Møte i Kommunestyret den 25.06.2018

Behandling

Protokollmerknad frå Kjartan Haugsnes, SV:
I kommunestyret sitt møte 12.02.2018 vart følgjande protokollert. I samband med bygging av ny barne- og ungdomsskule på Dale og ny barneskule på Vaksdal vil kommunestyret be om eige sak på korleis kommunen skal unngå arbeidslivskriminalitet i høve desse to store byggeprosjekta.

Forslag til vedtak vart samrøystes vedteke og vil bli lagt fram som sak i kommunestyret sitt møte 7.mai 2018.

SV merka seg at denne saka ikkje er på saklista til møtet 7. mai og ber om at denne kjem seinast i junimøtet 2018. SV ber og administrasjonen gjere greie for kvifor denne saka ikkje er lagt fram for kommunestyret som vedteke.

SV merkar seg at saka heller ikkje er på saklista 25.06.2018 og ber om at administrasjonen skriftleg gjer greie for kvifor.

Innkalling og saksliste vart så samrøystes godkjent.

Behandling

Samrøystes vedtak.

Behandling

Samrøystes vedtak.

Behandling

Samrøystes vedtak.

Vedtak

Vaksdal kommunestyre godkjenner rekneskapen for Vaksdal kommune, drifts- og kapitalrekneskapen for 2017 med eit mindreforbruk/overskot på kr 8.384.955,- på drifta og kr 0,- i kapitalrekneskapen.

Kommunestyret godkjenner årsmelding for 2017 for Vaksdal kommune.

Mindreforbruket på drifta, kr 8.384.955 vert disponert som følgjer:

- kr 1,4 mill til rassikring utområde Stanghelle skule

- kr 0,9 mill til trafikksikring skuleveg Stanghelle

- kr 1,5 mill til vegvedlikehald/asfaltering

- det vert sett av kr. 200.000 til «å støtta opp om dugnad i det offentlege rom og spleiselag med ideelle organisasjonar»

- kr4.384.955til disposisjonsfond for bruk til finansiering av investeringar i 2019.

1. Årsrapport frå interkommunal legevakt og evaluering av legevakt frå Vaksdal kommune vert lagt fram som eigne saker i Levekårsutvalet.

2. Tilstandsrapport for grunnskulen i Vaksdal vert handsama som eigen sak i levekårsutvalet.
Kommunestyret ber levekårsutvalet ha særleg fokus på:
a) Stor auke i mobbing 7. trinn
b) Kva ny lærarnorm har å seie for skulane, og særskilt få ei vurdering på kva 10 årsverk færre med omtrent same elevtal har å seie mellom anna for spesialundervisning.

Behandling

Tilleggsframlegg frå Kjartan Haugsnes, SV:

1. Årsrapport frå interkommunal legevakt og evaluering av legevakt frå Vaksdal kommune vert lagt fram som eigne saker i Levekårsutvalet.2. Tilstandsrapport for grunnskulen i Vaksdal vert handsama som eigen sak i levekårsutvalet.Kommunestyret ber levekårsutvalet ha særleg fokus på:a) Stor auke i mobbing 7. trinnb) Kva ny lærarnorm har å seie for skulane, og særskilt få ei vurdering på kva 10 årsverk færre med omtrent same elevtal har å seie mellom anna for spesialundervisning.

Røysting:

Det vart først røysta over formannskapet si tilråding, som vart samrøystes vedteke.

Tilleggsframlegget frå Kjartan Haugsnes vart så samrøystes vedteke.

Behandling

Magne Hestad etterlyste oversikt over vikarbruken som han bad om i formannskapsmøtet 04.06.18.

Rådmannen svarte og opplyste om at dette vil bli lagt fram til tertial 2.

Samrøystes vedtak.

Behandling

Samrøystes vedtak.

Behandling

Samrøystes vedtak.

Behandling

Samrøystes vedtak.

Vedtak

Drift av Vaksdal Frivilligsentral vert delegert til rådmann.

I samband med budsjettbehandlinga skal det utarbeidast ein rammeplan for sentralen.

Behandling

Heidi Rongved og Arne Normann stilte spørsmål ved sin habilitet i saka, dei er styremedlem og styreleiar i frivilligsentralen.

I medhald av forvaltningsloven § 6 avsnitt 1 punkt e), og avsnitt 2, vedtok kommunestyret samrøystes at og Arne Normann er ugilde i saka.

Tilleggsframlegg frå Evelyn Boge, SV:

I samband med budsjettbehandlinga skal det utarbeidast ein rammeplan for sentralen.

Røysting:

Formannskapet si tilråding vart samrøystes vedteke.

Tilleggsframlegget frå Evelyn Boge vart samrøystes vedteke.

Behandling

Samrøystes vedtak.

Vedtak

Vaksdal kommune viser til varsel om planoppstart og forslag til planprogram av dato 26.04.2018.

Dei nasjonale og regionale føringane for planlegging vektlegg spesielt gode og effektive planprosessar, berekraftig areal og samfunnsutvikling, attraktive og klimavenlege by- og tettstadsområde, og nasjonale mål for å redusera klimagassutslepp.

