Møte i Levekårsutvalet den 18.05.2015

Vedtak

Framlegg til prosess for drøfting av skulestrukturvert lagt til grunn i Økonomiplan 2016 - 2019.

Behandling

Kommunalsjef oppvekst orienterte.

Ho orienterte og om tilstandsrapport for skule- og barnehagebygg i kommunen utarbeidt av Norconsult. Denne kjem opp som sak i formannskapet.

Utvalet delte seg i 2 grupper og drøfta følgjande spørsmål som grunnlag for skulestruktur-prosessen:

• Kva er formålet med drøfting av skulestrukturen i Vaksdal kommune?

• Kva er viktig å drøfte?

• Kva for behov skal prosessen/utgreiinga dekkje?

Gruppene kom fram til følgjande moment som må vurderast i prosessen:

• Kostnaden hvis private skular blir etablert der kommunale blir lagt ned

• Samla dei som er ferdige med SFO i ein sentral skule

• Skyss - alle forhold rundt det å bli transportert til og frå skulen

• Kva skular det er naturleg å leggja ned, m.a. avstand til næraste skule

• Få fram all faktakunnskap

• Byggja nytt kontra vedlikehald av eksisterande bygg

Samrøystes vedtak.