Møte i Kommunestyret den 13.11.2017

Behandling

Ei tilleggssak vart utlevert til gruppemøta (sak 83/2017) - kommunestyret gjekk samrøystes inn for å behandle saka i møtet.

Samrøystes vedtak.

Vedtak

Møtebøkenevert godkjende slik dei ligg føre.

Behandling

Samrøystes vedtak

Behandling

Samrøystes vedtak.

Behandling

• Presentasjon av innbyggarundersøking i Vaksdal v/ Hilde Haaland-Kramer, leiar for Omsorgsforskning Vest og kommunalsjef Solrun Hauglum

• Kartlegging og verdisetting av friluftslivområde, presentasjon v/ Marianne Jetmundsen, Bergen og omland friluftsråd og kommuneplanleggjer Gjertrud Karevoll

• Fast orientering frå rådmann og ordførar:

  Rådmannens kvarter:

  Orienteringane frå rådmannen vert lagt inn i Møteportalen under Informasjon

Ordførar sine orienteringar

KS-saker:

- Mottak av flyktningar

- Digital infrastruktur

- Lokal beskatningsrett

- Studietur til Brussel

Andre saker:

-Arna-Voss - Møte i Planforum og Referansegruppa

- Informasjon om kommunal vigselsrett

- Møte i Politirådet

Varaordførar

- Årleg samling i Os der statlege etatar møter kommunane / reformprosessen i kommunereforma

- Politireforma

Behandling

Samrøystes vedtak.

Behandling

Samrøystes vedtak.

Behandling

Samrøystes vedtak.

Vedtak

Kommunestyresalen vert tilbydd som seremonirom ved borgarleg vigsel i kommunen. Anna lokalitet kan avtalast.

I tillegg til ordførar og varaordførar vert det tildelt vigselsrett til ein som rådmannen peikar ut.

Begge kjønn skal væra representert blandt vigslarane.

Behandling

Tilleggsframlegg frå Heidi Rongved på vegner av AP, SP, KRF:

Begge kjønn skal væra representert blandt vigslarane.

Røysting:

Det vart først røysta over formannskapet si tilråding, som vart samrøystes vedteke.

Heidi Rongved sitt framlegg vart så samrøystes vedteke.

Vedtak

Med utgangspunkt i interpellasjonen og svaret frå ordførar ber kommunestyret om at administrasjonen utarbeider ei sak om utfasing av giftige sprøytemidler i kommunen innan utgangen av mars 2018.

Behandling

Interpellanten fekk ordet først for å fremja interpellasjonen.

Ordføraren gav slikt svar:

Ugrasbekjempelse blir gjort på mange ulike måtar. For eksempel er det langs veg mulig å utføre med kokende vann og skum.

Statens vegvesen er begynt å nytte denne metoden. Dette prosjektet er i startfasen og Statens vegvesen har no fokus påkostnadsbildet og virkningen av metoden.

Det er enda usikkerhet om kor mange behandlinger sommå til pr. vekstsesong.

I Sverige og Danmark prøver de ut en metode som går på varmt vatn, maisstivelse og kokos.

Ugras kan også holdes i sjakk ved hjelp av kantslått. Denne metoden utfører Vaksdal Kommune der vegkantene er egnet for dette.

Skal Kommunalteknisk avdeling holde veggrøfter på et akseptabelt nivå med hjelp av varmt vatn og skum, må det investeres i nytt utstyr/maskiner og opplæring må til.

Kommunalteknisk avdeling følger med på nye alternative metoder når det gjelder bekjempelse av ugras i vegkanter, og er opptatt av å kunne drive dette på en best mulig måte knytt opp mot miljø, kvalitet og kostnadsbilde, og fase ut bruken av giftige stoffer.

Alternativ utprøving tar tid.

Utforming av vegskulder/grøfter er avgjørende når det gjelder mekanisk slått. Nye veganlegg tar høgde for dette i planleggingsprosessen. I Vaksdal Kommune er det få strekninger som er tilrettelagt for mekanisk slått.

Det er ordførar sin mening at kommunalteknisk drift skal holde fram med å teileigne seg ny kompetanse om miljøriktig vedlikehold og drift av de kommunale vegene og grøntanlegg.

Kommunalteknisk drift bør studere kordan kommunar som er komt lengre enn Vaksdal når det gjelder miljøriktig vegvedlikehold og drift, skaffar seg oversikt over behov for utstyr og kostnadar ved anskaffelse.

Kommunestyret bør få oppdatering på kor langt kommunalteknisk drift er komt til en kver tid. Vidare bør kommunalteknisk drift rapportere i tertialrapport 1 2018 om kor langt arbeidet er komt.

Vaksdal kommune skaffar til veie informasjonsmateriell om konsekvensar ved bruk av miljøgifter fra miljømynighetene og gjør disse tilgjengelige for innbyggarne.

