Møte i Kommunestyret den 18.12.2017

Vedtak

Heidi Rongved vart vald som setjevaraordførar for dette møtet og fram til Eirik Haga er tilbake.

Innkalling og saksliste vart godkjent.

Behandling

Val av setjevaraordførar:

På vegner av AP, KRF, SP føreslo Arne Normann Heidi Rongved som setjevaraordførar for dette møtet og fram til Eirik Haga er tilbake. Dette vart Samrøystes vedteke

Saka vart samrøystes vedteke.

Vedtak

Møteboka vert godkjent slik ho ligg føre.

Behandling

I møteboka, sak 82/2017, er det oppgitt feil parti på Bjørn Øivind Krogsrud, han bad om at dette vart retta opp i.

Med denne merknaden vart møteboka samrøystes godkjent.

Behandling

• Orientering om undersøking vedkomande mogeleg utfylling i sjø på Stanghelle

v/Anne Birgitte Roe, Multiconsult Norge AS

• Orientering om prosjektstatus og prosessar ny skule på Dale:

- Jan Erik Bernes Roe frå referansegruppa

- Magnar Helland, einingsleiar Skule

- Willy Andre Gjesdal, einingsleiar Samfunnsutviklilng

• Fast orientering frå rådmann
Rådmannen sine orienteringar vert lagt inn i Møteportalen under Informasjon

Behandling

Samrøystes vedtek.

Vedtak

Vaksdal kommunestyre godkjenner følgjande justeringar i samband med rekneskapsavslutninga for 2017:

Driftsbudsjett:

Bruk av midler Beløp

Flyktningefond 2.5611251940.2770.265 20.000

Eventuelt «overskot» av Integreringstilskot utover 1 mill vert sett av til fond 2.561125

Kapitalbudsjett:

Bruk av midler Beløp

Fond for avkastning av

innskoten kapital 2.5699003529.1190.172.K99000 1.254.678,-

Behandling

Samrøystes vedtak.

Vedtak

Desse personane frå Vaksdal kommune vert heidra:

• Peder L. Furubotn vert heidra med ein minnestein plassert i Synken-hagen om mogleg.

• Lavik-brødrene (Andres, Andreas og Johannes) vert heidra med ein samleplakett med alle navna på, plassert på ein sentral plass på Lavik, t.d. ved butikken

• Bjørn Wiik vert heida med ei minneplate i grendahuset på Eidsland

Kostnader med anskaffelse av heiderssymbol samt til arrangement i samband med avdukingane må innarbeidast i budsjettet for 2018.

Behandling

Endringsframlegg frå Evelyn Boge, SV:

Setningen"Peder L. Furubotn vert heidra med ein minnestein plassert i senterparken på Vaksdal"vert endra til:"Peder L. Furubotn vert heidra med ein minnestein plassert i Synken-hagen" om mogleg.

Røysting

Det vart først røysta over formannskapet si tilråding som vart samrøystes vedteke.

Evelyn Boge sitt framlegg vart så samrøystes vedteke.

Behandling

I medhald av forvaltningslovens § 6 første ledd punkt b) vedtok kommunestyret samrøystes at Boris Groth er ugild i saka.

I medhald av forvaltningslovens § 6

Samrøystes vedtak.

Vedtak

Vaksdal kommunestyre godkjenner ikkje framlagt budsjett for 2018 for interkommunal legevakt frå Voss kommune.Vaksdal kommune gjer gjeldane punkt. 17.4 i samarbeidsavtalen om vertskommunesamarbeid for interkommunal legevakt.Vaksdal kommune arbeidar vidare med å få etablert ei felles legevaktordning saman med Samnanger, Osterøy og Kvam i Arna.

Behandling

Rådmannen orienterte.

