Møte i Formannskap/plan- og økonomiutvalet den 23.11.2021

Behandling

Samrøystes godkjent.

Behandling

Samrøystes godkjent.

Vedtak

Formannskapet si innstilling til kommunestyret:

Tertialrapport 2 vert godkjent slik den ligg føre.

Dei som kvalifiserer, og oppfyller vilkåra for økonomisk stønad til livsopphald i desember, og søker mellom 23.11.21 til 20.12.21, vil få innvilga 1000,- i ytterlegare bidrag for desember.

Tiltaket vert finansiert frå disposisjonsfondet.

Behandling

Formannskapet stilte spørsmål til tertialrapporten.

Økonomisjef Kenneth Stokke svarte.

På vegner av Sp,SV og H la Kjartan Haugsnes, SV fram følgjande tilleggsforslag:

Dei som kvalifiserer, og oppfyller vilkåra for økonomisk stønad til livsopphald i desember, og søker mellom 23.11.21 til 20.12.21, vil få innvilga 1000,- i ytterlegare bidrag for desember.

Tiltaket vert finansiert frå disposisjonsfondet.

Kommunedirektøren sitt vedtak vart samrøystes vedteke.

Tilleggsforlsaget frå Sp, SV og H vart samrøystes vedteke.

Vedtak

Formannskapet si innstilling til kommunestyret:

1. Vaksdal kommune vedtek at BIR Privat AS vert delegert fullmakt til fakturering og innkreving av avfallsgebyret på vegne av Vaksdal kommune, jfr § 12 i Forskrift om håndtering av avfall fra husholdning. Avfallsgebyret tilhøyrar Vaksdal kommune.

2. Prisen på renovasjonstenesten for 2022 vert sett opp med 15,0%, med unntak av eigenandelen for levering til gjenvinningsstasjonane og enkelte tenester utanfor standard renovasjon. Desse vert uendra.

Kommunalt påslag vert sett til kr 0,- for 2022.

Vaksdal kommune vedtar avfallsgebyr i henhold til følgjande vedlegg:

Pristabell renovasjonsgebyr Vaksdal Kommune 2022

Behandling

Heidi Rongved, Ap stilte spørsmål ved sin habilitet i saka, som vara i styret. Formannskapet vedtok samrøystes at Heidi Rongved er ugild i medhald av fv.l. § 6 e), verv i styret for gjeldande verksemd.

Formannskapet drøfta saka.

Kommunedirektøren sitt framlegg til vedtak vart samrøystes vedteke

Vedtak

Formannskapet si innstilling til kommunestyret

1. Kommunestyret godkjenner årsbudsjett 2022 og økonomiplan 2022-2025 for Vaksdal kommune slik det ligg føre med spesifikasjon av drifts- og investeringsbudsjett. Kommunedirektøren får fullmakt til å fordele nettoramma innafor tenesteområda, og kan gjere budsjettendringar innafor områda som ein del av den løpande drifta som ikkje er av prinsipiell karakter.

2. Skatt på inntekt og formue vert skriven ut etter dei til kvar tid gjeldande reglar.

3. I medhald av eigedomsskattelova § 2 og §3a vert det skrive ut eigedomsskatt på faste eigedomar i heile kommunen i 2022. Alminneleg eigedomsskattesats vert sett til 7 promille i 2022 med unntak av eigedomsskatt for bustad- og fritidseigedomar som vert sett til 4,0 promille. Botnfrådrag for bustaddelen på eigedomar vert sett til kr 0,-. Reduksjonsfaktor på 30 % er tatt inn. For kraftanlegg vert § 8B i eigedomsskattelova lagt til grunn. For eigedom eigd av stiftingar og institusjonar med allmennyttig formål, som er ført opp på eigedomsskattekontoret si liste av 26.02.2010, vert det i medhald av § 7a gjeve fritak for eigedomsskatt. Fritak vert gjeve i 10 år for nye bygningar som heilt eller delvis vert nytta til husvære jf §7c. Eigedomsskatten for 2022 forfell til betaling i 4 terminar saman med kommunale avgifter.

4. Kommunestyret godkjenner ei investeringsramme på kr 87.400.000,.- i 2022. Kommunedirektøren får fullmakt til å oppta nye lån innafor ei total låneramme på kr 60.170.000,-, og i tillegg får Kommunedirektør fullmakt til låneopptak i Husbanken av kr 2.000.000,- til vidare utlån av formidlingslån i 2022. Alle lån i kommunen sin låneportefølje kan refinansierast i budsjettåret 2022. Kommunedirektøren har i samsvar med finansreglementet fullmakt til å godkjenne mogeleg refinansiering av låna og lånevilkåra.

5. Kommunedirektør får fullmakt til å redigere, rette feil og innarbeide kommunestyret sine vedtekne framlegg. Ajourført budsjettdokument vert lagt fram for Formannskapet.

6. Gebyr og betalingssatsar etter «Vedlegg – betalingssatsar 2022» vert godkjent. Nye betalingssatsar og avgifter vert gjort gjeldande frå 01.01.2022, med mindre lov eller forskrift set andre fristar.

7. Lokal forskrift om gebyr for sakshandsaming vert vedtatt med heimel i plan- og bygningslova § 33-1, matrikkelova § 32, eigarseksjonslova §§ 7, 14 og 15, ureiningslova § 52a, hamne og farvasslova §§ 6 og 25 samt forvaltningslova § 27a jf forskrift om gebyr for handsaming av konsesjonssaker. Forskrifta ligg som vedlegg til Årsbudsjett 2022 og vert å kunngjere lokalt.

