Møte i Formannskap/plan- og økonomiutvalet den 23.04.2018

Vedtak

1. Formannskapet sluttar seg til framlegget til eigarskapsmelding og ber rådmannen leggje fram sak om Eigarskapsmelding for endeleg politisk handsaming.

2. Eigarskamspeldinga vert lagt fram etter at kommunen har fått årsberetning for 2017 i hende frå selskapa.

Behandling

Trine Pettersen Grønbech orienterte

Røysting:

Punkt 1.2 i rådmannen sitt framlegg vart vedteke mot 1 røyst (H)

Punkt 2 vart samrøystes vedteke.

Vedtak

Vaksdal kommune støttar Stiftinga Brørvikskuto med 125000kr til utviding av Skutenaustet.Finansiering av tiltaket vert tatt inn isak om 1.tertial 2018. Kommunen og stiftinga inngår ei bindande avtale om at Stiftinga Brørvikskuto tar vare på Dyvikabåtane vederlagsfritt i 20 år framover.

Behandling

Sigmund Simmenes stilte spørsmål ved sin habilitet i saka. Formannskapet vedtok samrøystes at Sigmund Simmenes er ugild i medhald av § 6 e) punkt 1 i forvaltningslova.

Rådmannen sitt framlegg samrøystes vedteke.

Behandling

Tilleggssframlegg til rådmannen sitt framlegg alt. 1, frå Evelyn Boge, SV:

Bryllupshaugen vert omgjort frå gang- og sykkelveg til køyreveg. Vegen vert skilta som blindveg. Heile vegen frå Bryllupshaugen til Skreien vert omgjort til 30-sone. Det vert vurdert å etablera fartsdumper på det strekket av vegen som ikkje har dette i dag. Bommane vert sett i tråd med planutvalet sitt vedtak frå november 2017. Statens vegvesen er vedtaksmynde for avvikling av gang- og sykkelvegen.

Framlegget vart seinare endra til:

Bryllupshaugen vert omgjort frå gang- og sykkelveg til køyreveg. Vegen vert skilta som blindveg. Heile vegen frå Bryllupshaugen til Skreien vert omgjort til 30-sone. Område nord for garasjane vert skilta som snuplass og med parkering forbudt. Bommane vert sett i tråd med planutvalet sitt vedtak frå november 2017. Statens vegvesen er vedtaksmynde for avvikling av gang- og sykkelvegen.

Tilleggsframlegg frå Eirik Haga, AP:

Kommunestyret opprettheld vedtaket i sak 82/17: Sykkelbom på Bryllupshaugen blir fjerna. Sykkelbom i Skreien blir flytta til nord for bebyggelsen i Skreien.Vegen blir skilta som blindveg, både i sør og nord.

Framlegget vart seinare trekt.

Røysting:

Alternativ 1 og 2 i rådmannen sitt framlegg vart sett opp mot kvarandre - alternativ 1 vart samrøystes vedteke.

Tilleggsframlegget frå Evelyn Boge vart samrøystes vedteke.

Vedtak

Formannskapet tar saka til orientering.

Behandling

Kommuneplanleggjar orienterte.

Framlegg frå ordførar om å ta saka til orientering.

Samrøystes vedtak.

Vedtak

Kommunestyret ber rådmannen arbeida vidare med trafikksikringsplan og kollektivknutepunkt Dale etter alternativ 1 – Dalseidvegen nord.
Kommunestyret ber rådmannen starta arbeidet med tilretteleggjing for 30km/t i Dalseidvegen og 30km/t-sone i Dalseiddalen samt 40km/t frå bebyggelsen i Dalseiddalen til Dalseid snarast råd er – B04 og B05 –med nødvendig skilting og farthumper.
Vidare ber kommunestyret rådmannen innanfor dei vedtekne rammene iverksetja dei fartsreduserande tiltaka som er nødvendig – skilting og fartshumper - som ikkje vert påverka av bygginga av ny skule på Dale etter i denne rekkefølgja:
• B02
• B03
• B01

Rådmannen kjem tilbake til kommunestyret ved behov for ytterlegare løyvingar.

Administrasjonen syter for at Falkanger Bygg får hensiktsmessige areal annan stad slik at næringsverksemda ikkje vert skadelidande.

Behandling

Endringsframlegg frå Eirik Haga, AP:

Kommunestyret ber rådmannen arbeida vidare med trafikksikringsplan og kollektivknutepunkt Dale etter alternativ 1 – Dalseidvegen nord.Kommunestyret ber rådmannen starta arbeidet med tilretteleggjing for 30km/t i Dalseidvegen og 30km/t-sone i Dalseiddalen samt 40km/t frå bebyggelsen i Dalseiddalen til Dalseid snarast råd er – B04 og B05 –med nødvendig skilting og farthumper.Vidare ber kommunestyret rådmannen innanfor dei vedtekne rammene iverksetja dei fartsreduserande tiltaka som er nødvendig – skilting og fartshumper - som ikkje vert påverka av bygginga av ny skule på Dale etter i denne rekkefølgja:• B02• B03• B01Rådmannen kjem tilbake til kommunestyret ved behov for ytterlegare løyvingar.

