Møte i Kommunestyret den 27.10.2020

Vedtak

Innkalling og saksliste vart godkjent.

Behandling

Samrøystes godkjend.

Vedtak

Møteprotokollen vert godkjent slik han ligg føre.

Behandling

Samrøystes godkjend.

Behandling

Kommunestyret drøfta tempoplan.

Innspel til tempoplan:

• Bruk av begrepa under arbeid/pågår og meir informasjon i kolonna Status.

• Tidfesting for forventa fullføring eller forseinking

• Strategisk næringsplan manglar informasjon om status

Innspel til områder som bør tilføyast i tempoplanen:

• Moglegheitsstudie ny barnehage på Dale

• Bruk av Dalekjellaren som fast lokale for ungdomsklubb

• Livssynsnøytralt seremonirom

• Hurtigladestasjon på Vaksdal

• Strategi bu og driveplikt

• Reglar for flaggheising

• Sentrumsplan Dale

Referatsaker og meldingar vart samrøystes tatt til orientering.

Vedtak

Handlingsprogram og økonomiplan 2021 -2024 vert vedtatt slik den ligg føre.

Før behandling i kommunestyret skal handlingsprogrammet knytta til oppvekst vert utvida med målsettingar for alle deler av oppvekst, inkludert skulehelse- og helsestasjonstibod, psykisk helsearbeid for born og unge og barnevern.

Kommunestyret ber rådmannen ta ut prosjekt bustader Jamne i økonomiplan. Kommunestyret ønskjer å sikre drift av mellom anna ungdomsklubb i framtida.

Kommunestyret ber om at det vert utarbeida sak om trong for kommunale bustader i 2021. Ei slik sak må ta omsyn til geografisk spreiing, type bustader og status for kommunale bustader i dag.

Kommunestyret ber om at handlingsplan og økonomiplan 2022 – 2025 vert handsama saman med budsjett for Vaksdal kommune 2022, hausten 2021. Handlingsplan og økonomiplan vert soleis ein del av handsaminga i formannskapet sitt budsjettseminar 2021.

Kommunestyret ber om at Rådmannen kjem tilbake med ei sak i begynnelsen av 2021, om korleis ein best mogeleg kan involvera heile kommunestyret i prosessen med handlingsprogram og økonomiplan/budsjett.

Behandling

På vegne av Sp, SV og Høgre la Kjartan Haugsnes fram følgjande fellesforslag:

Kommunestyret ber om at det vert utarbeida sak om trong for kommunale bustader i 2021. Ei slik sak må ta omsyn til geografisk spreiing, type bustader og status for kommunale bustader i dag.

Kjartan Haugsnes la også fram eit tilleggsforslag på vegne av Sp, SV og Høgre:

Kommunestyret ber om at handlingsplan og økonomiplan 2022 – 2025 vert handsama saman med budsjett for Vaksdal kommune 2022, hausten 2021. Handlingsplan og økonomiplan vert soleis ein del av handsaminga i formannskapet sitt budsjettseminar 2021.

Heidi Rongved, Ap, viste til uttale frå Eldreråd og Brukarutvalet for sjukeheimane og fremja følgjande forslag:

Eg fremmar administrasjonen sitt forslag på ny.

Lisa Johnsen Lunde, AP la fram følgjande tilleggsforslag frå Ap:

Alle representantane i kommunestyret deltar på budsjettseminaret fra 2021.

Arbeidarpartiet ved Thor Andersen ba om gruppemøte.

På vegne av Arbeidarpartiet la Ståle Hesjedal, AP følgjande tilleggsforslag

Kommunestyret ber om at Rådmannen kjem tilbake med ei sak i begynnelsen av 2021, om korleis ein best mogeleg kan involvera heile kommunestyret i prosessen med handlingsprogram og økonomiplan/budsjett.

Arbeidarpartiet sitt tilleggsforslag om at kommunestyret deltek på budsjettseminar vart trekt.

Røysting

Formannskapet si tilråding vart sett opp mot Heidi Rongved, AP sitt framlegg om å behalde rådmannen sitt framlegg til vedtak.

Formannskapet si tilråding vart vedteke med 15 stemmer, Heidi Rongved sitt forslag fekk 6 stemmer (AP) og falt.

Fellesforslaget frå Sp, SV og H vart samrøystes vedteke.

Tilleggsforslaget frå Sp, SV og H vart vedteke med 15 stemmer for og 6 stemmer mot (AP).

Arbeidarpartiet sitt tilleggsforslag vart samrøystes vedteke.