Vaksdal kommune har i samfunnsdelen til kommuneplanen fleire relevante målsettingar og satsingsområde som er viktig for kommunen i samband med høyringa av planprogrammet for statleg reguleringsplan for bane og veg Arna – Stanghelle/Helle:

Etablere trygge og utviklande oppvekstvilkår for barn og unge

Trygg ferdsel mellom viktige funksjonar

Arbeide for urbanisering av stasjonsbyen, utvikle tettstaden med trivselskvalitetar og allmenn tilgjenge

Ivareta jordvern

Leggje til rette for samfunnsnyttig bruk av overskotsmassar

Innarbeide folkehelseprinsippet i all samfunnsutvikling

Setja strenge krav til utbyggingsfasen av ny E16 og jernbane for å avgrensa belastning på innbyggarane

Vera pådrivar for at nedlagt jernbane vert del av nasjonale sykkelruter

Utbygging av E16 og jernbane kjem kommunen mest mogleg til gode.

Det er viktig at løysingane gir gode, attraktive og berekraftige stasjonsbyar, og at «Nasjonale forventningar til regional og kommunal planlegging» er ein grunnstein i planarbeidet. Løysingane må stø opp om statlege planretningslinjer, dei regionale planane for transport og arealbruk, samt ei regionutviding austover frå Bergen. Ny veg og bane vil vere ei kraftfull utviding av bu- og arbeidsmarknaden i regionen. Det er ei viktig satsing for miljøvenleg transport, regularitet og tryggleik i korridoren, samt eit attraktivt tilskot til eit bilfritt Bergen sentrum. Det er viktig at løysingane unngår å skape auka behov for lokalt vegnett og transport – fotavtrykket må vere så lite som mogleg. Jernbanestasjonane må ha sentral plassering med god tilkomst, mest mogleg saumlaus omstiging og mogleggjere sentrumsutvikling med sentrale servicetilbod.

Kommunen ynskjer eit tett samarbeid vidare i høve til lokal utvikling og knutepunktutvikling rundt framtidige stasjonar, og ser fram til gode dialogar og møter for å sikre at ein oppnår effektmåla om å skape attraktive stasjonsbyar og berekraftige lokalsamfunn.

Vaksdal kommune understrekar at samarbeidet med prosjektet så langt har vore godt, men at silingsrapporten ikkje kan erstatte ein kommunedelplan. For vidare planlegging av Stanghelle-Voss må staten snarleg igangsette arbeidet med kommunedelplan, både for å utgreie moglegheiter og konsekvensar, men også fordi ei utsetting av dette vil hindre vekst og utvikling ved at framtidige løysingar for infrastruktur er usikre.

Vaksdal kommune meiner det er viktig at ein på Vaksdal tek med to alternativ vidare i reguleringsfasen, men meiner VC15/JC2 vil vera beste alternativ og gje grunnlag for ei mykje meir attraktiv og berekraftig utvikling av bygda. Det er særleg i høve til støy, sentrumsutvikling, barrierar og lokale samband. VC15/JC2 samsvarar med prosjektet sine eigne effektmål om berekraftig lokal og regional utvikling og kommunen sine eigne satsingsområde.

Vaksdal kommune meiner det tilrådde alternativet på Stanghelle og Helle, VD1/JD3, er gode traséar for framtidig utvikling i stasjonsbyen, og meiner det samsvarer med både prosjektet og kommunen sine målsetningar. JD3 vil føre til store endringar i bygda, men vil samtidig leggje opp til god tilgjenge og høve til å utvikle eit attraktivt knutepunkt i bygda. VD1 kjem utanfor bygda og dette vil særleg betre støytilhøva i bygda.

Det bør vere eit krav i planprogrammet at ein skal utgreie å forlenge kulvert gjennom Døso for å unngå ein djup sjakt på tvers av bygda med den arealbandlegging, støy og barriereverknad dette vil føre med seg. Alternativvurdering av miljølók for stasjonsområdet, eventuelt for å trekke stasjonen fram på brua over Vågen må utgreiast i planprogrammet.

Medverknadsprosessar og planleggingsverktøy med høg pedagogisk kvalitet er essensielt og må vektleggast spesielt. Det er eit gigaprosjekt som vert planlagt, og det må produserast godt informasjonsmateriell, skisser, 3D-animasjonar og audio/video med base i dagens situasjon. For innbyggarane på Vaksdal og Stanghelle er det svært mykje usikkerheit og uro knytt til manglande informasjon og moglegheiter for å sette seg inn i konsekvensar ved gjennomføring og sluttresultat. Dette bør vere eige resultatløp gjennom prosessen. I samband med statleg planarbeid har Vaksdal kommune starta områdeplanarbeid for både Vaksdal og Stanghelle. Våren 2018 er det gjennomført «framtidsbileteprosessar» som medverknadsprosessar i kvar stasjonsby. Kommunen oppmodar prosjektet til å ta med seg resultata frå desse i vidare planarbeid.