Vaksdal kommune er en liten kommune. En liten kommune må hente inn kunnskap og erfaringar fra andre. Før kommunen kommer i gang med å nytte utelukkande miljøriktig kantslått bør dei varsla om når dei brukar andre stoff.

Det vart så opna for debatt.

Kommunestyret samla seg om følgjande omforeinte framlegg, som vart samrøystes vedteke:

Med utgangspunkt i interpellasjonen og svaret frå ordførar ber kommunestyret om at administrasjonen utarbeider ei sak om utfasing av giftige sprøytemidler i kommunen innan utgangen av mars 2018.

Vedtak

Permisjon for utføring av andre tillitsverv som ikkje omfattas av hovedavtalen

Tillitsvalgte i arbeidstakerorganisasjonar og andre lag/organisasjonar har rett til permisjon til opplæring og anna arbeid, som har betydning for deira funksjon som tillitsvalgt, og som ikkje omfattas av hovedavtalen.

Ulønna permisjon skal gjevast til medlemmar i arbeidstakarorganisasjonar/ lag/organisasjoner for utføring av aktivitetar som foregår i arbeidstakaren si arbeidstid.

Refusjonsordningen med arbeidstakerorganisasjoner/lag/oranisasjonar.

Ved uløna permisjon for utføring av verv foretar kommunen utlønning og alle innbetalinger til pensjonskasse m.m mot refusjon frå arbeidstakerorganisasjonen/laget/organisasjonen.

Kommunestyret ber administrasjonsutvalet utarbeide reglement i høve vedtak.

Behandling

Interpellanten fekk ordet først for å fremja interpellasjonen.

Ordføraren gav slikt svar:

Saken er forelagt rådmannen som har undersøkt praksis i de kommunale einingene. Hun finn ikkje at det blir gitt avslag på denne type permisjonar. Slike permisjonar utgjør mange dagsverk årlig i kommunen og menar at Vaksdal ligg i det øvre sjiktet blant kommunene rundt oss, det betyr at mange søkar permisjon og får.

Det er derimot i en del tilfellar gitt avslag på permisjonar til å delta på fagkurs i regi av Fagforbundet/Kommunal kompetanse. Disse blir vurdert som andre typar søknader om faglege kurs og vurdert etter kompetanseplanar, innhald/relevans, arbeidssituasjon, sjukefråvær og økonomi i eininga m.v.

Rådmannen er usikker på kva interpellanten meiner når det blir vist til «rettar for tillitsvalde utover hovudavtalen». Det er jo hovudavtalen/hovudtariffavtalen som regulerer alt mellom partene, denne type permisjonar er skildret i detalj (formål og tal dager pr år) i hovudavtalen. Det er et spørsmål om Vaksdal kommune skal ha egne ordningar i tillegg til avtaleverket.

Ordføraren er kjent med at virkeligheten nok blir opplevd ulikt fra arbeidsgiversiden og arbeidstakarsiden.

Det går på ka som blir opplevd som relevant for tillitsvervet.

Det går på ka som er i tråd med kompetanseplanene til kommunen.

Det går på ka som er innenfor eller utenfor avtaleverket.

Kommunestyret har gitt signal gjennom budsjettvedtak at vi ønskar samfunnsengasjerte arbeidstakare, og bedt adminstrasjonen praktisere permisjonsreglementet på en raus måte.

Eg vil at kommunestyret ber administrasjonsutvalget – som partsammensatt utvalg – å drøfte praktiseringen av permisjonsreglement med utgangspunkt i Heidi Rongved sitt framlegg til vedtak i neste møte i adminsitrasjonsutvalget. Slik får og arbeidstakarorganisasjonene sitt syn komme fram.

Det vart så opna for debatt.

Framlegg frå Kjartan Haugsnes, SV:

Kommunestyret ber administrasjonsutvalet utarbeide reglement i høve vedtak.

Framlegg frå Bjørn Øivind Krogsrud, AP:

Administrasjonsutvalet utarbeider nytt permisjonsreglement.

Inntil nytt reglement føreligg, gjeld forslaga frå Heidi Rongved sin interpellasjon.

Framlegget vart seinare trekt.

Røysting:

Framlegget frå Heidi Rongved som låg i interpellasjonen og Kjartan Haugsnes sitt framlegg vart sett under ett. Desse vart sett opp mot forslaget som låg i svaret frå ordførar.

4 røysta for svaret til ordførar (Eirik Haga, H og FRP) som dermed fall.

Vedtak

Milano Pizzeria Vaksdal får innvilga skjenkeløyve for alkohol i gruppe 1, 2 og 3.

Skjenketid for alkohol i gruppe 1 og 2 vert sett til kl. 10.00-02.30.

Skjenketid for alkohol i gruppe 3 vert sett til kl. 13.00-02.30.