Framlegg frå Boris Groth, FRP:

Vaksdal kommunestyre ber Voss kommune vurdere budsjettet for interkommunal legevakt på nytt og leggefram eit revidert budsjettframlegg innafor ei ramme på 5% vekst. Revidert framlegg må leggast fram itil kommunestyret si behandling i desember.

Vaksdal kommunestyre vil støtte opp prosessen med å få etablert ei felles legevaktordning saman med Samnanger, Osterøy og Kvam i Arna.

Framlegget vart seinare trekt og erstatta med følgjande framlegg:

Vaksdal kommunestyre ber Voss kommune vurdere budsjettet for interkommunal legevakt på nytt og leggefram eit revidert budsjettframlegg innafor ei ramme på 5% vekst. Revidert framlegg må leggast fram til kommunestyret snarast råd.Vaksdal kommunestyre vil støtte opp prosessen med å få etablert ei felles legevaktordning saman med Samnanger, Osterøy og Kvam i Arna.

Framlegg frå Evelyn Boge, SV:

Kommunestyret vedtek budsjett for interkommunal legevakt 2018 på Voss i samsvar med vertskommuneavtalen punkt 17.4.

Framlegg frå Magne Hestad, AP:

Vaksdal komme gjer gjeldane punkt. 17.4 i samarbeidsavtalen. Vaksdal kommune arbeidar vidare med å få etablert ei legevakt i Arna.

På bakgrunn av framlegget frå Magne Hestad trekte Evelyn Boge sitt framlegg.

Det vart pause i drøftinga, og følgjande omforeinte framlegg frå Magne Hestad og Boris Groth vart lagt fram:

Vaksdal kommunestyre godkjenner ikkje framlagt budsjett for 2018 for interkommunal legevakt frå Voss kommune.Vaksdal kommune gjer gjeldane punkt. 17.4 i samarbeidsavtalen om vertskommunesamarbeid for interkommunal legevakt.Vaksdal kommune arbeidar vidare med å få etablert ei felles legevaktordning saman med Samnanger, Osterøy og Kvam i Arna.

Det omforeinte framlegget vart samrøystes vedteke.

Vedtak

Vaksdal kommunestyre godgjenner budsjett 2018 for Vaksdal kommunale arbeids og opplæringssenter innafor ei samla ramme av kommunalt tilskotet på kr 1.886.320Kr 1.571.325,- vert finansiert med ordinært tilskot og kr 314.995,- vert finansiert ved bruk av integreringstilskot.

Behandling

Samrøysstes vedtak.

Vedtak

1. Vaksdal kommune vedtek at BIR Privat AS vert delegert fullmakt til fakturering og innkreving av renovasjonsgebyr på vegen av Vaksdal kommune, Jfr. §12 i «Forskrift om håndtering av avfall fra husholdning». Renovasjonsgebyret tilhøyrer Vaksdal kommune.

2. Prisen på renovasjonstenesta for 2018 vert redusert med 1 %, med unnatak av eigenandelen for levering til gjenvinningsstasjonane og enkelte tenester utanfor standard renovasjon.
   Desse vert uendra.

Kommunalt påslag vert sett til kr. 0,- for 2018.

Vaksdal kommune vedtek renovasjonsgebyr i medhald av vedlagte prismatrise.

Jmf. vedlegg: Renovasjonsgebyr 2018 Vaksdal kommune (Pristabell 2018).

Behandling

I medhald av forvaltningslovens § 6 e) punkt 2 vedtok kommunestyret samrøystes at Heidi Rongved er ugild i saka.

Samrøystes vedtak.

Vedtak

1. Kommunestyret godkjenner årsbudsjett 2018 for Vaksdal kommune slik det ligg føre med spesifikasjon av drifts- og investeringsbudsjett. Rådmannen får fullmakt til å fordele nettoramma innafor tenesteområda, og kan gjere budsjettendringar innafor områda som ein del av den løpande drifta som ikkje er av prinsipiell karakter.

