Čoahkkin Formannskap/plan- og økonomiutvalet 04.06.2018

Behandling

Ny økonomisjef vart presentert i starten av møtet.

Ordføraren ba om at sak om tertialrapport vart drøfta før økonomiplan.

Kulturprisen vart behandla til slutt, i lukka møte.

Samrøystes vedtak.

Behandling

Samrøystes vedtak.

Behandling

Samrøystes vedtak.

Vedtak

Kommunestyret legg alternativ A – hovudombygging 3 etasje/ fornying av tekniske anlegg i revidert byggeprogram til grunn med totalt investeringsramme på 10 millionar kronar.

I tillegg vert det vert gjort følgjande endringar i bygningsmessige arbeidar i 3.etg – i samsvar med alternativ B:

• Behalde vegg mellom noverande ordførarkontor og formannskapssalen.

• Installere minikjøkken på noverande varaordførarkontor.

Behandling

Steinar Barmen frå Forum Arkitekter og einingsleiar Samfunnsutvikling orienterte.

Samrøystes vedtak.

Vedtak

Arbeidet med å få til ei utviding av IKT Nordhordland med fleire kommunar bør starte så raskt som mogleg. Vaksdal kommune er positiv til at hovudprosjektet som skal koma med konkrete forslag til utviding vert starta opp.

Dersom Gulen er klar for å gå inn i samarbeidet før hovudprosjektet er ferdigstilt, så er Vaksdal kommune positiv til det.

Behandling

Samrøystes vedtak.

Vedtak

Vaksdal kommune ser behovet for meir interkommunalt samarbeid og vil delta i felles utgreiing om samarbeid med kommunar i Nordhordland. Kommunestyret ber om å bli orientert om framdrifta i arbeidet.

Ein føreset at saka vert drøfta med arbeidstakarorganisasjonane, og at informasjon og medbestemmelse vert ivareteke.

Behandling

Rådmannen kom med ei saksopplysning vedk. drøfting med tillitsvalde.

Tilleggsframlegg frå Magne Hestad, AP:

Ein føreset at saka vert drøfta med arbeidstakarorganisasjonane, og at informasjon og medbestemmelse vert ivareteke.

Røysting:

Rådmannen sitt framlegg vart samrøystes vedteke.

Magne Hestad sitt tilleggsframlegg vart samrøystes vedteke.

Vedtak

Vaksdal kommunestyre godkjenner rekneskapen for Vaksdal kommune, drifts- og kapitalrekneskapen for 2017 med eit mindreforbruk/overskot på kr 8.384.955,- på drifta og kr 0,- i kapitalrekneskapen.

Kommunestyret godkjenner årsmelding for 2017 for Vaksdal kommune.

Mindreforbruket på drifta, kr 8.384.955 vert disponert som følgjer:

- kr 1,4 mill til rassikring utområde Stanghelle skule

- kr 0,9 mill til trafikksikring skuleveg Stanghelle

- kr 1,5 mill til vegvedlikehald/asfaltering

- det vert sett av kr. 200.000 til «å støtta opp om dugnad i det offentlege rom og spleiselag med ideelle organisasjonar»

- kr4.384.955til disposisjonsfond for bruk til finansiering av investeringar i 2019.

Behandling

Ass. rådmann orienterte.

I denne saka vart det og orientert om tertialrapporten.

Tilleggs-/endringsframlegg frå Eirik Haga, AP:

• Summen til vegvedlikehald frå 1,2 mill. til 1,5 mill.• Det vert sett av kr. 200.000,- til «å støtta opp om dugnad i det offentlege rom ogspleiselag med ideelle organisasjonar.»kr 4.384.955 til disposisjonsfond for bruk til finansiering av investeringar i 2019.

Formannskapet bad om ei orientering om bruk av løyvde midlar til asfaltering

Røysting:

Rådmannen sitt framlegg vart samrøystes vedteke.

Framlegget frå Eirik Haga vart samrøystes vedteke.

Vedtak

Kommunestyret godkjenner årsrekneskap og årsmelding for Vaksdal kommunale arbeids og opplæringssenter KF. Rekneskapsmessig mindreforbruk på kr 183.826,10 vert overført til disposisjonsfond konto 2569900.

