Møte i Kommunestyret den 16.10.2017

Behandling

Bjørn Roald meinte utleverte tilleggsdokument til sak 65/2017 var for seint mottekne. Han gjorde framlegg om å utsetja sak 64/2017 og 65/2017.

AP, Sp og KRF ba om gruppemøte.

Etter gruppemøtet gjorde gruppeleiar Heidi Rongved greie for gruppa sitt syn.

Røysting:

7 røysta for utsetjingsframlegget (SV, H, FRP, MDG) som dermed fall.

Rådmannen sitt framlegg vart vedteke mot 7 røyster (SV, H, FRP, MDG)

Behandling

Samrøystes vedtak.

Behandling

Samrøystes vedtak.

Vedtak

På bakgrunn av forvaltningsrevisjonsrapport ”Kvalitet innanfor helse og omsorg”, ber kommunestyretrådmannen syta for å:

1. Evaluere og vidareutvikle sine system for å sikre brukarmedverknad på individnivå, og som del av ei slik evaluering hentar inn systematisk informasjon om korleis tenestemottakarar og pårørande sjølv opplever brukarmedverknaden.

2. Sikre at tenestemottakarar og pårørande sine erfaringar med tenestene systematisk bli innhenta og nytta i det kontinuerlege arbeidet med kvalitetsutvikling i helse- og omsorgstenestene.

3. Gjennomgå og evaluere system og rutinar for å sikre tilsette sin medverknad, mellom anna for å sikre at tilsette sine erfaringar og innspel blir nytta i kvalitetsarbeidet.

4. Sikre at tilsette har forståing for viktigheita av å melde frå om uønskte hendingar, og at avvik blir systematisk meldt frå om og følgt opp og nytta i kvalitetsarbeidet.

5. Gjennomføre ei kartlegging av medarbeidarane sin kompetanse i forbetringsarbeid, og vurderer kva tiltak som eventuelt bør setjast i verk for å auke denne kompetansen.

6. Sikre at det både gjennom medarbeidarsamtalar og meir fortløpande dialog mellom tilsette og deira leiarar er fokus på meistring av arbeidsoppgåver, og eventuelle behov for rettleiing og opplæring.

7. Sikre at kommunen si varslingsrutine blir gjort tilstrekkeleg kjent blant dei tilsette.

8. Sikre at det i større grad blir gjennomført systematiske og dokumenterte risikovurderingar, for åidentifisere aktivitetar eller prosessar der det er fare for svikt eller brot på regelverk.

9. Å etablere rutinar for gjennomføring av eigenkontrollar, til dømes innanfor område der kommunen vurderer at det er risiko for manglande etterleving av rutinar og prosedyrar.

10. Å laga ein prioritert handlingsplan til kontrollutvalet innan 01.12.2017 som viser kva tiltak som skal setjast i verk for å følgja opp tilrådingane i rapporten, når tiltaka skal setjast i verk og kven som skal ha ansvaret for iverksettinga. Kontrollutvalet har ansvar for å følgje opp at tilrådingar som er vedteke av kommunestyret vert følgd opp.

Behandling

Line Johansen frå Deloitte gjekk gjennom revisjonsrapporten.

Leiar i kontrollutvalet orienterte.

Samrøysstes vedtak.

Behandling

Boris Groth stilte spørsmål om open halvtime. Etter ei kort drøfting, sendte kommunestyret saka over til ombodsutvalet for å sjå på reglementet i punkt 7.1 om Open halvtime. Gjeld spesielt om innbyggjarar kan ta opp saker som står på sakslista i møtet.

Saka utsett til 23.10.2017

Behandling

Saka utsett til 23.10.2017

Behandling

Saka utsett til 23.10.2017

Behandling

Saka utsett til 23.10.2017

Behandling

• K5 v/BaneNor og Statens vegvesen

  Orientering v/Olav Lofthus frå Statens vegvesen og Hans-Egil Larsen frå BaneNor

• Ny skule på Dale v/Rambøl/Adm.

  Administrasjonen v/einingsleiar Willy Andre Gjesdal og Rambøll v/Torill Tverberg og Lars Jarle Nore svarte på dei spørsmåla formannskapet bad rådmannen svara på til kommunestyremøtet

• Forvaltningsrapport v/Deloitte

  Orientering v/Line Johansen

• Vaksdal Næringsselskap

  Orientering v/dagleg leiar Vidar Skeie. Tilstade var og styreleiar Geir Hanevik