1. Skatt på inntekt og formue vert skriven ut etter dei til kvar tid gjeldande reglar.

1. I medhald av eigedomsskattelova § 2 og §3a vert det skrive ut eigedomsskatt på fasteeigedomar i heile kommunen i 2018. Alminneleg eigedomsskattesats vert sett til 7 promille i 2018 med unntak aveigedomsskatt forbustad- og fritidseigedomar som vert sett til 5,5 promille.Botnfrådrag for bustaddelen på eigedomar vert sett til kr 0.For kraftanlegg vert § 8B i eigedomsskattelova lagt til grunn.

For eigedom eigd av stiftingar og institusjonar med allmennyttig formål, som er ført opp på eigedomsskattekontoret si liste av 26.02.2010, vert det i medhald av § 7a gjeve fritak for eigedomsskatt.Fritak vert gjeve i 10 år for nye bygningar som heilt eller delvis vert nytta til husvære jf §7c.

Eigedomsskatten for 2018 forfell til betaling i 4 terminer saman med kommunale avgifter.

1. Kommunestyret godkjenner ei investeringsramme på kr 94.950.000,.-. Rådmann får fullmakt til å oppta nye lån innafor ei total låneramme på kr 52.646.563,-. I tillegg får rådmann fullmakt til låneopptak i Husbanken av kr 2.000.000,- til vidare utlån av formidlingslån. Alle lån i kommunen sin låneportefølje kan refinansierast i budsjettåret 2018. Rådmannen har i samsvar med finansreglementet fullmakt til å godkjenne mogeleg refinansiering av låna og lånevilkåra.

1. Rådmann får fullmakt til å redigere, rette feil og innarbeide kommunestyret sine vedtekne framlegg. Ajourført budsjettdokument vert lagt fram for Formannskapet.

1. Gebyr og betalingssatsar etter «Vedlegg – betalingssatsar 2018» vert godkjent. Nye betalingssatsar og avgifter vert gjort gjeldande frå 01.01.2018, med mindre lov eller forskrift set andre fristar.

1. Lokal forskrift om gebyr for sakshandsaming vert vedtatt med heimel i plan- og bygningslova § 33-1, matrikkelova § 32, eigarseksjonslova §§ 7, 14 og 15, ureiningslova § 52a, hamne- og farvasslova §§ 6 og 25 samt forvaltningslova § 27a jf forskrift om gebyr for handsaming av konsesjonssaker. Forskrifta ligg som vedlegg til Årsbudsjett 2018 og vert å kunngjere lokalt.

1. Feie- og tilsynsgebyr for 2018 vert fastsett med heimel i lov av 14.juni 2002 nr. 20 om Brannvern, § 28.

1. Vass- og avlaupsgebyr for 2018 vert fastsett med heimel i Lov om kommunale vass- og avlaupsanlegg (§3), Forskrift om begrensning av forureining (§16) og Forskrift om vass- og avlaupsgebyr i Vaksdal kommune.

1. Slamtømmegebyr for 2018 vert vedteke i medhald av Forureiningslova §26.

1. Fastsetjing av eigendel for kommunale helse og omsorgstenester i og utanfor institusjon for 2018 vert fastsett i samsvar med Forskrift om egenandel for kommunale helse- og omsorgstjenester. Rådmannen får fullmakt til å gjera unntak frå satsane når særlege tilhøve gjer seg gjeldande.