Prosjektet for ny E16 og Vossebanen skal identifisere moglege løysingar for ein gjennomgåande gang- og sykkelveg frå Arna til Stanghelle/Helle, og løysing for dette må takast inn i reguleringsplanarbeidet. Kommunen meiner det er viktig at ein får på plass gode gang- og sykkelforbindelsar langs E16, særleg då det ikkje eksisterer trygge samband for mjuke trafikkantar i dag. Kommunen meiner dette ansvaret må liggje på statleg plan, og følgje E16-utbygginga. Der er einunik moglegheit å sikre framtidig nedlagt jernbanespor til gang/sykkelløysing for Bergen-Voss. Dette vil framstå som ein viktig grunnpilar for næringsutvikling, understøtte ei satsing på både miljøvenleg transport og folkehelse. Det vil mellom anna kople Bergen til Rallarvegen med ein samanhengande sykkeltrasè.

For massedeponi og massehandtering er det forventningar om at prosjektet finn samfunnsnyttig bruk for overskotsmassar, samt vel prosessmetodar som stør opp om gjenbruk og/eller deponi på mest mogleg nyttig vis.Veafjorden og Sørfjorden nord frå stasjonsbyen Vaksdal er del av nasjonalt verneområde for Vossolaksen. Daleelva, med utløp ved Stanghelle har også ei lita, svært verdifull laksestamme. Det er viktig at sårbare verdiar vert ivaretatt i val av løysingar, og at gode avbøtande tiltak vert prioritert. Massedeponi må handterast i statleg plan, og alle deponi og anleggsområde må regulerast før dei tas i bruk. Det er i planprogrammet gitt fleire eksemplar på korleis ein kan handtera overskotsmasser, men lokalisering av deponiområde er endå ikkje avklart. Det er svært viktig at handtering av masser skjer i samråd med Vaksdal kommune for å sikre at ein får ein samfunnsnyttig bruk av massane. Kommunen har spelt inn fleire moglege deponiområde til prosjektet, mellom anna for utbetring av fylkesvegnettet, samt store landdeponiområde.

I forskrift om konsekvensutgreiingar § 17 er det satt tydelege krav om at konsekvensutgreiingar skal tilpassast planen. Vaksdal kommune meiner at dei tema som er framheva i planprogrammet åleine ikkje er dekkande for å skildre dei samla konsekvensane frå tiltaket. Det er viktig at prosjektet gjennomfører ein omfattande konsekvensutgreiing som går utover vegvesenet si handbok V712, og Bane NOR si handbok JD20. Mellom anna meiner kommunen det må gjerast grundige analysar av framtidig forventa verknad for bygdene, støytilhøve, helse- og samfunnsmessige konsekvensar, areal- og samfunnsmessige konsekvensar, meir detaljert om nærmiljø og friluftsliv, og det bør og vera eit eige kapittel i utgreiinga om klima og forureining og utslepp i sjø/vassdrag. Alternative avbøtande tiltak må også synleggjerast. Kommunen nyleg gjennomført «kartlegging og verdisetting av friluftslivområde», som må inngå som kunnskapsgrunnlag og hensyntakast i planarbeidet.

Vaksdal kommune er positiv til dei moglegheitene ny veg og bane kan gje kommunen og bygda, men meiner samtidig at ein slik utbygging potensielt fører meg seg ei storstilt omlegging av kommunal og lokal infrastruktur, både midlertidig og permanent. Dette vil moglegvis ha økonomiske konsekvensar for kommunen si drift både under anleggsfasen og i eit lengre perspektiv. Kommunen meiner det må vera ein føresetnad at prosjektet handterer og kostar dei reint fysiske tiltaka med omlegging av tekniske installasjonar og omlegging av lokal infrastruktur. Kommunen er ansvarleg for å ivareta kommunen sine innbyggarar og yte lovpålagte tenester. Vidare må privat tenestetilbod som nærbutikk og kafe leve vidare i anleggsperioden. Det er difor viktig at prosjektet tek omsyn til dette. For at kommunen skal kunne ta omsyn til sine innbyggarar meiner Vaksdal kommune at prosjektet må greie ut korleis privat og offentleg tenestilbod vil verte råka av prosjektet.

Det er viktig at ein tydeleggjer grensesnittet mellom den statlege planen si utgreiingsplikt og kommunen sitt behov for kunnskap om verknader av planarbeidet i høve til kommunal infrastruktur og drift. Vaksdal kommune kan ikkje sjå at dette er omtalt i planprogrammet, og ønskjer derfor å understreke viktigheita av dette. Det er avgjerande for kommunen at ein får ei god planprosess med gode løysingar både for den statlege planen og for brukarane av private og offentlege tenestetilbod i Vaksdal kommune.

