Møte i Eldrerådet den 23.11.2016

Vedtak

Saka vert tatt til orientering.

Sekretær sender mail til dei aktuelle deltakarane om dato og tid for møte med innspelgruppe.

Behandling

Anne Hedvig Faugstad, sjukepleiar ved Forvaltningskontoret, orienterte om Karde-prosjektet som dreiar seg om utprøving av kvardagsteknologi og kor vidt desse produkta er universelt utforma.

Kommunalsjef Solrun Hauglum orienterte om status i "Lev Vel i Vaksdal". Det er inngått samarbeid med Hilde Haaland Kramer, leiar ved Senter for omsorgsforsking Vest, rundt innbyggjarundersøking av fire utplukka årskull eldre i kommunen. Det er ønskje om å skipa til eit møte før skjema vert sendt ut for at eldre innbyggjarar skal kunne komma med innspel til skjemaet. Dei av Eldrerådet som ikkje er fødd dei utplukka årstala, sa seg villige til å stilla i ei innspelgruppe. Mest truleg vert dette møtet onsdag 4. januar kl. 10.30 - 13.00 i Kommunestyresalen på Dale.

Vedtak

Rekneskapet vert godkjent, og saka vert tatt til orientering.

Inntil kr. 5000,- av overskotet etter Eldredagen 2016 vert brukt til bebuarane på sjukeheim. Sekretær undersøkjer med institusjonane kva som kan vera aktuelt og melder attende til leiar for Eldrerådet.

Behandling

Leiar gjennomgjekk rekneskap for Eldredagen 2016.

Det var ein vellukka dag, og Turbinen egna seg som lokale.

Det kom forslag om å bruka delar av overskotet til noko som kan gleda institusjonsbebuarane før jul. Inntil kr. 5000,- kan brukast til dette.

Vedtak

Eldrerådet tek Formannskapet sitt budsjettvedtak til orientering.

Eldrerådet ber om at auka midlar til institusjon vert nytta til auka ressursar innan rehabilitering/korttidsopphold. Auka midlar til heimetenesta bør nyttast til å tilsetja ergoterapeut. Ei slik stilling er særs viktig for førebyggjande tiltak.

Behandling

Ordførar Eirik Haga orienterte i saka, og kommunalsjef Solrun Hauglum svara på spørsmål.