Utval: | Kommunestyret |
---|---|
Dato: | 04.05.2015 11:00 - 15:30 |
Møtestad: | Heradshuset, Dale |
Status: | Møtet er ferdig protokollert |
1. Kommunestyret slutter seg til Prosjektrapport for Sonderingsfasen slik den ligg føre.
2. Sonderingsfasen vert ikkje avslutta. Det vert ny handsaming av status for sonderingsfasen i
samband med økonomiplan 2016 – 2019. Det vert gjort to presiseringar:
Rådmannen startar arbeidet med å greie ut alternativet «ei oppdeling av Vaksdal kommune» og kan i det arbeidet knytte til seg ekstern bistand.
Vaksdal kommune deltek i arbeid med å utarbeide kunnskapsgrunnlag for kommunane Vaksdal, Osterøy, Samnanger og Bergen i regi av Bergen kommune, og i regi av Bergensalliansen.
Bergensalliansen kjem og gjev greie for prosessen som foregår i utgreiingsarbeidet for kommunane Vaksdal, Osterøy og Samnanger kommunar via Bergen kommune.
Anneli Vatle Lilletvedt, H, fremja sitt tilleggsframlegg frå formannskapsmøtet på nytt:
Nytt punkt c. Vaksdal kommune startar utgreiingsarbeidet for kommunane Vaksdal og Modalen kommunar.
Ho la og fram følgjande oversendingsforslag:
Bergensalliansen kjem å gjev greie for prosessen som foregår i utgreiingsarbeidet for kommunane Vaksdal, Osterøy og Samnanger kommunar via Bergen kommune.
Avrøysting:
Det vart først røysta over formannskapet si tilråding, som vart vedteken mot 1 røyst (Arne Normann, KRF)
Tilleggsframlegget frå Anneli Vatle Lilletvedt fekk 3 røyster (Anneli Vatle Lilletvedt og Slilje Stien, H, Oddbjørn Vik, SP) og fall
Oversendingsframlegget frå Anneli Vatle Lilletvedt vart samrøystes vedteke.
Vaksdal kommunestyre godkjenner rekneskapen for Vaksdal kommune, drifts- og kapitalrekneskapen for 2014 med eit mindreforbruk/overskot på kr 279.598,91,- på drifta og kr 0,- i kapitalrekneskapen.
Kommunestyret tek årsmelding for 2014 for Vaksdal kommune til etterretning.
Mindreforbruket på drifta, kr 279.598,91,- vert sett av slik:
Kr 70 000 vert tilført eining for samfunnsutvikling - kommunalt reinhald av klubbhusa på Dale og Vaksdal
Kr 209.598,91,- vert tilført disposisjonsfondet, konto 2569900
Oversyn over sjukefråveret i Vaksdal kommune blei lagt fram i møtet.
Rådmann og økonomisjef gav ei presentasjon av rekneskap/årsmelding.
Samrøystes vedtak.
Vaksdal kommune kan gå inn for prosjektet til Markåni kraftverk med dei avbøtande tiltak som er skissert i søknaden. Sjølve utbyggingsområdet er ikkje registrert som regionalt viktig. Strandsona i Bolstadfjorden er derimot registrert som regionalt viktig for friluftslivet, og dette er ein nasjonal laksefjord. Vaksdal kommune ynskjer at både fotoillustrasjon og konsekvensane for det strandsonebaserte friluftslivet vert illustrert. Tilhøve for sjøaure i elvemunningane må også verta betre fagleg vurdert. Ein må ta omsyn til raudlistearten treslaget alm i området.
Arne Normann stilte spørsmål ved sin habilitet i saka. Med heimel i forvaltningslova § 6 b) vedtok kommunestyret samrøystes at Arne Normann er ugild i saka.
Vedtak mot 1 røyst (SV)
Vaksdal kommune går imot at det vert gjeve konsesjon for Moko kraftverk på Dale på grunn av at det ømsøkte alternativet vil vera til stor skade for sjøaurestamma i Daleelva. Det vert vist til uttale frå Dale Jakt og Fiskarlag og utgreiinga frå Uni Miljø om denne saka. Dei omsøkte planane vil fråføra det meste av vatnet frå midtre del av Moko og sleppa det ut att nederst i Moko like for utløpet til Daleelva. Den foreslåtte minstevassføringa vil ikkje tilføra nok vatn til Drivo til at det vert gode tilhøve for sjøauren. Dette kan løysast ved eit tidlegare vurdert alternativ med gode avbøtande tiltak.
Anneli Vatle Lilletvedt, H, fremja utsetjingsframlegg i saka.
Utsetjingsframlegget fekk 6 røyster (H, FRP, Sigmund Simmenes (SP)) og fall.
