaksdal.kommune.no |
Sigmund Simmenes | Senterpartiet | Varaordførar | sigmund.simmenes@vaksdal.kommune.no |
Heidi Rongved | Arbeiderpartiet | Medlem | heidirongved@gmail.com |
Bjørg Aase Nottveit Hop | Arbeiderpartiet | Medlem | bjorg.hop@bkk.no |
Anneli Vatle Lilletvedt | Høgre | Medlem | annelivl@outlook.com |
Helge Gullbrå | Kristeleg Folkeparti | Medlem | helge.gullbraa@gmail.com |
Willy Andre Gjesdal | willy.andre.gjesdal@vaksdal.kommune.no | ||
Tore Henrik Øye | tore.henrik.oye@vaksdal.kommune.no | ||
Svein Arvid Boge (Ikke møtt) | Høgre | Medlem | sveinaboge@vaksdalnet.no |