8. Feie- og tilsynsgebyr for 2022 vert fastsett med heimel i lov av 14.juni 2002 nr. 20 om Brannvern, § 28.

9. Vass- og avlaupsgebyr for 2022 vert fastsett med heimel i Lov om kommunale vass- og avlaupsanlegg (§3), Forskrift om begrensning av forureining (§16) og Forskrift om vass- og avlaupsgebyr i Vaksdal kommune.

10. Slamtømmegebyr for 2022 vert vedteke i medhald av Forureiningslova §26.

11. Fastsetjing av eigenandeler for 2022 for kommunale helse og omsorgstenester i og utanfor institusjon vert fastsett i samsvar med Forskrift om egenandel for kommunale helse- og omsorgstjenester. Kommunedirektøren får fullmakt til å gjera unntak frå satsane når særlege tilhøve gjer seg gjeldande.

12. Det kommunale skatteøyret vert vedteke i tråd med nivå i statsbudsjettet kvart år.

13. Overføring til Vaksdal Kyrkjelege Fellesråd for 2022 vert sett til 3.850.000,-, utanom bevilgningar i investeringsbudsjettet.

Behandling

Formannskapet drøfta saka.

Både posisjon og opposisjon vil leggja fram eigne forslag til budsjett 2022 når kommunestyret skal behandle saka i møte 14. desember 21.

Økonomisjef Kenneth Stokke svarte på spørsmål.

Kommunedirektøren sitt framlegg til vedtak vart samrøystes vedteke.

Vedtak

Formannskapet si innstilling til kommunestyret:

Økonomireglementet for Vaksdal kommune vert vedtatt slik det ligg føre.

Kommunestyret ber om at det vert utarbeida eit nytt økonomireglement for Vaksdal Kommune, som er oversiktleg og konkret. Reglementet skal implementerast i høve budsjettprosessen 2022.

1. Formålet med reglementet skal vere å greie ut hovedreglane for kommunen sin økonomiske styring, utan å gjenta loven i for stor grad. Reglementet skal bidra til ein effektiv og forsvarleg økonomiforvaltning, dokumentere viktige økonomirutinar og sikre at dei folkevalde får eit tilfredstillande avgjerdsgrunnlag.

2. I prosessen med utarbeiding bør ein hente inspirasjon i frå andre kommunar, og gjere vurderingar av kva økonomireglementet skal regulere i forhold til andre reglement, for å sikre at kommunen har ein heilskap i sine reglement.

3. Reglement for innkjøp skal innlemmast i økonomireglementet når det er ferdigstilt.

Oversendingsforslag til kommunedirektøren frå formannskapet:

Formannskapet ber om at det blir gjort følgande endringar i økonomireglementet før behandling i kommunestyret:
1. Tertialrapport skal presenterast i oktober.
2. Tertialrapporten skal innehalde økonomisk oversikt §5-6 med avvik per tertial og prognose per post.
3. I budsjettet skal det budsjetterast med realistiske, forventa renteinntekter.

Behandling

Formannskapet drøfta saka.

Økonomisjef Kenneth Stokke svarte på spørsmål.

På vegner av SV, Sp og Høgre la Erlend Hesjedal-Johannessen fram følgjande oversendingsforslag:

Formannskapet ber om at det blir gjort følgande endringar i økonomireglementet før behandling i kommunestyret:
1. Tertialrapport skal presenterast i oktober.
2. Tertialrapporten skal innehalde økonomisk oversikt §5-6 med avvik per tertial og prognose per post.
3. I budsjettet skal det budsjetterast med realistiske, forventa renteinntekter.

På vegner av SV, Sp og Høgre la Erlend Hesjedal-Johannessen fram følgjande forslag til vedtak

Økonomireglementet for Vaksdal kommune vert vedtatt slik det ligg føre.

Kommunestyret ber om at det vert utarbeida eit nytt økonomireglement for Vaksdal Kommune, som er oversiktleg og konkret. Reglementet skal implementerast i høve budsjettprosessen 2022.

1. Formålet med reglementet skal vere å greie ut hovedreglane for kommunen sin økonomiske styring, utan å gjenta loven i for stor grad. Reglementet skal bidra til ein effektiv og forsvarleg økonomiforvaltning, dokumentere viktige økonomirutinar og sikre at dei folkevalde får eit tilfredstillande avgjerdsgrunnlag.

2. I prosessen med utarbeiding bør ein hente inspirasjon i frå andre kommunar, og gjere vurderingar av kva økonomireglementet skal regulere i forhold til andre reglement, for å sikre at kommunen har ein heilskap i sine reglement.

3. Reglement for innkjøp skal innlemmast i økonomireglementet når det er ferdigstilt.

Kommunedirektøren sitt framlegg til vedtak vart samrøystest vedteke.

Oversendingsforslag frå SV, Sp og Høgre vart vedeke med 6 stemmer, mot 1 stemme (Thor Andersen (Ap).

Fellesforslaget frå SV,Sp og Høgre vart samrøystes vedteke.

Vedtak

Formannskapet si innstilling til kommunestyret:

Vaksdal kommunestyre godkjenn framlegget til Finansreglement frå 2021. Nytt reglement gjeld inntil det vert endra i ny sak. Finansreglementet vert lagt fram for godkjenning i kvar valperiode.

Behandling

Formannskapet drøfta saka.

Økonomisjef Kenneth Stokke svarte på spørsmål.

Kommunedirektøren sitt framlegg til vedtak vart samrøystes vedteke.