Særleg for Vaksdal:

Vaksdal kommune meiner det er viktig at prosjektet greier ut korleis plasseringa av stasjonen i bygda vil kunne påverke både trafikkvekst lokalt og reisemiddelfordeling. Tilgjenge til stasjonen frå dei ulike delane av bygda vil vera avgjerande for om innbyggarane kan nytte seg av kollektivtilbodet eller ikkje, og dette må vera eit tema i konsekvensutgreing. Kommunen meiner det er avgjerande at E16 blir flytta ut av bygda, og det er og positivt at ein ikkje må leggje om eller etablera nytt lokalvegsystem. Traséen i alternativ VC15/JC2 vil bidra til ein mykje meir attraktiv utvikling av bygda, særleg i høve til støy, mogleg knutepunktsutvikling, sentrumsutvikling, barrierar og samband lokalt. VC15/JC2 samsvarar med prosjektet sine eigne effektmål om berekraftig lokal og regional utvikling og kommunen sine eigne satsingsområde. Kommunen si eiga utgreing syner forskjellen i sentrumsareal som kan utviklast er 14500 m2, jamfør figur 1.

Sjølv om tiltaket vil gje kortare reisetid og moglegheiter for å pendle raskt til Bergensregionen, er ikkje dette i seg sjølv nok til å sikre at innbyggarane på Vaksdal vel tog framfor bil. VC15/JC2 vil i mykje større grad bidra til ei berekraftig utvikling, og leggje til rette for tettstadsutvikling i direkte tilknyting til stasjonen. Det er viktig for Vaksdal kommune at prosjektet tek innover seg dei behov og føresetnader som ligg i tettstaden, og ikkje berre tek omsyn til dei overordna kostnadene.

I stasjonsbyen Vaksdal har det vore trasèomlegging for E16 også tidlegare, og ei heilheitleg løysing for tungtransport til Norgesmøllene/Felleskjøpet sine anlegg ved Sørfjorden må inngå i prosjektet. I dag er det om lag 80 vogntog pr. døger som må opp og ned den smale fylkesvegen som slyngar seg gjennom sentrum av Vaksdal. Dette er ikkje ei god løysing verken for trafikktryggleiken eller miljøet. Framtidig nedlagt jernbanespor, saman med tidlegare trasèar for E16 bør inngå i vurderinga både for tilkomst til Norgesmøllene/Felleskjøpet.

Konsekvensutgreiing av «natur- og kulturverdiar» frå Handbok V712 som er utført i silingsprosessen har fleire vurderingar som kommunen stiller seg undrande til. Mellom anna stiller kommunen seg særleg undrande til verdivurderinga av senteret på Vaksdal som er hjartet i bygda og ein særleg viktig møteplass med butikk, post, pizzeria, bibliotek, frisør og samfunnssal/gymsal for skulen, der Statens vegvesen har sett dette til låg eller ingen verdi. På ein anna side har ein vurdert garden i Tolåsen som har liten drift og liten betydning for bygda, med høgare verdi. Vegvesenet meiner altså at eit gardsbruk utan drift har høgare verdi og konflikpotensiale enn senteret i bygda.

Eit anna moment i silingsrapporten som Vaksdal kommune ikkje kan forstå er vurderinga av traséane i høve til landskapsbilete og landskapsform. I VC11/JC1 vert traséen vurdert til å harmonere med landskapsrommet, og ha ei visuell forankring i terrengform, mens i VC15/JC2 vert traséen vurdert til å ikkje harmonere med landskapsrommet og ikkje ha ei visuell forankring. Kommunen stiller seg heilt uforståeleg til desse vurderingane, og forventar at dette blir utgreidd i mykje større grad. Særleg viktig er vurderinga i høve til barriereverknad i bygda, både visuelt og fysisk, der ein ikkje omtaler denne i særleg grad og ikkje grunngjev kvifor VC15 er vurdert til å ha større visuell barriereverknad enn VC11, mens den fysiske barriereverknaden ikkje er omtala under same kapitel. Vaksdal kommune meiner det er viktig at ein utarbeidar ei uavhengig konsekvensutgreiing når ein no skal arbeide vidare med dei to alternativa, og at dei tidlegare vurderingane ikkje må leggjast til grunn for det vidare arbeidet, og at det vert gjort ei. Det må også gjerast samla vurderingar for samla konsekvensar for veg og bane, og dette er særleg viktig der desse har parallell trasè i dagsone. Kommunen kan ikkje sjå at dette er gjort i silingsfasen.

Med planprogrammet kjem det statlege prosjektet for K5 formelt inn under lovpålagt formell planlegging etter Plan- og bygningslova. Kommunen forventar at en konsekvensutgreiing av dei to alternativa då også vert gjennomført etter forskrift om konsekvensutredninger. Kommunen meiner det er viktig at desse no vert gjort av ein uavhengig part som ikkje har vore del av dei tidlegare fasane av prosjektet, for å sikre at ein får objektive og gode vurderingar av konsekvensar og konfliktpotensiale, også for samla konsekvensar.

Vaksdal kommune ber om at planprogrammet supplerast med tema om klima og utslepp for å kunne gjere greie for tiltaket sine samla konsekvensar. Tilpassing for klimaendringar må også skildrast. I silingsrapporten vert ikkje verknader i høve til elva særleg mykje diskutert, og kommunen meiner dette må greiast ut særskilt. Elva er nerven i bygda, og eventuell omlegging av denne og andre verknader må greiast ordentleg ut i høve til dei to traséalternativa.

