Čoahkkin Levekårsutvalet 22.02.2016

Vedtak

Innkalling og saksliste vart

Behandling

Samrøystes vedtak.

Vedtak

Møteboka vert godkjent slik ho ligg føre.

Behandling

Samrøystes vedtak.

Vedtak

Referatsakene vart tatt til orientering.

Behandling

Referatsak 2 - orientering vil bli gitt i samband med saka om skulestruktur.

Vedtak

Saka vert teken til orientering.

Behandling

Kommunalsjef helse og omsorg orienterte.

Anneli Vatle Lilletvedt ønskjer at levekårsutvalet får ei orientering om mobbing i skulen.

Samrøystes vedtak.

Vedtak

Organisering av prosjektet «Lev Vel i Vaksdal» vert godkjent slik det ligg føre.

Behandling

Framlegg frå Anneli Vatle Lilletvedt, H:
Prosjektgruppa Lev Vel i Vaksdal vert utvida med ein person frå formannskap/plan- og økonomiutvalet.

Forslaga vart sett opp mot kvarandre. 3 røysta for Anneli Vatle Lilletvedt sitt forslag (H, SV, MDG) som dermed fall.

Vedtak

Høyringsuttalane er mange, gode og viser stort engasjement og viktige innspel for vidare saksutgreiing. Det er viktig å sikra ein brei politisk prosess der alle politiske utval har høve til å handsama høyringsuttalane og kome med innspel til vidare saksutgreiing og prosess.  Justert framdriftsplan legg opp til politisk handsaming av skulestrukturen i kommunestyret i juni, parallelt med saker om kommunestruktur og økonomiplan.

For å kunna oppretthalda eit forsvarleg opplæringsnivå uansett kva alternativ for skulestruktur kommunestyret landar på, må ein nytta tida fram til endeleg avgjerd i juni til å finna økonomiske løysingar i komande økonomiplan for finansiering av dei ulike skulestruktur-alternativa. Levekårsutvalet legg til grunn at endringar i skulestrukturen tidlegast kan skje frå august 2017.

Behandling

Einingsleiar samfunnsutvikling orienterte om moglegheitsstudie for ny barne- og ungdomsskule på Dale (jfr. referatsak 03/2016.2).

Kommunalsjef oppvekst orienterte, og gjekk igjennom innkomne høyringsuttalar.

Endringsframlegg frå Line Kydland, på vegner av SV, H, MDG:

1. Komunestyret vel alternativ 0B og ber administrasjonen arbeida videre med dette alternativet, som inkluderer ny Barne og ungdomskule på Dale og nytt tilbygg på Vaksdal skule.

2. Forslag til prosjektplan, kostnadsoverslag og plan for fedigstilling av prosjektet vert å handsama i kommunestyret 27. juni 2016.

3. Kommunestyret ber administrasjonen legge fram eigen sak om kjøp av elevplassar i Modalen innan kommunestyret sitt møte 9. mai 2016.

Tilleggsframlegg frå Hege Eide Vik, på vegner av SP, AP:

For å kunna oppretthalda eit forsvarleg opplæringsnivå uansett kva alternativ for skulestruktur kommunestyret landar på, må ein nytta tida fram til endeleg avgjerd i juni til å finna økonomiske løysingar i komande økonomiplan for finansiering av dei ulike skulestruktur-alternativa.

Levekårsutvalet legg til grunn at endringar i skulestrukturen tidlegast kan skje frå august 2017.


Røysting:

Rådmannen sitt framlegg vart sett opp mot Framlegget frå Line Kydland. 3 røysta for Line Kydland sitt framlegg (SV, H, MDG) som dermed fall.

Tilleggsframlegget frå Hege Eide Vik vart samrøystes vedteke.


Protokollmerknad frå Line Kydland på vegner av SV, H, MDG:

Partia MDG, Høgre og SV er einige om at skulestrukturprosessen held fram som tidligare vedteke. Det vil seie at kommunestyret gjer sitt endelege vedtak 11. april 2016.

Grunngjeving:

• Partia meiner skulestruktursaka må følge vedteken plan. Dette er rett i høve det engasjementet og arbeidet som bygdene, skulane og enkeltmenneska i Vaksdal har utført. Det vil vere å ikkje ta folk på alvor med ei utsetting no

• Partia meiner det vil være særs uheldig å handsame skulestruktursaka 10 dagar etter at skulane har teke sommarferie. Elevar, tilsette og føresette har krav på å vite om skulen vert lagt ned innan sommaravslutninga

• Partia meiner det er eit stort føremon i økonomiplanarbeidet at vedtak i skulestruktursaka kjem i april. Det vil vere umulig å handsame desse sakene i same møte

• Partia meiner det er viktig at skulestruktursaka vert avgjort no slik at kommunen kan gjennomføra kommunereforma best mogleg etterpå

• Partia meiner til slutt at prosessen som er føreslått i saksutgreiinga i PS 07/16 i Levekårsutvalet 22.02 er uryddig. Politiske og administrative prosessar skal ikkje køyrast parallelt

Vedtak

Saka vert tatt til orientering.

Behandling

- Diverse orienteringar frå rådmannen:
- Kommunalsjef helse og omsorg orienterte om øyeblikkeleg hjelp senger (ØH-senger)
- Rådmannen orienterte om husværa i Sveabrekko

- Orientering om avdeling for rus og psykiatri v/kommunalsjef helse og omsorg