Vedtak

Kommunestyret godkjenner oppstart av bygging av ny skule på Vaksdal, og kontrakt vert signert med vald totalentreprenør.

Behandling

Heidi Rongved, AP påpeika at ho i forkant av møtet måtte be om å tilsendt meir dokumentasjon i saka, og oppmoda om at det vert lagt ved meir utfyllande informasjon for slike omfattande saker.

Rådmannen svara.

Rådmannen sitt framlegg til vedtak vart samrøystes vedteke.

Behandling

Kommunestyret drøfta saka.

Formannskapet si tilråding vart samrøystes vedteke

Behandling

Formannskapet si tilråding vart samrøystes vedteke

Behandling

Leiar i Valutvalet Kjartan Haugsnes orienterte om saka.

Valutvalet si innstilling vart samrøystes vedteke.

Vedtak

Partia viser til uttale frå Kommunal og Moderniseringsdepartementet, dagsett 23.09.2020, som mellom anna konkuderer slik i spørsmål om kven som har kompetanse til å oppnevne/velge arbeidsmiljøutval (AMU)

«På bakgrunn av dette antar departementet at det er kommunedirektøren som skal peke ut arbeidsgiverens representanter til arbeidsmiljøutvalget. Arbeidsmiljøutvalget er et administrativt organ, og kommunestyret skal ikke velge medlemmene.»

1. Kommunestyret ber rådmannen utpeike nytt arbeidsmiljøutval (AMU) som stettar krava i arbeidsmiljøloven og kommunelova frå og med 01.01.2021.
2. Kommunestyret ber rådmannen legge fram val av arbeidsmiljøutval (AMU) som melding til kommunestyret.
3. Kommunestyret ber om at det vert avhalde minimum fem møter i administrasjonsutvalet årleg og at dette vert lagt inn i framtidige møteplanar.

Behandling

Kommunestyret drøfta saka.

Arbeidarpartiet ved Thor Andersen ba om eit gruppemøte.

Fellesforslaget frå Sp,SV, Høgre og Frp vart samrøystes vedteke.

Vedtak

Vaksdal kommune vedtek å støtte arbeidet med utvikling av opplevingssenter Vaksdal Mølle, på Vaksdal med 400 000,-. Summen vert dekka ved å ta av næringsfondet.

Følgjande budsjettendring vert vedteke med sum 400 000,-:

14700.1000.1000 (tilskot)

19500.1000.1000 (finansiering)

Bruk av næringsfond kto. 251080021. (fondet)

Behandling

Kommunestyret drøfta saka.

Rådmannen sitt framlegg til vedtak vart samrøystes vedteke.

Vedtak

Vaksdal kommunestyresender følgjande høyringsuttale til søknad om riving av damTrollkjelen:

-Vaksdal kommune, ved kommunestyret, går imot at Småkraft AS får løyve til å fjerne dam Trollkjelen på Vaksdal. Kommunen er ikkje samd i konklusjonen frå Småkraft ASom at fjerning av dammen ikkje vil gje nemneverdige konsekvensar for kulturarv og landskap. Oppfatninga er derimot at skadane og ulempene knytt til desse forholda, vil vere vesentlege.

Dammen frå 1880 er eit kjent landemerke for Vaksdal, med murdam, vasspegel og fossefall. Dammen ligg sentralt til i bygda, og er godt synleg frå Trollkjelsvegen, fjorden og Bergensbana. Ei riving vil endre vassdraget sin karakter, og kommunen meiner at ein vil miste noko verdfullt i høve til landskapsbilete og lokal identitet. Ei tilbakeføring til slik elva/fossen var for 140 år sidan, vil truleg ikkje vera mogeleg eller ynskjeleg etter så lang tid.

Dammen i Trollkjelen må sjåast i samanheng med planane om å etablere eit opplevingssenter på Vaksdal Mølle, der det visuelle i historia vert essensielt for senteret og den pedagogiske formidlinga knytt til industriell produksjon av matmjøl.

Planstatus for området der dammen ligg, omfattar både kommuneplan og reguleringsplan.I kommuneplanen sin arealdelen er området omfatta av framtidig kombinert bebyggelse og anleggsføremål.Reguleringsplanen er “Vaksdal del vest”, med planid 1982002, reguleringsføremål “friluftsområde i sjø og vassdrag”. Det vert ikkje knytt særskilte merknadar i høve til planane.

Området/demningen ligg innanfor faresone for flaum.Kommunen meiner at risikoen for - og konsekvensane av - flaum grunna riving, ikkje er tilstrekkeleg vurdert. Vi ber difor om at det vert lagt fram ei vurderingom flaumvern av dagens bygningsmasse, som følgje avmogeleg riving.

