Møte i Formannskap/plan- og økonomiutvalet den 20.04.2021

Behandling

Thor Andersen, Ap, ba om protokollmerknad til ettersendte saker. Partia har behov for å drøfte sakene internt før dei vert behandla politisk. Det vert vanskeleg når saksdokumenta kjem seint.

Innkalling og saksliste vart samrøystes godkjent.

Behandling

Samrøystes teke til orientering.

Vedtak

Formannskapet si innstilling til kommunestyret:

Vaksdal kommune kjøper områda i Svena, gbnr 17/12 i Vaksdal.

Behandling

Kjartan Haugsnes, SV la fram følgjande forslag til vedtak:

Vaksdal kommune kjøper områda i Svena, gbnr 17/12 i Vaksdal.

Formannskapet drøfta saka.

Kommunedirektør Atle Fasteland og kommunalsjef for samfunnsutvikling Helge Berset svarte på spørsmål.

Kommunedirektøren sitt framlegg til vedtak vart sett opp mot SV sitt framlegg til vedtak.

SV sitt framlegg til vedtak fekk 4 stemmer (Hege Eide Vik, SP, Kjartan Haugsnes, SV, Thor Andersen, Ap og Heidi Rongved, AP) og vart vedteken.

Kommunedirektøren fekk 3 stemmer (Amalie Johnsen Lunde, H, Erlend Hesjedal-Johannessen, H og Boris Groth, Frp) og falt.

Vedtak

Formannskapet si innstilling til kommunestyret:

Vaksdal kommunestyre sender følgjande høyringsuttale til oppstart av planarbeid og planprogram for interkommunal plan for sjøområda i Nordhordland:

• Vaksdal kommune ser det som positivt at sjøområda i Nordhordland vert heilskaplegvurderte gjennom denne interkommunale planen, og at FN sine berekraftsmål er i fokus for planarbeidet. Dette vert ytterlegare styrka gjennom Nordhordland sin nye status som UNESCO biosfæreområde.

• Planarbeidet bør vurdere aktuelle område for utfylling i sjø med tanke på etablering av nye potensielle bustad- og næringsareal.

• Planarbeidet bør så langt det er mogleg, tilstrebe å samordna arealbruk, føresegnerog omsynssoner med dei andre kommunane som deler same fjordsystem.

• Kommuneplan for Vaksdal dannar grunnlag for arbeidet med Vaksdal kommune sine sjøareal.

• Planen bør ta høgde for ein eventuell auka bruk av sjøareala til turistformål, jf.ynskjer om oppstart av nye båtruter i reiselivssamanheng, samt moglege cruiseanløp.

• Viktige leve- og oppvekstområde for fisk og dyr må ivaretakast av planen.

• Planen må vurdere sjøareal tilknytt maritime kulturminne. Planen må sikra tilstrekkelege areal, men ikkje bandlegge areala på ein slik måte at dei hindrar framtidig bruk.

Behandling

Kommunedirektøren sitt framlegg til vedtak vart samrøystes vedteke.

Vedtak

Med heimel i pbl § 19-2 vert det gjeve dispensasjon frå områdereguleringsplan for Stanghelle vest og Tettaneset, Planid. 2015002, § 1.2.7 på følgjande vilkår:

• Turstien mellom utbyggingsområdet og eksisterande ballbane skal rustast opp slik at den fungerer som ein god kommunikasjons- og turveg mellom dei nye bustadene og ballbana

• Eksisterande ballbane skal rustast opp og setjast i stand, og det skal tilførast minst eit nytt aktivitetstilbod eller leikeapparat ved ballbana (til dømes bordtennisbord)

• Rekkefølgjekravet vert utløyst frå og med utbygging av bustad nr. 45 i planområdet

Behandling

Formannskapet drøfta saka.

Kommunalsjef for samfunnsutvikling Helge Berset svarte på spørsmål.

Formannskapet la fram følgjande tilleggsforslag:

Formannskapet ber om at det i byggesak, vert etablert leikeareal med apparat for dei minste borna, i nærleik til bustadane.

Kommunedirektøren sitt framlegg til vedtak vart samrøystes vedteke.