Sigmund Simmenes fremja sitt framlegg frå formannskapet på nytt:
Kommunestyret er positiv til konsesjon for utbygging av Moko under føresetnad at avbøtande tiltak vert iverksett før utbygging.
Framlegg frå Kjartan Haugsnes:
Formannskapet si tilråding med unntak av siste setning.
Avrøysting:
Formannskapet si tilråding vart sett opp mot Sigmund Simmenes sitt framlegg. Formannskapet si tilråding vart vedteken mot 9 røyster (H, FRP, SP, Anders Risnes, AP og Arne Normann, KRF)
Framlegget frå Kjartan Haugsnes fekk 1 røyst (SV) og fall.
Vaksdal kommune kan gå inn for prosjektet til Sædalen kraftverk med alternativ 1; med nedgrave røyr eller alternativ 2; med bora tunnel, med dei avbøtande tiltak som er skissert i søknaden. Sædalselva må vera sikra ei forsvarleg minstevassføring. Løyve til skogsvegen er gått ut og må søkjast på nytt til Vaksdal kommune.
Vedtak mot 1 røyst (SV)
Vaksdal kommune rår frå at det vert gjeve konsesjon for Boge 3 kraftverk. Bogevatnet vert nytta som kommunal drikkevasskjelde i enno 2-3 år og seinare som reservevasskjelde. Tiltaket kan gje negative effektar for dette. I tillegg vil endra tapperegime med overføring av Krossatjørnane til Svartavatnet og tapping av dette vatnet med tunnel ned at til ny kraftstasjon ved Bogevatnet vera negativt i friluftsamanheng med tørrlagde elvefar og sørjerender i magasina. Vaksdalvassdraget vil missa vassføringa frå Svartavatnet. Dette vassdraget er frå før kraftig regulert og nye reguleringar er planlagt med fråføring av vatn i øvre del til Samnanger.
Samrøystes vedtak.
Vaksdal kommune rår frå at det vert gjeve konsesjon for Skarvagroi kraftverk. Tiltaket medfører eit stort naturinngrep og gjev ei heller beskjeden kraftmengde på ca 5 GWh, på grunn av fallenergi på berre 96 m. Tiltaket ligg ved inngangen til eit svært viktig lokalt og regionalt friluftsområde i Bergsdalsfjella. Frå før er Bergsdalsvassdraget sterkt prega av vasskraftutbyggingar og inngrep som gjev problem med tilgroing i vassdraget. Ein del urørte og særmerkte sideelvar er difor viktig å ta vare på. Skarvagroi har særprega naturkvalitet og tiltaket fører til kraftig reduksjon av vassføringa i elva. Elva er ein viktig del av landskapsbildet sett frå militærvegen. Frå Småbrekkevatnet og sørvestover har ein starten på i eit større område utan naturinngrep. Ei utbygging av Skarvagroi kraftverk vil medføra eit tap av inngrepsfrie område (INON) på 0,94 km2.
Samrøystes vedtak.
Vaksdal kommune rår til at det vert gjeve konsesjon for Oddmundsdalen kraftverk under føresetnad av at det blir sett krav til avbøtande tiltak. Tiltaket ligg ved inngangen til eit viktig friluftsområde i Bergsdalsfjella. Ein permanent veg inn i Oddmundsdalen vil gje eit stort naturinngrep inn i ein heilt urørt dal, og utbyggar bør difor få krav om å reetablere terrenget etter anleggsarbeida er avslutta. Ei utbygging av Oddmundsdalen kraftverk vil medføra eit tap av inngrepsfrie område (INON) på 2,84 km². Utbygginga kan vere viktig som tilleggsinntekt for landbruksverksemd og som grunnlag for framtidig busetting.
Vedtak mot 1 røyst (SV)
Eitt av dei seks omsøkte kraftverka i Vaksdal peikar seg svært negativt ut i friluftssamanheng og tap av INON-område. Det gjeld Skarvagrovi kraftverk i Bergsdalen, som er innfallsporten til eit viktig regionalt friluftsområde med hytter og t-merka løyper. Vaksdal kommune er også negativ til Boge 3 kraftverk ovanfor Boge og Vaksdal ved Sørfjorden. Vassdraget vert nytta av Vaksdal kommune som drikkevasskjelde for tettstaden Vaksdal og Boge med ca 1200 innbyggjarar. Det har også ein stor lokal friluftsverdi og ein fjernar vatn frå det frå før kraftig regulerte Vaksdalvassdraget. Vaksdal kommune kan gå inn for Markåni kraftverk ved Bolstadfjorden og Sædalen kraftverk ved Vaksdal dersom gode avbøtande tiltak vert pålagt.