Endring - Driftsbudsjett

Kommunestyret vedtek framlegg til budsjett med følgjande endringar:

Påplussingar - tenesteyting:

• Auka tal undervisningstimar i grunnskulen: 2,0 mill

• Styrking av pleie i institusjonane: 1,0 mill

• Styrking av pleie i heimetenestene: 1,0 mill

• Auka overføring til KFR: 0,2 mill

SUM PÅPLUSSINGAR 4,2 mill

Finansiering:

• Reduserte rentekostnader: 1,0 mill

• Redusert netto driftsresultat til 1,75%: 2,3 mill

• Bruk av disposisjonsfond: 0,9 mill

SUM FINANSIERING 4,2 mill

Andre vedtak i budsjettet:

• Ny arbeidsmiljølov opnar opp for utstrekt bruk av mellombelse tilsetjingar. Vaksdal kommune skal ikkje nytta seg av denne utvidinga

• Heiltidskultur. Arbeidet med å auka talet på heile stillingar skal intensiverast. Rådmannen vert bedt om å koma tilbake til kommunestyret med ei sak der ein prøver ut heiltidskultur på ein av institusjonane (t.d. Vaksdal sjukeheim) der 80-100% av dei som arbeider på den institusjonen skal ha 100% stilling. Tilsette som ynskjer lågare stillingsprosent skal tilbys stilling innanfor andre avdelingar, t.d. i heimetenesta eller Daletunet. Forsøket skal sjølvsagt ikkje vera til hinder for å arbeida for ein heiltidskultur på andre avdelingar.

• Ingen skal seiast opp som følge av omstillingar i 2018.

• Rådmannen kjem tilbake med ei sak innan junimøtet 2018 der ein vurderer kva som kan gjerast med vegen:
  · Kva må til for å stoppa ytterlegare forfall?
  · Kva må til for å føra vegen opp i brukbar standard?
  Kommunestyret set av kr. 250.000,- til punktutbetring av Herfindalsvegen. Dette vert dekka av Disposisjonsfondet.

• Ber om at det vert laga ei sak som vurderer å gjenopprette ei trafikksikringsnemd som kan jobbe med forslag til trafikksikringstiltak.Saka bør framleggast kommunestyret i god tid før budsjettbehandlinga for 2019, så det evt. er mulig å tildele budsjett om ønskelig.

• Med bakgrunn i nylege store kommunale investeringssaker:Det bør utarbeidast klare rutinar/retningslinjer for korleis store investeringssaker/prosjekter skal sakshandasmast, og korleis kommunen skal involvere innbyggarane i prossessane fram mot slike vedtak.Med utgangspunkt i nyleg vedtatt kommuneplan(samfunnsdel) ber Vaksdal kommunestyre om at det vert utarbeida sak som drøftar og gjer forslag til korleis desse rutinane/retningslinjene kan vere, som kommunestyret bør få til behandling innan 30.04.2017.

• Vaksdal Kyrkjelege FellesrådMed bakgrunn i den store skilnaden på innmeldt behov frå VKF, og kva rammer kommunen har ressursar for å tildele for 2018.Vaksdal kommunestyre ber om at det utarbeidast ei sak i innan siste kommunestyremøte før sommaren 2018 som tar opp i seg dialogen som er nemd i budsjettdokumentet drøftar rammebetingelsane og korleis ein ser for seg framtida.

Oversendingsforslag

Kommunestyret ber administrasjonen førebu sak til handsaming i økonomiplan juni 2018 i høve mat i eigenregi på institusjon og til heimebuande eldre i Vaksdal kommune.

Endring - Kapitalbudsjett

Endringar:

• Utleigebustader Jamne -13,5 mill (utsett)

• Prosjektering av barnehage på Dale +1,5 mill

• Trafikksikringstiltak +0,2 mill

• Andre møteplassar/grøntanlegg/nærmiljø +0,2 mill

• Opprusting uteområda barnehagar +0,2 mill

• Opprusting kaiar -0,1 mill

SUM ENDRINGAR -11,5 mill

Behandling

Endringsframlegg frå Evelyn Boge, SV:

SV fremmar sitt endringsforslag til budsjettet slik det vart lagt fram for FPØ på nytt, unnateke oversendingsforslaget gjeldande institusjonsmat.

Oversendingsforslag frå Evelyn Boge, SV:

Kommunestyret ber administrasjonen førebu sak til handsaming i økonomiplan juni 2018 i høve mat i eigenregi på institusjon og til heimebuande eldre i Vaksdal kommune.

