Møte i Kontrollutvalet den 30.08.2017

Vedtak

På bakgrunn av forvaltningsrevisjonsrapport ”Kvalitet innanfor helse og omsorg”, ber kommunestyretrådmannen syta for å:

1. Evaluere og vidareutvikle sine system for å sikre brukarmedverknad på individnivå, og som del av ei slik evaluering hentar inn systematisk informasjon om korleis tenestemottakarar og pårørande sjølv opplever brukarmedverknaden.

2. Sikre at tenestemottakarar og pårørande sine erfaringar med tenestene systematisk bli innhenta og nytta i det kontinuerlege arbeidet med kvalitetsutvikling i helse- og omsorgstenestene.

3. Gjennomgå og evaluere system og rutinar for å sikre tilsette sin medverknad, mellom anna for å sikre at tilsette sine erfaringar og innspel blir nytta i kvalitetsarbeidet.

4. Sikre at tilsette har forståing for viktigheita av å melde frå om uønskte hendingar, og at avvik blir systematisk meldt frå om og følgt opp og nytta i kvalitetsarbeidet.

5. Gjennomføre ei kartlegging av medarbeidarane sin kompetanse i forbetringsarbeid, og vurderer kva tiltak som eventuelt bør setjast i verk for å auke denne kompetansen.

6. Sikre at det både gjennom medarbeidarsamtalar og meir fortløpande dialog mellom tilsette og deira leiarar er fokus på meistring av arbeidsoppgåver, og eventuelle behov for rettleiing og opplæring.

7. Sikre at kommunen si varslingsrutine blir gjort tilstrekkeleg kjent blant dei tilsette.

8. Sikre at det i større grad blir gjennomført systematiske og dokumenterte risikovurderingar, for åidentifisere aktivitetar eller prosessar der det er fare for svikt eller brot på regelverk.

9. Å etablere rutinar for gjennomføring av eigenkontrollar, til dømes innanfor område der kommunen vurderer at det er risiko for manglande etterleving av rutinar og prosedyrar.

10. Å laga ein prioritert handlingsplan til kontrollutvalet innan 01.12.2017 som viser kva tiltak som skal setjast i verk for å følgja opp tilrådingane i rapporten, når tiltaka skal setjast i verk og kven som skal ha ansvaret for iverksettinga. Kontrollutvalet har ansvar for å følgje opp at tilrådingar som er vedteke av kommunestyret vert følgd opp.

Behandling

Forvaltningsrevisor Line Margrethe Johansen presenterte resultatet av den gjennomførte forvaltningsrevisjonen av kvalitet innanfor helse og omsorg og svarte på spørsmål frå kontrollutvalet.

Kontrollutvalet ønskjer at Deloitte får 15 minutter til å presentere revisjonsrapporten for kommunestyret i møte 16.10.2017.

Forslag til innstilling vart samrøystes vedteke.

Vedtak

Kontrollutvalet vedtek forslag til budsjett 2018 for kontroll og tilsynsarbeidet i Vaksdal kommune, inkludertendringar som kjem fram i møtet. Budsjettforslaget vert å sende Vaksdal kommune for vidare handsaming.

Behandling

Sekretariatet gjorde greie for kva som ligg bak tala i forslag til budsjett og svarte på spørsmål frå kontrollutvalet.

I dag har leier i kontrollutvalet abonnement på Kommunerevisoren og Kommunal rapport. Kommunal rapport vert belasta kommunestyret sitt budsjett medan Kommunerevisoren vert belasta kontrollutvalet sitt budsjett. Bente Sundheim får, av ukjende grunnar, 2 eksemplar av Kommunal rapport. Rådmannen lovte å sjekke opp i kvifor dette skjer.

Kontrollutvalet vart samde om at alle bør ha abonnement på både Kommunerevisoren og Kommunal rapport og kostnader til dette vart lagt inn i budsjettforslaget. Det vart også semje om å auke konto 1087 Tapt arbeidsforteneste med kr. 5000.

Med desse endringane vart forslag til budsjett samrøystes vedteke.