Møte i Bygdeutviklingsutvalet den 16.11.2021

Vedtak

Innkalling og saksliste vert godkjent.

Behandling

Ståle Hesjedal, Ap ba om at utvalet drøfta alle søknadene samla før ein gjorde vedtak i kvar einskild tilskotssak. Utvalet valde å gjere drøftinga under referatsak 20/2021.1 samla oversyn over søknader til bygdeutviklingsutvalet i 2021.

Innkalling og saksliste vart samrøystes godkjend.

Behandling

Kommunalsjef Åse Elin Myking orienterte om referatsak 20/2021.2.

Utvalet drøfta referatsak 20/2021.1 samla oversyn over søknader til bygdeutviklingsutvalet. Utvalet gjekk gjennom tilskotssøknader frå sakslista og vurderte desse mot kvarandre.

Referatsaker og meldingar vart samrøystes teke til orientering.

Vedtak

Gåsedammens Venner, v/ Jostein Birkeland, får tildelt inntil kr. 30 000,- i bygdeutviklingsmidlar til opprusting og tilrettelegging av parken ved Gåsedammenfor lokal/ålmenn bruk. Løyvinga utgjer 67 % av søknadssummen.

Tilskotet skal nyttast til innkjøp av benker, bord, grill og utstyr til tennisbana i samsvar med søknaden.

Vedtaket er fatta med bakgrunn i Bygdeutviklingsutvalet sine «Retningsliner for tilskot til bygdeutvikling».Løyvinga skal takast frå utvalet sine tilgjengelege midlar for 2021.

Tilskotet vert betalt ut når sluttrapport med kostnadsdokumentasjoen ligg føre.

Tiltaket skal rapporterast innen tre veker etter gjennomføring.

Løyvinga gjeld for 2 år, frå og med vedtaksdato. Etter dette vert tilskotet trekt attende.

Behandling

Utvalet drøfta søknaden.

Edvin Hesjedal, H la fram følgjande alternative forslag:

Foreslår å fullfinansiere prosjektet med kr 45000,- med bakgrunn i stort område aktuelt for mykje folk, med svært varierte aktivitetar inkludert tennis. Tennisbane finn ein berre ein anna stad i kommunen.
Vert finansiert med kutt i andre søknader

Kommunedirektøren sitt framlegg til vedtak vart sett opp mot Edvin Hesjedal, H sitt framlegg til vedtak.

Kommunedirektøren sitt framlegg til vedtak vart vedteken med 3 stemmer (Arne Normann, Krf, Ståle Hesjedal, Ap og Line Eide Vik, Sp mot 2 stemmer(Edvin Hesjedal, H og Mona Grenasberg, SV).

Vedtak

Eldrerådet i Vaksdal kommune og pensjonistforeiningane på Dale og Vaksdal får løyvd inntil 32000kr til vøle av turvegen mellom Dalegarden og Johagen.

Vedtaket er fatta med bakgrunn i «Retningsliner for tilskot til bygdeutvikling». Løyvinga skal takast frå utvalet sine tilgjengelege midlar for 2021.

VILKÅR:

• Eventuell søknadsplikt etter plan- og bygningslova må avklarast før gjennomføring.

• Samtykke frå grunneigar må liggje føre før oppstart.

Tilskotet vert betalt ut på bakgrunn av sluttrapport med kostnadsdokumentasjon.

Sluttrapport skal sendast til kommunen innan tre veker etter at tiltaket er gjennomført.

Løyvinga gjeld for 2 år frå og med vedtaksdato. Etter dette vert tilskotet trekt attende. Det kan søkjast om utsett frist.

Behandling

Mona Grenasberg stilte spørsmål ved sin habilitet i saka, då ho er medlem i Eldrerådet som er ein av to søkjarar. Utvalet vedtok samrøystes at Mona Grenasberg er ugild i medhald av fv.l. § 6 2. ledd, særeigne forhold.

Utvalet drøfta saka.

Ståle Hesjedal, Ap la fram følgjande alternative forslag:

Eldrerådet i Vaksdal kommune og pensjonistforeiningane på Dale og Vaksdal får løyvd inntil 32000kr til vøle av turvegen mellom Dalegarden og Johagen.

Kommuneidirektøren sitt framlegg til vedtak, vart sett opp mot Ståle Hesjedal sitt framlegg til vedtak.

Ståle Hesjedal, Ap sitt vedtak vart samrøystes vedteke.

Vedtak

Foreininga “Straume Ungdomshus” får tildelt inntil kr. 50 000,- i bygdeutviklingsmidlar til å dekkje utgifter ved utskifting av taket på Straume Ungdomshus.