Kommunestyret har ingen særskilte merknadar til konsekvensar for naturverdiar og friluftslivi området.

Vaksdal kommune meiner at sterke, ålmenne interesser, ut frå at dammen er eit gamalt og kjent landemerke på Vaksdal, med lokal identitet, industrihistorie og verdfullt landskapsbilete, må vege tungt og føre til at dammen ikkje vert riven.

Vaksdal kommunestyre har imøtet av 22.09.20 fatta vedtak omat kommunen ikkje ynskjer å ta over dam Trollkjelen på Vaksdal, jamfør tilbodet frå Småkraft AS.

Behandling

Rådmannen sitt framlegg til vedtak vart samrøystes vedteke.

Vedtak

Plan for kompetansebygging:

Kommunestyret ber rådmannen legge fram forslag til prosess for kommunestyret i februar 2021.

Behandling

Interpellanten fekk ordet først for å fremja interpellasjonen.

Ordførar gav slikt svar:

Takk for interpellasjon om korleis ta vare på, utvikle og rekruttere kompetanse i Vaksdal kommune. Ordførar vil bidra til at ein prosess med langsiktig perspektiv for dette arbeidet blir starta. Det er rift om kompetansen, og som interpellanten seier, utfordrande å rekruttere nok fagpersonell, særleg innan helse. Å ta vare på, utvikle og rekruttere kompetanse i Vaksdal heng også saman med folketalsutviklingsprosjektet. Kommunen er ein stor arbeidsgjevar i Vaksdal kommune med våre 420 tilsette i ulike stillingsbrøkar. At desse trivs og får utvikle seg skapar eit positivt omdømme. I prosessen bør me også sjå til nabokommunane våre og kva betingelsar dei tilbyr sine tilsette. Eg ser det som viktig og positivt at Vaksdal kommune aktivt posisjonerer seg som ein attraktiv arbeidsgjevar og legg konkrete planar for korleis me skal få dette til.

Det vart opna for debatt.

Interpellanten sitt forslag til vedtak vart samrøystes vedteke.

Behandling

Interpellanten fekk ordet først for å fremja interpellasjonen.

Ordførar gav slikt svar:

Takk for interpellasjon, ein breibandsplan for heile kommunen vil vera eit viktig verktøy når me skal søkja om midlar til vidare utbygging. Ein slik plan er allereie tatt inn i planprogrammet som er sendt ut på høyring. Du peikar på mange viktige moment som bør inn i planen, og eg vil bidra til at dette vert inkludert når planen vert utarbeida. Breibandsutbygging i heile Vaksdal er også ei investering i innbyggjarane våre og positiv folketalsutvikling. Breibandutbygging er viktig for både vekst og vedlikehaldsvekst i dei delane av kommunen der det er svært dårleg/manglande dekning i dag.

Det vart så opna for debatt.

Vedtak

Kommunestyret ber om at sak om Akson, felles journal for kommunale helse- og omsorgstenester, vert handsama på nytt i møte i Vaksdal kommunestyre før eventuell bindande avtale vert signert.

Behandling

Interpellanten fekk ordet først for å fremja interpellasjonen.

Etter at det er kome inn ny informasjon i saka om AKSON, fremja interpellanten nytt forslag til vedtak:

Kommunestyret ber om at sak om Akson, felles journal for kommunale helse- og omsorgstenester, vert handsama på nytt i møte i Vaksdal kommunestyre før eventuell bindande avtale vert signert.

Ordførar gav slikt svar:

Takk for interpellasjon. 23. juni gjorde kommunestyret eit intensjonsvedtak. Allereie då var uvissa om kostnadane ved dette felles journalsystemet store, noko som motiverte oss til å ta inn ein ekstra setning i vedtaket, ei oppmoding til staten om å ta meir enn 15,9 % av utgiftene. I sommar og i haust har det kome fram nye opplysningar i saka, som skildra i interpellasjonen. Brevet frå Bent Høie som ligg som referatsak i dag viser til at om lag 66% av kommunane utanom Midt-Norge har signert. Eg meiner kommunestyret må få ny sak til handsaming der nye opplysningar er tatt inn og vurdert før me forpliktar oss endeleg, slik at kommunestyret kan ta stilling til om me framleis, med ny kunnskap, har dei samme intensjonane som i juni om å slutte oss til Akson.

Det vart opna for debatt.

Interpellanten trakk forslag til vedtak og det vart stemt over SV sitt framlegg til vedtak, som vart samrøystes vedteke.