Det er særs viktig for Vaksdal kommune at prosjektet bidrar til ein forbetring i høve støy i bygda, og ikkje gjer støytilhøve verre. I planprogrammet er støy nemnt som eit prissett tema, og i silingsrapporten er støy lite omtala. Meirulempene med støy, særleg i alternativ VC11/JC1 er store, og må utgreiast særskild, og kommunen er særleg bekymra for den samla støybelastninga for alternativ der veg og bane ligg parallelt gjennom sentrum av bygda. I kart frå forventa støysituasjon i 2040 kan ein sjå at store delar av dagens sentrum ligg i raud og gul sone, og ein kan ikkje forventa at støytilhøve vil bli betre med oppgradert veg og høgare hastigheit. Saman med banestøy frå godstog og passasjertog vil dette samla bli ei større belastning for bygda enn det er i dag. Dette samsvarer heller ikkje med prosjektet sine eigne målsetningar om å skape attraktive stasjonssenter og berekraftig lokal utvikling.

Særleg for Stanghelle:

Alternativ JD3 vil gje dei fleste innbyggarane kort veg til stasjonen og bygger opp under målsetningar i kommuneplanen om redusert behov for bilbruk i bygda, og med prosjektet sine eigne målsetningar om å utvikle attraktive stasjonsbyar. I kombinasjon med at framtidig E16 vert lagt i tunnel utanom sentrum, med «endepunkt» på Helle er dette ei løysing som vil gje rom for å utvikle Stanghelle som eit attraktivt knutepunkt.

Planprogrammet må legge føringar for alternativvurdering av miljølók for stasjonsområdet, eventulet for å trekke stasjonen fram på brua over Vågen, slik at barriereverknad ved skjering vert minimert.

Den nye jernbana vil ha store verknader for bygda i anleggsfasen, og kommunen meiner det er avgjerande for bygdas innbyggarar at ein legg til rette for gode avbøtande tiltak og viser omsyn til innbyggarane på Stanghelle gjennom heile prosessen med statleg plan.

Stanghelle ligg i tilknyting til sjø og ein fjordarm, og det er svært viktig at prosjektet utgreier korleis ny stasjon og jernbane vil påverke tilgangen til strandsona og fjorden. Dette er svært viktige element i bygda, og det må sikrast god tilgang til sjø og friluftsliv. Dei naturlege naturverdiane og kvalitetane som er på Stanghelle og Helle og avbøtande tiltak for negative verknader må skildrast.

Det er viktig at prosjektet greier ut potensielle konsekvensar for barn og unge, særs i høve til barnehagen. Prosjektet må synleggjera løysingar i høve til uteareal under anleggsfasen og korleis ein kan opparbeide uteareal etter anleggsfasen, spesielt i høve til støy og tryggleik. Dersom det blir aktuelt å flytte barnehagen må prosjektet greie ut område for ny plassering av barnehagen.

Innbyggarane i Stanghelle har i 2013/14 vore gjennom ei lengre anleggsperiode med mykje støy og belastningar for enkeltmenneskjer og familiar i høve til utbetring av kryssløysingar på E16. Kommunen meiner prosjektet mågreieut konsekvensane for enkeltmenneskjer i høve til deira kvardag, psykososiale forhold og andre samfunnsmessige tilhøve.

Vaksdal kommune meiner naturverdiane på Helle må utgreiast særleg. Landskapet på Helle er sårbart, grunnforholda utfordrande og Taugåni er svært viktig gytebekk som har fått negative konsekvensar etter prøveboringar. Den midlertidige løysinga med T-kryss må ikkje bli ei permanent eller langsiktig løysing. Det må utgreiast og leggjast føresegner om alternative løysingar for dette området dersom ein ikkje startar arbeidet med veg vidare mot Voss. Dette må tydeleggjerast i reguleringsplanen.

Behandling

Vedteke mot 1 røyst (MDG).

Vedtak

Vaksdal kommune støttar Region Nordhordland sitt kandidatur til å bli eit UNESCO Biosfæreområde. Kommunen forpliktar seg, i samarbeid med dei andre kommunane i regionen, å finansiere sin rettmessige del for første fasen av biosfæreområdet si verksemd - innanfor den ramma som er sett i budsjettet for perioden 2019 – 2021.

Behandling

Endringsframlegg frå Boris Groth, FRP:

Vaksdal kommune støttar Region Nordhordland sitt kandidatur til å bli eit UNESCO Biosfæreområde.

Røysting:

Rådmannen sitt framlegg til vedtak vart sett opp mot Boris Groth sitt framlegg - Boris Groth sitt framlegg fekk 2 røyster (FRP og Anderes Jin Risnes, AP) og fall.

Vedtak

Søknad om skjenkeløyve for inneservering vert innvilga. Søknad om skjenkeløyve til uteservering vert innvilga på vilkår av at søkjar sender inn teikningar av fysisk avsperring av området for servering og godkjenning frå huseigar om uteservering på området.

Milano Pizzeria Vaksdal får innvilga skjenkeløyve for alkohol i gruppe 1,2 og 3. Skjenketid i gruppe 1 og 2 vert sett til kl. 10.00 – 02.30.