Løyvinga utgjer 26 % av søknadssummen på kr. 188 032,-, og 18 %av dokumentertekostnadar på
kr. 276 282,-.

Vedtaket er gjort med bakgrunn i «Retningsliner for tilskot til bygdeutvikling». Løyvinga skal takast frå utvalet sine tilgjengelege midlar for 2021.

Tilskotet vert betalt ut til “Straume Ungdomshus” sin bankkonto på bakgrunn av dokumentasjonen i søknaden.

Behandling

Arne Normann stilte spørsmål ved sin habilitet i saka, som far til leiar for styret til Straume ungdomshusUtvalet vedtok samrøystes at Arne Normann er ugild i medhald av fv.l. § 6

Utvalet drøfta saka.

Kommunedirektøren sitt framlegg til vedtak vart samrøystes vedteke.

Vedtak

Stamnes Idrettslagfår tildeltinntil kr. 22 000,- i bygdeutviklingsmidlar til å utvikle aktivitets- og klatreparken i Kulshamarane på Stamnes.Løyvinga utgjer 64 % av søknadsbeløpetpåkr. 34 273,-.

Vedtaket er fatta med bakgrunn i «Retningsliner for tilskot til bygdeutvikling». Løyvinga skal takast frå utvalet sine tilgjengelege midlar for 2021.

Det vert sett følgjande vilkår for tildeling av midlar.

• Eventuell søknadsplikt etter plan- og bygningslova må avklarast før gjennomføring.

• Løyve frå grunneigar må liggje føre.

Tilskotet vert betalt ut på bakgrunn av sluttrapport med kostnadsdokumentasjon, tilsvarande tilskotsbeløpet. Kostnadane må vere knytt til tiltak i søknaden. Delutbetaling kangjennomførast på førespurnad.

Sluttrapport skal sendast til kommunen innan tre veker etter at tiltaket er gjennomført.

Løyvinga gjeld for 2 år frå og med vedtaksdato. Etter dette vert tilskotet trekt attende. Det kan søkjast omutsett arbeidsfrist.

Behandling

Utvalet drøfta saka.

Edvin Hesjedal, H sitt framlegg til vedtak som var ført inn i møteportalen vart ikkje lagt fram i saka, men trekt tilbake.

Kommunedirektøren sitt framlegg til vedtak vart samrøystes vedteke.

Vedtak

Eidslandet Grendalag får tildelt inntil kr. 20 000,- i bygdeutviklingsmidlar for innkjøp av utstyr til fritidsaktivitetar for barn og unge på Eidslandet.

Vedtaket er fatta med bakgrunn i «Retningsliner for tilskot til bygdeutvikling». Løyvinga skal takast frå Bygdeutviklingsutvalet sine tilgjengelege midlar for 2021.

Løyvinga utgjer 76 % av søknadsbeløpet på kr 26 104,-. Tilskotet vert betalt ut etter motteken sluttrapport med kostnadsdokumentasjon. Utgiftene må vere knytt til budsjetterte kostnadar i søknaden.

Løyvinga gjeld for 2 år frå og med vedtaksdato. Etter dette vert midlane trekte attende. Det kan søkjast omutsett frist for gjennomføring

Behandling

Utvalet drøfta saka.

Edvin Hesjedal, H sitt framlegg til vedtak som var ført inn i møteportalen vart ikkje lagt fram i saka, men trekt tilbake.

Kommunedirektøren sitt framlegg til vedtak vart samrøystes vedteke.

Vedtak

Stamnes Idrettslag får tildelt inntil 31.500kr til innkjøp av materiell/utstyr for å utvikle tilbodet knytt til “Allaktivitetshuset” på Stamnes.

Vedtaket er fatta med bakgrunn i «Retningsliner for tilskot til bygdeutvikling». Løyvinga skal takast frå utvalet sine tilgjengelege midlar for 2021

Tilskotet er knytt til innkjøp av utstyr til utvikling av café, ungdomsklubb, sykkelverkstad og klatrevegg.

Tilskotet vert betalt ut etter sluttrapport med kostnadsdokumentasjon, tilsvarande tilskotsbeløpet. Delutbetaling kan gjerast på førespurnad.

Det vert sett følgjande vilkår for løyvinga:

• Utgiftene må vere i tråd med søknaden.

• Tilskotet kan ikkje nyttast til driftsutgifter eller innkjøp av mat-/salsvarer.

Løyvinga gjeld for 2 år frå og med vedtaksdato. Etter dette vert tilskotet trekt attende. Det kan søkjast om utsett frist.