Budsjettkommentar frå Anneli Vatle Lilletvedt, H:

Pleie-og omsorgstenesta har i mange år hatt store utfordringar med å halda sine budsjett.I 2017 var det eit overforbruk på totalt 13 mill.Levekårsutvalet oppmoda administrasjonen å utarbeida eit realistisk budsjett for eininga i komandeår. Dette for å få meir forutsigleg økonomisk styring

Enringsframlegg frå Anneli Vatle Lilletvedt, H:

H fremjar rådmannen sitt framlegg på nytt med følgjande forslag til endring i økonomiplan:Det blir sett av øyremerka midlar relatert til næring og utvikling i samband med nye bustadar og næringsutvikling i kommunen. Pengane vert sett på fond og disponert etter vedtak i kommunestyretInvesteringar:13,5 mill. til fond (investering på Jamne)1,5 mill reduserte rentekostnader15,0 mill totalt til fond

Tilleggsframlegg frå Magne Hestad, AP:

Ingen skal seiast opp som følge av omstillingar i 2018.

Tilleggsframlegg frå Heidi Rongved på vegner av AP, SP, KRF:

Rådmannen kjem tilbake med ei sak innan junimøtet 2018 der ein vurderer kva som kan gjerast med Herfindalsvegen:· Kva må til for å stoppa ytterlegare forfall?· Kva må til for å føra vegen opp i brukbar standard?Kommunestyret set av kr. 250.000,- til punktutbetring av Herfindalsvegen. Dette vert dekka av Disposisjonsfondet.

Endringsframlegg frå Boris Groth, FRP:

Punkt 3 - 2 ledd i tilrådinga vert endra til:"Botnfrådrag for bustaddelen på eigedommar vert sett til kr 100000,- ."

-Inndekning vert å hente i reduserte rentekostnader og/eller reduksjon av driftsresultat, evt. bruk av disposisjonsfond.

Siste setning vart seinare endra til:

Inndekning vert å hente ved bruk av disposisjonsfond.

Budsjettframlegg frå Boris Groth, FRP:

Fremmar Rådmannen sitt forslag til driftsbudsjett med unntak av eit punkt under eigedomsskatt som er send inn i eige forslag.Tillegg til vedtaksforslaget frå rådmannen:FrP forutsett at rådmannen har lagt fram eit REALISTISK DRIFTSBUDSJETT for einingane, og at me får snarlige budsjettjusteringssaker i løpet av budsjettåret om det viser seg at budsjetta evt. ikkje er realistisk.Det bør vere spesielt fokus på nok kapasitet i helse og omsorg, og gode undervisningsrammer for skulane i ei hektisk endringstid.Evt. overskytande midlar gjennom året vert tilført disposisjonsfond og stilt til kommunestyret sin disposisjon for justeringar, og evt. endringar(T.d. vidareføring av sjukefråværsprosjektet i eige sak.).Endringsframlegg - KapitalbudsjettEndringar:· Utleigebustader Jamne -13,5 mill (utsett)· Prosjektering av barnehage på Dale +1,5 mill· Trafikksikringstiltak +0,2 mill· Andre møteplassar/grøntanlegg/nærmiljø +0,2 mill· Opprusting uteområda barnehagar +0,2 millSUM ENDRINGAR -11,4 mill