Skjenketid for alkohol i gruppe 3 vert sett frå kl. 13.00 – 02.30.

Løyvehavar er Milano Pizzeria Vaksdal org. Nr 917 124 264

Styrar for skjenkeløyvet er Halis Celep

Stedfortredar er Memet Celep

Skjenkeløyvet for inneservering er gjeldande fra 01.07.2018 t.o.m. 30.06.2020.Skjenkeløyvet for uteservering er gjeldande frå det tidspunktet vilkåra er oppfylt t.o.m. 30.06.2020.

Behandling

Endringsframlegg frå Evelyn Boge, SV:

Første setning i rådmannens framlegg til vedtak vert endra til:Søknad om skjenkeløyve for inneservering vert innvilga. Søknad om skjenkeløyve til uteservering vert innvilga på vilkår av at søkjar sender inn teikningar av fysisk avsperring av området for servering og godkjenning frå huseigar om uteservering på området.Siste setning i rådmannens framlegg til vedtak vert endra til:Skjenkeløyvet for inneservering er gjeldande fra 01.07.2018 t.o.m. 30.06.2020.Skjenkeløyvet for uteservering er gjeldande frå det tidspunktet vilkåra er oppfylt t.o.m. 30.06.2020.

Røysting:

1. Rådmannen sitt framlegg vart samrøystes vedteke

2. Evelyn Boge sitt endringsframlegg vart samrøystes vedteke

Vedtak

Kommunikasjonsstrategi for Vaksdal kommune vert vedtatt slik den ligg føre med følgjande endring:

nytt kulepunkt i punkt 4.2: Tilgjengelighet til kommunikasjon

Administrasjonen kjem attende til kommunestyret med løypemelding om korleis mål og strategi vert følgt opp og gjennomført i praksis.

Behandling

Leiar i ombodsutvalet orienterte.

Rådmannen la fram eit forslag frå Kontaktforum (rådmannen sitt jamnlege kontaktmøte med alle hovedtillitsvalde):

Nytt kulepunkt i punkt 4.2: Tilgjengelighet til kommunikasjon

Framlegg frå Kjartan Haugsnes, SV:

Administrasjonen kjem attende til kommunestyret med løypemelding om korleis mål og strategi vert følgt opp og gjennomført i praksis.

Røysting:

1. Ombodsutvalet si tilråding vart samrøystes vedteke

2. Tilleggsframleget frå rådmannen sitt kontaktforum vart samrøystes vedteke

3. Tilleggsframlegget frå Kjartan Haugsnes vart samrøystes vedteke

Behandling

Leiar i ombodsutvalet orienterte.

Samrøystes vedtak.

Vedtak

1. Reglement for kommunestyret blir oppdatert med tilsvarande føresegn som reglementa for formannskapet og utval for levekår pkt 19. når det gjeld teieplikt for folkevalte

2. Reglement for kommunestyret pkt 7.1 Open halvtime får tilført følgjande presisering:

   1. Ny andre setning: Open halvtime er publikum sin «spørretime» før det formelle kommunestyret er satt.

   2. Ny tredje setning: Saker som står på sakskartet for kommunestyret kan ikkje takast under «Open halvtime.»

3. Reglement for kommunestyret vert oppdatert med nytt pkt 7.2: Ordførarens kvarter «Etter Open halvtime gir ordføraren ei orientering om saker og prosessar som kommunestyret lyt vere kjent med. Det er ikkje høve til å stille spørsmål. Eventuelle spørsmål må avventa til uformell spørjerunde, jf pkt. 18.1.

4. Reglement for kommunestyret pkt 7.2. blir nytt punkt 7.3 og første setning endra til: Etter ordførarens kvarter gir rådmannen ei orientering om saker og prosessar av politisk og prinsipiell karakter.

5. Reglement for kommunestyret pkt 18.2 Interpellasjonar får tilført presiseringar:

   1. I nytt tredje avsnitt:Interpellasjonar vert satt på sakslista.

   2. I nytt femte avsnitt: Framsette interpellasjonar som i forkant av møtet inneheld konkrete forslag organet skal ta stilling til vert rekna som sak. Organet kan då med alminneleg fleirtal vedta å ta forslaget til votering.

   3. Nest siste setning i punkt 18.2. vert endra til: Forslag framsett i samanheng med interpellasjonen i møtet kan ikkje takast opp til votering i møtet viss ordførar eller 1/3 av dei møtande motseter seg dette, jf. Kommunelova § 34. nr 1.

Behandling

Leiar i ombodsutvalet orienterte.

Evelyn Boge la fram forslag om å utsetja saka for å avklara reglane i kommunelova.

10 røysta for utsetjingsframlegget og saka vart dermed behandla i møtet.

Kjartan Haugsnes, SV, fremja så rådmannen sitt framlegg i punkt 5 på nytt.