Behandling

Utvalet drøfta saka.

Ståle Hesjedal, Ap la fram følgjande alternative forslag:

Stamnes Idrettslag får tildelt inntil 31.500kr til innkjøp av materiell/utstyr for å utvikle tilbodet knytt til “Allaktivitetshuset” på Stamnes.

Edvin Hesjedal, H sitt framlegg til vedtak som var ført inn i møteportalen vart ikkje lagt fram i saka, men trekt tilbake.

Ståle Hesjedal sitt framlegg til vedtak vart samrøystes vedteke.

Vedtak

Bygdeutviklingsutvalet løyver inntil 14500kr i bygdeutviklingsmidlar til Stanghelle ungdomsklubb (SUK) org.nr. 993876313, for innkjøp av data- og gamingutstyrtil bruk på klubbkveldar og andre arrangement.

Vedtaket er fatta med bakgrunn i «Retningsliner for tilskot til bygdeutvikling». Løyvinga skal takast frå utvalet sine tilgjengelege midlar for 2021.

Løyvinga gjeld for 2 år frå og med vedtaksdato. Etter dette vert midlane trekt attende. Det kan søkjast om utsett frist for gjennomføring.

Behandling

Utvalet drøfta saka.

Ståle Hesjedal, Ap la fram følgjande alternative forslag:

Bygdeutviklingsutvalet løyver inntil 14500kr i bygdeutviklingsmidlar til Stanghelle ungdomsklubb (SUK) org.nr. 993876313, for innkjøp av data- og gamingutstyrtil bruk på klubbkveldar og andre arrangement.

Ståle Hesjedal sitt framlegg til vedtak vart samrøystes vedteke.

Behandling

Utvalet drøfta saka.

Ståle Hesjedal, Ap la fram følgjande alternative forslag:

Farfars Reklamebyrå får ikkje tilskot til trykking av boka "Pollerudane" då dette fell utanfor bygdeutviklingsmidlane sine retningsliner

Kommunedirektøren sitt framlegg til vedtak vart sett opp mot Ståle Hesjedal, Ap sitt framlegg til forslag. Ståle Hesjedal sitt framlegg til vedtak vart samrøystes vedteke.

Vedtak

Bygdeutviklingsutvalet løyver inntil kr.10 000,- i bygdeutviklingsmidlar til Stølsvegen Venelag, org. nummer 819407592, for innkjøp og oppsetjing av informasjonstavler ogskilt langs buførevegen til Yksendalstølen i Eksingedalen.

Løyvinga utgjer 50 % av søknadsbeløpet på kr. 20 000,- og 12 % av “godkjend kostnad” på kr. 85 000,- eks. mva.

Vedtaket er fatta med bakgrunn i «Retningsliner for tilskot til bygdeutvikling». Løyvinga skal takast frå utvalet sine tilgjengelege midlar for 2021.

Tilskotet vert betalt ut på bakgrunn av sluttrapport med kostnadsdokumentasjon, og vert knytt til tiltak i søknaden.

Sluttrapporering skal sendast til kommunen innan tre veker etter at tiltaket er gjennomført.

Løyvinga gjeld for 2 år frå og med vedtaksdato. Etter dette vert tilskotet trekt attende. Det kan søkjast omutsett arbeidsfrist.

Behandling

Utvalet drøfta saka.

Kommunedirektøren sitt framlegg til vedtak vart samrøystes vedteke.

Vedtak

Det vert halde eit møte i BU i siste del av januar der retninglinjer for tildeling av BU midlar vert tema. Utvalet ber om at eit justert forslag til retningslinjer vert lagt fram møtet. Forslaget vert så send til KS for endeleg vedtak.

Behandling

Kommunalsjef Åse Elin Myking orienterte om saka.

Utvalet drøfta søknadsordninga.

På vegner av utvalsmedlemmene la Edvin Hesjedal, H fram følgjande forslag til vedtak:

Det vert halde eit møte i BU i siste del av januar der retninglinjer for tildeling av BU midlar vert tema. Utvalet ber om at eit justert forslag til retningslinjer vert lagt fram møtet. Forslaget vert så send til KS for endeleg vedtak.

Fellesforslaget vart samrøystes vedteke.

Vedtak

Utvalet kjem med forslag til innspel i møtet som vert halde i januar.

Behandling

Utvalsleiar orienterte om saka.

Utvalet drøfta saka.

På vegner av utvalsmedlemmene la Edvin Hesjedal, H fram følgjande forslag til vedtak:

Utvalet kjem med forslag til innspel i møtet som vert halde i januar.

Fellesforslaget vart samrøystes vedteke.