Behandling

Samrøystes vedtak.

Vedtak

Handlingsprogram og økonomiplan 2019 -2022 vert vedtatt slik den ligg føre.

Behandling

Ass. rådmann orienterte.

Samrøystes vedtak.

Vedtak

Vaksdal kommune sender uttale til varsel om planoppstart for detaljreguleringsplan for Dale stasjon:

Vaksdal kommune er oppteken av å vere i god og konstruktiv dialog med Bane Nor. Det er likevel naudsynt å påpeike følgjande omstende:

Avtale om at det ikkje lenger skal vere kryssing i plan.

Komunen vil vise til oppstarsmøte med BaneNOR der dette var ein av fleire viktige avklaringar som vart gjortfor prosjektet. Dette inneber enten undergang (kulvert) eller overgangsbru. Kommunen har avventa og etterpurt avatala diskusjonsgrunnlag for val av løysingar og stiller seg undrande til at bane NOR no informerar om at val av løysing har funne stad, og at det vert prosjektert overgangsbru.

BaneNOR opplyser at utløysande kriterie har vore pris. Totalramma for prosjektet er 105-110 millionar, og kulvert gjev påslag om lag kr. 10-15 mill i forhold til gangbru. Vaksdal kommune har ikkje fått tilstrekkeleg informasjon om dei ulike alternativa og kriteria for siling, og stiller seg uforståande til at ei gangbru kan vere vurdert som beste alternativ, trass i forskjell i kostnad. Etter oppstartsmøtet var kommunen trygg på at dei ulike alternativa ville verte framlagt som diskusjonsgrunnlag.

Ei gangbru må koma over køyreledningane. Desse er i utgangspunktet gamle (frå 1954), og må påreknast skifta innan kort tid. Levetid for KL-anlegg er 50 år, så Dale stasjon er alt 14 år på overtid. Ei framtidsretta løysing må truleg ta høgde for både dette, samt høgde over åk. Dagens plattformar skal hevast for å sikre trinnlaus på-/avstiging. I praksis betyr dette at ei gangbru må ha minst 8,5 meter over ny plattform, og får då eit tak som truleg er om lag 11 meter over plattform. Dette vil framstå som ein koloss, og ruve godt over dagens stasjonsbygning.Gangbru er skissert i oppstartsvarselet, men det er sannsynleg at den i for liten gradsyner kor dominerande og høg brua i realiteten blir.

Gangkulvert vil vere terrengtilpassa, og Dale stasjon er lokalisert på morenemasse som bør vere lett å arbeide med. Det trengs om lag 1 meter overdekning, og dette vil gje trapper ned om lag 4 meter, samanlikna med gangbru som vil vere minst 8,5 meter opp. Sjølv med lang kulvert vil dette vere eit svært godt alternativ, etter vår meining. Me har difor presisert fleire gonger til BaneNOR at kulvertløysing er viktig for kommunen.

Dale stasjon og Vossabanen er kulturhistorie. Stasjonsbygningen som oprinneleg vart reist til opninga av Vossabanen vart teikna av Balthazar Lange, og vart oppført etter ein typeteikning kalla fjerde klasse som også vart nytta til svært mange andre stasjonar langs Vossebanen. Då Bergensbanen skulle opnast var stasjonen på Dale alt vorten for liten, og han vart flytt til Reimegrend stasjon. Til erstatning vart stasjonen på Voss, som var vorten for liten der, teken ned og flytt til Dale. Også den var teikna av Balthazar Lange.

Kommunen er samd med BaneNOR i at planfri kryssing må kome aust i stasjonsområde, då dette er nærast sentrum og vil vere mest praktisk for dei reisande.

Vaksdal kommune vil nytta anledningen til å minne om dei avtalane som vart gjort i oppstartsmøte. Kommunen har heile tida oppmoda til godt samarbeid, og fleire gonger tatt kontakt for å halde seg oppdatert om framdrift og utvikling i prosjektet. Kvar gong har kommunen vore møtt med at modellane og skissene fortsatt var under arbeid, og ikkje klar til presentasjon.