Røysting:

Det vart røysta punkt for punkt:

Punkt 1. Samrøystes vedteke

Punkt 2a. Samrøystes vedteke

Punkt 2b. Vedteke mot 1 røyst (FRP)

Punkt 3. Samrøystes vedteke

Punkt 4. Samrøystes vedteke

Punkt 5: Ombodsutvalet si tilråding vart sett opp mot Kjartan Haugsnes sitt framlegg: Kjartan Haugsnes sitt framlegg fekk 14 røyster: (AP (- Eirik Haga, Heidi Rongved og Brita H. Lunde), SP (- Hege Eide Vik), MDG, KRF) og vart vedteke.

Behandling

Leiar i ombodsutvalet orienterte.

Framlegg frå Tom Charles Johnsen, MDG:

Ulegitimert tapt arbeidsforteneste vert godtgjort med kr 160 pr time avgrensa oppover til kr 1 000 pr. møtedag. Timegodtgjeringa vert justert kvart år tilsvarande prosentauke i møtegodtgjersle.

Endringa gjeld med verknad frå kommunestyret sitt vedtak.

Røysting:

Ombodsutvalet sitt forslag vart sett opp framlegget frå Tom Charles Johnsen - Tom Charles Johnsen sitt framlegg fekk 2 røyster (MDG, Sigmund Simmenes, SP) og fall.

Vedtak

Vaksdal kommune tilrår deltaking i prosjekt pilot legevakt med forbehold om at piloten ikkje vil medføra auka kostnad for Vaksdal kommune, og at prosjektstyring syter for føreseieleg og likeverdig prosjektdeltaking med tilstrekkeleg drøfting og forankring.Deltaking i piloten må bidra til utvikling av ein sterk og god interkommunal legevakt som sikrar betre kvalitet på og tilgjenge til dei akuttmedisinske tenestene. Deltaking i piloten må ta omsyn til at E16 går gjennom store deler av Vaksdal kommune.

Behandling

Levekårsutvalet si tilråding vart vedteke mot 7 røyster (SV, H, FRP, MDG)

Behandling

Interpellanten fekk ordet først for å fremja interpellasjonen.

Ordføraren gav slikt svar:

Helse- og omsorgstenesta i Vaksdal tildeler tenester i tråd med gjeldande lovverk og tildelingskriterier vedtekne av Kommunestyret. Det blir gjort individuell vurdering, og det blir tatt hensyn til totalsituasjonen til brukar. Brukar sin funksjon og helsetilstand blir vurdert, og meningar og ønske blir hørt på. Ein legg vekt på tverrfagleg vurdering og involverar lege og pårørande når det trengst, når det er i samsvar med lovverk, og/eller når brukar ønskjer det.

Korleis fungerar det tverrfaglege samarbeidet for eldre i kommunen?

De aller fleste eldre i kommunen har bra helse og lever eit aktivt liv utan behov for tenester frå helse og omsorg. Reknar derfor med at spørsmålet gjeld eldre med hjelpebehov eller tenester.

Det er godt tverrfagleg samarbeid i kommunen, og det tverrfaglege teamet har blitt styrka det siste året. Tverrfaglege samarbeidsmøte er innarbeidd i form av teammøte og tverrfaglege møte på korttidsavdeling og for heimebuande. Tverrfaglege metodar er tatt i bruk, t.d. kverdagsrehabilitering. Det blir lagt til rette for brukarmedvirkning, og for at brukar skal nytta sine ressursar for å meistra dagleglivet så godt som råd.

Forvaltningskontoret skal koordinera det tverrfaglege samarbeidet for brukarar med behov for langvarige og koordinerte tenester. Det blir då oppretta ansvarsgruppe, og brukar får tilbod om individuell plan (IP).

Har kommunen tilbod til dei som fell utanfor «det etablerte tenestetilbodet». Ei meir individuell handsaming som går på den totale situasjonen til brukarane? Blir pårørande og lege involvert?

Det er alltid ei individuell vurdering som ligg til grunn for vedtak og tiltak.

Eldre blir og informerte om tiltak som faller utanom helse- og omsorgstenestene, f.eks i regi av frivillige og lag og organisasjonar, treningsgrupper m.m.

Lege og nærmaste/nære pårørande blir ofte involverte i prosessen med søknad om og tildeling av tenester. Det kan vera nødvendig for god utgreiing og vurdering av behov. Her må vi og følgja lovverk og lytta til det brukaren ønsker. Når han/ho er samtykkekompetent, er det brukaren sjølv som bestemmer kven som kan/skal involverast. Kor mange som blir involvert, har og samanheng med kompleksiteten i saka. Lege er ofte involvert og deltar på tverrfaglege møte og i ansvarsgrupper.

Kva rutinar har Vaksdal kommune for å fylgja opp varsling som kjem inn, når eldre ikkje klarar kvardagen i eigen bustad? Korleis blir dette fylgt opp?

Vi har rutinar i tråd med lovverk. Oppfølging er lagt til Forvaltningskontoret.

Dersom bekymringa gjeld brukar som alt har teneste, vert dette journalført og følgt opp. Vanlegvis ved å kontakta brukar og eventuelt foreta heimebesøk og/eller ny vurdering. Aktuelle samarbeidspartar blir kontakta ved behov, t.d. lege, anna tverrfagleg personell, spesialisthelsetenesta, pårørande.