Fellesforslaget frå formannskapet vart samrøystes vedteke.

Vedtak

1. Stamnes idrettslag får leige barnehagebygget i Grupevegen på Stamnes med ei tidsavgrensing på eit år

2. Vaksdal kommune lagar, i samarbeid med Stamnes idrettslag, ein leigeavtale som omtalar kostnadar og rammer

3. Kommunedirektøren legg fram ei sak om avhending av barnehagebygget våren 2022

Behandling

Ordførar Hege Eide Vik stilte spørsmål ved sin habilitet i saka då hennar mann er nestleiar i idrettslaget, som er part i saka. Formannskapet vedtok samrøystes at Hege Eide Vik er ugild i medhald av fv.l. § 6 2. ledd, ugild pga. særskilde forhold.

Trond Olav Magnussen, H stilte som vara for ordførar i saka. Varaordførar Kjartan Haugsnes tok over rolla som møteleiar.

Thor Andersen la fram følgjande forslag til vedtak:

Formannskapet får saken til behandling når forslag til utleieavtale og kostnader for Vaksdal kommune er beregnet.

Formannskapet drøfta saka.

Kommunedirektør Atle Fasteland svarte på spørsmål

Kommunedirektøren sitt framlegg til vedtak vart sett opp mot Thor Andersen sitt framlegg til vedtak.

Kommunedirektøren sitt framlegg fekk 5 røyster (SV,H,Frp) og vart vedteken. Thor Andersen sitt framlegg fekk to røyster (Ap) og falt.

Vedtak

1. Eigar gbnr 77/1, Helge Terje Fosse, får kroner 200.000 i kompensasjon for vårfloren som vart riven i samband med bygginga av Bergsdalen skule.

2. I avtale mellom Vaksdal kommune og Bergsdalen bygdelag vert det gjort følgjande endringar:

1. Siste setning, merka i kursiv i punktet under, skal takast vekk:
   3.3 a - Rett til bruk av areal til parkeringsplass for Bergsdalen Ungdomslag
   Bergsdalen Ungdomslag har blitt gitt rett til å benytte plassen foran «Ungdomshuset» som parkeringsplass ved arrangementer i Ungdomslagets regi. Denne retten skal fortsette uten adgang til oppsigelse frem til Ungdomslaget selv enten frafaller den, eller de ikke lenger benytter «Ungdomshuset» til/i sin virksomhet. Ungdomslaget skal varsle ny eier av Eiendommen når de har behov for å benytte seg av arealet til parkering, senest ______ dager før bruken skal skje

2. Presisering av 2 punkt i avtale mellom kommune og ny eigar:

   1. Eigar av gbnr 77/24 (skuletomta) har gjerdeplikt.

   2. Eigar av gbnr 77/25 (vegen opp til skulen) har vedlikehaldsplikt av vegen.

3. Ved kompensasjon for vårflor og ved overdraging av skule vert det sett som vilkår at eigar av gbnr 77/1 har, i samband med arbeid på jordbrukseigedomen rett til å køyre over skuleplassen fram til og med 15.oktober 2024.

Behandling

Boris Groth, Frp, stilte spørsmål ved sin habilitet i saka, då mor er leiar i Bergsdalen bygdelag som er part i saka. Formannskapet vedtok samrøystes at Boris Groth er ugild i medhald av fv.l. § 6 2. ledd. ugild pga særeigne forhold.

Trond Olav Magnussen, H stilte som vara for Boris Groth, Frp i saka.

Kommunedirektøren tilrådde at orienteringa vert halde i lukka møte, jamfør offentleglova §23 1. ledd, unntak av omsyn til det offentlege sin forhandlingsposisjon m.m.

Formannskapet vedtok samrøystes at orientering og drøfting vart halden i lukka møte, men at røysting av framlagde vedtak vart halde i ope møte.

Møtet vart deretter lukka.

Kommunedirektøren orienterte om saka.

Formannskapet drøfta saka.

Møtet vart deretter opna for publikum og presse.

Kommunedirektøren sitt framlegg til vedtak vart samrøystes vedteke.