Verbalframlegg frå Boris Groth, FrP:
Nr1:Bunnfradrag i eigedomskatt / Drøftingssak eigedomsskatt:"-Kommunestyret ber om at det vert utarbeida ei sak i god tid før budsjettbehandling for 2019 om bunnfradrag i eiendomskattenfor private hus og fritidseiendommer for om mulig å skjerme/dempe belastninga for dei økonomisk svakaste gruppene av innbyggarar i kommunen.Dette er no meir aktuelt enn nokon gong pga. den høge eigedomsskattesatsen på 5,5 promille som kommunen no har!Då ein no legg opp til retaksering i 2019 bør dette temaet også kunne vere deltema for ei drøftingssak rundt heile eigedomskatten i løpet av 2018(som nemd av rådmannen tidligare i dag) , så kommunestyret kan drøfte ulike sider ved denne skatten i god tid før retakseringa vert vedtatt/starta!NR2:Ber om at det vert laga ei sak som vurderer å gjenopprette ei trafikksikringsnemd som kan jobbe med forslag til trafikksikringstiltak.Saka bør framleggast kommunestyret i god tid før budsjettbehandlinga for 2019, så det evt. er mulig å tildele budsjett om ønskelig.NR3:Evaluering og evt. vidareføring av Sjukefråværsprosjektet som kommunestyret bevilga 500000,- til i 2017 budsjettet.Ber om at det vert lagt fram ei sak med evaluering av bevilginga sine effekter snarast mogleg, og vurdering av evt. vidareføring av ordninga.Det er viktig å oppretthalde fokus på sjukefråvær, og korleis ein kan redusere dette.NR4:Med bakgrunn i nylege store kommunale investeringssaker:Det bør utarbeidast klare rutinar/retningslinjer for korleis store investeringssaker/prosjekter skal sakshandasmast, og korleis kommunen skal involvere innbyggarane i prossessane fram mot slike vedtak.Med utgangspunkt i nyleg vedtatt kommuneplan(samfunnsdel) ber Vaksdal kommunestyre om at det vert utarbeida sak som drøftar og gjer forslag til korleis desse rutinane/retningslinjene kan vere, som kommunestyret bør få til behandling innan 30.04.2017.NR5:Vaksdal Kyrkjelege FellesrådMed bakgrunn i den store skilnaden på innmeldt behov frå VKF, og kva rammer kommunen har ressursar for å tildele for 2018.Vaksdal kommunestyre ber om at det utarbeidast ei sak i innan siste kommunestyremøte før sommaren 2018 som tar opp i seg dialogen som er nemd i budsjettdokumentet drøftar rammebetingelsane og korleis ein ser for seg framtida.

Røysting

Det vart røysta i samsvar med kommunelova § 35 punkt 2, og i denne rekkefølga:

Høgre sitt budsjettframlegg fekk 2 røyster (H)

FRP sitt budsjettframlegg fekk 1 røyst (FRP)

SV sitt budsjettframlegg fekk 4 røyster (SV, MDG)

Formannskapet si tilråding fekk 14 røyster (AP, SP, KRF) og fekk dermed fleirtal i samsvar med kl § 35 punkt 2.

Tilleggsframlegga vart røysta over i denne rekkefølgja:

Magne Hestad sitt framlegg vart vedteke mot 4 røyster (H, FRP, MDG)

Heidi Rongved sitt framlegg vart samrøystes vedteke

Boris Groth sitt framlegg om botnframlegg fekk 4 røyser (H, FRP, MDG) og fall

Boris Groth sitt verbalframlegg vart røysta over punkt for punkt:

- Nr 1 fekk 7 røyster (SV, H, FRP, MDG) og fall

- Nr 2 vart vedteke mot 4 røyster (Hege Eide Vik og Line Eide Vik, SP og Asbjørg Hesjedal og Jan Hansen, AP)

- Nr 3 vart trekt under røystinga - dette ligg inne i økonomiplanen

- Nr 4 vart vedteke mot 5 røyster (SV, MDG, Magne Hestad (AP))

- Nr 5 vart vedteke mot 8 røyster (SV og Magne Hestad, Anne Christin Eide, Asbjørg Hesjedal, Heidi Rongved og Brita H. Lunde frå AP)

Oversendingsframlegget frå Evelyn Boge vart samrøystes vedteke.

Budsjettkommentaren frå Anneli Vatle Lilletvedt vart endra til protokollmerknad.