Dersom det gjeld ein person som ikkje har teneste, blir meldinga registrert og vurdert. Ved oppfølging blir den eldre personen kontakta og får rettleiing og hjelp til å søkja om tenester dersom det er aktuelt. Aktuelle samarbeidspartar blir kontakta, og saka blir behandla.

Viss ein vurderar at personen treng nødvendig helsehjelp eller tiltak utan at han/ho sjølv ønsker det eller meiner det er nødvendig, jobbar ein med å synleggjera behovet og motivera personen til å motta helseteneste. Pasient- og brukarrettslova må følgjast, og det er strenge vilkår for å gi helsehjelp med tvang.

Det vart så opna for debatt.

Vedtak

Kommunestyret i Vaksdal vil slå fast at tilsette i Vaksdal kommune har ytringsfridom og at denne ikkje på noko vis skal avgrensast av kommuneleiinga.

Behandling

Interpellanten fekk ordet først for å fremja interpellasjonen.

Ordføraren gav slikt svar:

Ordførar er sjølvsagt einig i at ytringsfridom for tilsette i Vaksdal kommune er ein føresetnad for trygt arbeidsliv og reelt demokrati? Eg forventar at kommunalt tilsette deltar i det offentlige ordskiftet.

Ytringsfriheit er ein menneskerett. Ytringsfriheit er nedfelt i Grunnlova og i lov om menneskerettar og slår fast at alle tilsette kan uttale seg på eigne vegne.

Med utgangspunkt i Malkenes-saka, spørsmål frå varaordføraren gjengitt i VaksdalPosten og interpellasjonen frå SV har rådmannen sendt følgjande til samtlege leiarar i kommunen:

«Viss nokon opplever at forventninga om å gå tenesteveg er eit hinder av ytringsfridomen så er det ei misforståing som det er viktig å avklare:

«Ytringsfridom er ein menneskerett, den er nedfelt i Grunnlova og i lov om menneskerettar og seiar at alle tilsette kan uttale seg på eigne vegne.

Tenesteveg handlar kort sagt om tre aspekt for å skape samspel og klarheit i organisasjonen:

• Det handlar om å kunne løyse opp i ting på lågast mogeleg nivå.

• Det handlar om å skape føreseielege og klåre rammer for korleis saker skal takast opp og kommuniserast.

• Det handlar om at like saker så langt råd skal løysast likt uavhengig av kven som kjenner kven. Alt dette er viktige føresetnader for organisasjonsklarhet og eit trygt og godt arbeidsmiljø.

Nokre gonger kan ein oppleve at det er forstyrringar på kommunikasjonslinja. Då kan ein

• gå til verneombod eller tillitsvalt på lokalt nivå,

• ein kan gå til leiarnivået, tilitsvalt eller verneombod på nivået over.

• ein kan absolutt også rådføre seg med andre eller ha med seg ein støtteperson. Det er også ein del av systemet me har i kommunane.»

Eg vil gjerne at de tek det opp på arbeidsplassane og sjekkar ut om det er noko som lyt takast tak i. Problemstillingane synast vere for meg om det er noko som hindrar tilbakemeldingar, medverknad, god nok informasjon og kommunikasjon.

Me skal med jamne mellomrom minne om kva me har av rutinar, mål og verktøy og sjekke ut om dei fungerar.

Det er eit viktig leiaransvar å byggje ein kultur for dialog, openheit og tilbakemelding. Dette må me gjenta og gjenta, og me må spørje etter korleis det virkar, kva som eventuelt hindrar oss, om me gjer dei rette tinga, og så må me øve på det.

Det er ikkje sikkert at dette er ein konkret problemstilling for di eining akkurat no, men det er alltid noko å gjere for å forsterke arbeidet mot ein kultur for openheit, dialog og tilbakemeldingar.

Og dette gir eit godt høve til å minne om målet, kva tiltak me har, og sjekke ut korleis dei vert nytta.

• Me har oppdaterte varslingsrutinar

• Me har avvikssystem som er eit ledd i kvalitetsarbeidet, det ligg digitalt på Skyttelen. Det er ståande opmoding til alle om å bruke det! Det er berre gjennom å få masse avvik at me får kunnskap om kva som kan gjerast betre. Er du i tvil, meld!

• Me har arbeidsmiljøgrupper

• Me har personalmøter

• Me har forventning om å ta saker opp for å løyse dei

• Me har kommunikasjonsplan/og informasjonsstrategi som er utarbeidd.»

Ordførar opplever ikkje at desse rutinane er eit hinder for ytringsfriheit eller at det er en form for motsetning mellom å etablere rutinar for å løse problem og å kunne ytre seg fritt.

Eg har såleis ingen ting i mot at kommunestyret slår fast at tilsette i Vaksdal kommune har ytringsfridom og at denne ikkje på noko vis skal avgrensast av kommuneleiinga.

Det vart så opna for debatt.

Framlegget som låg i interpellasjonen vart samrøystes vedteke, med unntak av ordet "ettertrykkeleg".