Når det gjeld Moko kraftverk på Dale går Vaksdal kommune mot det omsøkte alternativet på grunn av at det får svært negativ effekt på eit viktig oppvekstområde for sjøaure. Dette kan løysast ved eit tidlegare vurdert alternativ med gode avbøtande tiltak.
Oddmundsdalen er ein negativ til på grunn av bygging av permanent veg inn i eit urørt område. Dette kan løysast ved å reetablere terrenget etter at anleggsarbeida er avslutta.
Med heimel i forvaltningslova § 6 b) vedtok kommunestyret samrøystes at Arne Normann er ugild i saka.
Einingsleiar Willy Andre Gjesdal orienterte om alle sakene samla.
Vedtak mot 1 røyst (SV)
Dersom ikkje Eidslandgrendalag presenterer ei løysing for deira eventuelle overtaking innan 1.juni 2015 gir kommunestyret rådmannen fullmakt til sal av Eidsland skule på den opne marknaden
Samrøystes vedtak.
Vaksdal kommunestyre vedtek at investeringsmidlar for 2015, løyvd til «Ferdigstilling av asfaltering Gammersvik-Grøsvik» kr. 780.000,- vert omdisponert som del av finansieringa av vøla og oppattbygging av den utrasa vegstrekkja på Toskedalsvegen ved Flothamn/Sverrestuen.
Det vert vidare løyvd kr. inntil 2.840.000,- frå Kapitalfondet(«VOE-fondet»): 2530010 for å få fullfinansiereprosjektet.
Kalkulert kostnad til prosjektet er : 3,62 mill. kr inkl. mva.
Administrasjonen arbeider med søknad til fylkesmannen om ekstraordinære skjønsmidlar til prosjektet. Ved utbetaling av eventuelt tilskot skal dette tilbakeførast til«VOE-fondet»: 2530010
Samrøystes vedtak.
Saka vert tatt til orientering. Endeleg handsaming vert gjort i Tertial 1.
Samrøystes vedtak.
Politikar | Parti | Medlemstype | E-Post |
---|---|---|---|
Eirik Haga | Arbeiderpartiet | Ordførar | eirik.haga@vaksdal.kommune.no |
Sigmund Simmenes | Senterpartiet | Varaordførar | sigmund.simmenes@vaksdal.kommune.no |
Brita Hesjedal Lunde | Arbeiderpartiet | Medlem | brita.hesjedal.lunde@vaksdal.kommune.no |
Heidi Rongved | Arbeiderpartiet | Medlem | heidirongved@gmail.com |
Magne Hestad | Arbeiderpartiet | Medlem | magne.hestad@fagforbundet.no |
Anders Jin Risnes | Arbeiderpartiet | Medlem | arisnes@online.no |
Bjørg Aase Nottveit Hop | Arbeiderpartiet | Medlem | bjorg.hop@bkk.no |
Helge Risnes | Arbeiderpartiet | Medlem | hjrisnes@broadpark.no |
Irving Sæterdal | Arbeiderpartiet | Medlem | irving.seterdal@vaksdal.kommune.no |
Jan Hansen | Arbeiderpartiet | Medlem | jan.han@combitel.no |
Boris Groth | Framstegspartiet | Medlem | boris.groth@gmail.com |
Anneli Vatle Lilletvedt | Høgre | Medlem | annelivl@outlook.com |
Silje Stien | Høgre | Medlem | si-stien@hotmail.com |
Svein Arvid Boge | Høgre | Medlem | sveinaboge@vaksdalnet.no |
Åge Johan Fanebust | Høgre | Medlem | age.johan.fanebust@vaksdal.kommune.no |
Arne Normann | Kristeleg Folkeparti | Medlem | anormann55@gmail.com |
Helge Gullbrå | Kristeleg Folkeparti | Medlem | helge.gullbraa@gmail.com |
Kjartan Haugsnes | Sosialistisk Venstreparti | Medlem | kjartan.haugsnes@vaksdal.kommune.no |
Ann-Karin Bukkestein | Arbeiderpartiet | Varamedlem | |
Oddbjørn Ingve Vik | Senterpartiet | Varamedlem | |
Cherno Marjo Bah | cherno.marjo.bah@vaksdal.kommune.no | ||
Mona Mekki | mona.mekki@vaksdal.kommune.no | ||
Truls Morten Kaland | truls.morten.kaland@vaksdal.kommune.no | ||
Bjørn Øivind Krogsrud (Ikke møtt) | Arbeiderpartiet | Medlem | bjornkrogsrud@gmail.com |
Dag Brekke (Ikke møtt) | Senterpartiet | Medlem | dagbrekke@gmail.com |
Karin Nordheim (Ikke møtt) | Senterpartiet | Medlem | karin.flatekval@outlook.com |