Tilleggsframlegg frå Evelyn Boge, SV:

Val av alternativ 1 medfører at Falkanger Bygg må avvikla sin næringsverksemd i Dalseidvegen. Administrasjonen syter for at Falkanger Bygg får hensiktsmessige areal annan stad slik at næringsverksemda ikkje vert skadelidande.

Røysting:

Eirik Haga sitt framlegg samrøystes vedteke.

Siste setning i Evelyn Boge sitt framlegg vart samrøystes vedteke.

Vedtak

I medhald av plan- og bygningslova § 12-8 vedtar planutvalet i Vaksdal kommune oppstart av detaljreguleringsplan for Dale stasjon, PlanID 2018001. Forslagsstillar er BaneNOR. Føremålet med planen er tilrettelegging av Dale stasjon for ein ny type togsett som er lengre og høgare enn noverande togsett.

Planområde er synt i vedlegg Planområde, datert 22. mars 2018, M 1:2000.

Behandling

Samrøystes vedtak.

Vedtak

Formannskapet tar saka til orientering.

Behandling

Kommuneplanleggjar orienterte.

Framlegg frå ordførar om å ta saka til orientering.

Samrøystes vedtak.

Vedtak

Vaksdal kommune skal fase ut bruken av Roundup langs kommunale vegar innan 01.01.2020, ved å leggje til rette for meir maskinell kantslått og å ta i bruk nye metodar for mekanisk handsaming.
Vegstrekningar i sentrumsnære område, vegstrekningar som er mykje brukt som turvegar og vegstrekningar der skuleborn/ungar ferdast, skal prioriterast.

Strategi for gjennomføring vert godkjent slik den ligg føre. Framlegg om finansiering vert handsama isamband med økonomiplanar og årsbudsjett.

Behandling

Endringsframlegg frå Eirik Haga, AP:

Vaksdal kommune skal fase ut bruken av Roundup langs kommunale vegar innan 01.01.2020, ved å leggje til rette for meir maskinell kantslått og å ta i bruk nye metodar for mekanisk handsaming.Vegstrekningar i sentrumsnære område og der skuleborn/ungar ferdast, skal prioriterast.Strategi for gjennomføring vert godkjent slik den ligg føre. Framlegg om finansiering vert handsama isamband med økonomiplanar og årsbudsjett.

Tilleggsframlegg frå Evelyn Boge, SV:

Vegstrekningar i sentrumsnære område, vegstrekningar som er mykje brukt som turvegar og vegstrekningar der skuleborn/ungar ferdast, skal prioriterast.

Røysting:

Rådmannen sitt framlegg og Eirik Haga sitt framlegg vart sett opp mot kvarandre - Eirik Haga sitt framlegg vart samrøystes vedteke.

Tilleggsframlegget frå Evelyn Boge vart vedteke med 4 røyster (SV, H, Heidi Rongved og Ann Christin Eide, AP))

Behandling

Endringsframlegg frå Eirik Haga, AP:

Rådmannen bes leggja fram eit justert byggeprogram med kostnadsoverslag der ein ikkje flyttar kontora til ordførar og varaordførar. I byggeprogrammet utgår kjerneboring i golv for straumuttak.

Tilleggsframlegg til Eirik Haga sitt framlegg frå Heidi Rongved, AP:

Kommunestyret fastset ei ramme på 10.mill. til byggeprogrammet for 1.-3. etg. i heradshuset

Nytt felles framlegg frå Eirik Haga, AP:

Rådmannen bes leggja fram eit justert byggeprogram med kostnadsoverslag innanfor ei ramme på kr. 10 mill.

Røysting:

Rådmannen sitt framlegg vart sett opp mot fellesframlegget frå Eirik Haga - Fellesframlegget vart samrøystes vedteke.

Vedtak

Søknad om skjenkeløyve for Elvahuset Drift A/S vert innvilga.

Elvahuset Drift A/S får innvilga skjenkeløyve for alkohol i gruppe 1, 2 og 3. Skjenketid blir fra kl. 13.00 til 01.00. Skjenketiden gjeld alle ukedagar.

Løyvehaver er Elvahuset Drift A/S org. Nr. 920332617

Styrar for skjenkeløyvet er Åse Hauge

Stefortreder for skjenkeløyvet er Eirik Vinsjasen.

Skjenkeløyvet er gjeldande frå 01.03.18 t.o.m . 30.06.2020.

Behandling

Samrøystes vedtak.

Vedtak

Vaksdal kommunestyre vedtek lokal strategi for tilskot til Nærings- og miljøtiltak i skogbruket (NMSK) i Vaksdal kommune 2018-2021. Vedtaket har heimel i § 3 i Forskrift om tilskot til nærings- og miljøtiltak i skogbruket.

Behandling

Samrøystes vedtak.

Vedtak

Regulering av vannskuterkjøring vert vurdert i samband med det pågåande arbeidet med areal- og områdeplanar. Eventuelle reguleringar etter havne- og farvannslova vert også vurdert. Konsekvensar for anna ferdsel og bruk må utgreiast.

Behandling

Kommuneplanleggjar orienterte.

Rådmannen sitt framlegg samrøystes vedteke.