Det er å minne om at det er kommunen som skal vedta reguleringsplanen, og at kommunen har tatt eit aktivt grep tidleg i prosessen for å sikre at planarbeidet vert i tråd med god samfunnsutvikling og attraktive knutepunkt for innbyggarar og andre reisande. Stasjonsbyane våre skal vere levande, attraktive og berekraftige. Dale si kulturhistorie er viktig, og stasjonsområdet har alltid vore eit viktig knutepunkt i Dalebyen.

Vaksdal kommune har allereie gjort BaneNOR oppmerksom på kommunen sitt syn, og oppmoda til å ta initiativ til møter for å løyse dette. Det er Jernbanedirektoratet som er prosjektbestillar, og kommunen tilrår dei må bringast inn til møte. Det er viktig at BaneNOR handlar raskt i denne saka, for å få planarbeidet på skinner i rett retning.

Vedtaket frå FPØ sendast linnea.kvinge.karlsen@multiconsult.noinnan 15. juni 2018

Behandling

Samrøystes vedtak.

Vedtak

Formannskap/plan- og økonomiutvalet godkjenner framlegget til fartssoner, -grenser og –humper for Dale, med følgjande endring:

Fartsgrense i Sandlivegen settes til 30km/t. Det vert etablert fartshumper i forbindelse med kryss til Kalvakroken og Elvavegen.

Framlegget kan sendast på høyring til offentlege høyringsinstanser.

Behandling

Kommuneplanleggjar orienterte.

Tilleggsframlegg frå Magne Hestad, AP:

Fartsgrense i Sandlivegen settes til 30km/t. Det vert etablert fartshumper i forbindelse med kryss til Kalvakroken og Elvavegen.

Røysting:

Rådmannen sit framlegg vart samrøystes vedteke.

Magne Hestad sitt framlegg samrøystes vedteke.

Vedtak

Vaksdal kommune understrekar at det er Hordaland fylkeskommune sitt ansvar å drive kollektivtrafikk. Dette gjeld også kollektivtrafikk for innbyggjarane i Indre Osterfjord.

Vaksdal kommune krev at båtruta i Indre Osterfjord vert oppretthalden.

Behandling

Framlegg frå Magne Hestad, AP:

Vaksdal kommune understrekar at det er Hordaland fylkeskommune sitt ansvar å drive kollektivtrafikk. Dette gjeld også kollektivtrafikk for innbyggjarane i Indre Osterfjord.

Vaksdal kommune krev at båtruta i Indre Osterfjord vert oppretthalden.

Framlegget frå Magne Hestad vart vedteke.

Vedtak

Drift av Vaksdal Frivilligsentral vert delegert til rådmann.

Behandling

Heidi Rongved stilte spørsmål ved sin habilitet i saka, ho er styremedlem i frivilligsentralen.

I medhald av forvaltningsloven § 6 avsnitt 1 punkt e), og avsnitt 2, vedtok formannskapet samrøystes at Heidi Rongved er ugild i saka.

Alt 2 i rådmannen sitt framlegg vart vedteke med 5 røyster (AP, SP, KRF, SV). 1 røysta for alt 1 (H)

Vedtak

Tertialrapport 1. vert godkjent slik den ligg føre.

Det vert gjort følgjande budsjettendringar på driftsbudsjettet for 2018:

- Kr 125.000 til lagring av Dyvikabåtane i skutenaustet på Kvamsholmenvert finansiert av

kulturmidlar kr 116.755 og rest over ordinær ramme om det ikkje vert innvilga eksterne tilskot til formålet.

Det vert gjort følgjande løyvings- og budsjettendringar på kapitalbudsjettet for 2018:

- Kr 350.000 til granulat- tiltakpå Vaksdal Idrettspark vert finansiert av bundne investeringsfond

kto 2.555400 Idrettsanlegg

- Kr 33.000.000 til auka kostnadsramme Prosjekt ny skule på Dale for 2018 vert finansiert med auka låneopptak i 2018.

Behandling

Magne Hestad bar om at oversyn over vikarbruken vart lagt fram til behandlinga i kommunestyret.

Samrøystes vedtak.