Skjenkestad: Innandørs i Milano Pizzaria

Løyvehaver er Milano Pizzeria Vaksdal org. Nr. 917 124 264

Styrar for skjenkeløyvet er Halis Celep

Stedfortredar er Mehmet Celep

Skjenkeløyvet er gjeldande frå 14.11.2017 til og med 30.06.2018.

Løyvehavar/styrar skal i løyveperioden legge fram nødvendig dokumentasjon om drift og rekneskap for kommunen jf. Alkohollova §1.9

Behandling

Saka vart lagt fram i gruppemøta. Kommunestyret gjekk samrøystes inn for å behandla saka i møtet.

Vedteke mot 1 røyst (MDG).

Vedtak

1. Kommunestyret ber administrasjonen greie ut ei løysing for modulskule lokalisert på Dale og på Vaksdal innanfor den kostnadsramma som er sett i høve tidlegare vedtak.

Ei slik utgreiing vert lagt fram for formannskapet sitt møte 27.11.2017. Tiltaket må ikkje gje vesentleg auke i kostnadene for kommunen i driftsbudsjettet

2. Kommunestyret delegerer endeleg vedtak om plassering av modulskule til formannskapet

3. Administrasjonen arbeider vidare med førebuingsarbeidet før anbud

4. Saka vert sendt til revisjonen for kvalitetssikring av forholdet drift/investering:

- Kva kan førast på investering?

- Kva må førast på drift?

Behandling

Saka vart tatt opp i møtet.

Følgjande forslag var oversendt frå Kjartan Haugsnes pr epost den 10.11.2017:

"Forslag frå SV

Viser til brev frå Marius Kvamme Tollefsen, Edvin Hesjedal og Dag Tore Roe som sendt kommunestyret sine medlemmer 09.11.2017 med overskrifta, «Vedrørande modulskule»

SV er av den oppfatning at fleire moment som kjem fram i dette brevet bør utgreiast av administrasjonen og leggjast fram for dei folkevalde. Det er vanskeleg å sjå for seg ei realitetshandsaming av innhaldet i brevet i kommunestyret sitt møte 13.11.2017. Men kommunestyret kan oversende brevet til administrasjonen og be om eit notat/sak til formannskapet 27.11.2017

Det som mellom anna er viktig å få svar på er følgjande:

«I standard for kommunal regnskapsføring heiter det mellom anna i KRS nr 2 pkt 3.1 nr 5 at «utgifter til klargjering for investering» kan førast over investeringsbudsjettet. For at Vaksdal kommune skal kunne realisere investeringa om å byggje ny skule på eksisterande tomt, er denne «klargjeringa» med modulskular heilt naudsynt.»

I formannskapet sitt budsjettseminar har SV tinga ein fullstendig oversikt over kostnader til modulskule, kva som kan takast som investering og kva som må takast på drift. Vi tenker dette kan vere med i eit slikt notat ein her ber om.

Nytt i saka er og ei løysing for SFO på Vaksdal – og for den del på Dale. Om ein innan same kostnadsbilete kan etablere ein modulskule på Dale i to år med plass til SFO og flytte denne til Vaksdal i to år inkludert SFO vil dette i alle høve vere den beste løysinga for alle partar. Det føreligg pt. ikkje ei løysing for SFO på Vaksdal i byggeperioden.

Etter SV si meining er fordelane med ei slik løysing så store at det er verdt å bruke dei naudsynte to vekene på å utgreie. Forslag vert satt fram i høve kommunelova § 34.2

Konkret forslag til realitetshandsaming i kommunestyret 13.11.2017:

1. Kommunestyret ber administrasjonen greie ut ei løysing for modulskule lokalisert på Dale og på Vaksdal innanfor den kostnadsramma som er sett i høve tidlegare vedtak. Ei slik utgreiing vert lagt fram for formannskapet sitt møte 27.11.2017. Tiltaket må ikkje gje vesentleg auke i kostnadene for kommunen i driftsbudsjettet

2. Kommunestyret delegerer endeleg vedtak om plassering av modulskule til formannskapet."

Kjartan Haugsnes gjorde nærare greie for forslaget.

Rådmannen v/einingsleiar Samfunnsutvikling orienterte.

Heidi Rongved ba om gruppemøte.

Etter gruppemøtet gjorde ho greie for gruppa sitt syn, som går på at dei vil støtta SV sitt framlegg med følgjande tilleggspunkt:

3. Administrasjonen arbeider vidare med førebuingsarbeidet før anbud.

4. Saka vert sendt til revisjonen for kvalitetssikring av forholdet drift/investering:

- Kva kan førast på investering?

- Kva må førast på drift?

Røysting:

Det vart først røysta over Kjartan Haugsnes sitt framlegg som vart samrøystes vedteke

Det vart så røysta over Heidi Rongved sitt framlegg punkt for punkt:

Punkt 3 Samrøystes vedteke

Punkt 4 Samrøystes vedteke